ಅಪೊಸ್ತಲರ್‌ನು ಕಾಮ್‌ಖ್ಹಾರು 10:7 - ದೇವ್ನಿ ಖ್ಹಾಚಿ ವಚನ್

⁷ ಕೊರ್ನೆಲ್ಯನೆ ಇನ ಜೋ಼ಡ್ಮ ವಾತೆಬೋಲ್ಯಾತೆ ದೇವ್‌ನೊ ದೂತ ಚ಼ಲೇಗೊತದೆ, ಇನ ಘರ್‌ಮಥಾತೆ ಬೇಜ಼ಣ ಸೇವಕ್‌ನ ಅಜು಼ ಇನಿ ಜೋ಼ಡ್ಮ ರ‍್ಹವಾಳ ಶಿಪಾಯಿಮ ಏಕ್‌ ಜ಼ಣೊ ದೇವ್‌ಮ ಭಕ್ತಿರ‍್ಯಹವಾಳೊ‍ ಶಿಪಾಯಿನ ಬುಲೈನ್,

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:7 ပူးပေါင်းရင်းမြစ်များ

ಮತ್ತಾಯ 2:13

ಇವ್ಣೆ ಜಾ಼ವಾನ ಬಾದ್‌ಮ, ದೇವ್ನದೂತ ಯೋಸೇಫ್‌ನ ಖ್ಹೋಣ್ಯಮ ದೆಖೈನ್, “ಹೆರೋದ ಆ ಲಡ್ಕಾನ ಮಾರಿನಾಕ್ಣು ಕರಿ ಢೂಂಡುಕರಾಸ್, ಇನಖ್ಹಾಜೆ ತೂ ಉಠೀನ್, ಲಡ್ಕಾನ ಅಜು಼ ಇನಿ ಆಯನ ಬುಲೈಲಿನ್, ಈಜಿಪ್ಟ್ ದೇಖ್ಹ್‌ನ ಮಿಲೈ ಜಾ಼. ಅಜು಼ ಮೇ ಬೋಲಾತೋಡಿ ಹಿಜ್ಗಾ಼ಸ್ ರ‍್ಹೇ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:25

ಯೋ ಹಗಾಮ್ಮ ಯೆರೂಸಲೇಮ್ಮ ಸಿಮೆಯೋನ್‌ ಕರಿ ಏಕ್‍ಜ಼ಣೊ ಥೊ. ಯೋ ಏಕ್‌ ನೀತಿವಾಳೊ ಅಜು಼ ದೇವ್‌ಥಿ ಡರವಾಳೊ ಅದ್ಮಿ ಹುಯಿರ‍್ಹೋಥೊ, ಇಸ್ರಾಯೇಲ್‌ ಅದ್ಮಿಯೇನ ಸಮಾಧಾನ್‍ ಕರಾವಾಳೊ ಕದೆ ಆವ್‍ಶೆಕರಿ ಟಿವವ್‍ಕರ್‌ತೊಥೊ. ಅಜು಼ ಪವಿತ್ರಾತ್ಮ ಇನಿ ಜೋ಼ಡೆ ಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 3:14

ತದೆ ಥೋಡು ಜ಼ಣು ಶಿಪಾಯಿಖ್ಹಾರುಬಿ ಆಯಿನ್, “ಹಮೆ ಶಾತ್‌ ಕರ‍್ನು?” ಕರಿ ಬೋಲಾಖ್ಹತರ್, ಇನೆ, “ಕಿನಾಪರ್‌ಬಿ ಜು಼ಲಮ್ಜ಼ಸ್ತಿ ಕರಿನ್ ಪೈಶಾ ಛಿನಾವಾನು ರ‍್ಹವೊ, ಕಿನಾಪರ್‌ಬಿ ಜ್ಹೂ಼ಟು ಇಂಜಾ಼ಮ್ ಲಗಾಡನು ರ‍್ಹವೊ ನಕೊ ಕರೊ. ತುಮೂನ ಮಳಾತೆ ಶಂಬ್‌ಳಾಮ ಖ್ಹುಶೀಥಿ ರ‍್ಹವೊ” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:6

ಯೋ ಚಾ಼ಂಬ್ಡಾನು ಕಾಮ್‌ಕರಾವಾಳೊ ಸೀಮೋನನ ಘರ್‌ಮ ಛಾ಼. ಇನುಘರ್‌ ದರ‍್ಯಾವ್ನ ಕಿನಾರೆ ಛಾ಼ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:8

ಇವ್ಣುನ ಕೊರ್ನೆಲ್ಯನೆ, ಆ ಚಾ಼ಲ್ಯುತೆ ಅಖ್ಖೂಸ್ ಇವ್ಣುನ ಬೋಲಿನ್ ಯೊಪ್ಪನ ಮೋಕ್‌ಲ್ಯೊ.

1 ತಿಮೊ 6:2

ಅಜು಼ ಅಮ್ನ ಸೇವಕ್‌ನ ಇನೊ ಯಜಮಾನ್ ವಿಶ್ವಾಸಿ ಹುಯಿರೋಸ್. ಇವ್ಣಿಬಾರೇಮ ಕಮ್ ಮರ್ಯಾದಿಥಿ ನಾ ದೇಕ್ಣು ಇವ್ಣೆ ವಿಶ್ವಾಸ್ಮ ಭೈಯೇ ಹುಯಿರಾಸ್. ಇವ್ಣೆ ಇವ್ಣ ಯಜಮಾನ್ನಿ ಬಾರೇಮ ಬಿಜೂ಼ಬಿ ಜಾ಼ಖ್ಹತ್ ಸೇವೆ. ಶನಕತೊ ಅನೊ ನಫ್ಫೊ ಕಿನ ಮಳಸ್ಕಿ ಇವ್ಣೆ ವಿಶ್ವಾಸಿ ಹುಯಿರುಸ್. ಅನೇಥಿ ಇವ್ಣೆ ಪ್ಯಾರ್ ಕರ್ಶೆ, ಆ ಖ್ಹಾರಿವಾತೆನ ಶಿಕಾಡೀನ್ ಬೋಲಿವತಾಳ್‌.

ಫಿಲೆಮೋನ 1:16

ಅನಪಾರ್ ಯೋ ಗುಲಾಮ್ ನಾಹುಯಿರ‍್ಹೇವ್ಣುತೆ, ಕತೋಬಿ ಯೊ ಗುಲಾಮ್‌ಥೀಬಿ ಘಣೊ ಊಚೊ಼ ಛಾ಼. ಯೋ ವಿಶೇಷ್‍ಪರಕ್ಮ ಮನ ಘಣೊ ಪ್ಯಾರ್‌ನೊ ಭೈ ಹುಯಿರೋಸ್ ಅಮ್‍ ರ‍್ಹವಾಪರ್ ಏಕ್‌ ಜಗತ್‌ನೊ ಭೈಹುಯಿನ್ ಪ್ರಭುನ ಸಂಬಂದಾಮ ಬಿಜೂ಼ಬಿ ಕೆತ್ರೇಕ್ಕಿ ಮನಾಬಿ ತುನ ಪ್ಯಾರ‍್ನೊ ಹುಯಿರ‍್ಹಿಶೆ ಕೊಯ್ನಿಕಿ ಶು?