ಅಪೊಸ್ತಲರ್‌ನು ಕಾಮ್‌ಖ್ಹಾರು 14:20 - ದೇವ್ನಿ ಖ್ಹಾಚಿ ವಚನ್

²⁰ ಕತೋಬಿ ಶಿಷ್ಯರ್‌ ಇನ ಅಶ್‌ಪಿಶ್‍ ಭರೈನ್ ಆಯ. ತದೆ ಯೋ ಉಠೀನ್ ಖ್ಹಯೇರ್‌ಮ ಗಯೊ. ಇನವ್ಹಾಣೆ ಬಾರ್ನಬನಿ ಜೋ಼ಡೆ ದೆರ್ಬೆ ಖ್ಹಯೇರ‍್ನ ಗಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:20 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:26

ಬಾರ್ನಬನೆ ಸೌಲಾನ ಹಿಜ್ಜಾ಼ ದೇಖಿನ್ ಇನ ಅಂತಿಯೋಕ್ಯನ ಬುಲೈಲಿನ್ ಆಯೊ. ಸೌಲಾಬಿ ಅಜು಼ ಬಾರ್ನಬನೆ ಅಂತಿಯೋಕ್ಯಮ ಏಕ್‌ ವರಖ್ಹ್‌ಅಖ್ಖು ಸಬೆನ ಜೋ಼ಡ್ಮಾಸ್ ರ‍್ಹೀನ್ ಕೈಏಕ್ ಜ಼ಣಾನ ಶಿಕಾಡ್ಯ. ಆ ವಿಶ್ವಾಸಿನ ಪಹಿಲಿಬಾರ್ “ಕ್ರೈಸ್ತರ್” ಕರಿ ನಾಮ್ ಆಯುತೆ ಅಂತಿಯೋಕ್ಯಮಾಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:29

ಯೂದಾಯಮ ರ‍್ಹವಾಳು ಭೈಯೇ ಭೇನೆವೊನ ಮದತ್‌ಕರಾನ ಶಿಷ್ಯರ್‌ನೆ ನಿರ್ಧಾರ್ ಕರ‍್ಯು. ವಿಶ್ವಾಸಿಮ ಹರೇಕ್ ಜ಼ಣುಬಿ ಇವ್ಣೇಥಿ ಕೆತ್ರುಹುಯೂಕಿ ಇವ್ಣುನ ಬೋಲಿ ಮೋಕ್ಲಿನ್ ಖ್ಹಯಾಲ್ ಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 12:17

ಪೇತ್ರನೆ ಇವ್ಣುನ ಶೊಪೊರ‍್ಹೇವೊ ಕರಿ ಹಾತ್‌ನೊ ಇಷಾರ್ಕೊ ಕರೀನ್, ಪ್ರಭುನೆ ಇನ ಜೇಲ್‌ಮಾಥು ಕಿಮ್ ಛೋ಼ಡಾಯೊ ಕರಿ ಯೋ ಬಾರೇಮ ಇವ್ಣುನ ಅಖ್ಖು ಬೋಲಿ ಒತಾಳ್ಯೊ. “ಯಾಕೋಬ್‌ನಾಬಿ ಅಜು಼ ವಿಶ್ವಾಸಿವೊನಾಬಿ ಆ ಸಮಚಾರ್‌ನ ಬೋಲೊ” ಕರಿ ಬೋಲ್ಯೊ. ಇನಕೇಡೆಥು ಪೇತ್ರ ಬಿಜಿ ಝ಼ಗೊ ನಿಕ್ಳಿಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:22

ಹಿಜ಼್ಜಾನ ಶಿಷ್ಯರ‍್ನ ಭಾಲಿದೀನ್ ವಿಶ್ವಾಸ್ಮ ಘಟ್ ಭೀರಾವನ ಹಿಮ್ಮತ್ ದಿದಾ. “ಅಪ್ಣಿ ದೇವ್ನಿ ರಾಜ್ಯನ ಘಣು ಮುಶ್ಕಿಲ್‍ನ ಮಹಿಕರಿ ಜಾ಼ವ್ಣುಪಡಸ್” ಕರಿ ಬೋಲಿಲಿದ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:28

ಹಿಜ್ಜಾ಼ ಪೌಲ, ಬಾರ್ನಬ ವಿಶ್ವಾಸಿನ ಜೋ಼ಡೆ ಘಣಾದನ್ ರ‍್ಹಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:6

ತದೆ ಪೌಲ,ಬಾರ್ನಬನೆ ಅನ ಮಾಲುಮ್ ಕರಿಲಿನ್ ಯೋ ಖ್ಹಯೇರ‍್ನ ಮ್ಹೇಲಿದಿನ್ ಲುಕವೋನ್ಯಮ ಥೂತೆ ಲುಸ್ತ್ರ ಅಜು಼ ದರ್ಬೆಕರಿ ಖ್ಹಯೇರ್‌ನಾಬಿ,

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:1

ಪೌಲನೆ ದೆರ್ಬೆ ಅಜು಼ ಲುಸ್ತ್ರಕರಿ ಖ್ಹಯೇರ್‌ಮ ಗಯೊ.ಹಿಜ್ಜಾ಼ ತಿಮೊಥೆಕರಿ ಏಕ್‍ಜ಼ಣೊ ಕ್ರಿಸ್ತನೊ ವಿಶ್ವಾಸಿ ಥೊ. ತಿಮೊಥೆನಿ ಆಯ ಯೆಹೂದ್ಯವಾಳಿ ಹುಯಿರ‍್ಹೀಥಿ ಅಜು಼ ಬಾ ಗ್ರೀಕ್‍ವಾಳೊ ಹುಯಿರ‍್ಹೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:40

ಕತೋಬಿ ಪೌಲಬಿ ಸೀಲನೆ ಜೇಲ್‌ಥು ನಿಕ್ಳಿನ್ ಲಿಡಿಯಾನ ಘರೆಗಯ. ಹಿಜ್ಜಾ಼ ಇವ್ಣೆ ಥೋಡ ವಿಶ್ವಾಸಿನ ದೇಖಿನ್ ಇವ್ಣುನ ಭಾಲಿದೀನ್ ಹಿಜ್ಜಾ಼ಥ ಚ಼ಲೇಗಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:1

ಗಲಾಟ್ ಭೀರ‍್ಯಾವನ ಬಾದ್ಮ ಪೌಲನೆ ಯೇಸುನ ವಿಶ್ವಾಸಿವ್‌ನ ಏಕ್‌ ಬಾಜು಼ ಬುಲೈಮಂಗೈನ್‌ ಇವ್ಣುನ ಭಾಲಿದೀನ್ ಜೈ಼ನ್ ಆವುಸ್ ಕರಿ ಹಿಜ್ಜಾ಼ಥೊ ಮೆಕೆದೋನಿಯನ ನಿಕ್ಳಿಗಯೊ.

2 ಕೊರಿಂಥ 6:9

ಮಾಲುಮ್‌ ರ‍್ಹವಾಳು ಮರವಾಳುಹುಯಿನ್ ದೇಖಾಯುತೋಬಿ ಹಂದೇಖೊ ಹಮೆ ಬಚಿರ‍್ಹಿಶು. ಮಾರ್‌ಪೀಟ್ಮ ಪಡ್ಯತೋಬಿ ಮರಿಜಾ಼ಶುಕೊಂತೆ ರ‍್ಹಿಶು.