ಅಪೊಸ್ತಲರ್‌ನು ಕಾಮ್‌ಖ್ಹಾರು 15:40 - ದೇವ್ನಿ ಖ್ಹಾಚಿ ವಚನ್

⁴⁰ ಪೌಲನೆ ಇನಜೋ಼ಡೆ ಸೀಲನ ಬುಲೈಲಿನ್ ಗಯೊ. ಅಂತಿಯೋಕ್ಯನ ಭಯೇಖ್ಹಾರಾನೆ ಪೌಲನ, ಪ್ರಭುನ ವಾರ್‌ಖ್ಹೇಥಿ ಹಿಜ್ಜಾ಼ಥು,

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:40 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:22

ತದೆ ಅಪೊಸ್ತಲರ್‌ಬಿ ಸಬೆನ ಗಲ್‌ಢಖ್ಹಾರಾಬಿ ಬಿಜು಼ ಸಬೇನು ಖ್ಹಾರೂಸ್, ಪೌಲ ಬಾರ್ನಬನಿ ಜೋ಼ಡೆ ಇವ್ಣಮಾಥುಸ್ ಥೋಡುಅದ್ಮಿನ ಚೂ಼ಣಿನ್ ಅಂತಿಯೋಕ್ಯ ಖ್ಹಯೇರ‍್ನ ಮೋಕಲ್ನುಕರಿ ತೀರ್ಮಾನ್ ಕರ‍್ಯು. ಇನಖ್ಹಾಜೆ ಬಾರ್ಸಬ ಕರಿ ಬೋಲೈರ‍್ಹೋತೆ ಯೂದನಾಬಿ, ಸೀಲನಾಬಿ ಚೂ಼ಣಿನ್,ಯೋ ಖ್ಹಾರಾನ ಮುಖ್ಯಖ್ಹಾರು ಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:26

ಹಿಜ್ಜಾ಼ಥು ಇವ್ಣೆ ಸಿರಿಯ ಅಂತಿಯೋಕ್ಯನ ದರ‍್ಯಾವ್‍ನ ಮಾರಗ್‍ಥಿ ಗಯ. ಹಜ಼್ಜಾಲಗು ಇವ್ಣೆ ಕರೀನ್ ಖತಮ್‍ ಕರ‍್ಯಾತೆ ಸೇವೆನ ಕಾಮ್ನಖ್ಹಾಜೆ, ಇವ್ಣುನ ದೇವ್ನೆ ವಾರ್‌ಖ್ಹೊಕರೀನ್ ಮೋಕ್‍ಲ್ಯುಥೂತೆ ಕಾಮ್ ಆಸ್ ಖ್ಹಯೇರ್‌ಮ ಪೂರ ಹುಯೂತೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:23

ಬಾರ್ನಬ ಅಂತಿಯೋಕ್ಯನ ಪೋಚಾ಼ನಿವಖ್ಹತೆ ದೇವ್ನ ಅದ್ಮಿವೋನ ವಿಶ್ವಾಸ್ ಭಡಾವ್ತೊ ಹುಯಿನ್ ಪ್ರಭುಮ ಹುಮ್ಮಖ್ಹ್‌ ಕರಾಯೊ.

1 ಕೊರಿಂಥ 15:10

ಕತೋಬಿ ಮೇ ಕೆಥ್ರಾನವಾಳೊ ಹುಯಿರ‍್ಹೋಥೊಕಿ ಯೊ ದೇವ್‌ನೊ ವಾರ್‌ಖ್ಹೊಸ್ ಹುಯಿರುಸ್. ಮನಹುಯುತೆ ಇನೊ ವಾರ್‌ಖ್ಹೊ ಬಿಣ್‌ಫಾಯಿದೊ ಹುಯುಕೋಯ್ನಿ. ಮೇ ಇವ್ಣ ಅಖ್ಖೇಥೀಸ್ ಕೆತ್ರೇಕ್ಕಿ ಜಾ಼ಖ್ಹತ್ ವಾಖ್ಯೊಕರ‍್ಯೊ. ಕತೋಬಿ ಮ್ಹಿನತ್ ಕರ‍್ಯೊತೆ ಮೇಸ್ ಕಾಹೆ ದೇವ್ನಿ ವಾರ್‌ಖ್ಹೇಥಿಸ್ ಹುಯು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:15

ಹಜ್ಜಾ಼ ಮಾರ ಜೋ಼ಡ್ಮ ರ‍್ಹವವಾಳು ಖ್ಹಾರೂಸ್ ತುನ ತೋಬ ಕರುಕರಸ್. ಕ್ರಿಸ್ತಮ ವಿಶ್ವಾಸ್‌ ಮ್ಹೇಲಿರಾಖ್ಯಾತೆ ಹಮೂನ ಪ್ಯಾರ್‌ ಕರಾವಾಳ ಖ್ಹಾರಾನ, ಹಮೆ ತೋಬಕರಿ ಬೋಲ್ಯ ಕರಿ ಬೋಲ್. ದೇವ್ನಿ ಕೃಪೆ ತುಮಾರ ಖ್ಹಾರಾನ ಜೋ಼ಡೆ ರ‍್ಹವಾದೆ.

2 ತಿಮೊ 4:22

ಪ್ರಭು ತಾರ ಆತ್ಮನಿ ಜೋ಼ಡೆ ರ‍್ಹವಾದೆ. ಇನಿ ವಾರ್‌ಖ್ಹೊ ತುಮಾರ ಖ್ಹಾರಸ್‌ಪರ್ ರ‍್ಹವಾದೆ.

2 ಕೊರಿಂಥ 13:14

ಅಪ್ಣೊ ಪ್ರಭು ಹುಯಿರೋತೆ ಯೇಸುಕ್ರಿಸ್ತನಿ ಕೃಪೆಬಿ ದೇವ್ನಿ ಪ್ಯಾರ್‌ಬಿ, ಪವಿತ್ರಾತ್ಮನಿ ಲಾಡ್‌ಬಿ ತುಮಾರ ಖ್ಹಾರಾಸ್‍ನಿ ಜೋ಼ಡ್ಮ ರ‍್ಹವಾದೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:32

“ಮೇ ಹಮ್ಕೆ ತುಮೂನ ದೇವ್‍ನಾಬಿ ಇನ ವಾರ್‌ಖ್ಹಾನಿ ವಚನ್ನಾಬಿ ದೆವುಕರೂಸ್. ಯೊ ತುಮಾರಮ ಭಕ್ತಿನ ಭಡಾವನಾಬಿ, ಪರಿಶುದ್‌ಥಿ ತುಮೂನ ಹಕ್ನ ದ್ಯವಾನಾಬಿ ಶಕತ್‌ವಾಳೊ ಹುಯಿರೋಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:32

ಯೂದ ಬಿಜು಼ ಸೀಲಬಿ ಪ್ರವಾದಿ ಹುಯಿರ‍್ಹಥಾತೆಖ್ಹಾಜೆ ಇವ್ಣಿ ಕೈಯೆಕ್ಕಿ ಥರಾನಿ ವಾತೆ ಖ್ಹಮ್‌ಜಿನ್‌ ಭೇನೆ ಭೈಯೇವ್‌ಖ್ಹಾರಾನ ಹಿಮ್ಮತ್‌ ಆಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:3

ಇನಖ್ಹಾಜೆ ಸಬೆವಾಳು ಉಪವಾಸ್ ರ‍್ಹೀನ್ ಪ್ರಾರ್ಥನೆ ಕರಿನ್ ಬಾರ್ನಬ ಸೌಲನ ಉಪ್ಪರ್ ಹಾತ್‍ಮ್ಹೇಲಿನ್‍ ಇವ್ಣುನ ಬೋಲಿ ಮೋಕ್‍ಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:19

ಯೋ ದೆಖ್ಯೊತೆ ದಾಸಿನೊ ಯಜಮಾನ್ನೆ ರಪ್ಯ ಕಮಾವನು ಉಷೆ ಕೊಯ್ನಿಕರಿ ಮಾಲುಮ್ ಕರಿಲಿನ್, ಪೌಲನಾಬಿ ಸೀಲನ ನಂಗರ‍್ನ ನ್ಯಾವ್ನ ಅದಿಕಾರಿಕನ ಖೇಚಿಲಿಗು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:4

ಇವ್ಣಾಮ ಥೋಡಜ಼ಣು ದೇವ್ನು ಭಕ್ತರ್‌ ಹುಯಿರುತೆ ಗ್ರೀಕ್‌ನು ಮೋಟು ಝೂ಼ಂಡ್‌ ಅಜು಼ ಮುಖ್ಯ ತಯೇಡಾಮ ಕೈಯೆಕ್‍ಜ಼ಣಿ ಪೌಲ ಅಜು಼ ಸೀಲಾನಿ ಜೋ಼ಡೆ ಮಳಿಗಯು.