2 ಥೆಸ 3:10 - ದೇವ್ನಿ ಖ್ಹಾಚಿ ವಚನ್

¹⁰ ಇನಖ್ಹಾಜೇಸ್ ಹಮೆ ತುಮಾರ ಜೋ಼ಡೆ ಥಾತೆ ತದೆ, “ಕಾಮ್ ಕರಾಕೊಂತೆ ಯೊ ಖಾಣು ನಾಖಾವ್ಣು” ಕರಿ ಹುಕುಮ್ ದಿದಾಥಾತೆ.

2 ಥೆಸ 3:10 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:44

ಅಜು಼ ಯೇಸುನೆ ಇವ್ಣುನ, “ಮೇ ತುಮಾರ ಜೋ಼ಡೆಸ್ ಥೋತೆ ತದ್ದೇಸ್, ಆ ಖ್ಹಾರು ತುಮೂನ ಬೋಲ್ಯೊಥೋನಿ. ಮೋಶೇನು ಧರ್ಮಶಾಸ್ತ್ರ, ಪ್ರವಾದಿಯೇನು ಪುಸ್ತಕ್‌ಮ ಅಜು಼ ಕೀರ್ತನೇಮ ಮಾರಿ ಬಾರೇಮ ಲೀಖೈರ‍್ಹೂತೆ ಅಖ್ಖು ಪೂರಹುವಾನು ಜ಼ರೂರತ್ ಛಾ಼ ಕರಿ ಮೇ ತುಮೂನ ಬೋಲ್ಯೊಥೊ ಕೊಯ್ನಿಕಿ ಶು?” ಕರಿ ಬೋಲ್ಯೊ.

ಯೋಹಾನ 16:4

ಕತೋಬಿ ಮೇ ತುಮೂನ ಆ ಖ್ಹಾರು ಅನಖ್ಹಾಜೆ ಬೋಲಿರಾಖ್ಯೊಸ್, ಶನಕತೊ ಆ ಖ್ಹಾರು ಚ಼ಲಾ಼ನಿ ವಖ್ಹತ್‌ಮ, ಮೇ ಪಹಿಲೆ ಬೋಲ್ಯೋತೆ ವಾತೆ ತುಮೆ ಯಾದ್ ಕರಿಲಿಶು. “ಮೇ ತುಮಾರ ಜೋ಼ಡೆ ಥೋತೆ ಇನಖ್ಹಾಜೆ ಅಗಾಡಿಸ್ ಆ ಖ್ಹಾರು ಕೋ ಬೋಲ್ಯೋನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:18

ಯೋ ಗಲ್‌ಢಖ್ಹಾರಾನ, ಪೌಲನೆ, “ಮೇ ಏಷ್ಯಾ ತಬರ್‌ಖಾಮ ಐನ್ ಗೋಡೊಮ್ಹೇಲ್ಯೊ ತಪ್‌ಥೂಬಿ ತುಮಾರ ಇಚ಼್‌ಮ ಅಖ್ಖಿ ವೇಳ್‌ಮಾಬಿ ಕಿಮ್ ಚಾ಼ಲಿಲಿದೊ ಕರಿ ತುಮುನಾಸ್ ಮಾಲುಮ್.

1 ಥೆಸ 3:4

ಶನಕತೊ ತುಮಾರಕನ ಥಾತೆ ತದೆ, ಖ್ಹತಾಪ್ಣಿನ ಖ್ಹಮಾಳ್‌ನುಸ್‌ಪಡ್ಯು ಕರಿ ಪಹಿಲೇಸ್ ಬೋಲ್ಯಾಥಾನಿ. ಇಮ್ಮಸ್‌ಹುಯು ಕರಿ ತುಮೂನ ಅಛ್ಛಿನಿತರ ಮಾಲುಮ್‌ ಪಡಿರ‍್ಹುಸ್.

1 ಥೆಸ 4:11

ಹಮೆ ಬೋಲ್ಯಾತೆ ತಿಮ್ ತು ಬಿಜೇಕ್‌ಜ಼ಣಾನ ಬಾರೇಮ ಮುಡ್‌ಕ್ಯು ನಕೊಘಾಲ್‌ತೆ ತುಮಾರು ಕಾಮ್ ತುಮೆ ದೇಖಿಲಿನ್ ಖ್ಹೊಪೇಥಿ ಜಿವ್ಣು ಕರೊಕರಿ ಅಗಾಡಿಸ್ ಬೋಲಿರಾಖ್ಯೊಸ್.

2 ಥೆಸ 2:5

ಮೇ ತುಮಾರಿ ಜೋ಼ಡ್ಮ ಥೋತೆ ತದೆ, ಆ ಖ್ಹಾರಿ ಬಾರೇಮ ಬೋಲ್ಯೊತೆ ತುಮೂನ ಯಾದ್ ಕೊಯ್ನಿಕಿ ಶು?