ಅಪೊಸ್ತಲರ್‌ನು ಕಾಮ್‌ಖ್ಹಾರು 11:3 - ದೇವ್ನಿ ಖ್ಹಾಚಿ ವಚನ್

³ ತೂ, “ಯೆಹೂದ್ಯರ್ ಕಾಹೆತೆ ಇವ್ಣಕನಾಬಿ ಅಜು಼ ಖ್ಹತ್ನ ಕರಾಯುಕೊಂತೆ ಇವ್ಣ ಘರೇಬಿ ತುನೆ ಇವ್ಣಿಜೋ಼ಡ್ಮ ಜೈ಼ನ್ ಖಾಣುಬಿ ಖಾದೊ ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:3 ပူးပေါင်းရင်းမြစ်များ

ಮತ್ತಾಯ 9:11

ಫರಿಸಾಯರ್‌ನೆ ಅನದೇಖಿನ್‌, ಯೇಸುನ ಶಿಷ್ಯರ್‌ನ, “ತುಮಾರೊ ಗುರು ಶುಂಕ ಮಾಂಗವಾಳನ ಅಜು಼ ಪಾಪಿ ಖ್ಹಾರಾನ ಜೋ಼ಡೆ ಶನ ಖಾಣುಖಾಸ್ತೆ?” ಕರಿ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 15:2

ಅನ ದೇಖಿನ್ ಫರಿಸಾಯರ್ ಅಜು಼ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೇನೆ, “ಆ ಪಾಪಿ ಖ್ಹಾರಾನ ಜೋ಼ಡೆ ಮಳಿನ್, ಇವ್ಣ ಜೋ಼ಡೆ ಖಾಣು ಖಾಸ್ನಿ” ಕರಿ ಯೇಸುಪರ್ ಮಶ್ಲಾ ಮಾರ‍್ಯು.

ಯೋಹಾನ 18:28

ಅನಕೇಡೆಥು ಇವ್ಣೆ ಯೇಸುನ ಕಾಯಫನ ಘರ್ ಕಂಥು ರಾಜ್ಯಪಾಲ್‌ನು ಮಹೇಲ್‌ನ ಬುಲೈಲಿಗಯು. ಯೆಹೂದ್ಯರ್‌ವಾಳನೆ ಇವ್ಣುನ ಮೈಲಾಪ್‍ ಹುಯಿನ್ ಪಸ್ಕನು ಖಾಣು ಖಾವಾನ ಅಡ್ಡಿಉಶೆಕರಿ ಮಹಾಲ್‌ನ ಮಹಿ ಕೋ ಗಯೂನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:23

ಪೇತ್ರನೆ ಇವ್ಣುನ ಮಹಿ ಬುಲೈನ್, ಸತ್ಕಾರ್ ಕರೀನ್ ಯೋ ರಾತ್ ಹಿಜ್ಜಾ಼ಸ್ ರ‍್ಹವಾನಿತರ ಕರ‍್ಯೊ. ಇನವ್ಹಾಣೆ ಪೇತ್ರ ತಯಾರ್‌ಹುಯಿನ್ ಇವ್ಣ ಜೋ಼ಡ್ಮ ಗಯೊ. ಯೊಪ್ಪನು ವಿಶ್ವಾಸಿಮ ಥೋಡುಜ಼ಣು ಇನ ಜೋ಼ಡೆಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:28

ಪೇತ್ರನೆ ಇವ್ಣುನ, “ಯೆಹೂದ್ಯವಾಳವೊ ಏಕ್‌ ಜ಼ಣೊ ಅಲಕ್‌ಅದ್ಮಿಥಿ ಮಳೀನ್‍ ರ‍್ಹವಾನುರ‍್ಹೇವೊ, ಇವ್ಣಿಜೋ಼ಡೆ ರ‍್ಹವಾನು ಯೆಹೂದ್ಯರ್‌ನ ಪದತ್ತಿನ ವಿರೋದ್ ಹುಯಿರ‍್ಹುಸ್ ಕರಿ ತುಮೂನ ಮಾಲುಮ್‌ ಛಾ಼. ಕತೋಬಿ ಖಿವಿ ಅದ್ಮಿನಾಬಿ ಕಮ್‍ಶಿಲ್‍ವಾಳೊ, ಅಪವಿತ್ರವಾಳೊ ಕರಿ ನಾ ಬೋಲ್‌ನು ಕರಿ ದೇವ್ನೆ ಮನ ವತಾಳಿರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:32

ಇನಖ್ಹಾಜೆ; ತೂ ಕಿನಾತೋಬಿ ಯೊಪ್ಪನ ಮೋಕ್ಲಿನ್ ಪೇತ್ರಕರಿ ಬೋಲೈಲ್ಯವಾಳೊ ಸೀಮೋನನ ಬುಲಾವ್ಣು. ಯೋ ಚಾ಼ಂಬ್ಡಾನು ಕಾಮ್‌ಕರಾವಾಳೊ ಸಿಮೋನನ ಘರ್‌ಮ ಛಾ಼. ಯೋ ಘರ್‌ ದರ‍್ಯಾವ್ನ ಕಿನಾರೆ ಛಾ಼ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:48

ಅನಖ್ಹಾಜೆ ಇವ್ಣುನ ಕ್ರಿಸ್ತನ ನಾಮ್‍ಥಿ ಬ್ಯಾಪ್ತಿಸ್ಮ ಲೇವ್ಣುಕರಿ ಹುಕುಮ್‌ ದಿದೊ. ತದೆ ಇವ್ಣೆ, ಪೇತ್ರನ ಥೋಡ ದನ್ ಹಮಾರ ಜೋ಼ಡ್ಮ ರ‍್ಹೇವ್ಣುಕರಿ ಬೋಲಿಲಿದು.

1 ಕೊರಿಂಥ 5:11

ಕತೋಬಿ ಕ್ರಿಸ್ತಮ ವಿಶ್ವಾಸ್ಮ ಭೈ ಭೇನೆಕರಿ ಬೋಲಿಲ್ಯವಳೊ ವ್ಯಬಿಚಾರ್ ಕರಾವಾಳೊ, ಲಾಲಚ್‌, ಮೂರತ್ನ ಪೂಜ಼ಕರವಾಳೊ, ಲಡೈಕರವಾಳೊ, ಗಾಳೆ ದ್ಯವಾಳೊ, ಪೀಯ್ಯವಾಳೊ, ಛಿನೈಲ್ಯವಾಳೊ ಹುಯಿರ‍್ಹವಾನಿ ಪರಕ್ಮ ಇನ ಖ್ಹಂಗ್ ನಾಕರ‍್ನು. ಎಥ್ರಾನ ಜೋ಼ಡ್ಮ ಖಾಣುಬಿ ನಾ ಖಾವ್ಣು.

ಗಲಾತ್ಯ 2:12

ಅಗ್ಗಳ್ ಯೊ ಅಂತಿಯೋಕ್ಯನ ಆವಾನಿ ವಖ್ಹ್‌ತೆ ಯೆಹೂದ್ಯರ್‌ಕಾಹೆತೆ ಇವ್ಣ ಜೋ಼ಡ್ಮ ಖಾಣು ಖಾತೋಥೊ. ಇನಪಾರ್ ಯಾಕೋಬ್ ಭಣೀಥು ಥೋಡುಜ಼ಣು ಆಯು. ತದೆ ಪೇತ್ರನೆ ಯೆಹೂದ್ಯರ್‌ಕಾಹೆತೆ ಇವ್ಣಿ ಜೋ಼ಡ್ಮ ಖಾಣುಖಾವನು ಭಿರಾಖಿದಿದೊ. ಯೆಹೂದ್ಯರ್ ಅದ್ಮಿಥಿ ಡರಿನ್, ಯೊ ಇನುಯೋಸ್ ಯೆಹೂದ್ಯರ್‌ಕಾಹೆತೆ ಅದ್ಮಿಥಿ ಅಲಕ್ ಹುಯೊ.

2 ಯೋಹಾ 1:10

ಆ ಬೋಧನೆನ ಝಿಟ್ಕಾರವಾಳು ಕೋಣ್‌ಬಿ ತುಮಾರಕನ ಆಯುತೊ ಇವ್ಣುನ ತುಮಾರ ಘರ್‌ಮ ಬುಲಾವೊನಕೊ. ಇವ್ಣುನ ಅಛ್ಛು಼ ಹುವಾದೆ ಕರಿಬಿ ನಕೊ ಬೋಲೊ.