ಅಪೊಸ್ತಲರ್‌ನು ಕಾಮ್‌ಖ್ಹಾರು 1:15 - ದೇವ್ನಿ ಖ್ಹಾಚಿ ವಚನ್

¹⁵ ಥೋಡದನ್ ಬಾದ್‌ಮ, ವಿಶ್ವಾಸಿಮ ಖ್ಹುಮಾರ್ ಏಕ್‌ಖ್ಹೊ ವೀಖ್ಹ್‌ ಜ಼ಣು ಸಭೆಮ ಮಳೀನ್‍ ಅಯಿರ‍್ಹವಾಮ, ಪೇತ್ರನೆ ಬೀಚ್ಮ ಉಠಿ ಭೀರಿನ್:

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:15 ပူးပေါင်းရင်းမြစ်များ

ಮತ್ತಾಯ 13:31

ಯೇಸುನೆ ಬಿಜೇಕ್ ಮತ್ಲಬ್‌ನ ಇವ್ಣುನ ಬೋಲ್ಯೊ: ಯೋ ಶಾತ್‌ಕತೊ, “ಸೊರ್ಗನು ರಾಜ್ಯ ಅಮ್ ಹುಯಿರ‍್ಹೂಸ್. ಕಿಮ್‌ಕತೊ, ಏಕ್‌ ಜ಼ಣಾನೆ ರಾಯಿನ ದಾಣಾನ ಲೀಜೈ಼ನ್, ಇನ ಖೇತರ್‌ಮ ಛಿಡ್‌ಕ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:32

ಕತೋಬಿ ತಾರಿ ವಿಶ್ವಾಸ್ ಕಮ್ ನಾ ಹೋಣುಕರಿ, ಮೇ ತಾರಿ ಬಾರೇಮ ದೇವ್ನ ಪ್ರಾರ್ಥನೆ ಕರಿರಾಖ್ಯೊಸ್ ಸೀಮೋನ್. ಅಜು಼ ತೂ ಮಾರಭಣಿ ಫರಾನ ಬಾದ್‌ಮ, ತಾರ ಭೈಯೇನ ಭಾಲಿ ದೇವ್ಣು” ಕರಿ ಬೋಲ್ಯೊ.

ಯೋಹಾನ 14:12

ಮೇ ತುಮೂನ ಖ್ಹಾಚ ಬೋಲುಸ್, ಮನ ನಂಬವಾಳೊ ಮೇ ಕರ‍್ಯೊತೆ ಕಾಮ್ನಖ್ಹಾರು ಯೋಬಿ ಕರ್ಶೆ, ಎತ್ರೇಸ್ ಕಾಹೆತೆ ಇನೇಥಿ ಮಹಾನ್ ಕಾಮ್ನ ಖ್ಹಾರು ಕರ್ಶೆ, ಶನಕತೊ ಮೇ ಬಾಕನ ವಳ್ಯೊಜ಼ವುಸ್‌.

ಯೋಹಾನ 21:23

ಅನೇಥಿ ಯೋ ಶಿಷ್ಯ ಮರ್‌ಶೆಕೊಯ್ನಿ ಕರಿ ಬೋಲಾನಿ ವಾತೆ ಯೇಸುನ ಭೈಯೇವ್‌ಮ ಫೈಲಿಗಯು. ಯೋ ಮರ್‌ಶೆಕೊಯ್ನಿ. ಕತೋಬಿ ಯೇಸುನೆ ಇನ ಬೋಲ್ಯೊಕೊಯ್ನಿ, “ಮೇ ಆವಾತೋಡಿ, ಯೋ ಜಿವ್ತೊ ರ‍್ಹೇವ್ಣುಕರಿ ಮನ ಮನ್ ರ‍್ಹಯೂತೊ, ಇನೇಥಿ ತುನ ಶಾತ್‌?” ಕರೀಶ್ ಯೇಸುನೆ ಬೋಲ್ಯೊತೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:23

ಪೇತ್ರನೆ ಇವ್ಣುನ ಮಹಿ ಬುಲೈನ್, ಸತ್ಕಾರ್ ಕರೀನ್ ಯೋ ರಾತ್ ಹಿಜ್ಜಾ಼ಸ್ ರ‍್ಹವಾನಿತರ ಕರ‍್ಯೊ. ಇನವ್ಹಾಣೆ ಪೇತ್ರ ತಯಾರ್‌ಹುಯಿನ್ ಇವ್ಣ ಜೋ಼ಡ್ಮ ಗಯೊ. ಯೊಪ್ಪನು ವಿಶ್ವಾಸಿಮ ಥೋಡುಜ಼ಣು ಇನ ಜೋ಼ಡೆಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:1

ಯೆಹೂದ್ಯರ್‌ಕಾಹೆತೆ ವಿಶ್ವಾಸಿಖ್ಹಾರು ದೇವ್ನಿ ವಚನ್ನ ಸ್ವೀಕಾರ್‌ಕರ‍್ಯು ಕರಿ ಅಪೊಸ್ತಲರ್‌ವಾಳನಾಬಿ ಯೂದಾಯಮ ಥೂತೆ ವಿಶ್ವಾಸಿನ ಮಾಲುಮ್‍ಹುಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:12

ಪವಿತ್ರಾತ್ಮನೆ ಮನ ಬೋಲ್ಯೊ ಗುಮಾನಿ ನಾಕರ‍್ನುತೆ ಇವ್ಣಿ ಜೋ಼ಡ್ಮ ಜಾ಼ ಕರಿ ಬೋಲ್ಯೊ. ಆ ಛೋ಼ ಜ಼ಣ ಭೈಯೇ ಮಾರಿಜೋ಼ಡ್ಮ ಆಯಾ ಹಮೆ ಕೊರ್ನೆಲ್ಯನ ಘರೆಗಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:26

ಬಾರ್ನಬನೆ ಸೌಲಾನ ಹಿಜ್ಜಾ಼ ದೇಖಿನ್ ಇನ ಅಂತಿಯೋಕ್ಯನ ಬುಲೈಲಿನ್ ಆಯೊ. ಸೌಲಾಬಿ ಅಜು಼ ಬಾರ್ನಬನೆ ಅಂತಿಯೋಕ್ಯಮ ಏಕ್‌ ವರಖ್ಹ್‌ಅಖ್ಖು ಸಬೆನ ಜೋ಼ಡ್ಮಾಸ್ ರ‍್ಹೀನ್ ಕೈಏಕ್ ಜ಼ಣಾನ ಶಿಕಾಡ್ಯ. ಆ ವಿಶ್ವಾಸಿನ ಪಹಿಲಿಬಾರ್ “ಕ್ರೈಸ್ತರ್” ಕರಿ ನಾಮ್ ಆಯುತೆ ಅಂತಿಯೋಕ್ಯಮಾಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:29

ಯೂದಾಯಮ ರ‍್ಹವಾಳು ಭೈಯೇ ಭೇನೆವೊನ ಮದತ್‌ಕರಾನ ಶಿಷ್ಯರ್‌ನೆ ನಿರ್ಧಾರ್ ಕರ‍್ಯು. ವಿಶ್ವಾಸಿಮ ಹರೇಕ್ ಜ಼ಣುಬಿ ಇವ್ಣೇಥಿ ಕೆತ್ರುಹುಯೂಕಿ ಇವ್ಣುನ ಬೋಲಿ ಮೋಕ್ಲಿನ್ ಖ್ಹಯಾಲ್ ಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 12:17

ಪೇತ್ರನೆ ಇವ್ಣುನ ಶೊಪೊರ‍್ಹೇವೊ ಕರಿ ಹಾತ್‌ನೊ ಇಷಾರ್ಕೊ ಕರೀನ್, ಪ್ರಭುನೆ ಇನ ಜೇಲ್‌ಮಾಥು ಕಿಮ್ ಛೋ಼ಡಾಯೊ ಕರಿ ಯೋ ಬಾರೇಮ ಇವ್ಣುನ ಅಖ್ಖು ಬೋಲಿ ಒತಾಳ್ಯೊ. “ಯಾಕೋಬ್‌ನಾಬಿ ಅಜು಼ ವಿಶ್ವಾಸಿವೊನಾಬಿ ಆ ಸಮಚಾರ್‌ನ ಬೋಲೊ” ಕರಿ ಬೋಲ್ಯೊ. ಇನಕೇಡೆಥು ಪೇತ್ರ ಬಿಜಿ ಝ಼ಗೊ ನಿಕ್ಳಿಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:2

ಕತೋಬಿ ವಿಶ್ವಾಸ್ ಕರ‍್ಯುಕೊಂತೆ ಯೆಹೂದ್ಯರ್‌ನೆ ಅಲ್ಹಾವ್‌ ಅದ್ಮಿಖ್ಹಾರಾನ ವಿಶ್ವಾಸಿ ಭೈಯೇನ ವಿರೋದ್ ಉಠಾಡಿ ಭೀರಾಖ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:1

ತದೆ ಥೋಡು ಅದ್ಮಿಖ್ಹಾರು ಯೂದಾಯಥು ಅಂತಿಯೋಕ್ಯ ಖ್ಹಯೇರ‍್ನ ಆಯು. ‘ಮೋಶೆನಿ ದಪ್ತರ್‌ಮ ಬೋಲೈರ‍್ಹಯುತೆ ಪರಕ್ಮ ತುಮೆ ಖ್ಹತ್ನ ನಾ ಕರಾಯತೊ ತುಮೂನ ರಕ್ಷಣೆ ಕೊಉಷೇನಿ’ ಕರಿ ಯೆಹೂದ್ಯರ್ ಕಾಹೆತೆ ಭೈಯೇನ ಬೋಲಿ ಒತಾಳು ಕರ್ತುಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:3

ಸಬೆವಾಳು ಇವ್ಣುನ ಮೋಕ್ಲಿ ಹುಯಿಜಾ಼ವಾದಿನ್ ಇವ್ಣೆ ಫೊಯಿನಿಕೆ, ಸಮಾರ್ಯ ತಬರ್‌ಖಾನಿ ವಾಟೆ ಜಾ಼ವಾನಿ ವಖ್ಹತ್‌ಮ ಅಲಕ್‌ ಅದ್ಮಿಖ್ಹಾರು ದೇವ್‌ಭಣಿ ಫರ‍್ಯುತೆ ಬಾರೇಮ ಹಿಜ಼್ಜಾಥೂತೆ ಭೈಯೇ ಖ್ಹಾರಾನ ಏಕೇಕ್‌ ವಾತ್ನಬಿ ಛೋ಼ಡಿ ಬೋಲಿವತಾಳಿನ್ ಇವ್ಣಖ್ಹಾರಾನ ಘಣು ಖ್ಹುಶಿಕರಾಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:2

ಲುಸ್ತ್ರ ಅಜು಼ ಇಕೋನ್ಯ ಖ್ಹಯೇರ‍್ನು ವಿಶ್ವಾಸಿಖ್ಹಾರು ತಿಮೊಥೆನ ಮರ್ಯಾದಿ ದೇತುಥು. ಅಜು಼ ಇನಿ ಬಾರೇಮ ಅಛ್ಛೂ಼ಸ್ ಬೋಲ್ತುಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:40

ಕತೋಬಿ ಪೌಲಬಿ ಸೀಲನೆ ಜೇಲ್‌ಥು ನಿಕ್ಳಿನ್ ಲಿಡಿಯಾನ ಘರೆಗಯ. ಹಿಜ್ಜಾ಼ ಇವ್ಣೆ ಥೋಡ ವಿಶ್ವಾಸಿನ ದೇಖಿನ್ ಇವ್ಣುನ ಭಾಲಿದೀನ್ ಹಿಜ್ಜಾ಼ಥ ಚ಼ಲೇಗಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:10

ಯೋಸ್ ರಾತ್ಮ ವಿಶ್ವಾಸಿಖ್ಹಾರು ಪೌಲ ಸೀಲನ ಬೆರೋಯ ಕರಿ ಬೋಲಾನು ಬಿಜೇಕ್ ಖ್ಹಯೇರ‍್ನ ಮೋಕ್‍ಲ್ಯು. ಬೆರೋಯಮ ಪೌಲ ಸೀಲನ ಯೆಹೂದ್ಯರ್‌ನ ಸಭೆಮ ಗಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:14

ಇನಖ್ಹಾಜೆ ವಿಶ್ವಾಸಿಖ್ಹಾರು ತದ್‌ನು ತದೇಸ್‌ ಪೌಲನ ದರ‍್ಯಾವ್ನ ಕನಾರಲಗು ಮೋಕ್ಲಿದಿದು. ಕತೋಬಿ ಸೀಲ ಅಜು಼ ತಿಮೊಥೆ ಇವ್ಣೆ ಬೆರೋಯಮಾಸ್ ರ‍್ಹೀಗ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:6

ಕತೋಬಿ ಇವ್ಣೆ ಹಿಜ್ಜಾ಼ ದೆಖಾಯುಕೊಂತೆ ಇನಖ್ಹಾಜೆ ಇವ್ಣೆ ಯಾಸೋನನಾಬಿ ಥೋಡ ವಿಶ್ವಾಸಿಖ್ಹಾರಾನ ನಂಗರ‍್ನ ಅಧಿಕಾರಿನ ಖ್ಹಾಮ್ಣೆ ಖೇಚಿಲೈನ್‌; ಆ ಅದ್ಮಿಖ್ಹಾರು ಜಗತ್ನಿಅಖ್ಖಿಸ್ ಬಾಜು಼ ಗಲಾಟ್ ಉಠಾಡಿನ್ ಹಮ್ಕೆ ಹಜ್ಜಾ಼ಬಿ ಐರ‍್ಹಾಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:18

ಪೌಲ ಕೈಏಕ್ ದನ್‌ಲಗು ವಿಶ್ವಾಸಿ ಭಯೇನಿ ಜೋ಼ಡ್ಮಾಸ್ ಥೊ. ಅನಕೇಡೆಥು ಪ್ರಿಸ್ಕಿಲ್ಲ ಅಜು಼ ಅಕ್ವಿಲನ ಜೋ಼ಡೆ ಜ಼ಹಾಜ಼್ ಚ಼ಢೀನ್ ಸಿರಿಯಾನ ನಿಕ್‌ಳ್ಯೊ. ಇನ ದೀಕ್ಷೆಥೂತೆ ಇನಖ್ಹಾಜೆ ಕೆಂಖ್ರೆಯ ಖ್ಹಯೇರ್‌ಮ ಮುಡ್‌ಕ್ಯಾನ ಕೇಖ್ಹ್‌ ಕಡಾಯೊ.ಶನಕತೊ ಯೋ ಶಪತ್ ಕರಿರಾಖ್ಯೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:27

ಇನಕೇಡೆಥು ಅಖಾಯನ ಜಾ಼ವ್ಣುಕರಿ ಇನ ಮನ್‍ಲಗಾಖ್ಹತರ್ ವಿಶ್ವಾಸಿ ಭಯೇಖ್ಹಾರು ಇನ ಮದತ್‍ಕರಿನ್ ಹಿಜ಼್ಜಾಥೂತೆ ವಿಶ್ವಾಸಿವ್‌ನ ಚಿಟ್ಟಿಲೀಖಿನ್ ಅಪೊಲ್ಲೋಸನ ಮಳೈಲೇವ್ಣು ಕರಿ ಬೋಲಿಲಿದು.ಯೊ ಹಿಜ್ಜಾ಼ ಜಾ಼ವಾನಿ ವಖ್ಹ್‌ತೆ ದೇವ್ನಿ ಕೃಪಾಥಿ ವಿಶ್ವಾಸ್ ಕರವಾಳನ ಏಕ್‌ ಮೋಟು ಮದತ್ ಹುಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:17

ಹಮೆ ಯೆರೂಸಲೇಮ್ ಆವಾದಿನ್ ವಿಶ್ವಾಸಿಖ್ಹಾರು ಹಮೂನ ಖುಷಿಥಿ ಬುಲೈಲಿದಾ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:20

ಇವ್ಣೆ ಯೋಖ್ಹಾರು ಖ್ಹಮ್‌ಜಿನ್‌ ದೇವ್ನ ಖ್ಹರಾಯು. ತದೆ ಇವ್ಣೆ ಪೌಲನ, “ಭೈ, ಹಜಾ಼ರೊ ಅದ್ಮಿ ಯೆಹೂದ್ಯರ್‌ಖ್ಹಾರು ವಿಶ್ವಾಸಿ ಹುಯಿರ‍್ಹುತೆ ತೂ ದೇಖಾಸ್ನಿ, ಇವ್ಣೆಖ್ಹಾರು ಧರ್ಮಶಾಸ್ತ್ರನ ದಿಲ್‌ಲಗಾಡವಾಳು ಹುಯಿರ‍್ಹುಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:7

ಹಮೆ ತೂರ್ ಖ್ಹಯೇರ್‌ಥಿ ನಿಕ್ಳಿನ್ ಪ್ತೊಲೆಮಾಯ ಖ್ಹಯೇರ‍್ನ ಜೈ಼ನ್ ದರ‍್ಯಾವ್‍ನಿ ಚಾ಼ಲ್ ಖ್ಹತಮ್ ಕರ‍್ಯಾ. ಹಿಜ಼್ಜಾಥೂತೆ ವಿಶ್ವಾಸಿಖ್ಹಾರನ ಖ್ಹಲಾಮ್ ಕರೀನ್, ಇವ್ಣಿ ಜೋ಼ಡೆ ಏಕ್‍ರೋಜ಼್ ರ‍್ಹೀನ್,

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:5

ಅನಿಬಾರೇಮ ಗಲ್‌ಢಯಾಜಕ್‌ಬಿ ಮೋಟಿಸಭೆವಾಳು ಖ್ಹಾರು ಸಾಕ್ಷಿ ಹುಯಿರ‍್ಹುಸ್. ಇವ್ಣೇಥಿಸ್ ದಮಸ್ಕಮ ಥೂತೆ ಯಹೂದಿ ದೋಸ್ತಿನ ದ್ಯವಾನಖ್ಹಾಜೆ ಅವ್ಣಕನ ಥೂತೆ ಚಿಟ್ಟಿನ ಮಾಂಗಿಲೀನ್ ಇವ್ಣುನ ಬೇಡಿ ಘಾಲಿನ್ ಖ್ಹತಾವನ ಯೆರೂಸಲೇಮ್ಮ ಖೇಚಿಲಿ ಆವಾನ ದಮಸ್ಕಮ ಮೇ ವಳ್ಯೊಜಾ಼ತೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:14

ಹಮೆ ಹಿಜ್ಜಾ಼ ಥೋಡು ವಿಶ್ವಾಸಿವ್‌ನ ದೇಖ್ಯ. ಇವ್ಣಜೋ಼ಡ್ಮ ಖ್ಹಾತ್ ದನ್‌ತೋಬಿ ರ‍್ಹೇವ್ಣುಕರಿ ಬೋಲಿಲಿದು. ಇನಖ್ಹಾಜೆ ಹಮೆ ರೋಮ್‍ನ ಆಯ.

1 ಕೊರಿಂಥ 15:6

ಅನಕೇಡೆಥು ಎಕ್ಕಸ್ ವಖ್ಹತ್‌ಮ ಪಾಚ಼್ ಖ್ಹೋಥಿಬಿ ಜಾ಼ಖ್ಹತ್ ಜ಼ಣ ಭೈಯೇ ಭೇನೆವ್‌ನ ದೇಖಾಯೊ. ಇವ್ಣಾಮ ಘಣುಅದ್ಮಿ ಹಮ್ಕೇಬಿ ಬಚಿರ‍್ಹೂಸ್. ಥೋಡುಜ಼ಣು ಮರಿಗಯು.

ಪ್ರಕಾಶಿತ್ 11:13

ಯೋಸ್ ವೇಳ್ಮ ಮೋಟು ಭೂಕಂಪ್ ಹುಯಿನ್ ಯೊ ಖ್ಹಯೇರ‍್ನು ದಖ್ಹ್‌ಮ ಏಕ್‌ಭಾಗ್ ನಾಶ್‌ಹುಯಿಗು. ಆ ಭೂಕಂಪ್‌ಥಿ ಖ್ಹಾತ್‍ಹಜಾ಼ರ್‌ ಜ಼ಣು ಮರಿಗು. ಇನಾಮ ಬಚ್ಯೂತೆ ಅದ್ಮಿಖ್ಹಾರು ಘಣು ಡರಿನ್ ಸೊರ್ಗಾನ ದೇವ್ನ ಮಹಿಮೆ ಕರ‍್ಯು.

ಪ್ರಕಾಶಿತ್ 3:4

“ತುಮಾರು ಸಬೆನ ಮಳಿರ‍್ಹುಸ್ತೆ ಥೋಡ ಜ಼ಣ ಸಾರ್ದಿಸ್‍ನು ಬೀಜೂಬಿ ಪವಿತ್ರ ಛಾ಼. ಅವ್ಣೆ ಇವ್ಣ ಲುಂಗ್ಡಾನ ಗಂಧು ಕೋಕರಿರಾಖ್ಯುನಿ. ಅವ್ಣೆ ಯೋಗ್ಯರ್ ಹುಯಿರ‍್ಹಿಷೇತೆ ಇನಖ್ಹಾಜೆ ಧೋಳು ಲುಂಗ್ಡಾನ ಫೇರಿನ್ ಮಾರ ಜೋ಼ಡ್ಮ ಚಾ಼ಲ್‍ಷೆ.