ಅಪೊಸ್ತಲರ್‌ನು ಕಾಮ್‌ಖ್ಹಾರು 1:4 - ದೇವ್ನಿ ಖ್ಹಾಚಿ ವಚನ್

⁴ ಅಮ್ ರ‍್ಹವಾನಿ ವಖ್ಹ್‌ತೆ ಏಕ್‌ಬಾರ್ ಶಿಷ್ಯರ್‌ನಿ ಜೋ಼ಡ್ಮ ಖಾಣು ಖಾವನಿವಖ್ಹ್‌ತೆ ಇನೆ ಇವ್ಣುನ “ಮಾರೊ ಬಾ ಏಕ್‌ ಜಿಭಾನ್‌ ದಿರಾಖ್ಯೊಸ್ ಕರಿ ಅನಿ ಬಾರೇಮ ಪಹಿಲೇಸ್ ತುಮೂನ ಮೇ ಬೋಲಿರಾಖ್ಯುತೆ ಇನ ಖ್ಹಮ್‌ಜಿರಾಖ್ಯಥಾತೆ ಇಮ್‌ ಆ ವಾಗ್ದಾನ್ನಿ ವರ್‌ದಾನ್ ಲ್ಯವಾನಖ್ಹಾಜೆ ತುಮೆ ಯೆರೂಸಲೇಮ್ಮ ಟಿವೈರ‍್ಹೇಣುಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:4 ပူးပေါင်းရင်းမြစ်များ

ಮತ್ತಾಯ 10:20

ವಾತೆ ಬೋಲವಾಳ ತುಮೆ ಕಾಹೆ; ತುಮಾರೊ ಬಾನೊ ಪವಿತ್ರ ಆತ್ಮಾಸ್‌ ತುಮಾರ ಮ್ಹೋಡವಾಟೆ ವಾತೆ ಬೋಲ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:13

ಇಮ್‍ಕತೊ, ಖರಾಬ್ ಹುಯಿರ‍್ಹಾತೆ ತುಮೇಸ್, ತುಮಾರ ಲಡ್ಕಾವ್ನ ಅಛ್ಛು಼ ರಾಛು಼ಖ್ಹಾರು ದೆವಾಪರ್, ಪರಲೋಕ್‌ನೊ ತುಮಾರೊ ಬಾ, ಇನಾಕನ ಮಾಂಗಿಲ್ಯವಾಳನ ಕೈಯೆಕ್ಕಿ ಜಾ಼ಫ ಪವಿತ್ರಾತ್ಮನ ದಿಶೆ ಕೊಯ್ನಿಕಿ ಶು?” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:12

ಶನಕತೊ ಯೋ ವಖ್ಹತ್‌ಮ, ತುಮೆ ಶಾತ್‌ ಬೋಲ್ನುಕರಿ ಪವಿತ್ರಾತ್ಮಾಸ್‌ ತುಮೂನ ಬೋಲಿದಿಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:49

ಹಂದೇಖೊ! ಮಾರೊ ಬಾ ಜಿಭಾನ್‌ ದಿದೋತೆ ಇನ, ಮೇ ತುಮಾರಾಪರ್ ಬೋಲಿ ಮೋಕ್ಲಿಶ್. ಉಪ್ಪರ್‌ಥು ತುಮಾರಪರ್ ಶಕತ್‍ ಆವಾತೋಡಿ, ಆಸ್ ಖ್ಹಯೇರ್‌ಮ ತುಮೆ ಜ಼ಪಿರ‍್ಹೇಣು ಕರಿ ಬೋಲ್ಯೊ.

ಯೋಹಾನ 14:16

ತದೆ ಮೇ ಬಾಕನ ಬೋಲಿಲೀಶ್‌, ತದೆ ಯೋ ತುಮೂನ ಬಿಜೇಕ್‍ಜ಼ಣೊ ಮದತ್‌ ಕರವಾಳನ ತುಮಾರಿ ಜೋ಼ಡ್ಮ ರ‍್ಹವಾನ ಮೋಕಲ್‌ಶೆ. ಯೋ ಮದತ್ ಕರಾವಾಳೊ ಹರ್‌ಹಮೇಶ ತುಮಾರ ಜೋ಼ಡೆ ರ‍್ಹಿಶೆ.

ಯೋಹಾನ 15:26

“ಬಾ ಕಂಥು ಆವ್‌ಶೇತೆ ಯೋ ಮದತ್‌ ಕರವಾಳೊ ಆತ್ಮ ಹುಯಿರ‍್ಹೋಸ್. ಯೊ ದೇವ್ನು ಖ್ಹಾಚ಼ನ ಬೋಲಸ್, ಯೋ ತುಮುನ ಮಾರಿ ಬಾರೇಮ ಸಾಕ್ಷಿ ಬೋಲ್‌ಶೆ.

ಯೋಹಾನ 20:22

ಅಮ್ ಬೋಲಾನ ಬಾದ್‌ಮ, ಯೇಸುನೆ ಇವ್ಣಾಪರ್ ಫೂಕಿನ್‌, “ಅಲ್ಲೇವೊ ಪವಿತ್ರಾತ್ಮನ.

ಯೋಹಾನ 7:39

ಕತೋಬಿ ಯೇಸುನೆ ಇನ ನಂಬಾವಾಳು ಲೀಲಿಶೇತೆ ಪವಿತ್ರಾತ್ಮ ವರಾನಿ ಬಾರೇಮ ಬೋಲ್ಯೊ. ಯೇಸು ಬೀಜೂಬಿ ಮಹಿಮೆನ ಲೀರಾಖ್ಯೊಥೊ ಕೊಯ್ನಿ ಶನಕತೊ ಪವಿತ್ರಾತ್ಮ ವರ ಅಜೂ಼ಬಿ ದೆವೈರ‍್ಹುಥು ಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:41

ಕತೋಬಿ ಯೇಸು ಖ್ಹಾರಸ್ ಅದ್ಮಿನ ದೆಖಾಯೊ ಕೊಯ್ನಿ ದೇವ್‍ಥಿ ಪಹಿಲೇಸ್ ಸಾಕ್ಷಿಹುಯಿ ಚೂ಼ಣೈರ‍್ಹುಥೂತೆ ಇವ್ಣೆಖಲಿ ಇನದೇಖ್ಯು. ಯೇಸು ಮರಣ್‍ಥಿ ಜಿವ್ತೊಹುಯಿನ್ ಉಠೀನ್ ಆವಾನಿ ವಖ್ಹ್‌ತೆ ಅಪ್ಣೆ ಇನಿ ಜೋ಼ಡ್ಮ ಖಾಣು ಖಾದ ಅಜು಼ ಪಾಣಿ ಪೀದ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:33

ಯೇಸು ಸೊರ್ಗನ ಪಡೈಗೊ. ಹಮ್ಕೆ ಯೇಸು ದೇವ್ನಿ ಜೋ಼ಡ್ಮ ಛಾ಼. ದೇವ್ನಿ ಖಾವಿ ಬಾಜು಼ಮ ಛಾ಼. ಹಮ್ಕೆ ಬಾ ಹುಯಿರೋತೆ ದೇವ್ ಪವಿತ್ರಾತ್ಮನ ಯೇಸುನ ದೀರಾಖ್ಯೊಸ್. ಪವಿತ್ರಾತ್ಮನ ದೇವುಸ್ ಕರಿ ದೇವ್ನೆ ವಾಗ್ದಾನ್ ಕರಿರಾಖ್ಯೊಥೊ. ಇನಖ್ಹಾಜೆ ಯೇಸು ಹಮ್ಕೆ ಯೊ ಪವಿತ್ರಾತ್ಮನ ರಂಚಿರಾಖ್ಯೊಸ್. ತುಮೆ ದೇಖುಕರಾತೆ ಅಜು಼ ಖ್ಹಮ್‌ಜು಼ಕರಾತೆ ಅನಾಸ್.