ಅಪೊಸ್ತಲರ್‌ನು ಕಾಮ್‌ಖ್ಹಾರು 13:10 - ದೇವ್ನಿ ಖ್ಹಾಚಿ ವಚನ್

¹⁰ ಇನೆ “ತೂ ಶೈತಾನ್ನೊ ಛಿಯ್ಯೊ! ಹರ್ ಏಕ್‍ ಅಛ್ಛಾ಼ನಾಬಿ ತೂ ವಹೇರ‍್ಯೊ” ತು ಖರಾಬ್ ಚಾ಼ಲ್‌ಥೀಬಿ ಝೂ಼ಟೆಥೀಬಿ ಭರೈರ‍್ಹೋಸ್. ಅಖ್ಖಿ ನೀತಿನಾಬಿ ವಿರೋದ್ ಕರವಾಳೋಸ್ ತೂ, ಪ್ರಭುನ ಖ್ಹಾಚಾನ, ಝೂ಼ಟಿಕರಿ ಬದ್ಲಾವನ ತೂ ಕದೇಬಿ ಕೋಶಿಶ್ ಕರ್ತೊರ‍್ಹೇಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:10 ပူးပေါင်းရင်းမြစ်များ

ಮತ್ತಾಯ 13:38

ಖೇತರ್‌ಕತೊ ಆ ಜಗತ್‌; ಅಛ್ಛು಼ ಪಂಡುಕತೊ ದೇವ್ನಿ ರಾಜ್ಯನು ಅದ್ಮಿಖ್ಹಾರು; ಶತ್ತೆಕತೊ ಶೈತಾನ್‍ ಭಣಿವಾಳು ಕರಿ;

ಮತ್ತಾಯ 15:19

ಕಿಮ್‌ಕತೊ, ದಿಲ್‌ಮಾಥು ಖರಾಬ್‌ಸೋಚ಼್‌, ಖೂನ್‌ಕರಾನು, ವ್ಯಬಿಚಾರ್‌, ಅಜು಼ ಪಾಪೇಲುಕಾಮ್‍, ಚೋ಼ರಿಕರಾನು, ಅಜು಼ ಗಾಳೆಅಖ್ಖು ಭಾರ್‌ ನಿಕ್ಳಾಸ್‌.

ಮತ್ತಾಯ 23:13

“ಮೋಶೆನಿ ವಚನ್ನ ಶಿಕಾಡವಾಳ ಶಾಸ್ತ್ರಿಯೆ ಅಜು಼ ಫರಿಸಾಯರ್‌ವಾಳ ತುಮಾರಿ ಹಾಲ್ನ ಶಾತ್‌ ಬೋಲು! ತುಮೆ ಖೋಟ್ ದಿಲ್‌ವಾಳ ಹುಯಿರ‍್ಹಾಸ್! ಅದ್ಮಿಖ್ಹಾರು ಸೊರ್ಗಾನು ರಾಜ್ಯಮ ಜಾ಼ವಾನು ಬಾಕಲ್‌ನ ತುಮೆ ಖ್ಹಾಮ್ಣೆ ಮೂಚಿನಾಖೋಸ್, ತುಮೇಬಿ ಮಹಿ ಕೋಜಾ಼ಯ್ನಿ ಅಜು಼ ಮಹಿ ಜಾ಼ವ್ಣುಕರಿ ಕರಾವಾಳಾನಾಬಿ ಕೋ ಮ್ಹೇಲೋನಿ.

ಮತ್ತಾಯ 3:7

ಕತೋಬಿ ಫರಿಸಾಯರ್‌ವಾಳಮ ಅಜು಼ ಸದ್ದುಕಾಯವಾಳಮ ಕೈಯೆಕ್ಕಿ ಜ಼ಣು ಇನಾಕನ ಬ್ಯಾಪ್ತಿಸ್ಮ ಕರೈಲೆವಾನ ಆವ್‍ಕರಾತೆ ದೇಖಿನ್‌, ಯೋಹಾನನೆ ಇವ್ಣುನ, “ಅಲಾ ಖ್ಹಾಪ್‌ನಿ ಪಿಳ್ಗಿವಾಳವೊ! ಖ್ಹಾಮ್ಣೆ ಉಳ್ಯಾವತೆ ದೇವ್ನ ಇರಾದೇಥಿ ತುಮೆ ಬಚಿಜಾ಼ಶು ಕರಿ, ತುಮೂನ ಬೋಲ್ಯುತೆ ಕೋಣ್?

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:39

ತದೆ ಪ್ರಭುನೆ ಇನ, “ಫರಿಸಾಯರ್ ಹುಯಿರ‍್ಹಾತೆ ತುಮೆ ತುಮಾರು ಹಂಡ್‌ಕು ಅಜು಼ ಥಾಳಿ ಭಾರ್‌ ಪಾಕ್‌ಥಿ ಮಾಂಜ಼ಸ್. ಕತೋಬಿ ತುಮಾರ ಮಹಿ ಠಗಾವಾನು ಅಜು಼ ಖರಾಬ್ ಚಾ಼ಲ್ ಭರೈರ‍್ಹೂಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:52

ಮೋಶೆನಿ ಧರ್ಮಶಾಸ್ತ್ರ ಶಿಕಾಡವಾಳ ಶಾಸ್ತ್ರಿಯೆ ತುಮಾರಿ ಹಾಲ್ನ ಶಾತ್‌ ಬೋಲು! ದೇವ್ನಿ ಬಾರೇಮ ಶಿಕಾನಟೇಕೆ ಛಾ಼ತೆ ಬೀಗಾನ ತುಮೇಸ್ ರಾಖಿಲಿದ, ತುಮೇಬಿ ಮಹಿ ಜಾ಼ಯ್‌ಕೊಯ್ನಿ, ಬಿಜಾ಼ನಾಬಿ ಜಾ಼ವಾನ ಕೋ ಮ್ಹೇಲಾನಿ” ಕರಿ ಬೋಲ್ಯೊ.

ಯೋಹಾನ 1:23

ಯೋಹಾನಾನೆ, ಪ್ರವಾದಿ ಹುಯಿರೋತೆ ಯೆಶಾಯನೆ ಬೋಲಾನಿತರಸ್, ‘ಪ್ರಭುನಿ ವಾಟ್ನ ಖ್ಹೂದುಕರೊ ಕರಿ ಬೋಲಾನು ಉಜ್ಜಾ಼ಡಿ ಝ಼ಗೋಮ ಚಿಕ್ರಾವಾಳಾನಿ ಅವಾಜ಼್ ಮೇಸ್’ ಕರಿ ಜ಼ವಾಬ್‌ದಿದೊ.

ಯೋಹಾನ 8:44

ಶೈತಾನಸ್ ತುಮಾರೊ ಬಾ, ಇನ ತುಮೆ ಛಿಯ್ಯಾ ಹುಯಿರಾಸ್, ಇನೀನಿಘೋಣಿ ಖರಾಬ್ ಆಖ್ಹ್‌ನ ಕರಾನ ದೇಖೊಸ್‍. ಯೋ ಶುರುವಾತ್‌ಥೋಸ್ ಖೂನಿಹುಯಿರ‍್ಹೊಸ್ ಅಜು಼ ಖ್ಹಾಚಾಮ ಟಿಕ್ಯೊಕೊಯ್ನಿ. ಶನಕತೊ ಇನಾಮ ರತ್ತಿಬಿ ಖ್ಹಾಚಿ ಕೊಯ್ನಿ, ಯೋ ಝೂ಼ಟಿ ಬೋಲಾನಿ ವಖ್ಹತ್‌ಮ ಆದತ್‌ನಿಘೋಣಿ ಬೋಲಾಸ್, ಶನಕತೊ ಯೋ ಝೂ಼ಟಿಸ್ ಬೋಲವಾಳೊ ಅಜು಼ ಹರ್ ಥರಾನು ಝೂ಼ಟಿನ ಬಾ ಹುಯಿರ‍್ಹೋಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:30

ಆ ನಾಹುಯಿನ್ ತುಮಾರಿ ಸಬೆಮಾಸ್ ಥೋಡುಜ಼ಣು ದುರ್ಬೊಧನೆ ಕರವಾಳು ಹುಯಿನ್ ಯೇಸುನ ವಿಶ್ವಾಸಿವ್‌ ಥೋಡಜ಼ಣಾನ ಖ್ಹಾಜೇಥಿ ದೂರ್ ಚ಼ಲಾವ್‌ಷೆ.

2 ಕೊರಿಂಥ 11:3

ಕತೋಬಿ ಹವ್ವ ಖ್ಹಾಪ್‍ನ ಲಬುಜ಼್‌ನಿ ವಾತ್ಮ ಮೈಕಮ್‍ಹುಯಿನ್ ಧೋಕಹುಯಿತೆ ತಿಮ್ ತುಮಾರು ದಿಲ್‌ ಕ್ರಿಸ್ತನಿ ಬಾರೇಮ ರ‍್ಹೇವ್ಣುಥೂತೆ ಶುದ್ಧಮನ್‌ಥೀಬಿ ಪರಿಶುದ್ ಭಕ್ತಿನಾಬಿ ಮ್ಹೇಲಿನ್ ಖರಾಬ್ ಹುಯಿಜಾ಼ಶೆಕರಿ ಡರ್‌ ಮಾರಾಮ ಛಾ಼.

ಗಲಾತ್ಯ 1:7

ಬೋಲ್ನುಕತೊ ಸುವಾರ್ತೆ ಬಿಜು಼ ಕೊಯ್ನಿ ಕತೋಬಿ ಥೋಡುಜ಼ಣು ತುಮಾರಮ ಘುಂಜ್ಲಾ಼ವ್ಣಿಕರೀನ್ ಕ್ರಿಸ್ತನಿ ಸುವಾರ್ತೆನ ಬದ್ಲಾವನ ಕೋಶಿಶ್ ಕರುಕರಸ್.

ಎಫೆಸ 4:14

ಇನಾಖ್ಹಾಜೆ ಬೋಲಿಲಾವನು ಶಾತ್‌ಕತೊ ಅಪ್ಣೆ ಹಂಕೇಥು ಅಡ್ಡಾಣಿ ನಾ ಹುಯಿರ‍್ಹೇವ್ಣುತೆ, ಖರಾಬ್ ಅದ್ಮಿನ ಠಗಾವ್ಣಿಮಾಬಿ, ಗಲ್ತಿಸೋಚ್‌ಮ ಪಡೀನ್, ಅಲಕ್ ಅಲಕ್ ಭೋದನ್‌ಥಿ ಧೋಕಹುಯಿನ್ ವಹಿರೊ ಕೀಕಡ್‌ಕಿ ತೀಕಡ್‌ ನಾಜಾ಼ವಾಳ ಹುಯಿರ‍್ಹೇಣು.

2 ಪೇತ್ರ 2:15

ಅವ್ಣೆ ಅಛ಼್ಛ ಮಾರಗ್‌ನ ಮ್ಹೇಲಿನ್, ವಾಟ್‌ ಭೈಕಿಹುಯು ಅಜು಼ ಬೆಯೋರಾನೊ ಛಿಯ್ಯೊ ಬಿಳಾಮಾನೊ ಮಾರಗ್‌ನ ಧರೀಹುಯು ಹುಯಿರ‍್ಹುಸ್, ಆ ಬಿಳಾಮ ಖರಾಬ್ ಕಾಮ್‍ಥಿ ಮಳಾತೆ ಶಂಬ್‍ಳನ ಪ್ಯಾರ್‌ಕರ‍್ಯೊ.

1 ಯೋಹಾನ 3:8

ಪಾಪ್ ಕರಾವಾಳೊ ಶೈತಾನ್‍ನಿ ಪಿಳ್ಗಿವಾಳೊ. ಶೈತಾನ್‍ ಜ಼ಮಾನೇಥುಬಿ ಪಾಪ್ ಕರವಾಳೋಸ್. ಇನಖ್ಹಾಜೆ ಇನು ಖರಾಬ್ ಕಾಮ್‍ಖ್ಹಾರಾನ ನಾಶ್ ಕರ್ನುಸ್ ಕರಿ, ದೇವ್‌ನೊ ಛಿಯ್ಯೊ ಆಯೋತೆ.