2 ಪೇತ್ರ 3:17 - ದೇವ್ನಿ ಖ್ಹಾಚಿ ವಚನ್

¹⁷ ಇನಖ್ಹಾಜೇಸ್ ಪ್ಯಾರ್‌ನ ದೋಸ್ತಿವೊ, ಆ ಖ್ಹಾರಿ ವಾತೆನ ಪಹಿಲೆಸ್ ಮಾಲುಮ್‌ಕರ್‌ಲಿದತೆ ಇನಾಖ್ಹಾಜೆ ತುಮೆ ಜ಼ತನ್‌ಥಿ ರ‍್ಹವೊ. ಖರಾಬ್ ಅದ್ಮಿನಿ ಖರಾಬ್ ಬೋದನೆಮ ಮಂಕ್‍ನಕೊ ಹುಯಿಜಾ಼ವೊ. ತುಮಾರಿ ಘಟ್ ವಿಶ್ವಾಸ್‌ಮಾಥು ಪಡ್ಣುನಾತೆ ಹೊಷಾರ್‌ರ‍್ಹವೊ.

2 ಪೇತ್ರ 3:17 ပူးပေါင်းရင်းမြစ်များ

ಮತ್ತಾಯ 16:11

ಮೇ ರೋಟಾನಿ ಬಾರೇಮ ವಾತೆ ಬೋಲ್ಯೋತೆ ಕಾಹೆ ಕರಿ ತುಮೂನ ಮಾಲುಮ್ ಪಡ್ಯುಕೊಯ್ನಿತೆ ಕಿಮ್? ಜ಼ತನ್! ಫರಿಸಾಯರ್ ಅಜು಼ ಸದ್ದುಕಾಯವಾಳನು ಶೋಡಾ ಪಡ್ಯುಹುಯು ಆಟಾನಿ ಬಾರೇಮ ಹೊಷಾರ್‌ಥಿ ರ‍್ಹವೊ” ಕರಿ ಬೋಲ್ಯೊ.

ಮತ್ತಾಯ 16:6

ಯೇಸುನೆ ಇವ್ಣುನ, “ಜ಼ತನ್ ರ‍್ಹವೊ! ಫರಿಸಾಯರ್ ಅಜು಼ ಸದ್ದುಕಾಯವಾಳನು ಶೋಡ ನಾಖ್ಯುಹುಯು ಆಟಾನಿ ಬಾರೇಮ ಜ಼ತನ್‌ಥಿ ರ‍್ಹವೊ ಕರಿ ಬೋಲ್ಯೊ.

ಮತ್ತಾಯ 7:15

ಝೂ಼ಟ ಪ್ರವಾದಿಯೇನಿ ಬಾರೇಮ ಹೊಷಾರ್‌ಥಿ ರ‍್ಹವೊ; ಇವ್ಣೆ ಮೇಂಢಾನು ಪೇರ್‌ವಾಖ್ಹ್‌ನ ಘಾಲಿಲೀನ್‌ ತುಮಾರಕನ ಆವ್‌ಶೆ, ಕತೋಬಿ ಮಹಿ ದೇಖ್ಯುತೊ ಇವ್ಣೆ ಖ್ಹಾಚಮಾಬಿ ಝಂಜೋ಼ಡಿ ಖವಾಳ ಜ಼ರಕ್‌ನಿಘೋಣಿ ಹುಯಿರ‍್ಹೂಸ್.

ಯೋಹಾನ 16:4

ಕತೋಬಿ ಮೇ ತುಮೂನ ಆ ಖ್ಹಾರು ಅನಖ್ಹಾಜೆ ಬೋಲಿರಾಖ್ಯೊಸ್, ಶನಕತೊ ಆ ಖ್ಹಾರು ಚ಼ಲಾ಼ನಿ ವಖ್ಹತ್‌ಮ, ಮೇ ಪಹಿಲೆ ಬೋಲ್ಯೋತೆ ವಾತೆ ತುಮೆ ಯಾದ್ ಕರಿಲಿಶು. “ಮೇ ತುಮಾರ ಜೋ಼ಡೆ ಥೋತೆ ಇನಖ್ಹಾಜೆ ಅಗಾಡಿಸ್ ಆ ಖ್ಹಾರು ಕೋ ಬೋಲ್ಯೋನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:42

ಯೊ ಅದ್ಮಿಖ್ಹಾರು ಅಪೊಸ್ತಲರ‍್ನಿ ಉಪದೇಶ್‍ನ ಖ್ಹಮ್‍ಜಾ಼ಮಾಬಿ, ಭೈಯೇ಼ಮ ಮಳಿನ್ ರ‍್ಹವಾಮಾಬಿ, ಖಾಣು ಖಾವಮಾಬಿ, ಪ್ರಾರ್ಥನೆ ಕರಾಮಾಬಿ ಜೋ಼ಡ್ಮ ಅವ್ಣೆ ಮಳಿನ್ ಕರ್ತುಥು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:18

ಎಥ್ರಾನು ಅದ್ಮೆವ್‍ನ ಅಪ್ಣೊ ಪ್ರಭು ಕ್ರಿಸ್ತನಿ ಸೇವೆ ಕರಾನು ಮ್ಹೇಲಿನ್ ಇವ್ಣ ಪೇಟ್ನಿ ಸೇವೆಕರವಾಳ ಹುಯಿರ‍್ಹೇಸ್. ಮಿಠ್ಠಿ ಅಜು಼ ಕವ್ಳಿ ವಾತೇಥಿ ಶೇದೇವ್ ಅದ್ಮಿವ್‌ನ ದಿಲ್ನ ಠಗಾವವಾಳು ಹುಯಿರ‍್ಹುಸ್.

1 ಕೊರಿಂಥ 10:12

ಇನಖ್ಹಾಜೆ ಘಟ್‍ಥಿ ಭೀಯಾಸ್‍ಕರಿ ಖ್ಹಮ್‍ಜಾ಼ವಾಳ ತುಮೆ ರಡ್ಕಿನಾಜಾ಼ವ್ಣುತೆ ತಿಮ್ ದೇಖಿಲೇವೊ.

1 ಕೊರಿಂಥ 15:58

ಇನಾಖ್ಹಾಜೆ ಮಾರ ಪ್ಯಾರ್‌ನ ಭೇನೆ ಭೈಯೇವೊ, ಘಟ್‍ಥಿ ಭೀರ‍್ಹೆವೊ. ಕೆಹೂಬಿ ತುಮುನ ಹಲಾವದೆ ನಕೊ. ಪ್ರಭುಮ ತುಮಾರೊ ವಾಖ್ಯೊ ಬಿಣ್‌ಫಾಯಿದೊ ಉಶೆಕೊಯ್ನಿ ಕರಿ ಖ್ಹಮ್‌ಜಿನ್‌, ಪ್ರಭುನ ಕಾಮ್ನಖ್ಹಾಜೆ ಕದೇಬಿ ತುಮಾರು ತುಮೆ ಪೂರ ಅರ್ಪಣ್‍ ಕರಿಲೆವೊ.

2 ಕೊರಿಂಥ 11:3

ಕತೋಬಿ ಹವ್ವ ಖ್ಹಾಪ್‍ನ ಲಬುಜ಼್‌ನಿ ವಾತ್ಮ ಮೈಕಮ್‍ಹುಯಿನ್ ಧೋಕಹುಯಿತೆ ತಿಮ್ ತುಮಾರು ದಿಲ್‌ ಕ್ರಿಸ್ತನಿ ಬಾರೇಮ ರ‍್ಹೇವ್ಣುಥೂತೆ ಶುದ್ಧಮನ್‌ಥೀಬಿ ಪರಿಶುದ್ ಭಕ್ತಿನಾಬಿ ಮ್ಹೇಲಿನ್ ಖರಾಬ್ ಹುಯಿಜಾ಼ಶೆಕರಿ ಡರ್‌ ಮಾರಾಮ ಛಾ಼.

ಗಲಾತ್ಯ 5:4

ತುಮಾರಮ ಕೋಣ್‌ಕೋಣ್ ಧರ್ಮಶಾಸ್ತ್ರಥಿ ನೀತಿವಾಳ ಹೋಣುಕರಿ ಆಖ್ಹ್‌ಕರಾಸ್ಕಿ ಇವ್ಣೆ ಕ್ರಿಸ್ತಥಿ ಬಿಚ಼ಡಿಜಾ಼ವಳ ಹುಯಿರಾಸ್ ವಾರ್‌ಖ್ಹಾನ ಆಖ್ಹ್‌ರೇಥಿ ರಡ್ಕಾಹುಯ ಹುಯಿರ‍್ಹಾಸ್.

ಎಫೆಸ 4:14

ಇನಾಖ್ಹಾಜೆ ಬೋಲಿಲಾವನು ಶಾತ್‌ಕತೊ ಅಪ್ಣೆ ಹಂಕೇಥು ಅಡ್ಡಾಣಿ ನಾ ಹುಯಿರ‍್ಹೇವ್ಣುತೆ, ಖರಾಬ್ ಅದ್ಮಿನ ಠಗಾವ್ಣಿಮಾಬಿ, ಗಲ್ತಿಸೋಚ್‌ಮ ಪಡೀನ್, ಅಲಕ್ ಅಲಕ್ ಭೋದನ್‌ಥಿ ಧೋಕಹುಯಿನ್ ವಹಿರೊ ಕೀಕಡ್‌ಕಿ ತೀಕಡ್‌ ನಾಜಾ಼ವಾಳ ಹುಯಿರ‍್ಹೇಣು.

ಫಿಲಿಪ್ಪಿ 3:2

ಖರಾಬ್‌ ಕಾಮ್‌ಕರಾವಾಳೇಥಿ ಜತನ್‌ ರ‍್ಹವೊ, ಖ್ಹತ್ನಕರಿ ಬೋಲಿನ್ ಶರೀರ್‌ಮ ಖ್ಹಂದೊ ವ್ಹಾಡವಾಳೇಥಿ ಹೊಷಾರಿ ರ‍್ಹವೊ, ಇವ್ಣೆ ಕುತ್‌ರ‍್ಯಾನ ಸಮಾನ್ ಹುಯಿರ‍್ಹುಸ್.

ಕೊಲೊಸ್ಸೆ 2:5

ಮೇ ಶರೀರ್‌ಮ ತುಮಾರಕನ ನಾರ‍್ಹಯೊತೋಬಿ ಮಾರೊ ಆತ್ಮಥಿ ತುಮಾರಿ ಜೋ಼ಡ್ಮ ರ‍್ಹೀನ್. ತುಮೆ ಬರೋಬರ್‌ಥಿ ಚಾ಼ಲಿಲ್ಯಾವನುಬಿ ಅಜು಼ ಕ್ರಿಸ್ತಮ ತುಮಾರಿ ವಿಶ್ವಾಸ್ ಘಟ್‍ಛಾ಼ ಕರಿ ದೇಖಿನ್ ಮನ ಖುಷಿಹುವಸ್.

ಕೊಲೊಸ್ಸೆ 2:8

ಗಲ್ತಿನು ಅಜು಼ ಫಾಯಿದೊಕೊಂತೆ ಬೋಧನೆತು ಕೋಣ್‌ಬಿ ತುಮೂನ ಕಬ್‌ಜಾ಼ಮ ನಾಕರಿಲೇವ್ಣುತೆ ಹೊಷಾರ್‌ಥಿ ರ‍್ಹವೊ. ಆ ಅಖ್ಖು ಅದ್ಮಿವೋನ ಪದತ್ತಿನ ಅಜು಼ ಲೋಕ್‌ನಹೋಣುತೆ ಬೋಧನೆಮಾಸ್ ಛಾ಼ ಪಣ್ಕಿ ಕ್ರಿಸ್ತಾನಕಾಹೆ.

2 ತಿಮೊ 4:15

ತೂಬಿ ಇನಿ ಬಾರೇಮ ಜ಼ತನ್ ರ‍್ಹೇ. ಶನಕತೊ ಇನೆ ಹಮೆ ಬೋಲೆಸ್ತೆ ವಚನ್ನ ಘಣು ವಿರೋದ್ ಕರ‍್ಯೊ.

ಇಬ್ರಿ 3:14

ಶನಕತೊ ಪಹಿಲೆಥೂ ಖ್ಹರ್ತಿಲಗೂಬಿ ಭರೋಖ್ಹಾನ ಘಟ್‌ರಾಖ್ಯಾತೊ ಅಪ್ಣೆ ಕ್ರಿಸ್ತನ ಗಳ್‌ಜೋ಼ಡ್ಮ ಭಾಗ್‌ಲ್ಯವಾಳ ಹುಯಿರ‍್ಹಿಷು.

1 ಪೇತ್ರ 5:9

ತುಮೆ ವಿಶ್ವಾಸ್‌ಮ ಘಟ್‍ರ‍್ಹೀನ್ ಶೈತಾನ್ನ ಡರಾವೊ. ಜಗತ್‌ಮ ಛಾ಼ತೆ ತುಮಾರ ವಿಶ್ವಾಸಿಖ್ಹಾರು ಇಮ್ನು ಖ್ಹತಾಪ್ಣಿ ಪಡುಕರಸ್ಕರಿ ತುಮುನ ಮಾಲುಮ್ ಛಾ಼.

2 ಪೇತ್ರ 2:7

ಕತೋಬಿ ದೇವ್ನೆ ಯೋ ಖರಾಬ್ ಅದ್ಮಿನ ಖರಾಬ್‌ಚಾ಼ಲ್‌ಥಿ ದಿಲ್‍ದುಖೈರ‍್ಹೊತೆ ನೀತಿವಾಳೊ ಲೋಟನ ಬಚಾ಼ಡ್ಯೊ,

2 ಪೇತ್ರ 3:1

ಮಾರ ಪ್ಯಾರ್‌ನ ದೋಸ್ತಿವೊ, ಮೇ ಹಮ್ಕೆ ತುಮೂನ ಲೀಖುಕರುಸ್ತೆ ಬೇನಿ ಚಿಟ್ಟಿ. ಆ ಬೇ ಚಿಟ್ಟಿಮಾಬಿ ಆ ಅಖ್ಖಿಬಾರೇಮ ತುಮುನ ಖ್ಹಯಾಲ್ ಲ್ಯಾವಾನ ತುಮಾರ ದಿಲ್ಮ ಪರಿಶುದ್ದ ಸೋಚ್ ಆವಾನಿತರ ಕರಾವನ ಕೋಶಿಶ್ ಕರಿರಾಖ್ಯೊಸ್.

ಪ್ರಕಾಶಿತ್ 2:5

ಇನಖ್ಹಾಜೆ ತೂ ಕಿಜ್ಜಾ಼ಥು ಲಡ್ಕಿರ‍್ಹೋಸ್‌ಕಿ, ಇನ ತಾರಿ ಖ್ಹಯಾಲ್ಮಲ್ಯಾವ್. ದೇವ್‌ಭಣಿ ಮನ್‌ಫರೈನ್ ತೂ ಅಗ್ಗಳ್ ಕರುಕರ್ತೊಥೋತೆ ಕಾಮ್‌ಖ್ಹಾರುಸ್‌ ಕರ್‌, ತೂ ನಾ ಮನ್ ಫರಾಯೊತೊ ಮೆ ಅಯಿನ್ ತಾರು ದಿವಳ್ಗಿನ ಖಂಬಾನ ಇನು ಝ಼ಗೊಕಂಥು ಕಾಡಿನಾಖಿಷ್.