ಅಪೊಸ್ತಲರ್‌ನು ಕಾಮ್‌ಖ್ಹಾರು 14:5 - ದೇವ್ನಿ ಖ್ಹಾಚಿ ವಚನ್

⁵ ಅಲ್ಹಾವ್‌ ಅದ್ಮಿಬಿ ಯೆಹೂದ್ಯರ್‌ಮಾನು ಥೋಡುಜ಼ಣು ಇವ್ಣ ಅದಿಪತಿ ಖ್ಹಾರನಿ ಜೋ಼ಡ್ಮ ಮಳಿನ್, ಪೌಲಬಿ ಬಾರ್ನಬನ ಬಂಡೊ ಫೇಕಿನ್ ಮಾರ‍್ನುಕರಿ ಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:5 ပူးပေါင်းရင်းမြစ်များ

ಮತ್ತಾಯ 5:44

ಕತೋಬಿ ಮೇ ತುಮೂನ ಬೋಲಾನು ಶಾತ್‌ಕತೊ, ತುಮಾರ ದುಶ್‌ಮನ್ನ ಪ್ಯಾರ್ ಕರೊ; ತುಮೂನ ಖ್ಹತಾವವಾಳನಟೇಕೆ ದೇವ್ನ ಪ್ರಾರ್ಥನೆ ಕರೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:28

ತುಮಾರಪರ್ ಶಾಪ್ನ-ಶಬರ್ ದ್ಯವಾಳಾನ ಆಶೀರ್ವಾದ್‌ ಕರೊ, ತುಮಾರಪರ್ ಶಬರ್‌ ದ್ಯವಾಳನಖ್ಹಾಜೆ ಪ್ರಾರ್ಥನೆ ಕರೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:45

ಅನದೆಖ್ಯುತೆ ಯೆಹೂದ್ಯರ್ ಖ್ಹಾರಾನೆ ಘಣು ಬಳಾಪೊಕರಿನ್ ಪೌಲನೆ ಬೋಲ್ಯೊತೆ ವಾತೆನ ವಿರೋದ್ ಹುಯಿನ್ ಅಬ್ಬಾಜ಼ಬ್ಬಿಥಿ ದೂಷಣೆನಿ ವಾತೆಬೋಲ್‍ತು ರ‍್ಹಿಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:50

ಕತೋಬಿ ಯೆಹೂದ್ಯರ್ ಖ್ಹಾರು ಥೋಡಿ ಇವ್ಣಿ ಜಾ಼ತ್ನಿ ಭಕ್ತೆ ಶೌಕಾರ್ ತಯೇಡಾವ್‍ನ ಅಜು಼ ಖ್ಹಯೇರ‍್ನ ಗಲ್‌ಢಖ್ಹಾರು ದೇವ್ನ ಆರಾದನೆ ಕರುಕರ್ತುಥು. ಇವ್ಣೆ ಖ್ಹಾರು ಮಳಿನ್ ಪೌಲ ಬಾರ್ನಬನ ಉಪ್ಪರ್ ಇರಾದೊ ಕರ್ನುತೆ ತಿಮ್ ಇವ್ಣುನ ವಹೇರ‍್ಯ ಬಣ್ಣುತೆ ತಿಮ್ ಕರೀನ್, ಪೌಲ ಬಾರ್ನಬನ ಯೊ ತಬರ್‌ಖಾಥು ಭಾರ್‌ ನಖ್ಹಾಡಿದಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:19

ಇನಕೇಡೆಥು ಥೋಡು ಯೆಹೂದ್ಯರ್, ಅಂತಿಯೋಕ್ಯಥೂಬಿ ಅಜು಼ ಇಕೋನ್ಯಥು ಐನ್ ಪೌಲನ ವಿರೋದ್ ಅದ್ಮಿಖ್ಹಾರಾನ ಭೀರಾಖಿನ್, ಪೌಲನಪರ್ ಬಂಡೊಫೇಕಿನ್ ಯೋ ಮರಿಗಯೊಕರಿ ಲಾಝಿನ್ ಖ್ಹಯೇರ್‌ಥಿ ಭಾರ್‌ ಖೇಚಿಲಾಯಿ ನಾಖೀದಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:2

ಕತೋಬಿ ವಿಶ್ವಾಸ್ ಕರ‍್ಯುಕೊಂತೆ ಯೆಹೂದ್ಯರ್‌ನೆ ಅಲ್ಹಾವ್‌ ಅದ್ಮಿಖ್ಹಾರಾನ ವಿಶ್ವಾಸಿ ಭೈಯೇನ ವಿರೋದ್ ಉಠಾಡಿ ಭೀರಾಖ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:4

ಇನಖ್ಹಾಜೆ ದೇವ್ನ ಉಪ್ಪರ್ ಭರೋಖ್ಹೊ ರಾಖಿನ್ ಹಿಮ್ಮಥ್ಥಿ ವಾತೆಬೋಲ್ತುಥು. ತದೆ ಯೊ ಖ್ಹಯೇರ‍್ನ ಅದ್ಮಿಮ ಥೋಡು ಯೆಹೂದ್ಯರ್‌ನಿ ವಾತೆನಾಬಿ ಬಿಜು಼ ಥೋಡುಜ಼ಣು ಅಪೊಸ್ತಲ ಭಣಿವಾಳಾನಿ ವಾತೆನಾಬಿ ವಿಶ್ವಾಸ್ ಕರ್ತುಥೂತೆ ಇನಖ್ಹಾಜೆ ಇವ್ಣಮಾಸ್ ಬೇ ಭಾಗ್‍ಹುಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:5

ಕತೋಬಿ ನಂಬ್ಯುಕೊಂತೆ ಯೆಹೂದ್ಯಖ್ಹಾರು ಬಳಾಪೊ ಕರ‍್ಯು. ಇವ್ಣೆ ಖ್ಹಯೇರ್‌ಮ ಥೂತೆ ಥೋಡ ಖರಾಬ್ ಅದ್ಮಿವೋನ ಪೈಶಾದೀನ್ ಬುಲೈಮಂಗೈನ್‌ ಗಮ್ಮ ಗಲಾಟ್ ಕರೈನ್, ಪೌಲಬಿನ್ ಸೀಲನ ಖ್ಹಯೇರ‍್ನ ಸಭೆನ ಖ್ಹಾಮ್ಣೆ ಲೀನ್‍ ಆವ್ಣುಕರಿ ಯಾಸೋನನ ಘರ್‌ನ ಘೇರ್ತುಹುಯಿನ್ ಆಯು.

2 ಕೊರಿಂಥ 11:26

ಗಾಮ್‌ಥಿ ಗಾಮ್‍ ಚಾ಼ಲ್ತೋಸ್ ರ‍್ಹಯೊ. ನದ್ದಿಯೇಥಿ ಖತ್ರ, ವಾಟ್‌ಪರ್ ಚೋ಼ರ್‌ಥಿ ಖತ್ರ, ಯೆಹೂದ್ಯರ್ ಅಜು಼ ಯೆಹೂದ್ಯರ್‌ಕಾಹೆತೆ ಅದ್ಮಿಥಿ ಖತ್ರ, ಖ್ಹಯೇರ್‌ಮ ಖತ್ರ, ಭಾರ್‌ಲ್ಯ ತಬರ್‌ಖಾವ್‍ಮ ಖತ್ರ, ದರ‍್ಯಾವ್‌ಮ ಖತ್ರ, ಅಜು಼ ಝೂ಼ಟ ಭಯೇಥಿ ಖತ್ರ ಅಖ್ಖಾಸ್‍ಮ ಮೇ ಖ್ಹಾಮೆ ಹುಯೊ.

1 ಥೆಸ 2:14

ಹಮಾರ ಭೈಯೇ ಭೇನೆವೊ, ತುಮೆ ಯೂದಾಯಮ ಕ್ರಿಸ್ತ ಯೇಸುಮ ಛಾ಼ತೆ ದೇವ್ನಿ ಖ್ಹಾಚಿ ಸಬೇನಿಮತ್‌ ಚಾ಼ಲಿರಾಖ್ಯಾಸ್‌. ಇವ್ಣೆ ಯೆಹೂದ್ಯರ್‌ಥಿ ಖ್ಹಮಾಳ್ಯುತೆ ಖ್ಹತಾಪ್ಣಿನ, ತುಮೆ ತುಮಾರ ಶೊಂತ್‌ ಅದ್ಮಿಥಿ ಖ್ಹಮಾಳಿರಾಖ್ಯಾಸ್‌.

1 ಥೆಸ 2:16

ಯೆಹೂದ್ಯರ್‌ಕಾಹೆತೆ ಅದ್ಮಿನ ರಕ್ಷಣೆ ಮಳಾದೆ ಕರಿ ಸುವಾರ್ತೆನ ಬೋಲ್‍ಯೇಸ್ತೆ ಹಮುನಾಬಿ ಭೀರಾಕ್‌ಣು ಕರಿ ಕರ‍್ಯು. ಅಮ್ ಕರಾಥಿ ಇವ್ಣು ಪಾಪ್ನು ಕಾಮ್‌ಖ್ಹಾರು ಭರೈನ್ ಉಛ಼್‌ಳಾಯು. ಕತೋಬಿ ದೇವ್‌ನೊ ಇರಾದೊ ಇವ್ಣಾಪರ್ ಪೂರ ಹೋತುಹುಯಿನ್ ಆಯೊ!

1 ಥೆಸ 2:2

ಹಮೆ ತುಮಾರಕನ ಥೆಸಲೋನಿಕಮ ಆವಾನ ಅಗಾಡಿಸ್, ಫಿಲಿಪ್ಪಿ ಖ್ಹಯೇರ್‌ಮ ಹಮೂನ ಕೆತ್ರೆ ಖ್ಹತಾಯು ಅಜು಼ ಖ್ಹರಮ್‌ ಕಾಡ್ಯು ಕರಿ ತುಮೂನ ಮಾಲುಮ್ ಛಾ಼. ಹಿಜ್ಜಾ಼ ಎತ್ರೆ ವಿರೋದ್ ಕರ‍್ಯುತೋಬಿ ತುಮೂನ ಸುವಾರ್ತೆನ ಬೋಲಾನಟೇಕೆ ಅಪ್ಣೊ ದೇವ್ನೆ ಹಮೂನ ಭಾಲಿದಿದೊ.

2 ತಿಮೊ 3:11

ಮನ ಹುಯೂತೆ ವದೇಖ್ಹೊ ಅಜು಼ ಖ್ಹತಾಪ್ಣಿನಿ ಬಾರೇಮಾಬಿ ತುನ ಮಾಲುಮ್‌ ಛಾ಼. ಅಂತಿಯೋಕ್ಯ, ಇಕೋನ್ಯ ಅಜು಼ ಲುಸ್ತ್ರಾಮ ಮೇ ಕೆತ್ರೆ ಮೋಟಿ ವದೇಖ್ಹೊ ದಿದೂಥು ಇನ ಮೆ ಖ್ಹಮಾಳ್ಯೊ, ಕತೋಬಿ ಪ್ರಭುನೆ ಯೋ ಅಖ್ಖಾಮಾಥು ಬಚಾ಼ಡ್ಯೊ.