3 ಯೋಹಾ 1:8 - ದೇವ್ನಿ ಖ್ಹಾಚಿ ವಚನ್

⁸ ಇನಾಖ್ಹಾಜೆ, ವಿಶ್ವಾಸಿ ಹುಯಿರಾತೆ ಅಪ್ಣೆ ಅಥ್ರಾನವಾಳಾನ ಮದತ್‌ಕರ‍್ನು. ಅಮ್‍ ಇವ್ಣೆ ಖ್ಹಾಚ಼ನಖ್ಹಾಜೆ ಕರಾತೆ ಕಾಮ್ಮ ಅಪ್ಣೇಬಿ ಭಾಗ್‌ ಹುವಾನಿತರ ಉಶೆ.

3 ಯೋಹಾ 1:8 ပူးပေါင်းရင်းမြစ်များ

ಮತ್ತಾಯ 10:14

ಖೆವತೋಬಿ ಘರ್‌ವಾಳು ನತರ್‌ಕಿ ಗಾಮ್‌ವಾಳು ತುಮೂನ ನಾ ಬುಲೈಲಿದುತೊ, ನತರ್‌ಕಿ ತುಮಾರಿ ವಾತೆನ ನಾ ಖ್ಹಮ್‌ಜುತೊ, ಯೋ ಗಾಮ್‌ನ ಮ್ಹೆಂದಿನ್ ಜಾ಼ವಾನಿ ವಖ್ಹತ್‌ಮ, ತುಮಾರ ಗೋಡಾನ ಲಗ್ಯುತೆ ಧೂಳ್‌ನ ಝ಼ಟ್‌ಕಿ ದೆವೊ.

ಮತ್ತಾಯ 10:40

“ಕೋಣ್‌ತೋಬಿ ತುಮೂನ ಬುಲೈಲಿದುತೊ, ಇವ್ಣೆ ಮನ ಬುಲೈಲೆವಾದಾಖ್ಹಲ್‌; ಮನ ಬುಲೈಲೆಸ್ತೆ ಇವ್ಣೆ ಮನ ಮೋಕ್‌ಲ್ಯೊತೆ ಇನಾಸ್ ಬುಲೈಲೆವಾದಾಖ್ಹಲ್‌,

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:7

ತದೆ ಯೋ ದೋಸ್ ಘರ್‌ನ ಮಹಿಥೋಸ್ ಇನ, ‘ಮನ ಖ್ಹತಾವ್ ನಕೊ; ಹಮ್ಕೆ, ಬಾಕಲ್ ಮೂಚೈ಼ರ‍್ಹೂಸ್; ಮಾರ ಅಡ್ಡಾಣಿ ಲಡ್ಕಾ ಮಾರ ಜೋ಼ಡೆ ಖ್ಹುತಾಸ್. ಮೇ ಉಠೀನ್, ತುನ ಶಾತ್ಬಿ ದ್ಯವಾನ ಕೋ ಹುವಾನಿ’ ಕರಿ ಜವಾಬ್‌ ದಿದೊತೋಬಿ ದಿಯ್ಯೆಜಾ಼ಯ್.

2 ಕೊರಿಂಥ 6:1

ಹಮೆ ದೇವ್ನಿ ಜೋ಼ಡ್ಮ ಕಾಮ್ ಕರಾವಾಳ ಹುಯಿರ‍್ಹಾಸ್.ಇನಾಖ್ಹಾಜೆ ತುಮೂನ ಶಾತ್ ಬೋಲಿಲಿಯೇಸ್ ಕತೊ,ತುಮೆ ದೇವ್‍ಥಿ ಲೀರಾಖ್ಯಾತೆ ವಾರ್‌ಖ್ಹಾನ ಗುಮೈನಕೊಲಿಶು ಕರಿ ಗಿಂಗೈಲಿಯೇಸ್

2 ಕೊರಿಂಥ 8:23

ಮೇ ತೀತನಿಬಾರೇಮ ಬೋಲಾನು ಶಾತ್‍ಕತೊ, ಯೋ ಮಾರಿ ಜೋ಼ಡ್ಮಕಾಮ್‍ ಕರಾವಾಳೊ ಹುಯಿರ‍್ಹೊಸ್, ತುಮುನ ಮದತ್ ಕರಾನ ಯೋ ಮಾರಿ ಜೋ಼ಡ್ಮಕಾಮ್‍ ಕರುಕರಸ್. ಅಲಕ್ ಭೈಯೇವ್ನಿ ಬಾರೇಮ ಮೇ ಶಾತ್‍ಬೋಲುಸ್‍ಕತೊ, ಇವ್ಣೆ ಸಬೆಮಾಥು ಮೋಕ್ಲಾಯಹುಯ ಹುಯಿರ‍್ಹಾಸ್. ಬಿಜು಼ ಕ್ರಿಸ್ತನ ಮಹಿಮೆ ಕರಾವಾಳ ಹುಯಿರ‍್ಹಾಸ್.

ಫಿಲಿಪ್ಪಿ 4:3

ಮಾರೊ ಖ್ಹಾಚೊ಼ ಸಾಥಿನೊ ಸೇವಕ್, ಯೊ ತಯೇಡಾವ್ನ ಮದತ್ ಹುಯಿರ‍್ಹೇವ್ಣುಕರಿ ತುನ ಬೋಲಿಲೆವುಸ್. ಇವ್ಣೆ ಜಿನು ಕ್ಲೇಮೆನ್ಸ್ ಅಜು಼ ಥೋಡ ಜೋ಼ಡ್ಮಕಾಮ್‍ ಕರವಾಳನ ಖ್ಹಮೇದ್ ಮಾರ ಜೋ಼ಡೆ ಸುವಾರ್ತೆನಖ್ಹಾಜೆ ಖ್ಹತ್ಯು. ಅವ್ಣು ನಾಮ್‌ಅಖ್ಖು ಜಾನ್ನ ಹಕ್‌ವಾಳಾನಿ ಪಟ್ಟಿಮ ಛಾ಼.

ಕೊಲೊಸ್ಸೆ 4:11

ಯೂಸ್ತಕರಿ ಬೋಲೈಲಿದೋತೆ ಯೇಸುಬಿ ತುಮುನ ಖ್ಹಲಾಮ್‍ಕರಸ್. ದೇವ್ನ ರಾಜ್ಯನಖ್ಹಾಜೆ ಮಾರಿಜೋ಼ಡೆ ಜೋ಼ಡ್ಮಕಾಮ್‍ ಕರಾವಾಳೊ ಹುಯಿರೊಸ್. ಯೆಹೂದ್ಯರ್‌ಹುಯಿರ‍್ಹುತೆ ಅವ್ಣೆಥೀಸ್ ಕಾಮ್‌ಕರಾಮ ಮನ ಭಾಲಿ ಹುಯು.

1 ಥೆಸ 3:2

ಹಮೆ ಹಮಾರ ವಿಶ್ವಾಸ್‌ಮ ಅಜು಼ ದೇವ್ನಖ್ಹಾಜೆ ಕ್ರಿಸ್ತನಿ ಸುವಾರ್ತೆನ ಬೋಧನೆಮ ಮಾರ ಜೋ಼ಡ್ಮ ರ‍್ಹವಾಳೊ ತಿಮೊಥೆನ, ತುಮೂನ ಹುಮ್ಮಖ್ಹ್ ದ್ಯವಾನ ಅಜು಼ ವಿಶ್ವಾಸ್ಮ ಹುಮ್ಮಖ್ಹ್‌ ಕರಾನಖ್ಹಾಜೆ ತುಮಾರಕನ ಮೋಕ್‍ಲ್ಯಾಥ.

ಫಿಲೆಮೋನ 1:2

ಭೇನ್ ಹುಯಿರ‍್ಹೀತೆ ಅಪ್ಫಿಯನಾಬಿ ಅಪ್ಣೊ ಜೋ಼ಡ್‌ನೊ ಶಿಪಾಯಿ ಹುಯಿರ‍್ಹೋತೆ ಅರ್ಖಿಪ್ಪನಾಬಿ ತುಮಾರ ಘರ್‌ಮ ಭರಾವಸ್ತೆ ಸಬೆವಾಳನಾಬಿ ಲೀಖೂಸ್ತೆ ಶಾತ್‍ಕತೊ;

ಫಿಲೆಮೋನ 1:24

ಮಾರ ಜೋ಼ಡ್ಮಕಾಮ್‍ ಕರಾವಾಳ ಹುಯಿರ‍್ಹಾತೆ ಮಾರ್ಕ, ಅರಿಸ್ತಾರ್ಕ, ದೇಮ ಅಜು಼ ಲೂಕ ಅವ್ಣೇಬಿ ತುನ ಖ್ಹಲಾಮ್ ಕರಸ್.

3 ಯೋಹಾ 1:10

ಇನಖ್ಹಾಜೇಥಿ,ಮೆ ಹಿಜ್ಜಾ಼ ಆವಾದಿನ್ ಯೊ ಕರಾತೆ ಕಾಮ್ನಿ ಬಾರೇಮ ಖ್ಹಾರನ ಬೋಲ್‌ಶೆ. ಯೋ ಬಡೈ ಮಾರವಾಳೊ ಹುಯಿನ್, ಅಪ್ಣಿಬಾರೇಮ ಝೂ಼ಟಿ ಫೈಲವ್‍ಕರಸ್. ಅಜು಼ ಖೆವ ಭೈಯೇವೋನಾಬಿ ಮಳೈಲೆಯಿಕೊಯ್ನಿ ಅಜು಼ ಮೆ ಮಳಾವ್ಣುಕರಿ ಕರುಸ್ತೆ ಇವ್ಣುನಾಬಿ ಆಡೊ ಆಯಿನ್ ಸಬೇಥಿ ಕಾಡಿನಾಖಸ್‌.

3 ಯೋಹಾ 1:7

ಶನಕತೊ ಇವ್ಣೆ ಕ್ರಿಸ್ತನು ನಾಮ್ನ ಫೈಲಾವನ ಟೇಕೆಥಿ ನಿಕ್ಳಿರ‍್ಹುಸ್. ಅಲಕ್ಅದ್ಮಿವೊ ಕಂಥು ಶಾತ್ಬಿ ಮದತ್ ಲ್ಯವಾನಖ್ಹಾಜೆ ಕಾಹೆ.

3 ಯೋಹಾ 1:9

ಸಬೆನ ಮೇ ಏಕ್‌ ನ್ಹಾನಿ ಚಿಟ್ಟಿ ಲೀಖ್ಯೋಥೊ; ಕತೋಬಿ ದಿಯೊತ್ರೇಫಸ್ ಹಿಜ಼್ಜಾನಿ ಸಬೆನ ಘಲ್ಡೊ ಹೋಣುಕರಿ ಆಖ್ಹ್‌ಕರಸ್ ಇನಖ್ಹಾಜೆ ಹಮೆ ಬೋಲಿಯೇತೆ ವಾತೆನ ಖ್ಹಮ್‌ಜ಼ಕೊಯ್ನಿ.