ಅಪೊಸ್ತಲರ್‌ನು ಕಾಮ್‌ಖ್ಹಾರು 13:6 - ದೇವ್ನಿ ಖ್ಹಾಚಿ ವಚನ್

⁶ ಇವ್ಣೆ ಯೋ ಟಾಪಾನಿ ಅಖ್ಖಿಬಾಜು಼ ಜಾ಼ತಹುಯಿನ್ ಪಾಫೋಸ್ ಕರಿ ಗಾಮ್‌ನಗಯ. ಇವ್ಣೆ ಜಾ಼ದುಜ಼ಮ್‌ಕರ್‌ ಕರಾವಾಳ ಏಕ್‌ ಯೆಹೂದ್ಯವಾಳನ ಪಾಫೋಸ್ಮ ದೇಖ್ಯ. ಇನು ನಾಮ್ ‘ಬಾರ್‌ಯೇಸು’ ಯೋ ಏಕ್‌ ಝೂ಼ಟುಪ್ರವಾದಿ ಹುಯಿರ‍್ಹೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:6 ပူးပေါင်းရင်းမြစ်များ

ಮತ್ತಾಯ 16:17

ಯೇಸುನೆ, “ಯೋನಾನೊ ಛಿಯ್ಯೊ ಸೀಮೋನ, ತೂ ಧನ್ಯ ಹುಯಿರ‍್ಹೋಸ್! ಆ ಖ್ಹಾಚ಼ನ ತುನ ಮಾಲುಮ್ ಕರಾಯೂತೆ ಅದ್ಮಿನೆ ಕಾಹೆ, ಪಣ್ಕಿ ಸೊರ್ಗಾಮ ಛಾ಼ತೆ ಮಾರ ಬಾನೇಸ್ ಆ ಖ್ಹೂಜ಼್‌ ಕರಾಯೋತೆ ಕರಿ ಬೋಲ್ಯೊ.

ಮತ್ತಾಯ 24:24

ಶನಕತೊ ಝೂ಼ಟುಕ್ರೈಸ್ತರ್‌ ಖ್ಹಾರು ಅಜು಼ ಝೂ಼ಟು ಪ್ರವಾದಿಖ್ಹಾರು ದೆಖೈನ್, ಇವ್ಣೇಥಿ ಹುಯೂತೊ ದೇವ್‍ಥಿ ಚೂ಼ಣೈರ‍್ಹವಾಳನಾಬಿ ಠಗಾವಾನಖ್ಹಾಜೆ, ಅದ್ಭುತ್‌ಕಾಮ್‌ ಅಜು಼ ಅಶ್ಚರ್ಯನು ಕಾಮ್‌ಖ್ಹಾರು ಕರಿ ವತಾಳ್‌ಶೆ.

ಮತ್ತಾಯ 7:15

ಝೂ಼ಟ ಪ್ರವಾದಿಯೇನಿ ಬಾರೇಮ ಹೊಷಾರ್‌ಥಿ ರ‍್ಹವೊ; ಇವ್ಣೆ ಮೇಂಢಾನು ಪೇರ್‌ವಾಖ್ಹ್‌ನ ಘಾಲಿಲೀನ್‌ ತುಮಾರಕನ ಆವ್‌ಶೆ, ಕತೋಬಿ ಮಹಿ ದೇಖ್ಯುತೊ ಇವ್ಣೆ ಖ್ಹಾಚಮಾಬಿ ಝಂಜೋ಼ಡಿ ಖವಾಳ ಜ಼ರಕ್‌ನಿಘೋಣಿ ಹುಯಿರ‍್ಹೂಸ್.

ಮಾರ್ಕ 10:46

ಬಾದ್‌ಮ ಇವ್ಣೆ ಯೆರಿಕೋನ ಆಯು. ತದೆ ಯೇಸು ಇನ ಶಿಷ್ಯರ್‌ನ ಜೋ಼ಡೆ ಹಿಜ್ಜಾ಼ಥೊ ನಿಕ್ಳಿನ್ ವಳ್ಯೊಜಾ಼ತೋಥೊ, ಅಜು಼ ಇನಜೋ಼ಡೆ ಅದ್ಮಿನಿ ಮೋಟಿ ಝೂ಼ಂಡ್‌ ಥಿ, ತದೆ ತಿಮಾಯನೊ ಛಿಯ್ಯೊ ಬಾರ್ತಿಮಾಯ ಕರಿ ಏಕ್‌ ಕಾಣೊ ಧರಮ್ ಮಾಂಗವಾಳೊ ಮಾರಗ್‌ನ ಶೇಡೆ ಬೆಠೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:13

ಪೌಲ ಅಜು಼ ಇನ ಜೋ಼ಡ್‍ವಾಳು ಪಾಫೋಸ್‍ಥು ಜ಼ಹಾಜ಼್‌ಪರ್ ನಿಕ್ಳಿನ್, ಪಂಫುಲ್ಯ ತಬರ್‌ಖಾನು ಪೆರ್ಗೆಕರಿ ಖ್ಹಯೇರ‍್ನ ಇವ್ಣೆ ಆಯು. ಕತೋಬಿ ಯೋಹಾನ ಇವ್ಣುನ ಮ್ಹೇಲಿನ್ ಯೆರೂಸಲೇಮ್‌ನ ಪಾಛೊ಼ ಫರಿಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:8

ಕತೋಬಿ ಯೊ ಮಂತ್ರವಾದಿ ಹುಯಿರೋತೆ ಎಲುಮ (ಎಲುಮಕರಿ ನಾಮ್ನೊ ಮಂತ್ರವಾದಿ) ವಿರೋದ್ ಹುಯಿರ‍್ಹೋಥೊ. ರಾಜ್ಯಪಾಲ್‌ನೆ ಕ್ರಿಸ್ತಮ ವಿಶ್ವಾಸ್ ನಾ ಕರ್ನುತೆ ತಿಮ್ ಎಲಿಮನೆ ಕೋಶಿಶ್ ಕರ‍್ಯೊ.

2 ಕೊರಿಂಥ 11:13

ಎಥ್ರಾನು ಅದ್ಮಿಖ್ಹಾರು ಝೂ಼ಟುಅಪೊಸ್ತಲರ್, ಧೋಕಕರವವಾಳು, ಕ್ರಿಸ್ತನು ಅಪೊಸ್ತಲರ್‌ಕರಿ ವೇಷಬದ್ಲವವಾಳು ಹುಯಿರ‍್ಹೂಸ್.

2 ತಿಮೊ 3:8

ಯನ್ನ ಅಜು಼ ಯಂಬ್ರ ಮೋಶೆನಿ ವಿರೋದ್ ಕರ‍್ಯುಕೀ ಇಮ್ಮಸ್, ಆ ಅದ್ಮಿವ್‌ ಜಿನುಕು ಖ್ಹಾಚಿನ ವಿರೋದ್ ಕರಾಸ್. ಅವ್ಣು ದಿಮಾಕ್ ಬರಬರ್‌ಕೊಯ್ನಿ ಅಜು಼ ವಿಶ್ವಾಸ್‌ನ ಮ್ಹೆಂದಿದುಹುಯು ಹುಯಿರ‍್ಹೂಸ್.

1 ಯೋಹಾನ 4:1

ಪ್ಯಾರ್‌ನ ಅದ್ಮಿವೊ “ಅಪ್ಣಾಮ ಪವಿತ್ರಾತ್ಮ ಛಾ಼” ಕರಿ ಬೋಲಿಲ್ಯಾವಾಳ ಅಖ್ಖಾಸ್ನ ವಿಶ್ವಾಸ್ ನಾಕರ‍್ನು. ಯೊ ಹುಮ್ಮಖ್ಹ್‌ ದೇವ್‍ಥಿ ಆಯು ಕಿಶು ಕರಿ ತರೀಪ್‌ಶ ಕರಿನ್ ದೇಖೊ. ಶನಕತೊ ಜಗತ್‌ಮ ಕೆತ್ರುಕ್ಕಿ ಝೂ಼ಟು ದೇವ್ನಿ ಸಮಾಚಾರ್ ಬೋಲವಾಳು ಕಿಜ಼್ಜ ಕಿಜ್ಜಾ಼ಬಿ ಫೈಲೈಗು.

ಪ್ರಕಾಶಿತ್ 19:20

ತದೆ ಯೊ ಜಾನ್ವರ್‌ನು ಧರಿಲಿದು. ಅತ್ರೇಸ್ ಕಾಹೆತೆ ಜಾನ್ವರ್‌ ಭಣೀಥು ಅದ್ಭುತ್ ಕಾಮ್‌ಖ್ಹಾರು ಕರೀನ್, ಜಾನ್ವರ್‌ನು ಖ್ಹಣೇದ್ ನಖಾಯಹುಯನ, ಅಜು಼ ಇನ ಮೂರತ್ನ ಆರಾದನೆ ಕರವಾಳನ ಪೊಖ್ಹ್‌ಲೈರಾಖ್ಯೊಥೊತೆ ಯೊ ಝೂ಼ಟುಪ್ರವಾದಿಬಿ ಇನ ಜೋ಼ಡೆ ಧರೈಗಯೊ. ಯೋ ಭೇಜ಼ಣಾನ ಜಾನ್ನಖ್ಹಮೇದ್‌ ರಂಜ಼ಕ್‌ಥಿ ಬಳಾನು ಆಗ್ನ ತಲಾವ್ಮ ಫೇಕ್ಯು.