ಅಪೊಸ್ತಲರ್‌ನು ಕಾಮ್‌ಖ್ಹಾರು 15:11 - ದೇವ್ನಿ ಖ್ಹಾಚಿ ವಚನ್

¹¹ ಇನಖ್ಹಾಜೆ ಹಮೆರ‍್ಹೇವೊ ಅವ್ಣೆ ರ‍್ಹವೊ ರಕ್ಷಣೆ ಲೀಲ್ಯಾವಾನು, ಪ್ರಭುಹುಯಿರ‍್ಹೋತೆ ಯೇಸುನಿ ಗೋರ್‌ಥೀಸ್ ಕರಿ ಹಮೆ ವಿಶ್ವಾಸ್ ಕರಿಯೇಸ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:11 ပူးပေါင်းရင်းမြစ်များ

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:24

ಕತೋಬಿ ದೇವ್ನು ಫುಗಟ್ ವಾರ್‌ಖ್ಹೇಥಿ ಇವ್ಣುನ ಛುಟ್ಕಾರ್ ದ್ಯವಾವಾಳೊ ಯೇಸುಕ್ರಿಸ್ತಥಿ ನೀತಿವಾಳುಕರಿ ತೀರ್ಪ್‍ಹುವಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:15

ಕತೋಬಿ ಬೇಜ಼ಣಾಮ ಫರಕ್ ಛಾ಼. ಶನಕತೊ ದೇವ್ನಿ ಫುಗಟ್ ಇನಾಮ್ ಆದಾಮ್‍ನಿ ಪಾಪ್‍ನಿಘೊಣಿ ಕಾಹೆ. ಆ ಏಕ್‍ಜ಼ಣಾನಿ ಪಾಪ್ನಖ್ಹಾಜೆ ಕೈಯೇಕ್‌ಜ಼ಣು ಮರ‍್ಯುತೆ ಖ್ಹಾಚಿಸ್, ಕತೋಬಿ ದೇವ್ನಿ ವಾರ್‌ಖ್ಹೇಥಿ ಮಳಾತೆ ವರ ಯೇಸುಕ್ರಿಸ್ತ ಕರಿ ಆ ಏಕ್‌ ಜ಼ಣಾನ ಗೋರ್‌ಥಿ ಕೈಏಕ್ ಜ಼ಣಾನ ಮಳಾನುಬಿ ಖ್ಹಾಚಿಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:23

ಶನಕತೊ ಪಾಪ್ ದೇಯಿತೆ ಮಜ಼್‌ದೂರಿ ಮರಣ್ ಹುಯಿರುಸ್. ಕತೋಬಿ ದೇವ್ನು ಫುಗಟ್ ಇನಾಮ್ ಅಪ್ಣೊ ಪ್ರಭು ಕ್ರಿಸ್ತಯೇಸುನ ಗಳ್‌ಜೋ಼ಡ್ಮ ಅಪ್ಣುನ ದಿಶೇತೆ ಹಮೇಶಾನಿ ಜಿ಼ಂದ್‌ಗೀಸ್.

1 ಕೊರಿಂಥ 16:23

ಪ್ರಭುಹುಯಿರ‍್ಹೋತೆ ಯೇಸುನೊ ವಾರ್‌ಖ್ಹೊ ತುಮಾರಿ ಜೋ಼ಡ್ಮ ರ‍್ಹವಾದೆ.

2 ಕೊರಿಂಥ 13:14

ಅಪ್ಣೊ ಪ್ರಭು ಹುಯಿರೋತೆ ಯೇಸುಕ್ರಿಸ್ತನಿ ಕೃಪೆಬಿ ದೇವ್ನಿ ಪ್ಯಾರ್‌ಬಿ, ಪವಿತ್ರಾತ್ಮನಿ ಲಾಡ್‌ಬಿ ತುಮಾರ ಖ್ಹಾರಾಸ್‍ನಿ ಜೋ಼ಡ್ಮ ರ‍್ಹವಾದೆ.

2 ಕೊರಿಂಥ 8:9

ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ವಾರ್‌ಖ್ಹಾನ ತುಮೆ ಮಾಲುಮ್ ಕರಿರಾಖ್ಯಸ್. ಕಿಮ್‌ಕತೊ ಯೋ ಧನ್‍ ದೌಲತ್‌ವಾಳೊ ರ‍್ಹಯೊತೋಬಿ ಯೋ ಗರೀಬ್ ಹುವಾಥೀಸ್ ತುಮೆ ಧನ್‌ ದೌಲತ್‌ವಾಳ ಬಣನಿತರ ಯೋ ತುಮಾರಖ್ಹಾಜೆ ಗರೀಬ್‍ಹುಯೊ.

ಗಲಾತ್ಯ 1:6

ಕ್ರಿಸ್ತನಿ ವಾರ್‌ಖ್ಹೇಥಿ ತುಮುನ ಬುಲಾಯ ಹುಯಾನ ಮ್ಹೇಲಿನ್ ಅತ್ರೆ ವಗ್ಗಿಸ್‌ಮ ಬಿಜೇಕ್ ಸುವಾರ್ತೆನ ತುಮೆ ಸ್ವಿಕಾರ್‌ಕರಾನು ದೇಖಿನ್ ಮನ ಆಶ್ಚರ್ಯ ಹುವಾಸ್.

ಗಲಾತ್ಯ 2:16

ಖಿವೊತೋಬಿ ಖಲಿ ಧರ್ಮಶಾಸ್ತ್ರನ ಪಾಡಿಚಾ಼ಲಾಥಿ ನೀತಿವಾಳೊಕರಿ ಬಣಾನ ಕೊಹುವ್ವಾನಿ ಕರಿ ಮನ ಮಾಲುಮ್. ಯೇಸು ಕ್ರಿಸ್ತಮ ವಿಶ್ವಾಸ್ ರಾಖಾಥೀಸ್ ನೀತಿವಾಳೊ ಬಣಾನ ಹುವಾಸ್. ಇನಖ್ಹಾಜೆ ಹಮೆ ನೀತಿವಾಳ ಹುವಾನಖ್ಹಾಜೆ ಯೇಸು ಕ್ರಿಸ್ತಾಮಸ್ ವಿಶ್ವಾಸ್ ರಾಖ್ಯ. ಅಮ್‌ರ‍್ಹಾವಪರ್ ಹಮೆ ನೀತಿವಾಳ ಹುಯಾತೆ ಕ್ರಿಸ್ತಮ ವಿಶ್ವಾಸ್ ರಾಖಿನಸ್ ಪಣ್ಕಿ ಧರ್ಮಶಾಸ್ತ್ರನಿಘೊಣಿ ಚಾ಼ಲಾಥಿ ಕಾಹೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:11

ದೇವ್ನೆ ತಮಾಮ್‌ ಅದ್ಮಿನ ರಕ್ಷಣೆ ದ್ಯವಾನಿ ಇನಿ ವಾರ್‌ಖ್ಹಾನ ದೆಖಾಡಿರಾಖ್ಯೋಸ್.

ಪ್ರಕಾಶಿತ್ 5:9

ಇವ್ಣೆ ನವುಗೀದ್ ಬೋಲ್ತುಹುಯಿನ್ ಪುಂಗ್‌ಳಿನ ಮಾಂಗಾನ, ಇನ ಮುದ್ರಾನ ಫೋಡಾನ ತೂ ಯೋಗ್ಯ ಹುಯಿರೊಸ್ ತೂ ರ‍್ಹೇಖ್ಹಯ್‌ಜೈನ್ ಬಲಿದಾನ್‌ಹುಯಿನ್ ತಾರ ಲ್ಹೋಯಿಥಿ ಹರೇಕ್ ಖೂಮ್‌, ಬೋಲಿ, ದೇಖ್ಹ್‌ವಾಳಾನ,ಅಖ್ಖಾಸ್ ಜಾ಼ತ್ನ ಅದ್ಮಿಖ್ಹಾರಾನ ದೇವ್ನಖ್ಹಾಜೆ ಮೋಲ್‌ಲೀರಾಖ್ಯೋಸ್.