ಅಪೊಸ್ತಲರ್‌ನು ಕಾಮ್‌ಖ್ಹಾರು 12:7 - ದೇವ್ನಿ ಖ್ಹಾಚಿ ವಚನ್

⁷ ಅಪ್‌ಗುಪ್‍ಥೂಸ್ ಪ್ರಭುನೊದೂತ ಪೇತ್ರನ ಖ್ಹಾಮ್ಣೆ ಭೀರಿಗೊ. ಉಜಾ಼ಳು ಉಜಾ಼ಖ್ಹ್‌ಥಿ ಕೋಣಾಮ ಅಖ್ಖು ಭರೈಗು. ತದೆ ದೇವ್ನದೂತನೆ ಪೇತ್ರನ ಭುಜ಼್‌ನ ಧಕ್ಕೋದಿನ್ ಇನ ಬೋಲ್ಯೊ, “ಒಗ್ಗಿಉಟ್” ಕರಿ ಬೋಲ್ಯೊ. ತದ್ನುತದೇಸ್ ಇನ ಹಾತ್ನ ಭಂದೈರಿಥೀತೆ ಖ್ಹಂಕ್‌ಳಿಯೇ ಛು಼ಟಿಪಡಿಗಯೇ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 12:7 ပူးပေါင်းရင်းမြစ်များ

ಮತ್ತಾಯ 2:13

ಇವ್ಣೆ ಜಾ಼ವಾನ ಬಾದ್‌ಮ, ದೇವ್ನದೂತ ಯೋಸೇಫ್‌ನ ಖ್ಹೋಣ್ಯಮ ದೆಖೈನ್, “ಹೆರೋದ ಆ ಲಡ್ಕಾನ ಮಾರಿನಾಕ್ಣು ಕರಿ ಢೂಂಡುಕರಾಸ್, ಇನಖ್ಹಾಜೆ ತೂ ಉಠೀನ್, ಲಡ್ಕಾನ ಅಜು಼ ಇನಿ ಆಯನ ಬುಲೈಲಿನ್, ಈಜಿಪ್ಟ್ ದೇಖ್ಹ್‌ನ ಮಿಲೈ ಜಾ಼. ಅಜು಼ ಮೇ ಬೋಲಾತೋಡಿ ಹಿಜ್ಗಾ಼ಸ್ ರ‍್ಹೇ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:9

ತದೆ ಪ್ರಭುನೊ ಏಕ್‌ ದೂತ ಐನ್, ಮೇಂಢ ಚ಼ರಾವವಾಳಾನ ಖ್ಹಾಮ್ಣೆ ಭೀರ‍್ಯೊ. ಪ್ರಭುನು ಉಜಾ಼ಖ್ಹ್‌ ಇವ್ಣ ಅಶ್‌ಪಿಶ್‍ ಭರಾಯು. ಅನ ದೇಖಿನ್ ಇವ್ಣೆ ಡರ್‌ಥಿ ಘಬ್‌ರೈಗಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:4

ಇವ್ಣೆ ಭೀರಿನ್, ಅನಿ ಬಾರೇಮ ಘಬ್ರಾವ್‌ಕರಾನಿ ವಖ್ಹತ್‌ಮ, ಚ಼ಮಕ್‌ತು ಲುಂಗ್ಡು ಫೇರಿರಾಖ್ಯುಥೂತೆ ಬೇ ಪರ್ಖ್ಹಾ ಐನ್, ಇವ್ಣಾಕನ ಭೀರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:30

ತದೆ ಕೊರ್ನೆಲ್ಯನೆ, “ತೀನ್ ಚಾರ್ ದನ್ನ ಅಗ್ಗಳ್ ಮೇ ಮಾರ ಘರ್‌ಮ ಪ್ರಾರ್ಥನೆ ಕರಾನ ಧೋಪಾರ‍್ನ ತೀನ್ ಘಂಟಾನ ಅಪ್‍ಗುಪ್‍ಥೀಸ್ ಉಜಾ಼ಖ್ಹ್‌ನು ಲುಂಗ್ಡು ಫೇರಿರಾಖ್ಯೊಥೋತೆ ಏಕ್‍ಜ಼ಣೊ ಮಾರ ಖ್ಹಾಮ್ಣೆ ಭೀರಿಗೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 12:23

ಪ್ರಭುನ ದೂತನೆ ತುರಂತ್ ಹೆರೋದನ ದಂಬೇಡಿ ಹೇಟ್‌ನಾಖ್ಯೊ; ಯೋ ದೇವ್ನ ಮರ್ಯಾದಿ ಕೊದಿದೊಂತೆ ಇನಖ್ಹಾಜೆ ಯೊ ಕೀಡೊ ಪಡೀನ್ ಮರಿಗೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 12:6

ಹೆರೋದನೆ ಇನ ಅದ್ಮಿವೋನ ಖ್ಹಾಮ್ಣೆ ಲ್ಯಾವ್ಣುಕರಿ ಕರ‍್ಯೊತೆ ಪಾಛ್ಲಿ಼ರಾತೆ, ಖ್ಹಾರ್ಕೊಟ್‌ಮ ಬೇ ಖ್ಹಂಕ್‌ಳಿಥಿ ಜ಼ಡ್‍ಕೈನ್ ತದೆ ಪೇತ್ರ ಬೇಜ಼ಣ ಶಿಪಾಯಿನ ಬೀಚ್ಮ ಖ್ಹುತೋಥೊ. ಶಿಪಾಯಿಖ್ಹಾರು ಜೇಲ್‌ನ ದರ‍್ವಾಜ಼ನ ಕಾವ್ಲಿ ಕರಿರಾಖ್ಯುಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 12:8

ದೇವ್ನದೂತನೆ, “ಲುಂಗ್ಡಾನ ಫೇರಿಲಿನ್ ತಾರ ಕೊಖ್ಹ್‌ಡಾನ ಘಾಲಿಲೆ” ಕರಿ ಬೋಲ್ಯೊ. ಪೇತ್ರನೆ ಇಮ್ಮಸ್ ಕರ‍್ಯೊ. ತದೆ ದೇವ್ನದೂತನೆ, “ತಾರ ಝ಼ಗ್ಗಾನ ಲಪೇಟಿಲೀನ್ ಮಾರಿ ಜೋ಼ಡ್ಮ ಆವ್”. ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:26

ತದೆ ಅಫ್ಪರ್‌ಥೂಸ್ ಮೋಟು ಭೂಕಂಪ್ ಹುಯು; ಖ್ಹಾರ್ಕೊಟ್‌ನು ಹದಿಪಾಯ ಹಲಿರ‍್ಹೀಗು. ಯೋಸ್ ವೇಳ್ಮ ಬಾಕಲ್‍ಅಖ್ಖು ನಿಕ್ಳಿಗಯು, ಅಖ್ಖಾಸ್ ಖೈದಿನು ಖ್ಹಂಕಳ್‌ಖ್ಹಾರು ಛು಼ಟಿ ಪಡಿಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:24

ಯೇಸುನ ದೇವ್ನೆ ಮರಣ್ಣಿ ಖ್ಹತಾಪ್ಣಿಥಿ ಛೋ಼ಡೈನ್ ಉಠಾಡ್ಯೊ. ಶನಕತೊ ಮರಣ್ ಇನ ಧರಿಲ್ಯವಾನ ಕೊ ಹುಯುನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:19

ಕತೋಬಿ ರಾತ್ಮ ಪ್ರಭುನೊ ಏಕ್‌ ಧೂತ ಜೇಲ್‌ನು ಬಾಕಲ್‍ಖ್ಹಾರು ಕಾಡಿನಾಖ್ಯೊ. ಯೊ ದೂತನೆ ಅಪೊಸ್ತಲರ‍್ನ ಭಾರ್‌ ಬುಲೈಲಾಯಿನ್‌,

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:3

ಯೊ ದಮಸ್ಕನ ಖನ್ನೆ ಚಾ಼ಲ್ತೊಹುಯಿನ್‌. ಖ್ಹಯೇರ‍್ನ ಆವಾನಿ ವಖ್ಹ್‌ತೆ, ಆಕಾಶ್‌ಮಾಥು ಏಕ್‌ ಉಜಾ಼ಳು ಅಪ್‌ಗುಪ್‌ಥೀಸ್ ಐನ್ ಇನ ಅಶ್‌ಪಿಶ್‌ ಉಜಾ಼ಖ್ಹ್‌ಥಿ ಝ಼ಮ್‍ಕ್ಯು.

ಎಫೆಸ 5:14

ಶನಕತೊ ಖಿವು ಅಛ್ಛಿನಿತರ ದೆಖಾವಸ್ಕಿ ಯೋಸ್ ದೆಖಾವಸ್, ಇನಖ್ಹಾಜೇಥಿ ಬೋಲೈರ‍್ಹುಸ್. “ಖ್ಹುತೊರ‍್ಹವಾಳ ಉಠಿಆವ್‌, ಮರಿರ‍್ಹವಾಳೆಥಿ ಮ್ಹೇಲಿನ್ ಉಠೊ, ತದೆ ಕ್ರಿಸ್ತ ತುಮಾರಮ ಉಜಾ಼ಖ್ಹ್‌ ಹುಯಿರ‍್ಹಿಶೆಕರಿ ಇನಖ್ಹಾಜೆ ಬೋಲೈರ‍್ಹುಸ್.

ಇಬ್ರಿ 1:14

ಆ ಅಖ್ಖು ದೇವ್ನದೂತರ್ ರಕ್ಷಣೆನು ಹಕ್ನ ಲೀರಾಕ್ಣುತೆ ಇವ್ಣಅಖ್ಖಾನು ಸೇವೆನಖ್ಹಾಜೆ ಮೋಕ್ಲಾಯುತೆ ಸೇವೆನು ಆತ್ಮ ಕಾಹೇಕಿಶು.

ಪ್ರಕಾಶಿತ್ 18:1

ಆ ಅಖ್ಖುಹುವಾನ ವಾರ್ ವಿಶೇಷ್ ಅದಿಕಾರ್‌ನೊ ಬಿಜೇಕ್ ದೇವ್‌ನೊ ದೂತ ಸೊರ್ಗಾಥು ಉತ್ರಿನ್‌ ಆವಾನು ಮೇ ದೇಖ್ಯೊ. ಇನಿ ಉಜಾ಼ಖ್ಹ್‌ನಿ ಶಕಥ್ಥಿ ಜ಼ಮೀನ್ನ ಉಜಾ಼ಳು ಮಳ್ಯು.