2 ಥೆಸ 2:14 - ದೇವ್ನಿ ಖ್ಹಾಚಿ ವಚನ್

¹⁴ ತುಮೆ ಅಮ್ ರಕ್ಷಣೆಮ ಐನ್, ಅಪ್ಣೊ ಪ್ರಭು ಯೇಸು ಕ್ರಿಸ್ತನಿ ಮಹಿಮೆಮ ಪೇಖ್ಹ್‌ಣುಕರಿ, ಹಮೆ ಬೋಲ್ಯಾತೆ ಸುವಾರ್ತೆಥಿ ದೇವ್ನೆ ತುಮೂನ ಬುಲಾಯೊ.

2 ಥೆಸ 2:14 ပူးပေါင်းရင်းမြစ်များ

ಮತ್ತಾಯ 25:21

ತದೆ ಇನ ಯಜಮಾನ್ನೆ ಇನ, ‘ಶಬಾಶ್, ತೂ ಅಛ್ಛೊ಼ ಅಜು಼ ಭರೋಖ್ಹಾನೊ ಆಳ್‌! ಹುಯಿರ‍್ಹೋಸ್!’ ತೂ ಥೋಡಾಮ ನಿಯಥ್ಥಿ ರ‍್ಹಯೋತೆ ಇನಖ್ಹಾಜೆ, ಮೇ ತುನ ಮೋಟಾ ಕಾಮ್‌ಪರ್ ನೇಮ್‌ಶಾವುಸ್. ಐನ್, ಮಾರಿ ಖ್ಹುಶಿಮ ಭಾಗ್‌ ಹೂ’ ಕರಿ ಬೋಲ್ಯೊ.

ಯೋಹಾನ 17:22

ಅಪ್ಣೆ ಏಕ್‌ ಹುಯಿರ‍್ಹಾತೆ ಇಮ್ಮಸ್, ಅವ್ಣೇಬಿ ಏಕ್‌ ಹುಯಿರ‍್ಹವಾದೆ ಕರಿ ತುನೆ ಮನ ದಿದೋತೆ ಯೋಸ್‌ ಮಹಿಮೆ ಮೇ ಅವ್ಣುನ ದೀರಾಖ್ಯೊಸ್.

ಯೋಹಾನ 17:24

“ಬಾ! ತುನೆ ಅವ್ಣುನ ಮನ ದಿದೊ, ಅಜು಼ ಮೇ ಕಿಜ್ಗಾ಼ ರ‍್ಹವುಸ್‍ಕಿ ಹಿಜ್ಜಾ಼ಸ್ ಅವ್ಣೇಬಿ ರ‍್ಹೇವ್ಣುಕರಿ ಅಜು಼ ಆ ಜಗತ್ನ ಉಬ್ಜಾ಼ನ ಅಗಾಡಿಸ್, ತುನೆ ಮನ ಪ್ಯಾರ್ ಕರೀನ್, ಮನ ದಿದೋತೆ ಮಹಿಮೆನ ಅವ್ಣೆ ದೇಕ್ಣು ಕರಿ ಮೇ ಆಖ್ಹ್ ಕರುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:25

ಅಪ್ಣೆ ದೇವ್ನ ಮಹಿಮೆ ಕರಿಯೆ ಮೆ ಯೇಸು ಕ್ರಿಸ್ತನಿ ಬಾರೇಮ ಬೋಲಿವತಾಳ್ಯೋತೆ ಸುವಾರ್ತೆನಿ ಘೋಣಿ ಅಜು಼ ಜ಼ಗ್‌ಜ಼ಮಾನೇಥಿ ಲಪಿರ‍್ಹೂಥೂತೆ ಹಮ್ಕೆ ದೆಖಾವನು ಗಪ್ಲತ್‌ನ ಖ್ಹಾಚಾ಼ನಿತರ ತುಮಾರಿ ವಿಶ್ವಾಸ್ಮ ತುಮುನ ಘಟ್ ಕರಾನ ಶಕತ್‌ವಾಳೊ ಹುಯಿರ‍್ಹೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:16

ಇನಖ್ಹಾಜೆ ಮೇ ಬೋಲುತೆ ಸುವಾರ್ತೆನಿಘೋಣಿ ಯೋ ದನ್ಮ ಅಮ್ಮಸ್ ದೇವ್ ಯೇಸುಕ್ರಿಸ್ತಥಿ ಅಖ್ಖಾಮ ಗಪ್ಲಥ್ಥಿ ರ‍್ಹೇಯ್ತೆ ಸೋಚ್ನ ತೀರ್ಪ್‌ ಕರ್ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:17

ಹಮ್ಕೆ ಅಪ್ಣೆ ಲಡ್ಕಾ ಹುಯಿರ‍್ಹಾತೊ, ಹಕ್‍ದಾರ್ ಹುಯಿರ‍್ಹಯೇಸ್; ದೇವ್ನ ಹಕ್‍ದಾರ್ ಅಜು಼ ಕ್ರಿಸ್ತನಿ ಜೋ಼ಡ್ಮ ಹಕ್‍ದಾರ್ ಹುಯಿರ‍್ಹಾಸ್. ಅಪ್ಣೆ ಕ್ರಿಸ್ತನು ಖ್ಹತಾಪ್ಣಿಮ ಖ್ಹಾಚಮಾಸ್ ಭಾಗ್‍ಲ್ಯಾವವಾಳ ರ‍್ಹಯಾತೊ, ಇನಿ ಮಹಿಮೆಮಾಬಿ ಭಾಗ್‌ಲ್ಯವಾಳ ಹುಯಿರ‍್ಹಿಶು.

ಎಫೆಸ 1:18

ಮೇ ಬೋಲಿಲಾವನು ಶಾತ್‌ಕತೊ ತುಮಾರ ದಿಲ್ನ ಡೋಳಾನ ಉಜಾ಼ಖ್ಹ್‌ ಕರೀನ್, ಇನಿ ಬುಲಾವ್ಣಿನ ಭರೋಖ್ಹೊ ಕೆಥ್ರಾನು ಕರೀಬಿ ಅಜು಼ ದೇವ್ನ ಅದ್ಮಿವೋಮ ಛಾ಼ತೆ ಶೊತ್ನಿ ಮಹಿಮೆ ಕೆಥ್ರಾನು ಛಾ಼ ಕರಿ

1 ಥೆಸ 1:5

ಶನಕತೊ, ಹಮೆ ಸುವಾರ್ತೆನ ಖಲಿ ವಾತೇಥಿಸ್ ಕಾಹೆ ಪಣ್ಕಿ, ಶಕತ್‌ಥೀಬಿ, ಪವಿತ್ರಾತ್ಮಥಿಬಿ ಅಜು಼ ಯೋ ಖ್ಹಾಚಸ್ ಕರಿ ಹಮೆ ಪರ್ಖಿನ್ ತುಮಾರಕನ ಲೈರಾಖ್ಯಸ್. ಹಮೆ ತುಮಾರ ಜೋ಼ಡೆ ಥಾತೆ ತದೆ, ತುಮಾರ ನಫ್ಫಾನಖ್ಹಾಜೆ ಕಿಮ್ ಜಿವ್ಣುಕರುಕರ್ತಥ.

1 ಥೆಸ 2:12

ಇನಿ ರಾಜ್ಯ ಅಜು಼ ಮಹಿಮೆಮ ವಾಟೊಲ್ಯವಾನಖ್ಹಾಜೆ ಬುಲೈರಾಖ್ಯೊಸ್ತೆ ದೇವ್ನಖ್ಹಾಮ್ಣೆ ಬರೋಬರ್‌ಥಿ ಜಿವ್ಣು ಕರ‍್ನುಕರಿ ಬೋಲಿದಿದಾ. ಆ ಅಖ್ಖು ತುಮುನ ಮಾಲುಮ್.

2 ತಿಮೊ 2:12

ಅಪ್ಣೆ ಕೆದೆಕೆದೇಬಿ ಖ್ಹಮಾಳಿಲಿದಾತೊ, ಇನ ಜೋ಼ಡೆಸ್ ಅದಿಕಾರ್‌ಬಿ ಚ಼ಲಾವ್‌ಶು, ಅಪ್ಣೆ ಇನ ಭಣಿವಾಳ ಕಾಹೆ ಕರಿ ಬೋಲ್ಯಾತೊ, ಯೋಬಿ ಅಪ್ಣೆ ಇನಾಭಣಿವಾಳ ಕಾಹೆ ಕರಿ ಬೋಲ್‌ಶೆ.

1 ಪೇತ್ರ 5:10

ಕ್ರಿಸ್ತ ಯೇಸುಮ ತುಮುನ ಹಮೇಶಾನಿ ಮಹಿಮೆನ ಬುಲಾಯೋತೆ ಭರ್‌ಪೂರ್‌ ವಾರ್‌ಖ್ಹಾನೊ ದೇವಸ್, ತುಮೆ ಥೋಡುವಖ್ಹತ್ ಖ್ಹತಾನ ಬಾದ್ಮ ತುಮುನ ಅಛ್ಛಿರ‍್ಹಾಮ ಲೀಅಯಿನ್ ತಳ್‌ಗಠೈನ್‌ ತಾಖತ್‍ದಿಷೆ.

2 ಪೇತ್ರ 1:3

ಇನಿ ಮಹಿಮೆಮ ಅಜು಼ ಅಛ್ಛಿಪಣೈಮ ಭಾಗ್‍ಹುವಾನ ಬುಲೈರಾಖ್ಯೊತೆ ಇನೇಥಿ ದೇವ್ ಅಪ್ಣುನ ಜಿ಼ಂದ್‌ಗಿ ಚ಼ಲಾವನಬಿ ಅಜು಼ ಭಕ್ತಿಥಿ ರ‍್ಹವಾನ ಹೋಣುತೆ ಖ್ಹಾರೂಸ್ ದೇವ್ನೆ ಇನಿ ಶಕಥ್ಥಿ ತಾಖತ್ನ ದೀರಾಖ್ಯೊಸ್.

ಪ್ರಕಾಶಿತ್ 21:23

ಖ್ಹಯೇರ‍್ನ ಉಜಾ಼ಳು ದ್ಯವಾನ ಚಾ಼ಂದ್‌ರ‍್ಹವೊ ಚ಼ಂದರ್‌ಮೊರ‍್ಹವೊ ಹೋಣುಥುಕೊಯ್ನಿ ಶನಕತೊ ದೇವ್ನಿ ಮಹಿಮೆಸ್ ಉಜಾ಼ಖ್ಹ್‌ ದೆವ್‌ಕರ್ತೋಥೊ. ಮೇಂಢಾನು ಚೆಲ್ಕುಸ್ ನಂಗರ‍್ನ ದೀವೊ ಹುಯಿರ‍್ಹೋಥೊ.

ಪ್ರಕಾಶಿತ್ 3:21

ಮೇ ಜೂತಿನ್ ಮಾರ ಬಾನಿ ಜೋ಼ಡ್ಮ ಸಿಂಹಾಸನ್‌ಮ ಬೆಠೂತೆ ತಿಮ್ಮಸ್ ಜೂತಹುಯಾನ ಮಾರ ಜೋ಼ಡೆ ಸಿಂಹಾಸನ್‌ಮ ಬೇಖ್ಹಾನಿ ಅಧಿಕಾರ‍್ನ ಮೇ ದಿಶ್.