ಅಪೊಸ್ತಲರ್‌ನು ಕಾಮ್‌ಖ್ಹಾರು 13:32 - ದೇವ್ನಿ ಖ್ಹಾಚಿ ವಚನ್

³² ದೇವ್ ಹಮಾರ ಗುರುಗುರಬ್‌ಲ್ಯನ ಕರ‍್ಯೊತೆ ವಾಗ್ದಾನ್ನಿ ಬಾರೇಮ ಸುವಾರ್ತೆನ ಹಮೆ ತುಮೂನ ಬೋಲಿಯೇಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:32 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:19

ಇಮ್‌ ಬೋಲಾಖ್ಹತರ್ ದೇವ್‌ನೊ ದೂತನೆ, “ಮಾರು ನಾಮ್ ಗಬ್ರಿಯೇಲ್, ಮೇ ದೇವ್ನ ಖ್ಹಾಮ್ಣೆ ಭೀರ‍್ಯಾವವಾಳೊ, ತಾರ ಜೋ಼ಡೆ ವಾತೆಬೋಲಿನ್, ಆ ಸುವಾರ್ತೆನ ತುನ ಖ್ಹಮ್‍ಜಾ಼ಡನಖ್ಹಾಜೆ ದೇವ್ನೆ ಮನ ಮೋಕ್ಲಿರಾಖ್ಯೊಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:10

ಕತೋಬಿ ದೇವ್‌ನೊ ದೂತನೆ ಇವ್ಣುನ, “ಡರೊ ನಕೊ! ಮೇ ತುಮಾರಖ್ಹಾಜೆ ಅಛ್ಛಿಸಮಾಚಾರ್‌ನ ಲೈರಾಖ್ಯೊಸ್, ಅನೇಥಿ ತಮಾಮ್‌ ಅದ್ಮಿನ ಘಣು ಖ್ಹುಶಿ ಉಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:36

ದೇವ್ನೆ ಇಸ್ರಾಯೇಲ್‌ನ ಅದ್ಮಿನ ಜೋ಼ಡ್ಮ ಬೋಲ್ಯೊಥೊ ಯೋಸ್ ಖ್ಹಾರಜ಼ಣನ ಪ್ರಭು ಹುಯಿರ‍್ಹೋಸ್.ಯೊ ಯೇಸು ಕ್ರಿಸ್ತಾಥೀಸ್ ಸಮಾಧಾನ್ ಆವ್‍ಶೆಕರಿ ಬೋಲಾನು ಸುವಾರ್ತೆನ ದೇವ್ನೆ ಇವ್ಣುನ ಮೋಕ್‌ಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:23

ದೇವ್ ಇನಿ ವಾಗ್ದಾನಿಘೋಣಿಸ್ ದಾವೀದ್‍ನಿ ಖಾನ್‍ದಾನ್‍ಮಾಥು ಏಕ್‍ಜ಼ಣಾನ ಇಸ್ರಾಯೇಲ್‍ವಾಳನೊ ರಕ್ಷಕ್ ಕರಿ ಮೋಕ್ಲಿರಾಖ್ಯೊಸ್, ಯೋಸ್ ಯೇಸು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:38

ಮೋಶೆನ ಧರ್ಮಶಾಸ್ತ್ರಥೀಸ್ ತುಮೆ ಛುಟ್ಕಾರ್‌ ಹುಯಿನ್ ನೀತಿವಾಳಕೊಯ್ನಿ ಕರಿ ಬೋಲೈರ‍್ಹಾಸ್.ಇನಖ್ಹಾಜೆ ಭೈಯೇವೊ, ಆ ತುಮೂನ ಮಾಲುಮ್ ರ‍್ಹವಾದೆ; ಯೇಸುಥೀಸ್ ತುಮಾರಿ ಪಾಪ್ನ ಕ್ಷಮಾಪಣ್ ಮಳ್‌ಶೆಕರಿ ಬೋಲುಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:15

ಲೋಗ್ ತುಮೆ ಅಮ್ ಶನ ಕರುಕರಸ್ತೆ? ಹಮೇಬಿ ತುಮಾರಿನಿ ತರಾಸ್ ಅದ್ಮಿ. ತುಮುನ ಸುವಾರ್ತೆ ಬೋಲಾನ ಆಯಾತೆ, ತುಮೆ ಅಥ್ರಾನು ಫಾಯಿದೊಕೊಂತೆ ಕಾಮ್ನ ಮ್ಹೇಲಿನ್ ಆಬ್‌ ಧರ್ತಿನ, ದರ‍್ಯಾವ್‌ನಾಬಿ, ಇನಾಮ ಛಾ಼ತೆ ಖ್ಹಾರೂಸ್ ಉಬ್‌ಜಾ಼ಯೋತೆ ಜಿವ್ತೊಜಾನ್ ರ‍್ಹವಾಳೊ ದೇವ್ನಿ ಸುವಾರ್ತೆನ ಬೋಲಾನ ಹಮೆ ಆಯಾತೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:6

ದೇವ್ನೆ ಹಮ್ಕೇಬಿ ಅಪ್ಣ ಗುರುಗುರಬ್‍ಲ್ಯನ ಕರ‍್ಯೊತೆ ವಾಗ್ದಾನ್ನ ಉಷೆಕರಿ ವಿಶ್ವಾಸ್ನಖ್ಹಾಜೆ ಮೇ ಆಜ಼್ ನ್ಯಾವ್‌ನಿ ವಿಚಾರಣೆಮ ಭಿಯೋಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:19

ಅನಖ್ಹಾಜೇಥಿ ತುಮಾರ ಪಾಪ್ನಖ್ಹಾಜೆ ತುಮೆ ಪ್ರಾಯಶ್ಚಿತ್ ಕರಿಲೀನ್ ದೇವ್‌ಭಣಿ ಫರಿಜಾ಼ವೊ. ತದೆ ಯೋ ತುಮಾರಿ ಪಾಪ್ನ ಕ್ಷಮಾಪಣ್ ಕರಿಲಿಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:42

ಇವ್ಣೆ, ಅದ್ಮಿಮ ಬೋಧನೆ ಕರಾನು ಭೀರಾಖ್ಯಕೊಯ್ನಿ. ಯೇಸುಸ್ ಕ್ರಿಸ್ತಕರಿ ಅದ್ಮಿನ ಸುವಾರ್ತೆ ಶಿಕಾಡನ ಶುರುಕರ‍್ಯ. ಇವ್ಣೆ ಹರ್‌ರೋಜ಼್ ದೇವ್ನ ಮಂದಿರ್‌ಮಾಬಿ, ಘರೂಮಾಬಿ ಬೋಧನೆ ಫೈಲಾಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:2

ದೇವ್ನೆ ಘಣ ಹಗಾಮ್ನಪಾರ್‌ ಪವಿತ್ರ ದಪ್ತರ್‌ಮ ಇನ ಪ್ರವಾದಿಖ್ಹಾರಾಥಿ ವಾಗ್ದಾನ್ ಕರ‍್ಯೊತೆ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:15

ಬೋಧನೆ ಕರವಾಳನ ಮೋಕ್‍ಲ್ಯೊನಾತೊ ಬೋಲ್‌ಶೆ ಕಿಮ್? ಇನಖ್ಹಾಜೇಸ್, “ಅಛ್ಛಿ ಸುವಾರ್ತೆ ಬೋಲವಾಳನು ಪಗ್ ಕೆತ್ರೇಕ್ಕಿ ಶನ್‌ಗಾರ್” ಕರಿ ಪವಿತ್ರದಪ್ತರ್‌ಮ ಲೀಖೈರ‍್ಹುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:13

ಜಗತ್‍ನಾಸ್ ಹಕ್‍ದಾರ್ ಉಷೆಕರಿ ಬೋಲಾನು ವಾಗ್ದಾನ್ ಅಬ್ರಹಾಮ್ ಧರ್ಮಶಾಸ್ತ್ರನ ಪಾಡಿ ಚಾ಼ಲುಕರ್ತೊಥೋತೆ ಇನಖ್ಹಾಜೆ ಕಾಹೆ. ವಿಶ್ವಾಸ್‍ಥಿ ಆವಾತೆ ನೀತಿಹುಯಿರ‍್ಹಿಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:4

ಇಸ್ರಾಯೇಲ್‌ವಾಳು ಹುಯಿರ‍್ಹುತೆ ಇವ್ಣುನ ಇನಿ ಲಡ್ಕಾವ್‌ನಿ ಘೋಣಿಬಿ ಮಹಿಮೆನ ವತಾಳಿರಾಖ್ಯುಸ್, ಒಪ್ಪಂದಾನ ಅಖ್ಖೂಬಿ, ಧರ್ಮಶಾಸ್ತ್ರ ದೇವವಾನುಬಿ, ಮಂದಿರ್‌ನಿ ಸೇವೆಬಿ ಅಜು಼ ವಾಗ್ದಾನ್‌ಬಿ ಲೀರಾಖ್ಯುಸ್.