3 ಯೋಹಾ 1:11 - ದೇವ್ನಿ ಖ್ಹಾಚಿ ವಚನ್

¹¹ ಮಾರ ಪ್ಯಾರ್‌ನೊ ಭೈ ತು ಖರಾಬ್ ಚಾ಼ಲ್ ನಾ ಚಾ಼ಲ್ನುತೆ, ಅಛ್ಛಿ ಚಾ಼ಲ್‍ಚ಼ಲಣ್‍ ಚಾ಼ಲವಾಳೊ ಹುಯಿರ‍್ಹೆ; ಅಛ್ಛಾ಼ನ ಕರಾವಾಳೊ ದೇವ್‌ಭಣಿವಾಳೊ ಹುಯಿರೋಸ್. ಖರಾಬ್‌ನ ಕರಾವಾಳೊ ಕದೇಬಿ ದೇವ್ನ ದೇಖ್ಯೊಕೊಯ್ನಿ.

3 ಯೋಹಾ 1:11 ပူးပေါင်းရင်းမြစ်များ

ಯೋಹಾನ 10:27

ಮಾರ ಮೇಂಢ ಮಾರಿ ಅವಾಜ಼್‌ನ ಖ್ಹಮ್‌ಜಾ಼ಸ್‌; ಮನ ಇವ್ಣೆ ಮಾಲುಮ್‌ ಅಜು಼ ಇವ್ಣೆ ಮಾರ ಪೀಠೆ ಆವಸ್.

ಯೋಹಾನ 12:26

ಕೋಣ್ ಮಾರಿ ಸೇವೆ ಕರ್ನುಕರಿ ಛಾ಼ಕಿ ಮಾರ ಪೀಠೆ ಆವ್ಣುಸ್ ಆವ್ಣು, ತದೆ ಮೇ ಕಿಜ್ಜಾ಼ ರ‍್ಹೀಶ್‌ಕಿ ಹಿಜ್ಜಾ಼ಸ್ ಮಾರೊ ಸೇವಕ್‌ಬಿ ರ‍್ಹಿಶೆ. ಕೋಣ್ ಮಾರಿ ಸೇವೆ ಕರಾಸ್ಕಿ, ಇವ್ಣುನ ಮಾರೊ ಬಾ ಸನ್ಮಾನ್‌ ಕರ್ಶೆ.

ಯೋಹಾನ 3:20

ಖರಾಬ್‌ನ ಕರಾವಾಳು ಇವ್ಣು ಖರಾಬ್ ಕಾಮ್‍ಅಖ್ಖು ಭಾರ್‌ ಆವ್‍ತುರ‍್ಹೀಶೆಕರಿ ಉಜಾ಼ಳಮ ಆವಕೊಯ್ನಿ ಅಜು಼ ಉಜಾ಼ಳಾನ ವಹೇರ್‌ಕರಸ್.

1 ಕೊರಿಂಥ 11:1

ಮೇ ಕ್ರಿಸ್ತನ ಪೀಛೆ ಕಿಮ್ ಚಾ಼ಲೂಸ್ಕಿ ಇಮ್‌ ಮಾರ ಪೀಛೆ ತುಮೆ ಚಾ಼ಲವಾಳ ಹುಯಿರ‍್ಹೇವೊ.

1 ಕೊರಿಂಥ 4:16

ಅನಖ್ಹಾಜೆ ಮಾರಿನಿಘೊಣಿಸ್ ರ‍್ಹೇವ್ಣುಕರಿ ಮೇ ತುಮೂನ ಗಿಂಗೈಲೆವುಸ್.

ಎಫೆಸ 5:1

ದೇವ್ನ ಪ್ಯಾರ್‌ನ ಲಡ್ಕಹುಯಿರ‍್ಹಾಸ್ ಇನಖ್ಹಾಜೆ ಇನಿ ವಾಟ್‌ಪರ್ ಚಾ಼ಲವಾಳ ಹುಯಿ‍ರ‍್ಹೆವೊ.

ಫಿಲಿಪ್ಪಿ 3:17

ಭೇನೆ ಭೈಯೇವೊ, ತುಮೆ ಅಖ್ಖು ಮಾರಿ ಜೋ಼ಡೆ ಮಳಿನ್ ಮಾರಿಜೋ಼ಡೇಥಿ ಚಾ಼ಲವಾಳ ಹುಯಿ‍ರ‍್ಹೆವೊ ಅಜು಼ ಕೋಣ್ ಬರೊಬರ‍್ನಿ ಪರಕ್ಮ ಚಾ಼ಲಸ್ಕಿ ಇನ ಖ್ಹಯಾಲ್ಮ ಲೀಲೆವೊ.

1 ಥೆಸ 1:6

ಪ್ರಭುನೆ ಅಜು಼ ಹಮೆ ಚಾ಼ಲಿಲಿದಾತೆ ಇಮ್ಮಸ್, ತುಮೇಬಿ ಚಾ಼ಲ್ಯಾ; ಎತ್ರೆಸ್ ಕಾಹೆತೆ ತುಮೆ ಘಣು ಲತಾಡ ಖ್ಹಮಾಳ್ಯಾತೋಬಿ, ಹಮೆ ಬೋಲ್ಯಾತೆ ಉಪದೇಶ್‍ನ ಪವಿತ್ರಾತ್ಮಥಿ ಪೈದಾಹುವಾಸ್ತೆ ಖ್ಹುಶಿಥಿ ಮಾನಿನ್ ಹಮಾರಿ ಸುವಾರ್ತೆನ ಖ್ಹಮ್‍ಜಿಲಿದ.

1 ಥೆಸ 2:14

ಹಮಾರ ಭೈಯೇ ಭೇನೆವೊ, ತುಮೆ ಯೂದಾಯಮ ಕ್ರಿಸ್ತ ಯೇಸುಮ ಛಾ಼ತೆ ದೇವ್ನಿ ಖ್ಹಾಚಿ ಸಬೇನಿಮತ್‌ ಚಾ಼ಲಿರಾಖ್ಯಾಸ್‌. ಇವ್ಣೆ ಯೆಹೂದ್ಯರ್‌ಥಿ ಖ್ಹಮಾಳ್ಯುತೆ ಖ್ಹತಾಪ್ಣಿನ, ತುಮೆ ತುಮಾರ ಶೊಂತ್‌ ಅದ್ಮಿಥಿ ಖ್ಹಮಾಳಿರಾಖ್ಯಾಸ್‌.

2 ತಿಮೊ 3:10

ಕತೋಬಿ ತೂ, ಮಾರಿ ಜೀವನ್ನಿ ತರೀಕ,ಮಾರಿ ಜೀವನ್ನಿ ಉದ್ದೇಶ್,ಮಾರು ವಿಶ್ವಾಸ್ ಅಜು಼ ಮೆ ಖ್ಹಮಾಳಿಲ್ಯವಾನು,ಮಾರಿ ಪ್ಯಾರ್, ಮಾರಿ ಭಾಲಿ ಆ ಅಖ್ಖು ತುನೆ ಚ಼ಲೈರಾಖ್ಯೊಸ್.

ಇಬ್ರಿ 6:12

ತುಮೆ ವಳ್‌ಶಿಕರಾವಳ ಹುಯಿರ‍್ಹೇಣು ಕರಿ ಇಷ್ಟಕರುಕೊಯ್ನಿ. ಇನ ಬದಲ್ ವಿಶ್ವಾಸ್‍ಥೀಬಿ ಖ್ಹಮಾಳಿರ‍್ಹವಾಥೀಬಿ ವಾಗ್ದಾನ್ನ ಹಕ್‌ ಲೀರಾಖವಾಳನ ದೇಖಿನ್ ಚಾ಼ಲವಾಳ ಹುಯಿರ‍್ಹೇವೊ.

1 ಪೇತ್ರ 3:11

ಇವ್ಣೆ ಯೊ ಖರಾಬ್‌ನ ಮ್ಹೇಲಿನ್ ಅಛ್ಛಾ಼ನ ಕರಾದೆ ಸಮಾಧಾನ್ನ ಢೂಂಡಿನ್ ಇನಾಖ್ಹಾಜೆ ಕೋಶಿಶ್ ಕರಾದೆ.

1 ಪೇತ್ರ 3:13

ತುಮೆ ಕದೇಬಿ ಅಛ಼್ಛುಕರಾನ ದಿಲ್‌ಲಗಾಡವಾಳು ಹುಯಿರ‍್ಹಾತೊ ತುಮುನ ಕೇಡ್ ಕರಾವಾಳು ಕೋಣ್‍ರ‍್ಹಿಶೆ?

1 ಯೋಹಾನ 2:29

ಕ್ರಿಸ್ತ ಯೇಸು ನೀತಿವಾಳೊ ಹುಯಿರ್‍ಹೊಸ್ ಕರಿ ತುಮೂನ ಮಾಲುಮ್‌ ರ‍್ಹಿಯುತೊ ನೀತಿನ ಮಾರಗ್‌ಪರ್ ಚಾ಼ಲವಾಳು ಹರೇಕ್‍ಜ಼ಣುಬಿ ಇನೇಥಿ ಪೈದಹುಯಿರ‍್ಹುಸ್‍ ಕರಿ ತುಮೆ ಮಾಲುಮ್‌ ಕರಿರಾಖವಾಳ ಹುಯಿರ‍್ಹಾಸ್.

1 ಯೋಹಾನ 3:10

ಅಜು಼ ನೀತಿನ ವಾಟ್‌ಮ ನಾಚಾ಼ಲವಾಳೊ, ಇವ್ಣ ಭೈಯೇ ಅಜು಼ ಭೇನೇನ ಲಾಡ್‌ ನಾಕರವಾಳೊ ದೇವ್‍ಥಿ ಪೈದಹುಯೊ ಕೊಯ್ನಿ. ಅಮ್ ದೇವ್ನ ಲಡ್ಕಾ ಕೋಣ್ ಅಜು಼ ಶೈತಾನ್ನ ಲಡ್ಕಾ ಕೋಣ್‌ಕರಿ ಮಾಲುಮ್ ಕರಿಲೆಯೆಜಾ಼ಯ್‍.

1 ಯೋಹಾನ 4:1

ಪ್ಯಾರ್‌ನ ಅದ್ಮಿವೊ “ಅಪ್ಣಾಮ ಪವಿತ್ರಾತ್ಮ ಛಾ಼” ಕರಿ ಬೋಲಿಲ್ಯಾವಾಳ ಅಖ್ಖಾಸ್ನ ವಿಶ್ವಾಸ್ ನಾಕರ‍್ನು. ಯೊ ಹುಮ್ಮಖ್ಹ್‌ ದೇವ್‍ಥಿ ಆಯು ಕಿಶು ಕರಿ ತರೀಪ್‌ಶ ಕರಿನ್ ದೇಖೊ. ಶನಕತೊ ಜಗತ್‌ಮ ಕೆತ್ರುಕ್ಕಿ ಝೂ಼ಟು ದೇವ್ನಿ ಸಮಾಚಾರ್ ಬೋಲವಾಳು ಕಿಜ಼್ಜ ಕಿಜ್ಜಾ಼ಬಿ ಫೈಲೈಗು.