ಅಪೊಸ್ತಲರ್‌ನು ಕಾಮ್‌ಖ್ಹಾರು 14:23 - ದೇವ್ನಿ ಖ್ಹಾಚಿ ವಚನ್

²³ ಪೌಲ,ಬಾರ್ನಬನೆ ಹರೇಕ್ ಸಭೆನ ಇವ್ಣಿ ಹುಕುಮ್‌ಲೀನ್ ಯೋ ಸಬೆನಖ್ಹಾಜೆ ಕರಿ ಶಾಣಖ್ಹಾರಾನ ಚೂ಼ಣ್ಯ. ಇವ್ಣೆ ಉಪವಾಸ್ ರ‍್ಹೀನ್ ಪ್ರಾರ್ಥನೆ ಕರೀನ್ ಇವ್ಣೆ ವಿಶ್ವಾಸ್ ಕರಿರಾಖ್ಯಥಾತೆ ಶಾಣಾಖ್ಹಾರನ ಪ್ರಭುನ ಹಾತ್ಮ ದಿದಾ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:23 ပူးပေါင်းရင်းမြစ်များ

ಮತ್ತಾಯ 17:21

ತುಮೆ ಆ ಪಹಡ್‌ಣ, ‘ಹಜ್ಜಾ಼ಥು ಹಿಜ್ಜಾ಼ ಜಾ಼!’ ಕರಿ ಬೋಲ್ಯಾತೋಬಿ ಯೋ ಜಾ಼ಶೆ. ತುಮಾರ ಹಾತೆ ಹುವ್ವಾಕೊಂತೆ ಕಾಮ್ ಏಕ್‌ಬಿ ಕೋ ರ‍್ಹಿಶೇನಿ” ಕರಿ ಬೋಲ್ಯೊ.

ಮಾರ್ಕ 3:14

ಇವ್ಣಮಾಥು ಯೇಸು ಭಾರ ಜ಼ಣಾನ ಚೂ಼ಣಿನ್ ಅಪೊಸ್ತಲರ್ ಕರಿ ನಾಮ್‌ದಿದೊ. ಯೋ ಭಾರ ಜ಼ಣ ಇನ ಜೋ಼ಡೆ ರ‍್ಹೇವ್ಣುಕರಿ ಅಜು಼ ದೇವ್ನಿ ಅಛ್ಛಿ ಖಬರ್‌ನ ತಮಾಮ್‌ ಅದ್ಮಿನ ಬೋಲಿದೆವಾನ ಖ್ಹಾಜೆ ಮೋಕಲ್‌ನು ಕರಿ,

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:37

ತದೆ ಇನ ಚಾರ್ ಉಪ್ಪರ್ ಚಾರಿಖ್ಹ್ ವರಖ್ಹ್ ಹುಯಿರ‍್ಹಾಥ ಅಜು಼ ಯೋ ಮುಂಡಚ್ಚಿ ಹುಯಿರ‍್ಹೀಥಿ. ಯೋ ದೇವ್ನಿ ಮಂದಿರ್‌ನ ಕದೇಬಿ ಮ್ಹೇಲಿನ್ ಕೋ ಜಾ಼ತಿಥಿಂತೆ, ಉಪವಾಸ್ ಅಜು಼ ಪ್ರಾರ್ಥನೆ ಕರ್ತಿಹುಯಿನ್, ರಾತ್-ದನ್ ದೇವ್ನಿ ಆರಾದನೆ ಕರ್ತಿ ರ‍್ಹೇತಿಥಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:46

ಯೇಸು ಜೋ಼ರೆಖ್ಹು ಚಿಕ್ರಿನ್, “ಬಾ, ತಾರ ಹಾತ್‌ಮ ಮಾರು ಆತ್ಮಾನ ದೆವುಕರುಸ್‌” ಕರಿ ಬೋಲಾನ ಬಾದ್‌ಮ, ಜಾನ್‌ ಮ್ಹೇಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:22

ಇನಖ್ಹಾಜೆ ಬ್ಯಾಪ್ತಿಸ್ಮ ದ್ಯವಾಳೊ ಯೋಹಾನ ಬೋಧನೆ ಕರ‍್ಯೊತೆ ದನ್‌ಥು ಕತೊ ಯೋಹಾನ ಬ್ಯಾಪ್ತಿಸ್ಮ ಕರ‍್ಯೊತೆ ಹಿಜ್ಜಾ಼ಥು ಧರೀನ್ ಯೇಸು ಸೊರ್ಗಮ ಗಯೋತೆ ದನ್‍ಲಗೂಬಿ ಅಪ್ಣ ಜೋ಼ಡ್ಮ ರ‍್ಹವವಾಳೊ ಹುಯಿರೇಣು.” ಶನಕತೊ ಆ ವೇಳ್ಮ ರ‍್ಹವವಾಳೊ ಏಕ್ಜ಼ಣೊ ಯೇಸು ಪಾಛು಼ಜಿವ್ತೊಹುಯಿನ್ ಉಠ್ಯೊತೆ ಇನ ಸಾಕ್ಷಿಹುಯಿರೇಣು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:24

ತದೆ ಇವ್ಣೆಅಮ್‍ ಪ್ರಾರ್ಥನೆ ಕರ‍್ಯುಕೀ, “ಪ್ರಭು, ತೂ ಅಖ್ಖಾನ ದಿಲ್‌ನೊಮಾಯಿನೊ ಮಾಲುಮ್ ಕರಿರಾಖ್ಯೊಸ್. ಆ ಬೇಜ಼ಣಾಮ ತೂ ಕಿನ ಚೂ಼ಣಿರಾಖ್ಯೊಸ್,

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:30

ಇವ್ಣೆ ಪೈಶಾನ ಜ಼ಮಕರೀನ್ ಇನ ಬಾರ್ನಬ ಅಜು಼ ಸೌಲನ ಹಾಥ್ಥಿ ಯುದಾಯಮ ಥೂತೆ ಸಭೆನ ಗಲ್‌ಢಾವ್ನ ಲಯಿನ್ ದಿದಾ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:26

ಹಿಜ್ಜಾ಼ಥು ಇವ್ಣೆ ಸಿರಿಯ ಅಂತಿಯೋಕ್ಯನ ದರ‍್ಯಾವ್‍ನ ಮಾರಗ್‍ಥಿ ಗಯ. ಹಜ಼್ಜಾಲಗು ಇವ್ಣೆ ಕರೀನ್ ಖತಮ್‍ ಕರ‍್ಯಾತೆ ಸೇವೆನ ಕಾಮ್ನಖ್ಹಾಜೆ, ಇವ್ಣುನ ದೇವ್ನೆ ವಾರ್‌ಖ್ಹೊಕರೀನ್ ಮೋಕ್‍ಲ್ಯುಥೂತೆ ಕಾಮ್ ಆಸ್ ಖ್ಹಯೇರ್‌ಮ ಪೂರ ಹುಯೂತೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:23

ಇವ್ಣ ಹಾತ್ಮ ಲೀಖಿನ್ ದೀರಾಖ್ಯುಥೂತೆ ಶಾತ್‍ಕತೊ, ಭಯೇಖ್ಹಾರ ಹುಯಿರಾತೆ ಅಪೊಸ್ತಲರ‍್ನೇಬಿ ಗಲ್‌ಢಖ್ಹಾರಾನೇಬಿ ಅಂತಿಯೋಕ್ಯ, ಸಿರಿಯ, ಕಿಲಿಕ್ಯ ತಬರ್‌ಖಾಸ್‍ಮ ಛಾ಼ತೆ ಯೆಹೂದ್ಯರ್‌ಕಾಹೆತೆ ಭೈಯೇ ಭೇನೇನ ಹಮಾರಿ ಖ್ಹಲಾಮ್;

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:4

ಪೌಲ,ಬಾರ್ನಬ ಯೆರೂಸಲೇಮ್‌ನ ಐನ್ ಸಬೆವಾಳನ ಅಪೊಸ್ತಲರ್ ಖ್ಹಾರಾನ ಸಬೇನು ಗಲ್‌ಢವ್‍ಖ್ಹಾರಾನ ಜೋ಼ಡ್ಮ ಮಳಿಜೈ಼ನ್ ದೇವ್ ಇವ್ಣಜೋ಼ಡೆ ರ‍್ಹಯಿನ್ ಕರ‍್ಯೊತೆ ಕಾಮ್‍ಖ್ಹಾರಾನ ಪೌಲ,ಬಾರ್ನಬನೆ ಇವ್ಣುನ ಬೋಲಿ ವತಾಳ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:6

ತದೆ ಅಪೊಸ್ತಲರ್ ಖ್ಹಾರು ಬಿಜು಼ ಗಲ್‌ಢಖ್ಹಾರು ಆ ವಾತೆನ ಬಾರೇಮ ಸೋಚಾನಖ್ಹಾಜೆ ಎಕ್ಟು ಹುಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:17

ಪೌಲನೆ ಮಿಲೇತಥೊ ಎಫೆಸ ಖ್ಹಯೇರ‍್ನ ಸಬೆನ ಗಲ್‌ಢವ್‍ಖ್ಹಾರಾನ ಏಕ್‌ ಸಂದೇಶ್ ಬೋಲಿಮೋಕ್ಲಿನ್ ಇವ್ಣುನ ಬುಲೈಮಂಗಾಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:32

“ಮೇ ಹಮ್ಕೆ ತುಮೂನ ದೇವ್‍ನಾಬಿ ಇನ ವಾರ್‌ಖ್ಹಾನಿ ವಚನ್ನಾಬಿ ದೆವುಕರೂಸ್. ಯೊ ತುಮಾರಮ ಭಕ್ತಿನ ಭಡಾವನಾಬಿ, ಪರಿಶುದ್‌ಥಿ ತುಮೂನ ಹಕ್ನ ದ್ಯವಾನಾಬಿ ಶಕತ್‌ವಾಳೊ ಹುಯಿರೋಸ್.

2 ಕೊರಿಂಥ 8:19

ಆ ನಾಹುಯಿನ್ ಪ್ರಭುನಿ ಮಹಿಮೆನಖ್ಹಾಜೆ ಅಜು಼ ಅಪ್ಣ ಅಛ್ಛು಼ ದಿಲ್ನ ವತಳಾನಖ್ಹಾಜೆ ಮದತ್‍ನ ರಪ್ಯಾನ ಲೀಜಾ಼ವನಿ ವಖ್ಹತ್‌ಮ ಹಮಾರಿ ಜೋ಼ಡ್ಮರ‍್ಹಾವಾನ ಆ ಭೈನ ಸಬೇಥು ಚೂ಼ಣಿರಾಖ್ಯುಸ್. ದೇವ್ನಿ ಮಹಿಮೆನ ಖ್ಹಾಜೇಬಿ ಬಿಜು಼ ಮದತ್ ಕರಾನ ಖ್ಹಾಚಾಮಸ್ ಆಖ್ಹ್‌ಕರಿಯೇಸ್ ಕರಿ ವತಾಳಿಲ್ಯಾವನಬಿ ಆ ಸೇವೆನುಕಾಮ್ನ ಕರುಕರಿಯೇಸ್.

1 ತಿಮೊ 5:1

ಬುಢಾ ಅದ್ಮಿನ ಗುರ್‌ಕಾವ್‍ನಕೋತೆ, ಇವ್ಣುನ ತಾರ ಬಾನಿಮತ್ ಕರಿ ಸೋಚೊ, ಜಾ಼ನ್ಜ಼ಮಾನ್ ಪರ್ಖ್ಹಾವ್‌ನ ಭೈಯೇನಿಘೋಣಿ ಇವ್ಣುನ ಅಕ್ಕಲ್ ಬೋಲಿಒತಾಳ್‌.

1 ತಿಮೊ 5:22

ಉತ್ವಾಳಿಥಿ ಕಿನ ಮಾಥಪರ್‌ಬಿ ಹಾತ್‌ ಮ್ಹೇಲಿನ್, ಪ್ರಭುನಿ ಸೇವೇನ ನೇಮಕ್ ನಕೊ ಕರೀಶ್. ಇಮ್‌ ನೇಮಕ್ ಕರ‍್ಯೊತೊ ಇವ್ಣ ಪಾಪ್‌ಮ ತೂಬಿ ಭಾಗ್‌ವಾಳೊ ಹುಯಿಜೈ಼ಶ್. ತಾರು ತೂ ಪಾಕ್‌ಥಿ ರ‍್ಹವಾನಿಘೋಣಿ ದೇಖಿಲೆ.

2 ತಿಮೊ 1:12

ಅನಖ್ಹಾಜೆಸ್ ಮೇ ಆ ಖ್ಹಾರು ಖ್ಹಮಾಳುಕರುಸ್ತೆ. ತೋಬಿ ಮೇ ಖ್ಹರ್‌ಮಾವ್‍ಕೊಯ್ನಿ. ಶನಕತೊ ಮೇ ಕಿನಾಪರ್ ಭರೋಖ್ಹೊ ಕರಿರಾಖ್ಯೋಸ್‌ಕಿ ಯೊ ಮನ ಮಾಲುಮ್‌ ಕರಿರಾಖ್ಯೋಸ್. ಅಜು಼ ಮನ ಅಛ್ಛಿನಿತರ ಮಾಲುಮ್‍ಕಿ ಯೋ ಮಾರ ಹಾತ್ಮ ಶಾತ್ ದೀರಾಖ್ಯೋಸ್ತೆ ಇನ, ಪ್ರಭು ಆವಾನು ಯೊ ದನ್ ಆವಾತೋಡಿ ಬಚಾ಼ಡನ ಶಕತ್‌ವಾಳೊ ಹುಯಿರ‍್ಹೋಸ್.

2 ತಿಮೊ 2:2

ಕೈಯೆಕ್ಕಿ ಸಾಕ್ಷಿನ ಖ್ಹಾಮ್ಣೆ ತೂ ಮಾರೇಥಿ ಖ್ಹಮ್‌ಜ್ಯೋಥೊ ಯೊ ಖ್ಹಾಚಿ ಪಢಂತ್‌ನ ತೂ ಲೀಲೆ. ಇನಾಸ್ ಯೋಗ್ಯ ಹುಯಿರ‍್ಹಾವವಾಳನ ಪೋಚಾ಼ವ್. ಯೊ ಪಢಂತ್‌ನ ಬಿಜಾ಼ನ ಶಿಕಾಡನ ನಿಯತ್‌ವಾಳೊ ಹುಯಿರ‍್ಹಿಶೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:5

ತೂ ಕ್ರೇಟ್‌ಮ ಬಿಜೂ಼ಬಿ ಬರಾಬರ್‌ ಹುಯುಕೊಂತೆ ಕಾಮ್ನ ಖ್ಹಾರು ಬರಾಬರ್‌ ಕರಾನಖ್ಹಾಜೆಬಿ, ಅಜು಼ ಹರೇಕ್ ಖ್ಹಯೇರ್‌ಮ ಸಬೇನು ಶಾಣಾವ್ನ ನೇಮಕ್ ಕರ್ನುಕರಿ ಮೇ ತುನ ಹಿಜ಼್ಜಾಸ್ ಹುಕುಮ್ ದೀನ್ ಮ್ಹೆಂದಿನ್ ಆಯೊ.

ಯಾಕೋಬ 5:14

ತುಮಾರಮ ಕೋಣ್‌ತೋಬಿ ಜಾನ್ನ ಅಛ್ಛು಼ ನಾ ರ‍್ಹವಾಳು ಛಾ಼ಕಿ? ಯೋ ಸಬೇನು ಶಾಣವ್ನ ಬುಲೈನ್ ಪ್ರಾರ್ಥನೆ ಕರಾನ ಬಿಂತಿ ಕರಾದೆ. ಇವ್ಣೆ ಪ್ರಭುನ ನಾಮ್‍ಥಿ ಇನ ತೇಲ್ ಲಗಾಡಿನ್ ಇನದೇಶೆ ದೇವ್ನ ಪ್ರಾರ್ಥನೆ ಕರಾದೆ.

1 ಪೇತ್ರ 5:1

ಸಭೆನ ಶಾಣವೊ, ಜೋಡ್ಮಶಾಣೊ ಹುಯಿರ‍್ಹೋತೆ ಮೇ ಕ್ರಿಸ್ತನು ಖ್ಹತಾಪ್ಣಿ ಡೋಳೇಥಿ ದೇಖೆಹುಯೊ. ಅಜು಼ ಆವ್‌ಶೇತೆ ಮಹಿಮೆಮ ಭಾಗ್‌ವಾಳೊ ಹುಯಿನ್ ತುಮುನ ಹುಮ್ಮಖ್ಹ್‌ದೀನ್ ಶಾತ್‌ ಬೋಲಿಲೆವುಸ್‌ಕತೊ,

1 ಪೇತ್ರ 5:10

ಕ್ರಿಸ್ತ ಯೇಸುಮ ತುಮುನ ಹಮೇಶಾನಿ ಮಹಿಮೆನ ಬುಲಾಯೋತೆ ಭರ್‌ಪೂರ್‌ ವಾರ್‌ಖ್ಹಾನೊ ದೇವಸ್, ತುಮೆ ಥೋಡುವಖ್ಹತ್ ಖ್ಹತಾನ ಬಾದ್ಮ ತುಮುನ ಅಛ್ಛಿರ‍್ಹಾಮ ಲೀಅಯಿನ್ ತಳ್‌ಗಠೈನ್‌ ತಾಖತ್‍ದಿಷೆ.

2 ಯೋಹಾ 1:1

ಸಬೇನೊ ಶಾಣಾವ್‍ಮಾಥೊ ಏಕ್‍ಜ಼ಣೊ ಹುಯಿರ‍್ಹೋತೆ ಮೆ ದೇವ್ನೆ ಚೂ಼ಣಿರಾಖ್ಯುತೆ ಖ್ಹಾಚ ಪ್ಯಾರ್‌ನಿ ಭೇನೆನಾಬಿ ಇನ ಲಡ್ಕಾನಾಬಿ ಲೀಖುಕರುಸ್ತೆ ಶಾತ್‍ಕತೊ;

3 ಯೋಹಾ 1:1

ಸಬೇನೊ ಶಾಣಾವ್‌ಮ ಏಕ್‍ಜ಼ಣೊ ಹುಯಿರೋತೆ ಮೆ, ಖ್ಹಾಚಮಾಬಿ ಪ್ಯಾರ್ ಕರುಸ್ತೆ ಮಾರೊ ಪ್ಯಾರ‍್ನೊ ಗಾಯನ ಲೀಖುಕರುಸ್ತೆ ಶಾತ್‌ಕತೊ,