Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ಅಪೊಸ್ತಲರ್‌ನು ಕಾಮ್‌ಖ್ಹಾರು 15:22 - ದೇವ್ನಿ ಖ್ಹಾಚಿ ವಚನ್

22 ತದೆ ಅಪೊಸ್ತಲರ್‌ಬಿ ಸಬೆನ ಗಲ್‌ಢಖ್ಹಾರಾಬಿ ಬಿಜು಼ ಸಬೇನು ಖ್ಹಾರೂಸ್, ಪೌಲ ಬಾರ್ನಬನಿ ಜೋ಼ಡೆ ಇವ್ಣಮಾಥುಸ್ ಥೋಡುಅದ್ಮಿನ ಚೂ಼ಣಿನ್ ಅಂತಿಯೋಕ್ಯ ಖ್ಹಯೇರ‍್ನ ಮೋಕಲ್ನುಕರಿ ತೀರ್ಮಾನ್ ಕರ‍್ಯು. ಇನಖ್ಹಾಜೆ ಬಾರ್ಸಬ ಕರಿ ಬೋಲೈರ‍್ಹೋತೆ ಯೂದನಾಬಿ, ಸೀಲನಾಬಿ ಚೂ಼ಣಿನ್,ಯೋ ಖ್ಹಾರಾನ ಮುಖ್ಯಖ್ಹಾರು ಕರ‍್ಯು.

အခန်းကိုကြည့်ပါ။ ကော်ပီ




ಅಪೊಸ್ತಲರ್‌ನು ಕಾಮ್‌ಖ್ಹಾರು 15:22
29 ပူးပေါင်းရင်းမြစ်များ  

ತದೆ ಬಾರ್ಸಬ ಕರಿ ನಾಮ್‍ವಾಳೊ ಯೋಸೇಫ್‌ನ ಯೂಸ್ತ ಕರೀಬಿ ಬೋಲ್ತುಥು. ಅಜು಼ ಬಿಜೇಕ್ ಜ಼ಣೊ ಮತ್ತೀಯ. ಆ ಬೇ ಜ಼ಣಾನ ಅಪೊಸ್ತಲರ‍್ನ ಸಭೆನ ಖ್ಹಾಮ್ಣೆ ಭೀರಾಖ್ಯು.


ಸ್ತೆಫನನ ಮರ್‌ನಾಖ್ಯುತೆ ತದೆ ಹಿಜ್ಜಾ಼ ಹುಯಿತೆ ಖ್ಹತಾಪ್ಣಿಥಿ ಥೋಡುಜ಼ಣು ವಿಶ್ವಾಸಿಖ್ಹಾರು ಛಿದ್ರಯ್‍ಗಯು, ಇವ್ಣೆ ಘಣಾದೂರ್‌ನಿ ಝ಼ಗೊಹುಯಿರಿಥೀತೆ ಫೊಯಿನಿಕೆ, ಸೈಪ್ರಸ್ ಅಜು಼ ಅಂತಿಯೋಕ್ಯನ ಗಯು. ವಿಶ್ವಾಸಿಖ್ಹಾರು ಆ ಝ಼ಗೋಮ ಖಲಿ ಯೆಹೂದ್ಯರ್‌ನ ಸುವಾರ್ತೆನ ಬೋಲ್ಯು.


ಆ ವಿಶ್ವಾಸಿಮ ಥೋಡಜ಼ಣು ಸೈಪ್ರಸ್ ಅಜು಼ ಸಿರೇನ್ ಝ಼ಗೊವಾಳ ಹುಯಿರಾಥ. ಆ ಅದ್ಮಿಖ್ಹಾರು ಅಂತಿಯೋಕ್ಯನ ಆಯುತೆ ತದೆ ಇವ್ಣೆ ಪ್ರಭು ಹುಯಿರೋತೆ ಯೇಸುನಿ ಬಾರೇಮ ಸುವಾರ್ತೆನ ಹಿಜ್ಜಾ಼ ಥೋಡ ಗ್ರೀಕ್ ಅದ್ಮಿವೋನ ಬೋಲ್ಯು.


ಆ ವಾತೆ ಯೆರೂಸಲೇಮ್ಮಥೂತೆ ಸಬೆನ ಪೋಚ್ಯು. ಇನಖ್ಹಾಜೆ ಬಾರ್ನಬನ ಅಂತಿಯೋಕ್ಯನ ಬೋಲಿ ಮೋಕ್‍ಲ್ಯು.


ಯೋ ಹಗಾಮ್ಮ ಥೋಡುಜ಼ಣು ಪ್ರವಾದಿಖ್ಹಾರು ಯೆರೂಸಲೇಮ್‍ಥು ಅಂತಿಯೋಕ್ಯನ ಗಯು.


ಇವ್ಣ ಹಾತ್ಮ ಲೀಖಿನ್ ದೀರಾಖ್ಯುಥೂತೆ ಶಾತ್‍ಕತೊ, ಭಯೇಖ್ಹಾರ ಹುಯಿರಾತೆ ಅಪೊಸ್ತಲರ‍್ನೇಬಿ ಗಲ್‌ಢಖ್ಹಾರಾನೇಬಿ ಅಂತಿಯೋಕ್ಯ, ಸಿರಿಯ, ಕಿಲಿಕ್ಯ ತಬರ್‌ಖಾಸ್‍ಮ ಛಾ಼ತೆ ಯೆಹೂದ್ಯರ್‌ಕಾಹೆತೆ ಭೈಯೇ ಭೇನೇನ ಹಮಾರಿ ಖ್ಹಲಾಮ್;


ಇನಖ್ಹಾಜೆ ಹಮೆಖ್ಹಾರಾಸ್ ಎಕ್ಟಹುಯಿನ್ ಥೋಡಜ಼ಣಾನ ಚೂ಼ಣಿನ್ ಪ್ಯಾರ್‌ನ ಭೈಯೆ ಪೌಲ, ಬಾರ್ನಬನ ಜೋ಼ಡ್ಮ ತುಮಾರಕನ ಮೋಕ್ಲು ಕರಿಯೇಸ್.


ಇನಖ್ಹಾಜೆ ಹಮೆ ಯೂದನ ಬಿಜು಼ ಸೀಲನ ಇವ್ಣಿ ಜೋ಼ಡೆ ಮೋಕ್ಲಿರಾಖ್ಯೊಸ್. ಆ ಅಖ್ಖು ತುಮೂನ ಮ್ಹೋಡಾನಿ ವಾತೆಥಿ ಖ್ಹಮ್‍ಜಾ಼ಡ್‍ಶೆ.


ಸಬೆವಾಳು ಇವ್ಣುನ ಮೋಕ್ಲಿ ಹುಯಿಜಾ಼ವಾದಿನ್ ಇವ್ಣೆ ಫೊಯಿನಿಕೆ, ಸಮಾರ್ಯ ತಬರ್‌ಖಾನಿ ವಾಟೆ ಜಾ಼ವಾನಿ ವಖ್ಹತ್‌ಮ ಅಲಕ್‌ ಅದ್ಮಿಖ್ಹಾರು ದೇವ್‌ಭಣಿ ಫರ‍್ಯುತೆ ಬಾರೇಮ ಹಿಜ಼್ಜಾಥೂತೆ ಭೈಯೇ ಖ್ಹಾರಾನ ಏಕೇಕ್‌ ವಾತ್ನಬಿ ಛೋ಼ಡಿ ಬೋಲಿವತಾಳಿನ್ ಇವ್ಣಖ್ಹಾರಾನ ಘಣು ಖ್ಹುಶಿಕರಾಯು.


ಅಮ್ ಪೌಲ, ಬಾರ್ನಬ ಬಿಜು಼ ಯೂದ, ಸೀಲ, ಯೆರೂಸಲೇಮ್‍ಥು ಅಂತಿಯೋಕ್ಯ ಖ್ಹಯೇರ‍್ನ ಜೈ಼ನ್ ಹಿಜ಼್ಜ ವಿಶ್ವಾಸಿಯೆವ್ನಿ ಸಭೆನ ಭರೈನ್, ಯೋ ಚಿಟ್ಟಿ ಇವ್ಣುನ ದಿದು.


ಯೂದ ಬಿಜು಼ ಸೀಲಬಿ ಪ್ರವಾದಿ ಹುಯಿರ‍್ಹಥಾತೆಖ್ಹಾಜೆ ಇವ್ಣಿ ಕೈಯೆಕ್ಕಿ ಥರಾನಿ ವಾತೆ ಖ್ಹಮ್‌ಜಿನ್‌ ಭೇನೆ ಭೈಯೇವ್‌ಖ್ಹಾರಾನ ಹಿಮ್ಮತ್‌ ಆಯು.


ಪೌಲನೆ ಇನಜೋ಼ಡೆ ಸೀಲನ ಬುಲೈಲಿನ್ ಗಯೊ. ಅಂತಿಯೋಕ್ಯನ ಭಯೇಖ್ಹಾರಾನೆ ಪೌಲನ, ಪ್ರಭುನ ವಾರ್‌ಖ್ಹೇಥಿ ಹಿಜ್ಜಾ಼ಥು,


ಯೋ ದೆಖ್ಯೊತೆ ದಾಸಿನೊ ಯಜಮಾನ್ನೆ ರಪ್ಯ ಕಮಾವನು ಉಷೆ ಕೊಯ್ನಿಕರಿ ಮಾಲುಮ್ ಕರಿಲಿನ್, ಪೌಲನಾಬಿ ಸೀಲನ ನಂಗರ‍್ನ ನ್ಯಾವ್ನ ಅದಿಕಾರಿಕನ ಖೇಚಿಲಿಗು.


ಅಧಿರಾತ್ಮ ಪೌಲಬಿ ಸೀಲನೆ ಪ್ರಾರ್ಥನೆ ಕರ್ತಹುಯಿನ್ ದೇವ್ನ ಸ್ತುತಿನು ಗೀದ್‌ ಬೋಲುಕರ್ತಾಥ. ಹಿಜ಼್ಜಾಥೂತೆ ಖೈದಿಖ್ಹಾರು ಖ್ಹಮ್‍ಜು಼ಕರ್ತುಥು.


ಖ್ಹಾರ್ಕೊಟ್‍ನೊ ಅಧಿಕಾರಿನೆ ಚಿಮ್ನಿನ ಮಂಗಾವ್ತೊಹುಯಿನ್ ಒಗ್ಗಿಸ್‌ಮ ಮಹಿ ಜೈ಼ನ್ ಡರ್‌ಥಿ ಕಾಪ್ತೊಹುಯಿನ್ ಪೌಲ ಅಜು಼ ಸೀಲನ ಗೋಡಾಪರ್ ಆಡ್‍ಪಡ್ಯೊ.


ಯೋಸ್ ರಾತ್ಮ ವಿಶ್ವಾಸಿಖ್ಹಾರು ಪೌಲ ಸೀಲನ ಬೆರೋಯ ಕರಿ ಬೋಲಾನು ಬಿಜೇಕ್ ಖ್ಹಯೇರ‍್ನ ಮೋಕ್‍ಲ್ಯು. ಬೆರೋಯಮ ಪೌಲ ಸೀಲನ ಯೆಹೂದ್ಯರ್‌ನ ಸಭೆಮ ಗಯ.


ಇನಖ್ಹಾಜೆ ವಿಶ್ವಾಸಿಖ್ಹಾರು ತದ್‌ನು ತದೇಸ್‌ ಪೌಲನ ದರ‍್ಯಾವ್ನ ಕನಾರಲಗು ಮೋಕ್ಲಿದಿದು. ಕತೋಬಿ ಸೀಲ ಅಜು಼ ತಿಮೊಥೆ ಇವ್ಣೆ ಬೆರೋಯಮಾಸ್ ರ‍್ಹೀಗ.


ಇವ್ಣಾಮ ಥೋಡಜ಼ಣು ದೇವ್ನು ಭಕ್ತರ್‌ ಹುಯಿರುತೆ ಗ್ರೀಕ್‌ನು ಮೋಟು ಝೂ಼ಂಡ್‌ ಅಜು಼ ಮುಖ್ಯ ತಯೇಡಾಮ ಕೈಯೆಕ್‍ಜ಼ಣಿ ಪೌಲ ಅಜು಼ ಸೀಲಾನಿ ಜೋ಼ಡೆ ಮಳಿಗಯು.


ಇಮ್ಮಸ್ ಮೆಕೆದೋನ್ಯಮ ಥಾತೆ ಸೀಲ ಅಜು಼ ತಿಮೊಥೆ ಇವ್ಣೆ ಪೌಲಕನ ಆಯ. ಇನಪಾರ್ ಅದ್ಮಿಖ್ಹಾರಾನ ಇವ್ಣಿವಾತೆನ ಬೋಲಿ ಖ್ಹಮ್‌ಜಾ಼ಡಮ ಪೌಲನೆ ಇನಿ ವಖ್ಹತ್‍ಖ್ಹಾರು ಕಾಡಿನಾಖ್ಯೊ. ಯೇಸುಸ್ ಮೆಸ್ಸಿಯಕರಿ ಬೋಲಾನು ಇನೆ ಯೆಹೂದ್ಯರ್‌ನ ದೇಖಾಡಿದಿದೊ.


ಸಮಾರ್ಯವಾಳು ದೇವ್ನಿ ವಚನ್ನ ಮಾನಿಲಿದೂತೆ ಸಮಚಾರ್‌ನ ಯೆರೂಸಲೇಮ್ಮ ಥೂತೆ ಅಪೊಸ್ತಲರ್ ಖ್ಹಾರು ಖ್ಹಮ್‌ಜಿನ್‌ ಪೇತ್ರ ಯೋಹಾನ ಇವ್ಣಕನ ಮೋಕ್‍ಲ್ಯು.


ಶನಕತೊ ಸಿಲ್ವಾನಾಬಿ, ತಿಮೊಥೆಬಿ ಬಿಜು಼ ಮೇ ತುಮುನ ಬೋಧನೆ ಕರ‍್ಯೊತೆ ದೇವ್‌ನೊ ಛಿಯ್ಯೊಹುಯಿರ‍್ಹೊತೊ ಯೇಸುಕ್ರಿಸ್ತ ಓಹೊ ಕರಿಬಿ ಕೊಯ್ನಿಕರಿಬಿ ಬೇ ತರ ಕೋಥೂನಿ. ಕ್ರಿಸ್ತಮ ಕದೇಬಿ ರ‍್ಹೇಸ್ತೆ “ಓಹೊ” ಕರೀಸ್.


ಬಾ ದೇವ್‍ಮಾಬಿ ಅಜು಼ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತಮಾಬಿ ಛಾ಼ತೆ ಥೆಸಲೋನಿಕ ಸಬೆನ ಅದ್ಮಿವೋನ ಪೌಲ, ಸಿಲ್ವಾನಾಬಿ ಅಜು಼ ತಿಮೊಥೆ ಹುಯಿರ‍್ಹಾತೆ ಹಮೆ,ಲೀಖಾನು ಶಾತ್‍ಕತೊ ತುಮೂನ ವಾರ್‌ಖ್ಹೊಬಿ ಅಜು಼ ಶಾಂತಿ ಮಳಾದೆ.


ಅಪ್ಣೊ ಬಾ ಹುಯಿರ‍್ಹೋತೆ ದೇವ್‌ಮ ಅಜು಼ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತಮ ಛಾ಼ತೆ ಥೆಸಲೋನಿಕ ಸಬೆನ, ಪೌಲ, ಸಿಲ್ವಾನ ಅಜು಼ ತಿಮೊಥೆ ಕರಿ ಹಮೆ ಲೀಖುಕರೇಸ್ತೆ ಶಾತ್‌ಕತೊ,


ಮೇ ತುಮೂನ ಹುಮ್ಮಖ್ಹ್ ದೆವಾನಾಬಿ ಅಜು಼ ದೇವ್ನಿ ಖ್ಹಾಚಿಕೃಪೆ ಕರಿ ಸಾಕ್ಷಿ ಬೋಲಾನಾಬಿ ಮೇ ನ್ಹಾನೇಥಿ ಚಿಟ್ಟಿ ಲೀಖಿನ್, ವಿಶ್ವಾಸ್‌ನೊ ಭೈಕರಿ ಗಣ್ತಿಕರಿರಾಖ್ಯೊತೆ ಸಿಲ್ವಾನನ ಹಾತ್‌ಮ ಮೋಕ್ಲಿರಾಖ್ಯೊಸ್. ಆ ಖ್ಹಾಚಿ ಕೃಪೆಥಿ ಭೀರೆವೊ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ