ಅಪೊಸ್ತಲರ್‌ನು ಕಾಮ್‌ಖ್ಹಾರು 15:25 - ದೇವ್ನಿ ಖ್ಹಾಚಿ ವಚನ್

²⁵ ಇನಖ್ಹಾಜೆ ಹಮೆಖ್ಹಾರಾಸ್ ಎಕ್ಟಹುಯಿನ್ ಥೋಡಜ಼ಣಾನ ಚೂ಼ಣಿನ್ ಪ್ಯಾರ್‌ನ ಭೈಯೆ ಪೌಲ, ಬಾರ್ನಬನ ಜೋ಼ಡ್ಮ ತುಮಾರಕನ ಮೋಕ್ಲು ಕರಿಯೇಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:25 ပူးပေါင်းရင်းမြစ်များ

2 ಪೇತ್ರ 3:15

ಅಪ್ಣೊ ಪ್ರಭುನಿ ದೀರ್ಘಶಾಂತಿ ಅಪ್ಣ ಬಚಾ಼ಡನ ಖ್ಹಾಜೆಸ್‌ಕರಿ ಮಾಲುಮ್‌ಕರಿಲೆವೊ. ಅಪ್ಣೊ ಪ್ಯಾರ್‌ನೊ ಭೈ ಹುಯಿರ‍್ಹೋತೆ ಪೌಲಜಿನು ದೇವ್ನೆ ದಿದೊತೆ ಗ್ಯಾನ್ನಿ ಪರಕ್ಮ ತುಮೂನ ಲೀಖಿರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:22

ತದೆ ಅಪೊಸ್ತಲರ್‌ಬಿ ಸಬೆನ ಗಲ್‌ಢಖ್ಹಾರಾಬಿ ಬಿಜು಼ ಸಬೇನು ಖ್ಹಾರೂಸ್, ಪೌಲ ಬಾರ್ನಬನಿ ಜೋ಼ಡೆ ಇವ್ಣಮಾಥುಸ್ ಥೋಡುಅದ್ಮಿನ ಚೂ಼ಣಿನ್ ಅಂತಿಯೋಕ್ಯ ಖ್ಹಯೇರ‍್ನ ಮೋಕಲ್ನುಕರಿ ತೀರ್ಮಾನ್ ಕರ‍್ಯು. ಇನಖ್ಹಾಜೆ ಬಾರ್ಸಬ ಕರಿ ಬೋಲೈರ‍್ಹೋತೆ ಯೂದನಾಬಿ, ಸೀಲನಾಬಿ ಚೂ಼ಣಿನ್,ಯೋ ಖ್ಹಾರಾನ ಮುಖ್ಯಖ್ಹಾರು ಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:2

ಪೌಲ, ಬಾರ್ನಬನೆ ಆ ಉಪದೇಶ್‍ನ ವಿರೋದ್ ಕರಿನ್ ಇವ್ಣಿಜೋ಼ಡೆ ಅಬ್ಬಾಜ಼ಬ್ಬಿ ಬೋಲ್ಯ. ಆ ವಿವಾದ್ನಿ ಬಾರೇಮ ಅಪೊಸ್ತಲರ‍್ನಿ ಜೋ಼ಡೆ ಬಿಜು಼ ಗಲ್‌ಢಾವ್‌ನಿಜೋ಼ಡೆ ವಾತ್‍ಚೀತ್‍ ಕರಾನ ಪೌಲ,ಬಾರ್ನಬ ಬಿಜು಼ ಅಲಕ್‍ ಥೋಡಜ಼ಣಾನ ಯೆರೂಸಲೇಮ್ನ ಮೋಕ್ಲಾನ ಸಬೆವಾಳು ನಿರ್ಧಾರ್ ಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:14

ಇವ್ಣೆ ಅಖ್ಖುಜ಼ಣು ಏಕ್‍ಮನ್‍ಥಿ ಎಕ್ಟುಹುಯಿನ್ ದೇವ್ನಿ ಪ್ರಾರ್ಥನೆಮ ಥು. ಹಿಜ್ಜಾ಼ ಥೋಡಿಜ಼ಣಿ ತಯೇಡಾಬಿ, ಯೇಸುನಿ ಆಯಾ ಮರಿಯಾಬಿ ಇನ ಭೈಯೇಬಿ ಅಪೊಸ್ತಲರ‍್ನಿ ಜೋ಼ಡ್ಮ ಥೂ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:3

ಮೇಬಿ ಜ಼ಡ್‌ಥುಧರಿ ಮೂಳಿಲಗು ಅಛ್ಛಿನಿತರ ಪುಛೈ಼ನ್, ಮಾಲುಮ್‌ ಕರಿರಾಖ್ಯೋಸ್ತೆ ಇನಾಖ್ಹಾಜೆ, ಯೋ ಖ್ಹಾರಸ್ನ ಏಕಾಡಿಥು ಥಿಯೊಫಿಲ ಹುಯಿರ‍್ಹೋತೆ ತುನ ಲೀಖಿನ್ ವತಾಳನು ಅಛ್ಛು಼ಕರಿ ಮನ ಸೋಚಾ಼ಯು.

ಫಿಲೆಮೋನ 1:16

ಅನಪಾರ್ ಯೋ ಗುಲಾಮ್ ನಾಹುಯಿರ‍್ಹೇವ್ಣುತೆ, ಕತೋಬಿ ಯೊ ಗುಲಾಮ್‌ಥೀಬಿ ಘಣೊ ಊಚೊ಼ ಛಾ಼. ಯೋ ವಿಶೇಷ್‍ಪರಕ್ಮ ಮನ ಘಣೊ ಪ್ಯಾರ್‌ನೊ ಭೈ ಹುಯಿರೋಸ್ ಅಮ್‍ ರ‍್ಹವಾಪರ್ ಏಕ್‌ ಜಗತ್‌ನೊ ಭೈಹುಯಿನ್ ಪ್ರಭುನ ಸಂಬಂದಾಮ ಬಿಜೂ಼ಬಿ ಕೆತ್ರೇಕ್ಕಿ ಮನಾಬಿ ತುನ ಪ್ಯಾರ‍್ನೊ ಹುಯಿರ‍್ಹಿಶೆ ಕೊಯ್ನಿಕಿ ಶು?

ಕೊಲೊಸ್ಸೆ 4:9

ತುಮಾರಮ ವಿಶ್ವಾಸ್‌ವಾಳೊ ಅಜು಼ ಲಾಡ್‌ನೊ ಭೈ ಓನೇಸಿಮನಿ ಜೋ಼ಡ್ಮ ಇನ ಮೇ ಮೋಕ್ಲಿರಾಖ್ಯೊಸ್. ಇವ್ಣೆ ಹಜ಼್ಜ ಚಾ಼ಲುಕರಾತೆ ವಾತೆಖ್ಹಾರಿ ಖ್ಹಮ್‍ಜಾ಼ಡ್‍ಶೆ.

ಕೊಲೊಸ್ಸೆ 4:7

ಪ್ಯಾರ್‌ನೊ ಭೈಬಿ ವಿಶ್ವಾಸ್‌ನೊ ಸೇವಕ್‌ಬಿ ಅಜು಼ ಪ್ರಭುನಿ ಸೇವೆಮ ಛಾ಼ತೆ ತುಖಿಕ ಮಾರಿ ಬಾರೇನಿ ವಾತೆಖ್ಹಾರಿ ತುಮುನ ಖ್ಹಮ್‍ಜಾ಼ಡ್‍ಶೆ.

ಎಫೆಸ 6:21

ಮಾರಿ ಬಾರೇಮ ಮಾರು ಕಾಮ್ ಖ್ಹಾರು ತುಮುನ ಮಾಲುಮ್ ಹೋಣುಕರಿ ಪ್ಯಾರ್‌ನೊ ಭೈಬಿ ಪ್ರಭುಮ ವಿಶ್ವಾಸ್‌ವಾಳೊ ಸೇವೆಮ ಛಾ಼ತೆ ತುಖಿಕ ತುಮುನ ಅಖ್ಖು ಬೋಲಿದಿಶೆ.

ಗಲಾತ್ಯ 2:9

ಸಬೇನು ಖಂಬುಕರಿ ಬೋಲೈಲಿದಹುಯ ಯಾಕೋಬ್, ಪೇತ್ರ, ಯೋಹಾನ ಇವ್ಣೆ ದೇವ್ನೆ ಮನ ದಿರಾಖ್ಯೋತೆ ವಾರ್‌ಖ್ಹಾನ ಮಾಲುಮ್ ಕರಿಲಿನ್ ಗಳ್‍ಜೋ಼ಡ್‍ಥಿ ರ‍್ಹವಾನು ವತಾಳನಖ್ಹಾಜೆ ಮನಾಬಿ ಬಾರ್ನಬನಾಬಿ ಹಾತ್ ಮಳಾಯೊ. ಅಜು಼ ತುಮೆ ಯೆಹೂದ್ಯರ್‌ಕಾಹೆತೆ ಅದ್ಮಿಕನ ಜಾ಼ವೊ, ಹಮೆ ಯೆಹೂದ್ಯರ್‌ಕನ ಜೈ಼ಯೇಸ್‌ಕರಿ ಮಾನಿಲಿದ.

1 ಕೊರಿಂಥ 1:10

ಬೇನೆ, ಭೈಯೇವೊ, ಅಪ್ಣೊ ಪ್ರಭು ಯೇಸುಕ್ರಿಸ್ತನ ನಾಮ್‍ಥಿ ಮೇ ತುಮೂನ ಬಿಂತಿ ಕರುಸ್ತೆ ಶಾತ್‍ಕತೊ, ಅಬ್ಬಾಜ಼ಬ್ಬಿ ನಾ ಬೋಲ್ನುತೆ, ಅಷಿಲ್ ಕಮ್‍ಶಿಲ್ ಕರಿ ಬೇಭಾಗ್‌ ನಾ ರ‍್ಹೇವ್ಣು. ಎಕ್ಕಸ್ ದಿಲ್‌ಥಿ ಎಕ್ಕಸ್ ಖ್ಹಯಾಲ್‌ಥೀಬಿ ಎಕ್ಟುರ‍್ಹೀನ್ ಜಿವ್ಣು ಕರೊ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:12

ಪ್ರಭುನಿ ಸೇವೆಮ ಮ್ಹಿನತ್‍ಕರವಾಳಿಯೇ ಹುಯಿರ‍್ಹಿಯೇತೆ ತ್ರುಫೈನನಾಬಿ, ತ್ರುಫೋಸನಾಬಿ ಮಾರಿ ಖ್ಹಲಾಮ್. ಪ್ರಭುಮ ಘಣು ವದೇಖ್ಹ್‌ಕರೀನ್ ಮ್ಹಿನತ್ ಕರಿರಾಖಿತೆ ಪ್ಯಾರ್‌ನಿ ಪೆರ್ಸೀಸನ ಮಾರಿ ಖ್ಹಲಾಮ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:35

ಕತೋಬಿ ಪೌಲ, ಬಾರ್ನಬ ಅಂತಿಯೋಕ್ಯಮಾಸ್ ರ‍್ಹೀನ್,ಅಜು಼ ಕೈಯೇಕ್ ಜ಼ಣಾನಿ ಜೋ಼ಡೆ ಮಳಿನ್ ಸುವಾರ್ತೆ ಬೋಲ್ತಹುಯಿನ್ ಬಿಜು಼ ಪ್ರಭುನಿ ವಚನ್ನ ಅದ್ಮಿಖ್ಹಾರಾನ ಶಿಕಾಡ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:6

ತದೆ ಅಪೊಸ್ತಲರ್ ಖ್ಹಾರು ಬಿಜು಼ ಗಲ್‌ಢಖ್ಹಾರು ಆ ವಾತೆನ ಬಾರೇಮ ಸೋಚಾನಖ್ಹಾಜೆ ಎಕ್ಟು ಹುಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:46

ಇವ್ಣೆ ಹರೇಕ್ ದನ್ ಏಕ್‍ದಿಲ್‍ಥಿ ದೇವ್ನಿ ಮಂದಿರ್‌ಮ ಮಳಿನ್ ಆವ್ತುಹುಯಿನ್, ಇವ್ಣೆ ಇವ್ಣ ಘರ್‌ಮ ರೋಟೊ ತೋಡಿನ್ ಒಟ್‍ಥಿ ಖಾಣು ಖಾತೂಥು. ಇವ್ಣೊ ದಿಲ್‌ ಖುಷಿಥಿ ಭರೈರ‍್ಹೆತೂಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:1

ಪೆಂತಕೊಸ್ಟ್ ಪೂಜಾ಼ನ ದನ್ನೆ ಇವ್ಣೆ ಅಖ್ಖುಜ಼ಣು ಏಕ್‍ಝ಼ಗೊ ಮಳ್ಯು.

ಮತ್ತಾಯ 11:26

ಓಹೋಲಾ ಬಾ, ಅಮ್ಮಸ್ ಕರಾನು ಅಛ್ಛು಼ಕರಿ ತುನ ದೆಖಾಯು.”