ಅಪೊಸ್ತಲರ್‌ನು ಕಾಮ್‌ಖ್ಹಾರು 16:6 - ದೇವ್ನಿ ಖ್ಹಾಚಿ ವಚನ್

⁶ ಏಷ್ಯಾ ಮುಲಕ್‌ಮ ಪೌಲ ಇವ್ಣೆಖ್ಹಾರು ಸುವಾರ್ತೆನ ಬೋಲಿನ್ ನಾ ವತಾಳ್ಣುಕರಿ ಪವಿತ್ರಾತ್ಮನೆ ಖ್ಹಮ್‍ಜಾ಼ಡಿರಾಖ್ಯೊಥೊ. ಇನಖ್ಹಾಜೆ ಇವ್ಣೆ ಫ್ರಿಜಿಯ, ಅಜು಼ ಗಲಾತ್ಯ ತಬರ್‌ಖಾನಿ ವಾಟೆ ಗಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:6 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:19

ಪೇತ್ರ ದರ್ಶನ್ನಿ ಬಾರೇಮ ಬಿಜೂ಼ಬಿ ಸೋಚುಕರಾನಿ ವಖ್ಹತ್‌ಮ ಪವಿತ್ರಾತ್ಮನೆ ಇನ, ಸೀಮೋನ ತೀನ್ ಅದ್ಮಿ ತುನ ಢೂಂಡ್‌ತುಹುಯಿನ್ ಐರ‍್ಹೂಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:12

ಪವಿತ್ರಾತ್ಮನೆ ಮನ ಬೋಲ್ಯೊ ಗುಮಾನಿ ನಾಕರ‍್ನುತೆ ಇವ್ಣಿ ಜೋ಼ಡ್ಮ ಜಾ಼ ಕರಿ ಬೋಲ್ಯೊ. ಆ ಛೋ಼ ಜ಼ಣ ಭೈಯೇ ಮಾರಿಜೋ಼ಡ್ಮ ಆಯಾ ಹಮೆ ಕೊರ್ನೆಲ್ಯನ ಘರೆಗಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:7

ಪೌಲ ಅಜು಼ ತಿಮೊಥೆ ಇವ್ಣೆ ಮುಸಿಯ ನಂಗರ‍್ನ ಖನ್ನೆ ಗಯ. ತದೆ ಇವ್ಣೆ ಬಿಥೂನ್ಯ ನಂಗರ್‌ಮ ಜಾ಼ವ್ಣು ಕರಿ ಥಾ. ಕತೋಬಿ ಯೇಸುನ ಆತ್ಮನೆ ಹಿಜ್ಜಾ಼ಬಿ ಜಾ಼ವಾನ ಕೊ ಮ್ಹೆಲ್ಯುನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:23

ಪೌಲನೆ ಅಂತಿಯೋಕ್ಯಮ ಥೋಡದನ್ ರ‍್ಹೀನ್ ಫಾಚೊ಼ ಹಿಜ್ಜಾ಼ಥು ನಿಕ್ಳಿನ್ ಗಲಾತ್ಯಬಿ ಫ್ರಿಜಿಯ ತಬರ್‌ಖಾಮ ಫರ್ತೊಹುಯಿನ್ ಹಿಜ಼್ಜಾನ ವಿಶ್ವಾಸಿಖ್ಹಾರನ ಘಟ್‍ಥಿ ಭೀರಾಖ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:10

ಅಮ್ಮಸ್ ಬೇ ವರಖ್ಹ್ ನಿಕ್ಳಿಗಯ. ಏಷ್ಯಾಮ ಜಿವ್ಣು ಕರುಕರ್ತುಥೂತೆ ಖ್ಹಾರು ಯೆಹೂದ್ಯರ್‌ಬಿ ಗ್ರೀಕ್‌ವಾಳುಬಿ, ಪ್ರಭುನಿ ಉಪದೇಶ್‍ನ ಖ್ಹಮ್‌ಜ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:16

ಪೌಲನೆ ಪಂಚಶತ್ತಮ ಪೂಜಾ಼ನ ದನ್ನ ಯೆರೂಸಲೇಮ್ಮ ರ‍್ಹೇವ್ಣುಕರಿ ಉತ್ವಾಳಿ ಕರುಕರ್ತೊಥೋತೆ ಇನಖ್ಹಾಜೆ ಏಷ್ಯಾ ತಬರ್‌ಖಾಮ ದನ್ ಕಾಡನ ಇಷ್ಟಕೊಂತೆ ಎಫೆಸ ಖ್ಹಯೇರ‍್ನ ಮ್ಹೇಲಿನ್‌ ಜಾ಼ವಾನ ಖ್ಹೂಜ಼್‌ಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:28

ಇನಖ್ಹಾಜೆ ತುಮಾರಿ ಬಾರೇಮಾಬಿ ಪವಿತ್ರಾತ್ಮನೆ, ತುಮೂನ ದೆಖಾವಾನ ದೀರಾಖ್ಯೋತೆ ಮೇಂಢಾನಿ ಮಂಧಾನಿ ಬಾರೇಮಾಬಿ ಹೊಷಾರ್‌ಥಿ ರ‍್ಹವೊ. ಅಜು಼ ಸಬೆನ ತುಮೆ ಕುರುಬಹುಯಿರ‍್ಹಾಸ್. ಶನಕತೊ ದೇವ್ ಇನ ಛಿಯ್ಯಾನ ಲ್ಹೋಯಿಥಿ ಮೋಲ್ ಲೀರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:4

ತದೆ ಇನಿ ಜೋ಼ಡೆ ಬೆರೋಯಖ್ಹಯೇರ‍್ನೊ ಪುರ‍್ರನೊ ಛಿಯ್ಯೊ ಸೋಪತ್ರಾಬಿ, ಥೆಸಲೋನಿಕ ಖ್ಹಯೇರ‍್ನೊ ಅರಿಸ್ತಾರ್ಕ, ಅಜು಼ ಸೆಕುಂದ, ದರ್ಬೆ ಖ್ಹಯೇರ‍್ನೊ ಗಾಯ ಅಜು಼ ತಿಮೊಥೆ, ಯೋ ಕಾಹೆತೆ ಏಷ್ಯಾನ ತಬರ್‌ಖಾಮ ತುಖಿಕಬಿ, ತ್ರೊಫಿಮಾಬಿ, ಏಷ್ಯಾ ತಬರ್‌ಖಲಗೂಬಿ ಇನ ಜೋ಼ಡೆಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:27

ಯೊ ಖ್ಹಾತ್‍ದನ್ ಖ್ಹತಮ್ ಹುವಾನಿ ವಖ್ಹತ್‌ಮ ಏಷ್ಯಾ ತಬರ್‌ಖಾಥು ಆಯಿರ‍್ಹುಥೂತೆ ಯೆಹೂದ್ಯರ್‌ನೆ ಪೌಲನ ದೇವ್ನಿಮಂದಿರ್‌ಮ ದೇಖಿನ್, ಝೂ಼ಂಡ್‌ ಭರೈರ‍್ಹುಥೂತೆ ಅದ್ಮಿಖ್ಹಾರಾನ ಎಕ್ಕೋಸ್ಏಕ್‌ ಕರಿನ್ ಇನ ಧರೀನ್,

ಅಪೊಸ್ತಲರ್‌ನು ಕಾಮ್‌ಖ್ಹಾರು 6:9

ಕತೋಬಿ ‘ಛುಟ್ಕಾರ್‌ ಹುಯಿರಾಸ್‌’ ಕರಿ ಸಬೇನು ಸಬೆವಾಳು ಕುರೇನ್ಯವಾಳು, ಅಜು಼ ಅಲೆಕ್ಸಾಂಡ್ರಿಯವಾಳು, ಯೆಹೂದ್ಯರ್‌ಖ್ಹಾರು ಇವ್ಣೆ ಅಜು಼ ಥೋಡು ಕಿಲಿಕ್ಯ ಅಜು಼ ಏಷ್ಯಾ ತಬರ್‌ಖಾನು ಯೆಹೂದ್ಯರ್ ಉಠೀನ್ ಸ್ತೆಫನನಿ ಜೋ಼ಡ್ಮ ಅಬ್ಬಾಜ಼ಬ್ಬಿ ಬೋಲಲಗ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:29

ಪವಿತ್ರಾತ್ಮನೆ ಫಿಲಿಪ್ಪನ ‘ತೂ ಯೋ ರಥ್‌ನ ಖನ್ನೆ ಜೈ಼ನ್ ಇನಿ ಜೋ಼ಡ್ಮಾಸ್ ಚಾ಼ಲ್’ ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:5

ಅತ್ರೇಸ್‍ಕಾಹೆತೆ ಇವ್ಣ ಘರ್ಮ ಎಕ್ಟುಹುಯಿನ್ ಆವಾತೆ ಸಬೆವಾಳನಾಬಿ ಮಾರಿ ಖ್ಹಲಾಮ್ ಖ್ಹಮ್‍ಜಾ಼ಡೊ. ಏಷ್ಯಾ ತಬರ್‌ಖಾಮ ಕ್ರಿಸ್ತನ ಪೀಛೆಜಾ಼ವಾಳಮ ಫೈಲೆನೊ ಮಾರೊ ಪ್ಯಾರ್‌ನೊ ದೋಸ್ ಎಫೈನೆತನಾಬಿ ಮಾರಿ ಖ್ಹಲಾಮ್ ಖ್ಹಮ್‍ಜಾ಼ಡೊ.

1 ಕೊರಿಂಥ 12:11

ಕತೋಬಿ ಆ ಖ್ಹಾರೀಸ್‍ ವರಾನ ಎಕ್ಕಸ್‍ಜ಼ಣೊ ಆತ್ಮ ಇನಿಖ್ಹೂಜ಼್‍ನಿಘೊಣಿ ಅಲಕ್ ಅಲಕ್ ಜ಼ಣಾನ ಭಾಗ್‌ ಪಾಡಿದೇಸ್.

1 ಕೊರಿಂಥ 16:1

ದೇವ್ನ ಅದ್ಮಿನಖ್ಹಾಜೆ ಪೈಶ ಜ಼ಮ ಕರಾನಿ ಬಾರೇಮ ಮೇ ಗಲಾತ್ಯನಿ ಅಖ್ಖಿ ಸಬೆನ ಬೋಲ್ಯೊತೆ ಇಮ್ಮಸ್ ತುಮೇಬಿ ಕರೊ.

1 ಕೊರಿಂಥ 16:19

ಏಷ್ಯಾನಿ ತಬರ್‌ಖಾನಿ ಸಬೆವಾಳು ತುಮೂನ ಖ್ಹಲಾಮ್ ಕರಿ ಬೋಲಿರಾಖ್ಯುಸ್. ಅಕ್ವಿಲ ಅಜು಼ ಪ್ರಿಸ್ಕಿಲ್ಲನು ಘರ್‌ನು ಸಬೇಥು ಪ್ರಭುನ ನಾಮ್‍ಥಿ ತುಮೂನ ಘಣು ಖ್ಹಲಾಮ್ ಕರಸ್.

2 ಕೊರಿಂಥ 1:8

ಭೇನೆ ಭೈಯೇವೊ, ಹಮೆ ಏಷ್ಯಾ ತಬರ್‌ಖಾಮ ಖ್ಹಮಾಳ್ಯಾತೆ ಖ್ಹತಾಪ್ಣಿನಿ ಬಾರೇಮ ತುಮೂನ ಮಾಲುಮ್‌ಪಡಾದೆ ಕರಿ ಹಮಾರಿ ಖ್ಹಯಾಲ್ ಹುಯಿರಿಸ್, ಹಿಜ್ಜಾ಼ ಹಮೂನ ಕೈಏಕ್ ಮೋಟಿ ಖ್ಹೂಜ಼್‍ಥಿ. ಯೋ ಖ್ಹೂಜ಼್‌ಖ್ಹಾರಿ ಹಮಾರಿ ಶೊಂತ್ ಶಕಥ್ಥಿಬಿ ಘಣುಥು. ಜಾನ್‍ಖ್ಹಮೇದ್ ಬಚಾ಼ನಿ ವಿಶ್ವಾಸ್‌ ಹಮೆ ಮ್ಹೆಲಿದಿದ.

ಗಲಾತ್ಯ 1:2

ಅಜು಼ ಮಾರ ಜೋ಼ಡ್ಮ ಛಾ಼ತೆ ಅಖ್ಖಾಸ್ ವಿಶ್ವಾಸಿಯೇಬಿ ಗಲಾತ್ಯಮ ರ‍್ಹವಾನಿ ಸಬೇವ್‌ನ ಲಿಖಾನು ಶಾತ್‌ಕತೊ:

ಗಲಾತ್ಯ 3:1

ಅಲ ಅಕ್ಕಲ್‌ಕೊಂತೆ ಗಲಾತ್ಯವಾಳ, ತುಮುನ ಮಂಕ್ ‌ಕೋಣ್‌ಕರ‍್ಯು? ಯೇಸು ಕ್ರಿಸ್ತ ಶಿಲ್‌ಬೇಪರ್ ಜಾನ್‌ಮ್ಹೆಲ್ಯೊತೆ ಯೊ ತುಮಾರ ಡೋಳಾನ ಖ್ಹಾಮ್ಣೆ ಛೋ಼ಡಿವತಾಳ್ಯುನಿ!

2 ತಿಮೊ 1:15

ಏಷ್ಯಾ ತಬರ್‌ಖಾನು ತಮಾಮ್‌ ಅದ್ಮಿ, ಮನ ಹಾತ್ ಮ್ಹೆಂದಿದು ಕರಿ ಬೋಲಾನು ತುನ ಮಾಲುಮ್‌. ಇವ್ಣಾಮ ಫುಗೇಲಬಿ ಅಜು಼ ಹೇರ್ಮೋಗೇನ್‌ ಮಳಿರ‍್ಹಾಸ್.

2 ತಿಮೊ 4:10

ದೇಮಾನೆ ಆ ಜಗತ್ನ ಪ್ಯಾರ್ ಕರ‍್ಯೊ. ಅಜು಼ ಮನ ಮ್ಹೆಂದಿನ್ ಥೆಸಲೋನಿಕನ ಚ಼ಲೆಗಯೊ. ಕ್ರೆಸ್ಕ ಗಲಾತ್ಯನ ಅಜು಼ ತೀತನೆ ದಲ್ಮಾತ್ಯನ ಚ಼ಲೇಗಯ.

ಇಬ್ರಿ 11:8

ವಿಶ್ವಾಸ್‌ಥೀಸ್ ದೇವ್ನೆ ವಾಗ್ದಾನ್ ಕರ‍್ಯೊತೆ ದೇಖ್ಹ್‌ನ ಇನೆ ಲೀಲೇವ್ಣುಕರಿ ಅಬ್ರಹಾಮ್‌ನೆ ವಿಧೇಯ ಹುವಾಳೊ ಹುಯಿನ್ ಯೋ ಹಕ್‌ಥಿ ಲೇವ್ಣುಥೂತೆ ದೇಖ್ಹ್‌ನ ನಿಕ್ಳಿಗಯೊ. ಇನೆ ಕಿಜ್ಜಾ಼ ಜಾ಼ವ್ಣುಕರಿ ಸೋಚ್ಯೊ ಕೊಯ್ನಿತೇಬಿ ಚ಼ಲೆಗಯೊ.

1 ಪೇತ್ರ 1:1

ಯೇಸು ಕ್ರಿಸ್ತನೊ ಅಪೊಸ್ತಲ ಹುಯಿರ‍್ಹೋತೆ ಪೇತ್ರನೆ ಪೊಂತ, ಗಲಾತ್ಯ, ಕಪ್ಪದೋಕ್ಯ ಏಷ್ಯಾ ಬಿಥೂನ್ಯ ಕರಿ ತಬರ್‌ಖಾಮ ಛಿಡ್‍ಕೈಗಾತೆ ಪರೈದೇಖ್ಹ್‌ಮ ಜಿವ್‌ಕರಾತೆ ದೇವ್ನ ಅದ್ಮಿವ್‍ನ ಕತೊ,

ಪ್ರಕಾಶಿತ್ 1:11

ಯೋ ಅವಾಜ಼್‌ನೆ, ತೂ ದೇಖಾನು ಏಕ್‌ ಪುಸ್ತಕ್‌ಮ ಲೀಖಿನ್ ಎಫೆಸ, ಸ್ಮುರ್ನ, ಪೆರ್ಗಮ, ಥುವತೈರ, ಸಾರ್ದಿಸ್, ಫಿಲಿಡೇಲ್ಫಯ, ಲವೊದಿಕೀಯ, ಕರಿ ಖ್ಹಾತ್ ಸಬೆವ್‍ನ ಮೋಕಲ್ನುಕರಿ ಬೋಲ್ಯು.

ಪ್ರಕಾಶಿತ್ 1:4

ಯೋಹಾನನೆ ಏಷ್ಯಾ ತಬರ್‌ಖಾಮ ರ‍್ಹವಾಳಿ ಖ್ಹಾತ್ ಸಬೆನ ಶಾತ್‌ ಲೀಖುಕರಾಸ್‌ಕತೊ, ರ‍್ಹವಾಳೊ ಅಜು಼ ಅಗ್ಗಳ್‌ಥೋತೆ, ಖ್ಹಾಮ್ಣೆ ಆವವಾಳೊ, ಇನೇಥಿ ಅಜು಼ ಇನು ಸಿಂಹಾಸನ್ನ ಖ್ಹಾಮ್ಣೆಛಾ಼ತೆ ಖ್ಹಾತ್ ಆತ್ಮಥಿ ಅಜು಼ ಯೇಸು ಕ್ರಿಸ್ತಥಿ ವಾರ್‌ಖ್ಹೊಬಿ ಸಮಾಧಾನ್‍ಬಿ ಮಳಾದೆ.