2 ಥೆಸ 3:8 - ದೇವ್ನಿ ಖ್ಹಾಚಿ ವಚನ್

⁸ ಫುಗಟ್‌ಥಿ ಹಮೆ ಕಿನಕನಾಬಿ ಖಾಣು ಖಾದಕೊಯ್ನಿ. ತುಮಾರಮ ಕಿನಾಪರ್‌ಬಿ ಹಮೆ ಭಾರೊ ನಾ ನಾಕ್ಣುಕರಿ ಹಮೆ ರಾತ್-ದನ್ ಕಾಮ್ ಅಜು಼ ಮ್ಹಿನತ್ ಕರೀನ್ ಜಿವ್ಣು ಚ಼ಲಾಯ.

2 ಥೆಸ 3:8 ပူးပေါင်းရင်းမြစ်များ

ಮತ್ತಾಯ 6:11

ಹಮ್ಕೆ ಹಮೂನ ದನ್‌ಪರೋಜ಼್‌ನು ಖಾಣು ದೇ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:3

ತದೆ ಇವ್ಣೆ ಪೌಲನಿ ಘೋಣಿಸ್ ಡೇರಾನುಘರ್ ಬಣಾವಾಳು ಹುಯಿರ‍್ಹುಥೂತೆ ಇನಖ್ಹಾಜೆ ಇವ್ಣಕೇಡೆ ರ‍್ಹೀನ್, ಇವ್ಣ ಜೋ಼ಡೆ ಕಾಮ್‍ಕರ್ತೊ ಆಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:34

ಮೇ ಮಾರ ಶೊಂತ್ ಹಾತೇಖ್ಹು ಕಮಾವ್‍ತೋಥೊ. ಕದೇಬಿ ಮಾರಖ್ಹಾಜೆ ರ‍್ಹವೊ, ಮಾರಿಜೋ಼ಡೆ ರ‍್ಹವಳಾನಖ್ಹಾಜೆ ಹೋಣುತೆ ಜ಼ರೂರತ್ನ ಪೂರಕರ್ತೋಥೊ.

1 ಕೊರಿಂಥ 4:12

ಶೊಂತ್ ಹಾಥ್ಥಿ ಮ್ಹಿನತ್‌ಕರಿನ್ ಜಿವೇಸ್. ಹಮುನ ಶಾಪದಿದೂತೆ ಇವ್ಣುನ ವಾರ್‌ಖ್ಹೊ ದಿಯೇಸ್. ಲೋಗ್‌ ಖ್ಹತಾಪ್ಣಿ ದ್ಯವಾನಿ ವಖ್ಹ್‌ತೆ ಹಮೆ ಖ್ಹಮಾಳಿಲಿಯೆಸ್.

1 ಕೊರಿಂಥ 9:4

ಹಮುನ ಖಾಣುಪಾಣಿ ಖಾವಾನ ಹಕ್‍ಕೊಯ್ನಿಕಿ ಶು?

2 ಕೊರಿಂಥ 11:27

ಮೇ ಖ್ಹತೀನ್ ರಾಬ್ಯೊ. ಕೆತ್ರಿಕ್ಕಿ ವಖ್ಹತ್ ನಿಂದರ್‌ಕೋಲಿದೋನಿ. ಭುಕ್ ಠೋಖ್ಹ್‌ ಶಾತ್‌ಕರಿ ಮಾಲುಮ್ ಕರಿಲಿದೊ. ಖಾಣುಕೊಂತೆ ಕೆತ್ರಿಕ್ಕಿ ವಖ್ಹತ್ ಪಟ್ನಿ ಪಡ್ಯೊರ‍್ಹಯೊ. ಬರೋಬರ್‌ನು ಲುಂಗ್ಡುಕೊಂತೆ ಠಣ್‍ಮ ಕಾಪ್ತೊ ರ‍್ಹಿಯೊ.

2 ಕೊರಿಂಥ 11:9

ಮೇ ತುಮಾರಕನ ರ‍್ಹಾವಾನಿ ವಖ್ಹತ್‌ಮ ಮಾರಿ ಖೆವಿ ಜ಼ರೂರತ್‍ನಾಬಿ,ಮೇ ಖಿವಿ ಪರಕ್ಮ ತುಮಾರಾಪರ್ ವಜ಼ನ್ ಹುಯಿರ‍್ಹೊ ಕೊಯ್ನಿಕಿ ಖ್ಹಾಮ್ಣೆ ಮೆ ಭೋಜ಼್‌ ಕೊಹುಯಿಶ್ನಿ. ಶನಕತೊ ಮೆಕೆದೋನ್ಯಥಿ ಆಯಾತೆ ಭೇನೆ ಭೈಯೇನೆ ಮಾರಿ ಜ಼ರೂರತ್ ಪೂರಕರ‍್ಯಾ.

ಎಫೆಸ 4:28

ಚೋ಼ರಿ ಕರಾವಾಳೊ ಚೋ಼ರ್ ಕರಾನು ಮ್ಹೆಂದಿನ್ ರಾಬಿನ್ ಮಿನಥ್ಥಿ ಅಛ಼್ಛು ಕಮೈಕರೀನ್ ಜಿವ್ಣು ಕರಾದೆ, ತದೆ ಗರೀಬ್ ಅದ್ಮಿನ ದ್ಯಾವಾನ ಇನ ಹಾತೆ ಉಶೆ.

1 ಥೆಸ 2:9

ಭೈ ಭೇನೊ ಹಮೆ ತುಮಾರಾಮ ಕಿನಾಪರ್‌ಬಿ ಭಾರೊ ನಾ ನಾಕ್ಣು ಕರಿ ರಾತ್-ದನ್ ಕಾಮ್ ಕರೀನ್, ಜಿವ್ಣು ಚ಼ಲಾವ್ತಹುಯಿನ್, ದೇವ್ನಿ ಸುವಾರ್ತೆನ ತುಮೂನ ಬೋಲಿವತಾಳ್ಯ, ಯೋ ಹಮಾರಿ ಲತಾಡಬಿ ಮ್ಹಿನತ್ ಖ್ಹಾರು ತುಮಾರಿ ಯಾದ್ಮ ರ‍್ಹವಾದೆ.

1 ಥೆಸ 4:11

ಹಮೆ ಬೋಲ್ಯಾತೆ ತಿಮ್ ತು ಬಿಜೇಕ್‌ಜ಼ಣಾನ ಬಾರೇಮ ಮುಡ್‌ಕ್ಯು ನಕೊಘಾಲ್‌ತೆ ತುಮಾರು ಕಾಮ್ ತುಮೆ ದೇಖಿಲಿನ್ ಖ್ಹೊಪೇಥಿ ಜಿವ್ಣು ಕರೊಕರಿ ಅಗಾಡಿಸ್ ಬೋಲಿರಾಖ್ಯೊಸ್.

2 ಥೆಸ 3:12

ಅಥ್ರಾನ ಅದ್ಮಿವ್‌ನ ಹಮೆ ಇವ್ಣು ಕಾಮ್ ಇವ್ಣೇಸ್ ಕರ್ತುಹುಯಿನ್, ಇವ್ಣ ಖಾಣಾನಖ್ಹಾಜೆ ಇವ್ಣೆಸ್ ಕಮಾವ್ಣುಕರಿ, ಹಮೆ ಪ್ರಭು ಯೇಸು ಕ್ರಿಸ್ತನ ನಾಮ್ಮ ಹುಕುಮ್ ದೀನ್ ಅಜು಼ ಬೋಲಿಲಿಯೆಸ್.