ಅಪೊಸ್ತಲರ್‌ನು ಕಾಮ್‌ಖ್ಹಾರು 15:18 - ದೇವ್ನಿ ಖ್ಹಾಚಿ ವಚನ್

¹⁸ ಶುರುಮಾಥು ಆ ಖ್ಹಾರು ಕಾಮ್ನ ಖ್ಹಮ್‌ಜಾ಼ಡ್ಯೊತೆ ಪ್ರಭು ಬೋಲುಕರಸ್, ಕರಿ ಲೀಖೈರ‍್ಹುಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:18 ပူးပေါင်းရင်းမြစ်များ

ಮತ್ತಾಯ 13:35

ಅಮ್ಮಸ್, “ಮೇ ಬೋಲಾನಿ ವಖ್ಹತ್‌ಮ ಮತ್ಲಬ್‌ನಿ ಖೇಣಿಯೇಥಿ ಬೋಲಿಶ್; ಜಗತ್‌ ಉಬ್‌ಜ್ಯುತೆ ತಪ್‌ಥು ಲಪೈರ‍್ಹುಥೂತೆ ಬಾರೇಮ ಮೇ ಇವ್ಣುನ ಬೋಲಿಶ್” ಕರಿ ಪ್ರವಾದಿನ ಮ್ಹೋಡೆ ಬೋಲಾಯೋತೆ ವಾತೇನ ಯೇಸುನೆ ಅಮ್ ಕರ‍್ಯೊ.

ಮತ್ತಾಯ 25:34

ತದೆ ರಾಜಾ಼ ಇನಿ ಖಾವಿ ಬಾಜೂ಼ಮ ಭಿಯುತೆ ಅದ್ಮಿ ಖ್ಹಾರಾನ, ‘ಮಾರ ಬಾನೆ ಆಶೀರ್ವಾದ್‌ ಕರ‍್ಯೊತೆ ತುಮೆ ಆವೊ, ಜಗತ್‌ ಉಬ್‌ಜ್ಯುತೆ ತಪ್‌ಥು ತುಮಾರಖ್ಹಾಜೆ ತೈಯಾರ್ ಹುಯಿರ‍್ಹೂತೆ ರಾಜ್ಯನ ಅಲ್ಲೇವೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:26

ದೇವ್ನೆ ಏಕ್‌ ಅದ್ಮಿನ ಬಣಾವ್‍ತೊ ಹುಯಿನ್ ಅದಮ್‍ಜ಼ಮಾನಾನು ಝೂ಼ಂಡ್‌ ಶುರುಕರ‍್ಯೊ. ಇನೇಥಿ ಬಿಜು಼ ಅಖ್ಖೂಸ್ ಅದ್ಮಿನ ಜಗತ್‌ನು ಕಿಜ಼್ಜಕಿಜ್ಜಾ಼ಬಿ ಇವ್ಣೆ ಜಿವ್ಣು ಕರಾನಿತರ ಕರ‍್ಯೊ. ಇವ್ಣೆ ಕದೆ ಅಜು಼ ಕಿಜ಼್ಜಕಿಜ್ಜಾ಼ ರ‍್ಹೇವ್ಣುಕರಿ ಬೋಲಾನು ನಿರ್ಧಾರ್ ಕರ‍್ಯೊ.

ಎಫೆಸ 1:11

ಖ್ಹಾರು ಕಾಮ್ ದೇವ್ನಿ ಮನ್ನಿ ತರಿಖಾಥಿ ಬಣೈಗಯು ಅಜು಼ ದೇವ್ ಅಪ್ಣುನ ಇನಿ ಶೊಂತ್ ಖ್ಹೂಜ಼್‌ನಿತರ ಪಹಿಲೇಸ್ ನೇಮಕ್‌ಹುಯಿರ‍್ಹಾತೆ ಅಪ್ಣುನ ಕ್ರಿಸ್ತನಿ ಘಳ್‍ಜೋಡ್ಮ ಇನ ಆದ್ಮಿ ಹುವಾನಖ್ಹಾಜೆ ಚೂ಼ಣಿಲಿದೊ.

ಎಫೆಸ 1:4

ಜಗತ್‌ ಉಬ್‌ಜಾ಼ತಿ ಪಹಿಲೇಸ್ ಅಪ್ಣೆ ಇನಖ್ಹಾಮ್ಣೆ ಪರಿಶುದ್ಧಬಿ ದೋಷ್‌ಕೊಂತೇಬಿ ಹುಯಿರ‍್ಹೇಣು ಕರಿ ದೇವ್ನೆ ಕ್ರಿಸ್ತನಿ ಗಳ್‌ಜೋ಼ಡ್ಮ ಅಪ್ಣುನ ಚೂ಼ಣಿಲಿದೊ. ಶನಕತೊ ಆ ಇನಿ ಪ್ಯಾರ್ ಹುಯಿರ‍್ಹಿಸ್.

ಎಫೆಸ 3:9

ಬಿಜು಼ ದೇವ್ನ ಅದ್ಮಿನ ದೇವ್ನಿ ಗಪ್ಲತ್‌ನಿ ಖ್ಹೂಜ಼್‌ನ ಖಿವುಕರಿ ಅಜು಼ ಯೊ ಪ್ರಭಾವ್‌ ಹುವಾನಿತರಾನು ದೇಖಾನಖ್ಹಾಜೆ ಕರ‍್ಯೊ. ಅಖ್ಖಾಸ್ನ ಉಬ್‌ಜಾ಼ಯೊತೆ ದೇವ್ ಪಾಛ಼್‌ಲ್ಯಾಹಗಾಮ್ಮ ಇನು ಗಪ್ಲತ್‌ನ ಲಪಾಡಿರಾಖ್ಯೊಥೊ.

2 ಥೆಸ 2:13

ಪ್ರಭು ಪ್ಯಾರ್ ಕರಾಸ್ತೆ ಭೈಯೆ ಭೇನೆವೊ, ಹಮೆ ತುಮಾರಿ ಬಾರೇಮ ಹಮೇಶ ದೇವ್ನ ಧನ್ಯವಾದ್ ಕರಾವಳ ಹುಯಿರ‍್ಹಾಸ್. ಶನಕತೊ ತುಮೆ ಪವಿತ್ರಾತ್ಮಾಥಿ ಪಾಕ್‌ ಹುಯಿನ್, ಖ್ಹಾಚಿಪರ್ ವಿಶ್ವಾಸ್‌ರಾಖಿನ್ ರಕ್ಷಣೆನ ಲೀಲ್ಯಾವದೆಕರಿ ದೇವ್ನೆ ತುಮೂನ ಶುರುವಾತ್‌ಮಾಸ್ ಚೂ಼ಣಿರಾಖ್ಯೊಸ್.

1 ಪೇತ್ರ 1:20

ಯೊ ಜಗತ್‌ ಉಬ್‌ಜಾ಼ನ ಅಗಾಡಿಸ್ ದೆವೈಜಾ಼ವಾಳೂ ಹುಯಿರ‍್ಹಿನ್, ಆ ಖ್ಹರ್ತಿನ ಹಗಾಮ್ಮ ತುಮಾರಖ್ಹಾಜೆ ದೆಖಾಯೊ.

ಪ್ರಕಾಶಿತ್ 13:8

ಜಗತ್‌ ಉಬ್‌ಜಾ಼ನ ಪಹಿಲೆಸ್ ರ‍್ಹೇಖ್ಹಾಯೊತೆ ಮೇಂಢಾನ ಚೆಲ್ಕು ಹುಯಿರ‍್ಹವಾಳನ ಛಾ಼ತೆ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುಕಿನು ನಾಮ್‌ಖ್ಹಾರು ಲೀಖೈರ‍್ಹುಕೊಯ್ನಿಕಿ ಜ಼ಮೀನ್ನು ಯೊ ಅದ್ಮಿಖ್ಹಾರೂಸ್ ಯೊ ಭಯಂಕರ್ ಜಾನ್ವರ್‌ನ ಆರಾದನೆ ಕರ್ಶೆ.

ಪ್ರಕಾಶಿತ್ 17:8

ಯೋ ಜಾನ್ವರ್‌ ಪಹಿಲಿ ಹಲ್ಲ ಜಿವ್ತುಥು. ಕತೋಬಿ ಹಮ್ಕೆ ಘಣು ವಖ್ಹತ್ ಜಿವ್ತು ಕೊರ‍್ಹಿಶೇನಿ, ಯೊ ಪಾತಾಳ್ನಿ ಗಧಾರ್‌ಮಾಥು ಛ಼ಡಿ ಅಯಿನ್ ನಾಶ್‌ಭಣಿ ಒಳ್ಯುಜಾ಼ಸ್. ಅಜು಼ ಆ ಜಗತ್‌ ಉಬ್‌ಜ್ಯುತೆ ತಪ್‌ಥೂಬಿ ಕಿನು ನಾಮ್ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಲೀಖೈರ‍್ಹುಕೊಯ್ನೀಕಿ, ಇವ್ಣೆ ಯೊ ಜಾನ್ವರ್‌ನ ದೇಖಿನ್ ಆ ಪಹಿಲೆ ಥು, ಹಮ್ಕೆ ಕೊಯ್ನಿ, ಕತೋಬಿ ಅಜು಼ ಖ್ಹಾಮ್ಣೆ ಆವಳು ಛಾ಼ಕ್ರಿ ಆಶ್ಚರ್ಯಕರ‍್ಯು. ಅಜು಼ ಎಕ್ಕಸ್ ಹಲ್ಲ ಜಿವ್ತು ಉಷೆ. ಹಮ್ಕೆ ಯೋ ಜಾ಼ಖ್ಹತ್ ವಖ್ಹತ್ ಜಿವ್ತು ಕೊರ‍್ಹಿಶೇನಿ, ಕತೋಬಿ ಬಿಜೂ಼ಬಿ ಖ್ಹಾಮ್ಣೆ ವಳ್ಯುಆವಸ್.