2 ಥೆಸ 3:15 - ದೇವ್ನಿ ಖ್ಹಾಚಿ ವಚನ್

¹⁵ ಕತೋಬಿ ಇನ ದುಶ್‌ಮನ್ನಿಘೋಣಿ ನಕೊ ಸೋಚೊತೆ ಅನಬದಲ್ ಇನ ವಿಶ್ವಾಸಿ ಭೈ ಕರಿ ಸೋಚಿನ್ ಅಕ್ಕಲ್ ಬೋಲ್.

2 ಥೆಸ 3:15 ပူးပေါင်းရင်းမြစ်များ

ಮತ್ತಾಯ 18:15

ತಾರೊ ಭೈ ತಾರಿ ವಿರೋದ್ ಗಲತ್‌ ಕರ‍್ಯೋತೊ, ತೂ ಜೈ಼ನ್, ಯೋ ಎಕ್ಲೋಸ್ ರ‍್ಹವಾನಿ ವಖ್ಹತ್‌ಮ, ಇನಿ ಗಲ್ತಿನ ಇನ ಬೋಲಿವತಾಳ್. ಯೋ ತಾರಿ ವಾತೇನ ಖ್ಹಮ್‌ಜಿಗಯೋತೊ ತಾರ ಭೈನ ತೂ ಪಾಛೊ಼ ಕಮೈಲಿದೊ ಕರಿ.

1 ಕೊರಿಂಥ 4:14

ತುಮೂನ ಖ್ಹರಮ್‍ ಕಾಡನಖ್ಹಾಜೆ ಲೀಖ್ಯೊಕೊಯ್ನಿ. ಮಾರ ಪ್ಯಾರ್‌ನ ಲಡ್ಕಾನಿಘೊಣಿ ಸೋಚಿನ್ ತುಮೂನ ಅಕ್ಕಲ್ ಬೋಲಾನ ಖ್ಹಾಜೇಸ್ ಆ ವಾತೆಖ್ಹಾರಿ ಲೀಖಿರಾಖ್ಯೊಸ್.

1 ಕೊರಿಂಥ 5:5

ಅಜು಼ ಯೋ ಅದ್ಮಿನು ಶರೀರ‍್ನು ಸ್ವಭಾವ್ ನಾಶ್ ಹುವಾನಖ್ಹಾಜೆ ಇನ ಶೈತಾನ್ನ ಹಾತ್ಮ ಖ್ಹಪ್‍ಡಾವೊ ಶನಕತೊ ಪ್ರಭು ಯೇಸುನ ದನ್ಮ ಇನು ಆತ್ಮ ಬಚಾ಼ವನಖ್ಹಾಜೆ ಅಮ್‍ಕರ‍್ನು.

2 ಕೊರಿಂಥ 10:8

ಹಮೂನ ಛಾ಼ತೆ ಅದಿಕಾರ್‌ನಿ ಬಾರೇಮ ಹಮೆ ಏಕ್‌ ಘಡಿ ಜಾ಼ಖ್ಹತ್ ಖ್ಹರೈಲಿದಾತೋಬಿ ಇಮ್‌ ಖ್ಹರೈಲ್ಯಾವಾಮ ಮೇ ಖ್ಹರ್‌ಮವ್‌ಕೊಯ್ನಿ. ಕತೋಬಿ ಯೋ, ತುಮುನ ರಡ್‍ಕೈನಾಕ್ಣುಕರಿ ಕಾಹೆ. ಭಾಂದ್‍ಣುಕರಿ ಪ್ರಭು ಆ ಅಧಿಕಾರ‍್ನ ಮನ ದೀರಾಖ್ಯೊಸ್.

2 ಕೊರಿಂಥ 13:10

ಅನಾಖ್ಹಾಜೇಸ್ ಮೇ ತುಮಾರಕನಕೊಂತೆ ವಖ್ಹತ್ ಆ ವಾತೆಖ್ಹಾರಿ ಲೀಖುಕರುಸ್. ತುಮುನ ರಡ್‍ಕೈನಾಖಾನ ಕಾಹೆ. ಭಾಂದಾನಖ್ಹಾಜೆ ಪ್ರಭು ಮನ ದೀರಾಖ್ಯೋತೆ ಅದಿಕಾರ್‌ಥಿ ತುಮೆ ಕಠಣ್‍ನ ವತಾಳನ ವಖ್ಹತ್‌ನ ರ‍್ಹೇವ್ಣುಕರಿ ಆಖ್ಹ್‌ಕರುಸ್.

ಗಲಾತ್ಯ 6:1

ಭೈಯೇ ಭೇನೆವೊ ತುಮಾರಮ ಕೋಣ್‌ತೋಬಿ ಖಿವುತೋಬಿ ಪಾಪ್‌ಮ ಖ್ಹಪ್ಡಿ ರ‍್ಹಯೂತೊ ಎಥ್ರಾನವಾಳನ ಆತ್ಮಥಿ ಭರೈರ‍್ಹಾವಳ ತುಮೆ ಧೀಮೆಥಿ ಬೋಲಿನ್ ಬರೋಬರ್ ಕರೊ. ತುಮೆತೋಬಿ ಶೋದನೆಮ ನಾಪಡ್ನುತೆ ಇಮ್‌ ತುಮಾರಿ ಬಾರೇಮ ಜ಼ತನ್ ರ‍್ಹವೊ.

1 ಥೆಸ 5:14

ಹಮಾರ ಭೈಯೆ ಭೇನೇವೊ, ಶೊಂಬೇರಿನ ಝೇತಾವೊ, ದಿಲ್ಮ ಹೇಬತ್ ರ‍್ಹವಾಳನ ಭಾಲಿದೇವೊ, ಕಮ್‌ಜೋ಼ರಿ ರ‍್ಹವಾಳನ ಆಧಾರ್ ರ‍್ಹವೊ, ಖ್ಹಾರಾನ ಜೋ಼ಡೆ ಘಣಿ ಸಮಾಧಾನ್‌ಥಿ ರ‍್ಹವೊ ಕರಿ ತುಮುನ ಉಪದೇಶ್ ಕರುಸ್.

2 ಥೆಸ 3:13

ಕತೋಬಿ ಹಮಾರ ಭೈಯೆ-ಭೇನೆವೊ, ತುಮೇತೊ, ಅಛ್ಛು಼ ಕರಾಮ ಕದೇಬಿ ಬೇಜಾರ್ ಕರ್ಶು ನಕೊ.

2 ಥೆಸ 3:6

ಹಮಾರ ಭೈಯೆ ಭೇನೆವೊ, ಕಾಮ್ ಕರಾಕೊಂತೆ ಅಜು಼ ಹಮೆ ಬೋಲ್ಯಾತೆ ಪದತ್ತಿನ ಪಾಡಿನ್ ಚಾ಼ಲಕೊಂತೆ ವಿಶ್ವಾಸಿ ಖ್ಹಾರೇಥಿ ತುಮೆ ದೂರ್ ರ‍್ಹೇಣು. ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತನ ನಾಮ್‌ಪರ್‌ ತುಮೂನ ಹುಕುಮ್ ದಿಯೇಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:10

ಖಿವು ಏಕ್‍ಜ಼ಣೊ ಸಬೇನು ಅದ್ಮಿಮ ಭೇ ಭಾಗ್‌ ಕರ‍್ನು ಕರಿ ದೇಖಾಸ್ಕಿ ಇನ ಏಕ್‌ಹಲ್ಲ ನತರ್ ಬೇಹಲ್ಲ ಝೇತಾವ್, ಖ್ಹಮ್‌ಜೊನಾತೊ ಇನೇಥಿ ದೂರ್ ರ‍್ಹೇ.