ಅಪೊಸ್ತಲರ್‌ನು ಕಾಮ್‌ಖ್ಹಾರು 13:11 - ದೇವ್ನಿ ಖ್ಹಾಚಿ ವಚನ್

¹¹ ಹಂದೇಕ್ ಪ್ರಭು ತಾರಿ ವಿರೋದ್ ಹಾತ್‍ಪಾಡಿರಾಖ್ಯೊಸ್. ತೂ ಕಾಣೊಹುಯಿಶ್ ಥೋಡದನ್ ಶಾತ್ಬಿ ದೇಖಿಶ್‌ ಕೊಯ್ನಿ; ಚಾ಼ಂದ್‌ನು ಉಜಾ಼ಳುಬಿ ದೇಖಿಶ್‍ಕೊಯ್ನಿ.” ಕರಿ ಬೋಲ್ಯೊ. ತದೆ ಎಲಿಮನ ಅಖ್ಖೂಸ್ ಅಂಧಾರುಹುಯಿಗು. ಇನ ಕೋಣ್‌ತೋಬಿ ಹಾತ್‍ಧರಿ ಚ಼ಲಾವಾದೆಕರಿ ಯೋ ಢೂಂಡ್ತೊಹುಯಿನ್ ಫರುಕರ್ತೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:11 ပူးပေါင်းရင်းမြစ်များ

ಯೋಹಾನ 9:39

ಯೇಸುನೆ ಬೋಲ್ಯೊ, “ಮೇ ನ್ಯಾಯತೀರ್ಪ್‌ನ ಖ್ಹಾಜೆ ಆ ಜಗತ್‌ಮ ಐರ‍್ಹೋಸ್ತೆ, ಇನಖ್ಹಾಜೆ ಡೋಳಾಕೊಂತೆ ಇವ್ಣೆ ದೇಕ್‌ಶೆ, ಅಜು಼ ಕಿನ ಡೋಳಾ ಛಾ಼ಕಿ ಇವ್ಣೆ ಕಾಣು ಉಶೆ” ಕರಿಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:17

ತದೆ ಅನನೀಯ ಚಾ಼ಲ್ತೊ ಯೊ ಘರ್‌ಮ ಜೈ಼ನ್ ಇನಾಪರ್ ಇನೊ ಹಾತ್‍ ಮ್ಹೇಲಿನ್, “ಮಾರೊ ಭೈ ಸೌಲ, ತೂ ಆವಾನಿ ವಾಟ್ಮ ತುನ ದೆಖಾಯೊತೆ ಪ್ರಭು ಯೇಸು ತುನ ಪಾಛು಼ ಡೋಳೊ ದೆಖಾವಾನಿಘೊಣಿಬಿ, ತು ಪವಿತ್ರಾತ್ಮಾಥಿ ಭರಾವ್ಣು ಕರೀಬಿ ಮನ ಮೋಕ್ಲಿರಾಖ್ಯೊಸ್” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:25

ಭೇನೆ ಭೈಯೇವೊ, ಏಕ್‌ ಗಪ್ಲತ್‌ನಿ ವಾತೆ ಖ್ಹಾಚು಼ಛಾ಼ ಇನ ತುಮೇಬಿ ಖ್ಹಮಜ಼್‌ಣುಕರಿ ಆಖ್ಹ್‌ಕರುಸ್. ಶನಕತೊ ತುಮೆ ಕೆತ್ರೆ ಅಕ್ಲಿ ಹುಯಿರಾಸ್‍ಕರಿ ಮಾಲುಮ್ ಹುವಾಸ್. ಯೋ ಶಾತ್‍ಕತೊ, ಯೆಹೂದ್ಯರ್‌ಕಾಹೆತೆ ಅದ್ಮಿಯೇವ್‍ ದೇವ್‌ಕನ ಆವಾಲಗು ಖಲಿ ಇಸ್ರಾಯೇಲ್‌ವಾಳ ಅದ್ಮಿ ಇವ್ಣ ದಿಲ್ನ ಕಠಣ್ ಕರಿರಾಖಸ್.

ಇಬ್ರಿ 10:31

ಜಿವ್ತಜಾನ್‌ವಾಳೊ ದೇವ್ನಹಾತ್ಮ ಖ್ಹಪ್‍ಡಾನು ಘಣು ಭಯಂಕರ್ ಹುಯಿರ‍್ಹುಸ್.

2 ಪೇತ್ರ 2:17

ಅವ್ಣೆ ಪಾಣಿಕೊಂತೆ ತಲಾವ್‌ನಿಮತ್‌, ತೋಫಾನ್ನ ವ್ಹಯಿರಾಮ ಉಡಿಜಾ಼ಸ್ತೆ ವಾದ್ಳಾನಿತರಾಬಿ ಹುಯಿರ‍್ಹುಸ್. ಅಥ್ರಾನ ವಾಳನಖ್ಹಾಜೆ ಅಂಧಾರಿನಪಾಳ್‌ನ ತಯಾರ್ ಕರಿನ್ ಮ್ಹೆಲೈರ‍್ಹುಸ್‍.