2 ಥೆಸ 3:7 - ದೇವ್ನಿ ಖ್ಹಾಚಿ ವಚನ್

⁷ ಹಮೆ ಜಿವ್ಯಾತೆ ಇಮ್ಮಸ್ ತುಮೇಬಿ ಜಿವ್ಣುಕರಿ ತುಮೂನ ಅಛ್ಛಿನಿತರ ಮಾಲುಮ್ ಛಾ಼. ಹಮೆ ತುಮಾರಕನ ಥಾತೆ ತದೆ ಶೋಂಬೇರಿ ಕೋಥಾನಿ.

2 ಥೆಸ 3:7 ပူးပေါင်းရင်းမြစ်များ

1 ಕೊರಿಂಥ 11:1

ಮೇ ಕ್ರಿಸ್ತನ ಪೀಛೆ ಕಿಮ್ ಚಾ಼ಲೂಸ್ಕಿ ಇಮ್‌ ಮಾರ ಪೀಛೆ ತುಮೆ ಚಾ಼ಲವಾಳ ಹುಯಿರ‍್ಹೇವೊ.

1 ಕೊರಿಂಥ 4:16

ಅನಖ್ಹಾಜೆ ಮಾರಿನಿಘೊಣಿಸ್ ರ‍್ಹೇವ್ಣುಕರಿ ಮೇ ತುಮೂನ ಗಿಂಗೈಲೆವುಸ್.

ಫಿಲಿಪ್ಪಿ 3:17

ಭೇನೆ ಭೈಯೇವೊ, ತುಮೆ ಅಖ್ಖು ಮಾರಿ ಜೋ಼ಡೆ ಮಳಿನ್ ಮಾರಿಜೋ಼ಡೇಥಿ ಚಾ಼ಲವಾಳ ಹುಯಿ‍ರ‍್ಹೆವೊ ಅಜು಼ ಕೋಣ್ ಬರೊಬರ‍್ನಿ ಪರಕ್ಮ ಚಾ಼ಲಸ್ಕಿ ಇನ ಖ್ಹಯಾಲ್ಮ ಲೀಲೆವೊ.

ಫಿಲಿಪ್ಪಿ 4:9

ತುಮೆ ಖಿವು ಮಾರೇಥಿ ಶಿಕಿ ಲೀರಾಖ್ಯಾಸ್ಕಿ, ಅಜು಼ ಖಿವು ಮಾರಾಮ ಖ್ಹಮ್‌ಜಿ ದೇಖಿರಾಖ್ಯಸ್ಕಿ ಇನಾಸ್ ಕರ್ತಆವೊ. ಅಮ್ ಕರ‍್ಯಾತೊ ಸಮಾಧಾನ್ನೊ ದೇವ್ ತುಮಾರ ಜೋ಼ಡೆರ‍್ಹಿಷೆ.

1 ಥೆಸ 2:10

ನಂಬವಾಳ ಹುಯಿರ‍್ಹಾತೆ ತುಮಾರ ಜೋ಼ಡೆ ಹಮಾರಿ ಚಾ಼ಲ್‍ಚ಼ಲಣ್‍ಮ ಖ್ಹಾಚಿಥಿಬಿ ಪರಿಶುದ್ಧಬಿ, ನೀತಿವಾಳಬಿ ಅಜು಼ ನಿರ್ದೋಷಿ ಥಾ, ಕರಿ ಬೋಲಾನ ತುಮೇಬಿ ಸಾಕ್ಷಿ ಅಜು಼ ದೇವ್‌ಬಿ ಸಾಕ್ಷಿ ಹುಯಿರ‍್ಹಾಸ್.

1 ಥೆಸ 5:14

ಹಮಾರ ಭೈಯೆ ಭೇನೇವೊ, ಶೊಂಬೇರಿನ ಝೇತಾವೊ, ದಿಲ್ಮ ಹೇಬತ್ ರ‍್ಹವಾಳನ ಭಾಲಿದೇವೊ, ಕಮ್‌ಜೋ಼ರಿ ರ‍್ಹವಾಳನ ಆಧಾರ್ ರ‍್ಹವೊ, ಖ್ಹಾರಾನ ಜೋ಼ಡೆ ಘಣಿ ಸಮಾಧಾನ್‌ಥಿ ರ‍್ಹವೊ ಕರಿ ತುಮುನ ಉಪದೇಶ್ ಕರುಸ್.

2 ಥೆಸ 3:6

ಹಮಾರ ಭೈಯೆ ಭೇನೆವೊ, ಕಾಮ್ ಕರಾಕೊಂತೆ ಅಜು಼ ಹಮೆ ಬೋಲ್ಯಾತೆ ಪದತ್ತಿನ ಪಾಡಿನ್ ಚಾ಼ಲಕೊಂತೆ ವಿಶ್ವಾಸಿ ಖ್ಹಾರೇಥಿ ತುಮೆ ದೂರ್ ರ‍್ಹೇಣು. ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತನ ನಾಮ್‌ಪರ್‌ ತುಮೂನ ಹುಕುಮ್ ದಿಯೇಸ್.

2 ಥೆಸ 3:9

ತುಮಾರೇಥಿ ದೇಕ್‌ಬಾಲ್ ಕರೈಲ್ಯವಾನ ಹಮೂನ ಹಕ್‍ಕೊಯ್ನಿಕರಿ ಕಾಹೆ, ತುಮೆ ಹಮಾರಿನಿತರ ಚಾ಼ಲಾದೆಕರಿಸ್ ತುಮೂನ ಇಮ್ ದೆಖೈಲಿದಾತೆ.

1 ತಿಮೊ 4:12

ತೂ ಜಾ಼ನ್ಜ಼ಮಾನ್ ಹುಯಿರೋಸ್ ಇನಖ್ಹಾಜೆ ತುನ ಕೀಳ್‍ಥಿ ನಕೊ ದೇಖಾದೆ. ಕತೋಬಿ ವಿಶ್ವಾಸಿಖ್ಹಾರನ ವಾತೆಚೀತೇಮ, ಚಾ಼ಲ್ ಚ಼ಲಣ್‌ಮ, ಪ್ಯಾರ್ ಅಜು಼ ವಿಶ್ವಾಸ್‌ನ ಪರಿಶುದ್ ಜೀವನ್‍ಥಿ ಮತಲಬ್ ಹುಯಿರ‍್ಹೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:7

ತುಮಾರ ಭೋದನ್ ಕಾಮ್ ಖ್ಹಾರಾಮ, ತೂ ಕಿಮ್ ರ‍್ಹೇಸ್ಕಿ ತಿಮ್ ಬಿಜೇಕ್ ಜ಼ಣಾನ ಬರಾಬರ್‌ಥಿ ವತಾಳಿಲೆ. ತೂ ಶಿಕಾನ ಹಗಾಮ್ಮ ಇಮಾನ್‌ದಾರ್ ಅಜು಼ ಗ್ರಿಸ್ತಿಥಿ ರ‍್ಹೇ.

1 ಪೇತ್ರ 5:3

ತುಮಾರಿ ಚ಼ಪ್ಪಣ್‌ಮ ದೆವೈರ‍್ಹೂಸ್ತೆ ಇವ್ಣಪರ್ ರಾಜ಼್‌ಭಾರ್ ನಾಚ಼ಲಾವ್ಣುತೆ ಮಂಧಾನ ಜೋ಼ಡೆ ಉದಾಹರಣೆ ಹುಯಿನ್ ಚಾ಼ಲಿಲೆವೊ.