ಅಪೊಸ್ತಲರ್‌ನು ಕಾಮ್‌ಖ್ಹಾರು 16:22 - ದೇವ್ನಿ ಖ್ಹಾಚಿ ವಚನ್

²² ತದೆ ಅದ್ಮಿಖ್ಹಾರು ಪೌಲಬಿನ್ ಸೀಲನ ವಿರೋದ್ ಹುಯಿರ‍್ಹುಥು ತದೆ ಅದಿಕಾರಿನೆ ಪೌಲ ಸೀಲನ ಲುಂಗ್ಡಾವ್‍ನ ಫಾಡಿನ್ ಇವ್ಣ ಭೇಜ಼ಣಾನ ಲಠ್ಠೇಥಿ ಜಾ಼ಖ್ಹತ್ ಮಾರ್ ದೇವಾಡ್ಣುಕರಿ ಹುಕುಮ್‌ಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:22 ပူးပေါင်းရင်းမြစ်များ

ಮತ್ತಾಯ 10:17

ಅದ್ಮಿನಿ ಬಾರೇಮ ಜ಼ತನ್ ರ‍್ಹವೊ, ಶನಕತೊ ಇವ್ಣೆ ತುಮೂನ ಧರೀನ್, ನ್ಯಾವ್ ಕರಾನಿ ಸಭೆಮ ಖೇಚಿಲಿಜಾ಼ಶೆ, ಅಜು಼ ಇವ್ಣಿ ಸಬೆ ಭರಾವಾನು ಮಂದಿರ್‌ಮ ತುಮೂನ ಕೊಳ್ಡೇಥಿ ಮಾರ್‌ಶೆ.

ಮತ್ತಾಯ 27:26

ತದೆ ಪಿಲಾತನೆ ಬರಬ್ಬಾನ ಇವ್ಣುನ ಮ್ಹೇಲಿದಿದೊ, ಅಜು಼ ಯೇಸುನ ಕೊಳ್ಡೇಥಿ ಮರೈನ್, ಶಿಲ್‌ಬೆಪರ್ ನಾಖಾನ ದಿನಾಖ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:11

“ಇವ್ಣೆ ತುಮೂನ, ಸಭೆ ಭರಾವನು ಮಂದಿರ್‌ಮ ರ‍್ಹವೊ, ಅದಿಕಾರಿಕನ ರ‍್ಹವೊ, ರಾಜ್ಯಪಾಲ್‌ಕನ ರ‍್ಹವೊ, ರಾಜ಼್‌ಭಾರ್‌ ಚ಼ಲಾವವಾಳ ಖ್ಹಾಮ್ಣೆ ರ‍್ಹವೊ ಖೇಚಿಲಿಗಯೂತೆ, ಇವ್ಣುನ ಶಾತ್‌ ಜವಾಬ್‌ ದೇವ್ಣು, ಕಿಮ್ ಬೋಲ್ನುಕರಿ ವೇಚ಼್‌ಣೆ ನಕೊ ಕರ್ಶು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:37

ಪೌಲನೆ ಇನ, “ಹಮೆ ಕರ‍್ಯಾತೆ ಖರಾಬ್ ಕಾಮ್ ಶಾತ್‌ಕರಿ ಬೋಲ್ಯೊಕೊಂತೆ; ಹಮೂನ ಅಖ್ಖಾನ ಖ್ಹಾಮ್ಣೆ ಮಾರಿನ್ ಜೇಲ್‌ಮ ಘಲಾಯು; ಹಮೆ ರೋಮ್‍ನ ಪ್ರಜೇಸ್ ಹಮ್ಕೆ ಹಮೂನ ಲಪಾಡಿನ್ ಭಾರ್‌ ಮೋಕ್ಲಸ್‍ಕೀ ಶು? ಇಮ್‌ ನಾಹೋಣು; ಯೋಸ್ ಐನ್ ಹಮೂನ ಭಾರ್‌ ಬುಲೈಲಿ ಜಾ಼ವ್ಣು.” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:5

ಕತೋಬಿ ನಂಬ್ಯುಕೊಂತೆ ಯೆಹೂದ್ಯಖ್ಹಾರು ಬಳಾಪೊ ಕರ‍್ಯು. ಇವ್ಣೆ ಖ್ಹಯೇರ್‌ಮ ಥೂತೆ ಥೋಡ ಖರಾಬ್ ಅದ್ಮಿವೋನ ಪೈಶಾದೀನ್ ಬುಲೈಮಂಗೈನ್‌ ಗಮ್ಮ ಗಲಾಟ್ ಕರೈನ್, ಪೌಲಬಿನ್ ಸೀಲನ ಖ್ಹಯೇರ‍್ನ ಸಭೆನ ಖ್ಹಾಮ್ಣೆ ಲೀನ್‍ ಆವ್ಣುಕರಿ ಯಾಸೋನನ ಘರ್‌ನ ಘೇರ್ತುಹುಯಿನ್ ಆಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:12

ಗಲ್ಲಿಯೋಕರಿ ಏಕ್‍ಜ಼ಣೊ ಅಖಾಯ ಮುಲಕ್‌ನೊ ರಾಜ್ಯಪಾಲ್ ಹುಯಿರ‍್ಹವಾನ ಖ್ಹಾಜೆ ಯೆಹೂದ್ಯರ್ ಪೌಲನಿ ವಿರೋದ್ ಎಕ್ಟುಹುಯಿನ್ ಇನ ಧರಿನ್ ನ್ಯಾವ್ನಿಝ಼ಗೊ ಲೀನ್‌ಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:40

ಅಪೊಸ್ತಲರ‍್ನ ಬುಲೈಮಂಗೈನ್‌, ಮಾರ್‌ಖಡೈನ್‌, ಯೇಸುನು ನಾಮ್‍ಲೀನ್ ವಾತೆ ನಕೊಬೋಲ್‍ಶು ಕರಿ ಹುಕುಮ್‌ ದೀನ್ ಇವ್ಣುನ ಮ್ಹೇಲಿದಿದು.

2 ಕೊರಿಂಥ 6:5

ಜೇಲ್‌ಮಾಬಿ, ಲಡೈಮಾಬಿ, ಖ್ಹತಾಪ್ಣಿನ ರಬೇಡ್‍ಮಾಬಿ, ನಿಂದರ್‌ ಖರಾಬ್ ಹುಯ್ಗಿತೋಬಿ, ಪಟ್ನಿರ‍್ಹಯೊತೋಬಿ, ಘಣಿ ಸಮಾಧಾನ್ನ ವತಾಳಿಲಿದ.

1 ಥೆಸ 2:2

ಹಮೆ ತುಮಾರಕನ ಥೆಸಲೋನಿಕಮ ಆವಾನ ಅಗಾಡಿಸ್, ಫಿಲಿಪ್ಪಿ ಖ್ಹಯೇರ್‌ಮ ಹಮೂನ ಕೆತ್ರೆ ಖ್ಹತಾಯು ಅಜು಼ ಖ್ಹರಮ್‌ ಕಾಡ್ಯು ಕರಿ ತುಮೂನ ಮಾಲುಮ್ ಛಾ಼. ಹಿಜ್ಜಾ಼ ಎತ್ರೆ ವಿರೋದ್ ಕರ‍್ಯುತೋಬಿ ತುಮೂನ ಸುವಾರ್ತೆನ ಬೋಲಾನಟೇಕೆ ಅಪ್ಣೊ ದೇವ್ನೆ ಹಮೂನ ಭಾಲಿದಿದೊ.

ಇಬ್ರಿ 11:36

ಬಿಜು಼ ಥೋಡುಜ಼ಣು ಚಿಂಘಾವ್ಣಿ, ಕೊಲ್ಡೇಖ್ಹು, ಬೇಡಿ ಘಲೈನ್ ಜೇಲ್‌ಮ ರ‍್ಹಯು.

1 ಪೇತ್ರ 2:24

ಅಪ್ಣೆ ಅಪ್ಣ ಪಾಪ್ನ ಭಾಗ್ನ ಮರೀನ್ ನೀತಿವಾಳ ಹುಯಿನ್ ಬಚಾ಼ನಿತರ ಅಪ್ಣ ಪಾಪ್ನ ಯೋಸ್ ಇನ ಶರೀರ್‌ಪರ್‌ ಢೊಯ್ಲಿನ್ ಶಿಲ್‌ಬೆಪರ್ ಮರಿಗೊ. ಇನ ಘಾವ್‍ಥಿ ತುಮುನ ಅಛ್ಛು಼ಹುಯು.