ಅಪೊಸ್ತಲರ್‌ನು ಕಾಮ್‌ಖ್ಹಾರು 12:17 - ದೇವ್ನಿ ಖ್ಹಾಚಿ ವಚನ್

¹⁷ ಪೇತ್ರನೆ ಇವ್ಣುನ ಶೊಪೊರ‍್ಹೇವೊ ಕರಿ ಹಾತ್‌ನೊ ಇಷಾರ್ಕೊ ಕರೀನ್, ಪ್ರಭುನೆ ಇನ ಜೇಲ್‌ಮಾಥು ಕಿಮ್ ಛೋ಼ಡಾಯೊ ಕರಿ ಯೋ ಬಾರೇಮ ಇವ್ಣುನ ಅಖ್ಖು ಬೋಲಿ ಒತಾಳ್ಯೊ. “ಯಾಕೋಬ್‌ನಾಬಿ ಅಜು಼ ವಿಶ್ವಾಸಿವೊನಾಬಿ ಆ ಸಮಚಾರ್‌ನ ಬೋಲೊ” ಕರಿ ಬೋಲ್ಯೊ. ಇನಕೇಡೆಥು ಪೇತ್ರ ಬಿಜಿ ಝ಼ಗೊ ನಿಕ್ಳಿಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 12:17 ပူးပေါင်းရင်းမြစ်များ

ಮತ್ತಾಯ 10:23

ಏಕ್‌ ಗಾಮ್ಮ ತುಮೂನ ಖ್ಹತಾಯೂತೊ, ಬಿಜ್ಜೇಕ್‌ ಗಾಮ್‌ನ ಮಿಲೈ ಜಾ಼ವೊ, ಅದ್ಮಿನೊ ಛಿಯ್ಯೊ ಆವಾನಮಹಿ ತುಮೆ ಇಸ್ರಾಯೇಲ್‌ ಅದ್ಮಿನು ಖ್ಹಾರಸ್ ಗಾಮ್ಮ ಫರೀನ್, ತುಮಾರು ಕಾಮ್ ಖತಮ್ ಕೊಕರಿರಾಕ್‌ಶುನಿ ಕರಿ ಮೇ ತುಮೂನ ಖ್ಹಾಚಾಮಬಿ ಬೋಲುಸ್.

ಮಾರ್ಕ 6:3

ಆ ಅದ್ಮಿತೊ ಖೋಡ್‌ಶಾನು ಖ್ಹಾಮನ್‌ ಕರಾವಾಳೊನಿ, ಆ ಮರಿಯನೊ ಛಿಯ್ಯೋನಿ, ಯಾಕೋಬ್, ಯೋಸೆ, ಯೂದ ಅಜು಼ ಸೀಮೋನ್ನೊ ಮೋಟೊ ಭೈನಿ? ಅಜು಼ ಅನಿ ಭೇನೆಬಿ ಹಾ಼ಸ್‌ ರ‍್ಹೇಸ್‌ನಿ?” ಕರಿ ಬೋಲಿನ್ ಯೇಸುನ ಝಿಟ್ಕಾರ‍್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:22

ಯೋ ಮಂದಿರ್‌ಮಾಥೊ ಭಾರ್‌ಆಯಿನ್, ಇವ್ಣ ಜೋ಼ಡೆ ಏಕ್‌ ವಾತ್‍ಬಿ ಬೋಲ್ಯೊಕೊಂತೆ ದೇಖಿನ್, ಅನ ಮಂದಿರ್‌ಮ ಶಾತ್ಕಿ ದರ್ಶನ್ ಹುಯು ಉಶೆ ಕರಿ ಮಾಲುಮ್ ಕರಿಲಿದು. ತಪ್‌ಥೊ ಜಕರೀಯ ಮುಕ್ಕೋಸ್ ರ‍್ಹೀನ್ ಹಾತ್‌ನೊ ಝಾ಼ಲೊಥೀಸ್ ಬೋಲಿವತಾಳ್‌ತೋಥೊ.

ಯೋಹಾನ 10:40

ಅನ ಬಾದ್‌ಮ ಯೇಸು ಯೊರ್ದನ್‌ ನದ್ದಿನು ಪಾರ್ಲಿ ಬಾಜೂ಼ಮ ಯೋಹಾನ ಅಗಾಡಿ ಬ್ಯಾಪ್ತಿಸ್ಮ ದೆವಾಡು ಕರ್ತೊಥೋತೆ, ಯೋ ಝ಼ಗೋಕನ ಪಾಛು಼ ಜೈ಼ನ್‌, ಹಿಜ್ಜಾ಼ಸ್ ಥೊ.

ಯೋಹಾನ 11:54

ಅನಖ್ಹಾಜೆ ಯೇಸು ಯೆಹೂದ್ಯರ್‌ನ ದೆಖಾನಿಘೋಣಿ ಫರಾನು ಮ್ಹೆಂದಿನ್, ಉಜ್ಜಾ಼ಡಿ ಝ಼ಗೋನ ಖನ್ನೆ ಥೂತೆ, ಎಫ್ರಾಯಿಮ್‌ ಕರಿ ಖ್ಹಯೇರ್‌ಮ ಜೈ಼ನ್‌ ಶಿಷ್ಯರ್‌ನ ಜೋ಼ಡ್ಮ ರಹಿಗೊ.

ಯೋಹಾನ 13:24

ತದೆ ಸೀಮೋನ್‌ ಪೇತ್ರನೆ ಯೋ ಶಿಷ್ಯನ, “ಯೋ ಕಿನಿ ಬಾರೇಮ ಬೋಲುಕರಾಸ್ತೆ ಕರಿ ಇನ ಪುಛಾ಼ವ್‌” ಕರಿ ಇಷಾರ್ಕೊ ಕರ‍್ಯೊ.

ಯೋಹಾನ 7:1

ಆ ಖ್ಹಾರು ಹುವಾನ ಬಾದ್‌ಮ, ಯೇಸು ಗಲಿಲಾಯಮ ಫರುಕರ್ತೊಥೊ; ಯೆಹೂದ್ಯವಾಳು ಇನ ಮಾರಿನಾಖಾನ ಟಿವವ್‍ಕರ್ತೂಥು ಇನಖ್ಹಾಜೆ, ಯೂದಾಯಮ ಫರಾನ ಇನ ಮನ್ ಕೋ ಥೂನಿ.

ಯೋಹಾನ 8:59

ಆ ವಾತೆನ ಖ್ಹಮ್‌ಜಿನ್‌, ಇವ್ಣೆ ಇನ ಮಾರಾನಖ್ಹಾಜೆ ಬಂಡಾ ಪಾಡಿಲಿದು, ಕತೋಬಿ ಯೇಸು ಓಠೆಹೋತೊಹುಯಿನ್, ಮಂದಿರ್‌ನ ಮಹಿಕರಿ ಚ಼ಲೆಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:15

ಥೋಡದನ್ ಬಾದ್‌ಮ, ವಿಶ್ವಾಸಿಮ ಖ್ಹುಮಾರ್ ಏಕ್‌ಖ್ಹೊ ವೀಖ್ಹ್‌ ಜ಼ಣು ಸಭೆಮ ಮಳೀನ್‍ ಅಯಿರ‍್ಹವಾಮ, ಪೇತ್ರನೆ ಬೀಚ್ಮ ಉಠಿ ಭೀರಿನ್:

ಅಪೊಸ್ತಲರ್‌ನು ಕಾಮ್‌ಖ್ಹಾರು 12:16

ಕತೋಬಿ ಪೇತ್ರ ದರ‍್ವಾಜ಼ನ ಖಟ್‍ಖಟಾವ್‍ ಕರ್ತೊಥೊ. ತದೆ ಇವ್ಣೆ ಬಾಕಲ್ ಕಾಡಖ್ಹತರ್, ಪೇತ್ರನ ದೇಖಿನ್ ಆಶ್ಚರ್ಯ ಹುಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 12:18

ಇನವ್ಹಾಣೆ ಪೇತ್ರ ಶಾತ್‍ಹುಯೊ ಕರಿ ಶಿಪಾಯಿ ಖ್ಹಾರಾಮ ಮೋಟಿ ಘುಂಜ಼್‌ಳಾವ್ಣಿ ಉಠಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:16

ತದೆ ಪೌಲನೆ ಉಠಿಭೀರಿನ್ ಇನಿವಾತ್ ಖ್ಹಮಜ಼್‌ಣುಕರಿ ಅದ್ಮಿಖ್ಹಾರಾನ ಹಾತ್‌ನೊ ಝಾ಼ಲೊದೀನ್ ಶಾತ್‍ಬೋಲ್ಯೊಕತೊ; ಮಾರ ಯೆಹೂದ್ಯ ಭೈಯೇವೊ, ಖ್ಹಾಚ ದೇವ್ನ ಆರಾದನೆ ಕರಾವಾಳು ಅದ್ಮಿವೊ ಮಾರಿವಾತೆನ ಕಾನ್‍ದೇವೊ!

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:13

ಇವ್ಣೆ ವಾತ್ ಬೋಲಾನು ಭೀರಾಖಾದಿನ್ ಯಾಕೋಬನೆ, “ಮಾರ ಭೇನೆ ಭೈಯೇವೊ ಮಾರಿ ವಾತೆ ಖ್ಹಮ್‍ಜೊ,

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:40

ಕತೋಬಿ ಪೌಲಬಿ ಸೀಲನೆ ಜೇಲ್‌ಥು ನಿಕ್ಳಿನ್ ಲಿಡಿಯಾನ ಘರೆಗಯ. ಹಿಜ್ಜಾ಼ ಇವ್ಣೆ ಥೋಡ ವಿಶ್ವಾಸಿನ ದೇಖಿನ್ ಇವ್ಣುನ ಭಾಲಿದೀನ್ ಹಿಜ್ಜಾ಼ಥ ಚ಼ಲೇಗಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:33

ಯೆಹೂದ್ಯರ್ ಅಲೆಕ್ಸಾಂಡರ‍್ನ ಖ್ಹಾಮ್ಣೆ ಧಕೇಲಿನ್ ಝೂ಼ಂಡ್‌ಮ ಥೋಡುಜ಼ಣು ಇನ ಇಷಾರ್ಕೊ ಕರ‍್ಯು. ತದೆ ಅಲೆಕ್ಸಾಂಡರ‍್ನೆ ಇನಭಣಿಥು ಹಾತ್‌ನೊ ಝಾ಼ಲೊದೀನ್ ಭರೈರ‍್ಹುತೆ ಅದ್ಮಿಖ್ಹಾರಾನ ಶಾಂತಿಥಿ ರ‍್ಹವಾನ ಬೋಲ್ತೊ ಹುಯಿನ್ ಜ಼ವಾಬ್ ದೇವ್ಣುಕರಿ ಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:18

ಅಗಲ್ಯದನ್ನೆ ಪೌಲನೆ ಹಮುನಖ್ಹಾರನ ಬುಲೈಲಿನ್ ಯಾಕೋಬನ ಮಳಾನ ಗಯ. ತದೆ ಸಬೇನು ಖ್ಹಾರಾಸ್ ಗಲ್‌ಢಬಿ ಹಿಜ್ಜಾ಼ಸ್ ಥಾ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:40

ಸಿಪಾಯ್ನೊಮೋಟಾನೆ ಹುಕುಮ್‌ ದ್ಯಾವದೀನ್ ಪೌಲನೆ, ಪಾಯಿರಿಪರ್ ಭೀರಿನ್, ಅದ್ಮಿನಝೂ಼ಂಡ್‌ನ ಖ್ಹೊಪೊರ‍್ಹೇವೊಕರಿ ಹಾತ್‌ನೊ ಇಷಾರ್ಕೊ ದಿದೊ. ಇವ್ಣೆ ಜ಼ರ ಖ್ಹೊಪ್‍ಪಡಾದಿನ್ ಇವ್ಣುನ ಇನೆ ಇಬ್ರಿಯ ವಾತೆಮ ಬೋಲಾನ ಶುರುಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:15

ಹಮೆ ಹಜ಼್ಜ ರ‍್ಹವಾನು ರೋಮ್ಮ ಥೂತೆ ವಿಶ್ವಾಸಿನ ಮಾಲುಮ್ ಪಡ್ಯು. ಹಮೂನ ಮಳಾನಖ್ಹಾಜೆ ಥೋಡುಜ಼ಣು “ಅಪ್ಪಿಯ ನಂಗರ್‌ಲಗು ಅಜು಼ ತ್ರಿಛತ್ರಕರಿ ಝ಼ಗೋಲಗೂಬಿ ಆಯು. ಪೌಲನೆ ಇವ್ಣುನ ದೇಖಿನ್ ದೇವ್ನ ಧನ್ಯವಾದ್‌ಕರೀನ್‌ ಭಾಲಿಥಿ ಹುಮ್ಮಖ್ಹ್‌ ಹುಯೊ.

1 ಕೊರಿಂಥ 15:7

ಇನಕೇಡೆಥು ಯೋ ಯಾಕೋಬ್‌ನಾಬಿ ಇನಪಾರ್ ಬಿಜೇಕ್ ವಖ್ಹತ್ ಖ್ಹಾರಸ್ ಅಪೊಸ್ತಲರ್‌ನಾಬಿ ದೆಖಾಯೊ.

ಗಲಾತ್ಯ 1:19

ಕತೋಬಿ ಪ್ರಭುನೊ ಭೈಹುಯಿರ‍್ಹಾವಳೊ ಯಾಕೋಬ್ ಕಾಹೆತೆ ಅಪೊಸ್ತಲರ್‌ಮ ಬಿಜು಼ ಕಿನಾಬಿ ಕೊ ದೇಖ್ಯೋನಿ.

ಗಲಾತ್ಯ 2:12

ಅಗ್ಗಳ್ ಯೊ ಅಂತಿಯೋಕ್ಯನ ಆವಾನಿ ವಖ್ಹ್‌ತೆ ಯೆಹೂದ್ಯರ್‌ಕಾಹೆತೆ ಇವ್ಣ ಜೋ಼ಡ್ಮ ಖಾಣು ಖಾತೋಥೊ. ಇನಪಾರ್ ಯಾಕೋಬ್ ಭಣೀಥು ಥೋಡುಜ಼ಣು ಆಯು. ತದೆ ಪೇತ್ರನೆ ಯೆಹೂದ್ಯರ್‌ಕಾಹೆತೆ ಇವ್ಣಿ ಜೋ಼ಡ್ಮ ಖಾಣುಖಾವನು ಭಿರಾಖಿದಿದೊ. ಯೆಹೂದ್ಯರ್ ಅದ್ಮಿಥಿ ಡರಿನ್, ಯೊ ಇನುಯೋಸ್ ಯೆಹೂದ್ಯರ್‌ಕಾಹೆತೆ ಅದ್ಮಿಥಿ ಅಲಕ್ ಹುಯೊ.

ಗಲಾತ್ಯ 2:9

ಸಬೇನು ಖಂಬುಕರಿ ಬೋಲೈಲಿದಹುಯ ಯಾಕೋಬ್, ಪೇತ್ರ, ಯೋಹಾನ ಇವ್ಣೆ ದೇವ್ನೆ ಮನ ದಿರಾಖ್ಯೋತೆ ವಾರ್‌ಖ್ಹಾನ ಮಾಲುಮ್ ಕರಿಲಿನ್ ಗಳ್‍ಜೋ಼ಡ್‍ಥಿ ರ‍್ಹವಾನು ವತಾಳನಖ್ಹಾಜೆ ಮನಾಬಿ ಬಾರ್ನಬನಾಬಿ ಹಾತ್ ಮಳಾಯೊ. ಅಜು಼ ತುಮೆ ಯೆಹೂದ್ಯರ್‌ಕಾಹೆತೆ ಅದ್ಮಿಕನ ಜಾ಼ವೊ, ಹಮೆ ಯೆಹೂದ್ಯರ್‌ಕನ ಜೈ಼ಯೇಸ್‌ಕರಿ ಮಾನಿಲಿದ.

ಯಾಕೋಬ 1:1

ದೇವ್‍ನಾಬಿ ಪ್ರಭುಹುಯಿರೋತೆ ಯೇಸು ಕ್ರಿಸ್ತನಾಬಿ ದಾಸ ಹುಯಿರೋತೆ ಯಾಕೋಬ ಅಲಕ್‍ ದೇಖ್ಹ್‌ಮ ಛಿಡ್‍ಕೈರ‍್ಹುತೆ ಭಾರ ಖೂಮ್‍ವಾಳನ ಲಿಖಾನು ಶಾತ್‍ಕತೊ, ತುಮೂನ ಅಛ್ಛು಼ ಹುವಾದೆ.