ಅಪೊಸ್ತಲರ್‌ನು ಕಾಮ್‌ಖ್ಹಾರು 13:14 - ದೇವ್ನಿ ಖ್ಹಾಚಿ ವಚನ್

¹⁴ ಇವ್ಣೆ ಪೆರ್ಗೆ ಗಾಮ್‍ಥ ನಿಕ್ಳಿನ್ ಪಿಸಿದ್ಯ ತಬರ್‌ಖಾನು ಮಳ್ಯುಹುಯು ಅಂತಿಯೋಕ್ಯನ ಆಯ. ಇವ್ಣೆ ಸಬ್ಬತ್‌ ದನ್ಮ ಯೆಹೂದ್ಯರ‍್ನು ಸಬಾಮಂದಿರ್‌ಮ ಜೈ಼ನ್ ಬೇಶಿಗಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:14 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:16

ಯೇಸು ಯೋ ಪಳ್ಯೋತೆ ಗಾಮ್‍ ಹುಯಿರ‍್ಹೂತೆ ನಜ಼ರೇತ್‌ನ ಆಯೊ. ಯೋ ಕರ್ತೊಥೋತೆ ಇಮ್ಮಸ್, ಸಬ್ಬತ್‌ ದನ್ಮ ಸಬೆ ಭರಾವಾನು ಮಂದಿರ್‌ಮ ಜೈ಼ನ್, ಪಢಾನಖ್ಹಾಜೆ ಉಠಿ ಭಿಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:42

ಪೌಲ,ಬಾರ್ನಬ ಸಬಾಮಂದಿರ್‌ಮಾಥು ಜಾ಼ವಾನಿ ವಖ್ಹ್‌ತೆ ಆ ವಾತೆನಿ ಬಾರೇಮ ಬಿಜೂ಼ಬಿ ಜಾ಼ಖ್ಹತ್ ಹಮೂನ ಬೋಲಿ ದ್ಯವಾನಖ್ಹಾಜೆ ಅಗ್‍ಲ್ಯ ಸಬ್ಬತ್‌ ದನ್‌ಲಗು ಪಾಛ಼ ಆವ್ಣುಕರಿ ಅದ್ಮಿಖ್ಹಾರಾನೆ ಇವ್ಣುನ ಬೋಲಿಲಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:44

ಅಗಲ್ಯ ಸಬ್ಬತ್ ದನ್ನೆ ಪ್ರಭುನು ವಚನ್ ಖ್ಹಮ್‌ಜಾ಼ನಖ್ಹಾಜೆ ಘಣುಜ಼ಣು ಖ್ಹಯೇರ‍್ನು ಅದ್ಮಿಖ್ಹಾರು ಆಯಿನ್ ಭರಾಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:46

ಕತೋಬಿ ಪೌಲ,ಬಾರ್ನಬನೆ ಜಾ಼ಖ್ಹತ್ ಹಿಮ್ಮಥ್ಥಿ ವಾತೆಬೋಲಿನ್, “ಹಮೆ ದೇವ್ನಿ ವಚನ್ ಯೆಹೂದ್ಯರ್ ಹುಯಿರಾತೆ ತುಮೂನ ಪಹಿಲೆ ಬೊಲ್ನುಸ್‍ ಬೋಲ್ನುಥು. ಕತೋಬಿ ತುಮೆ ಇನ ಧಕೇಲಿದಿನ್ ಹರ್‌ಹಮೇಶಾನಿ ಜಿ಼ಂದ್‌ಗಿ ಕೋ ಮಳ್‍ಶೇನಿಕರಿ ತೀರ್ಪ್‌ ಕರಿಲಿದಾತೆ ಇನಖ್ಹಾಜೆ, ಹಮೆ ಅಲ್ಹಾವ್‌ ಜಾ಼ತ್‍ವಾಳಭಣಿ ಜ಼ಯೇಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:5

ಬಾರ್ನಬ ಅಜು಼ ಸೌಲ ಸಲಾಮಿಸ್ ಕರಿ ಖ್ಹಯೇರ‍್ನ ಜಾ಼ವಾದಿನ್, ಯೆಹೂದ್ಯರ‍್ನು ಸಬಾ ಮಂದಿರ್‌ಮ ದೇವ್ನಿ ಭೋದನೆನ ಬೋಲ್ಯ. ಮಾರ್ಕಕರಿ ಬೋಲೈರ‍್ಹೋತೆ ಯೋಹಾನ ಇನ ಸೇವೆ ಕರಾನಖ್ಹಾಜೆ ಇನಿ ಜೋ಼ಡ್ಮ ಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:19

ಇನಕೇಡೆಥು ಥೋಡು ಯೆಹೂದ್ಯರ್, ಅಂತಿಯೋಕ್ಯಥೂಬಿ ಅಜು಼ ಇಕೋನ್ಯಥು ಐನ್ ಪೌಲನ ವಿರೋದ್ ಅದ್ಮಿಖ್ಹಾರಾನ ಭೀರಾಖಿನ್, ಪೌಲನಪರ್ ಬಂಡೊಫೇಕಿನ್ ಯೋ ಮರಿಗಯೊಕರಿ ಲಾಝಿನ್ ಖ್ಹಯೇರ್‌ಥಿ ಭಾರ್‌ ಖೇಚಿಲಾಯಿ ನಾಖೀದಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:13

ಖ್ಹಯೇರ‍್ನ ಭಾರ್‌ ಥೂತೆ ನದ್ದಿನ ಕನಾರಿನ ಖನ್ನೆ ಯೆಹೂದ್ಯರ‍್ನು ಪ್ರಾರ್ಥನೆನಿ ಝ಼ಗೊರ‍್ಹೆವ್ಣುಕರಿ ಸಬ್ಬತ್‌ ದನ್ಮ ಹಿಜ್ಜಾ಼ಗಯಾಥ. ಹಿಜ್ಜಾ಼ ಥೋಡಿ ತಯೇಡ ಅಯಿರ‍್ಹೀಥಿ. ತದೆ ಹಮೆ ಬೇಶಿನ್ ಇವ್ಣೇಥಿ ವಾತೆ ಬೋಲ್ಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:2

ಪೌಲನೆ ಕದೆ ಕದೇಬಿ ಜಾ಼ತೊಥೋತೆ ಇಮ್ಮಸ್ ಯೆಹೂದ್ಯರ್‌ನ ಮಳಾನಖ್ಹಾಜೆ ಸಭೆಮ ಗಯೊ. ಇನೆ ತೀನ್ ವಾರ ಸಬ್ಬತ್‌ ದನ್ಮ ಯೆಹೂದ್ಯರ್‌ನ ಜೋ಼ಡೆ ದೇವ್ನಿ ವಚನ್ನಿ ಆಧಾರ್‌ಥಿ ಬೋಲಿವತಾಳ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:4

ಹರೇಕ್ ಸಬ್ಬತ್ ದನ್ಮ ಯೊ ಸಭೆನಿ ಝ಼ಗೊ ಯೆಹೂದ್ಯರ್‌ನಿ ಜೋ಼ಡೆಬಿ ಗ್ರೀಕ್‍ವಾಳಾನಿ ಜೋ಼ಡೆಬಿ ಚರ್ಚೆಕರೀನ್ ಇವ್ಣುನ ಮಳಾವ್ತೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:8

ಯೊ ಖ್ಹಯೇರ್‌ಮ ಪೌಲನೆ ಸಬಾಮಂದಿರ್‌ನ ಮಹಿ ಜೈ಼ನ್ ತೀನ್ ಮಹಿನಲಗು ಹಿಜ್ಜಾ಼ಸ್ ದೇವ್ನಿ ರಾಜ್ಯನಿ ವಾತೆನಿ ಬಾರೇಮ ಫೇಡ್‌ ಬೋಲ್ತೊಹುಯಿನ್ ಅದ್ಮಿಖ್ಹಾರನ ದಿಲ್ನ ಜೀತಾನ ಕೋಶಿಶ್ ಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:20

ಪೌಲ ತದ್ನುತದೇಸ್, “ಯೇಸು ದೇವ್‌ನೊ ಛಿಯ್ಯೊ” ಕರಿ ಸಭೆ ಮಳಾನಿ ಝ಼ಗೋಮ ಬೋಲಾನ ಶುರು ಕರ‍್ಯೊ.

2 ತಿಮೊ 3:11

ಮನ ಹುಯೂತೆ ವದೇಖ್ಹೊ ಅಜು಼ ಖ್ಹತಾಪ್ಣಿನಿ ಬಾರೇಮಾಬಿ ತುನ ಮಾಲುಮ್‌ ಛಾ಼. ಅಂತಿಯೋಕ್ಯ, ಇಕೋನ್ಯ ಅಜು಼ ಲುಸ್ತ್ರಾಮ ಮೇ ಕೆತ್ರೆ ಮೋಟಿ ವದೇಖ್ಹೊ ದಿದೂಥು ಇನ ಮೆ ಖ್ಹಮಾಳ್ಯೊ, ಕತೋಬಿ ಪ್ರಭುನೆ ಯೋ ಅಖ್ಖಾಮಾಥು ಬಚಾ಼ಡ್ಯೊ.