2 ಪೇತ್ರ 1:19 - ದೇವ್ನಿ ಖ್ಹಾಚಿ ವಚನ್

¹⁹ ಅತ್ರೇಸ್ ಕಾಹೆತೆ, ಪ್ರವಾದ್‌ನೆನಿ ವಚನ್ ಬೋಲಿರಾಖ್ಯತೆ ವಾತೆ ಅಪ್ಣುನಖ್ಹಾರು ಖ್ಹಾಚ ಕರಿ ಬಿಜೂ಼ಬಿ ಘಟ್‍ಥಿ ಮಳಿರ‍್ಹೂಸ್‌. ಶನಕತೊ ಇವ್ಣೆ ಬೋಲಿರಾಖ್ಯುತೆ ವಾತೆ ಅಂಧಾರಾಮ ಉಜಾ಼ಖ್ಹ್‌ ದ್ಯವಾನು ದೀವೊ ಹುಯಿರ‍್ಹುಸ್‍ ತುಮಾರ ದಿಲ್ಮ ಖ್ಹಾರು ವ್ಹಾಣು ಹುವ್ವಾತೋಡಿ ಅಜು಼ ವ್ಹಾಣೆ ವೇಳಿನೊ ಶುಕ್ಕರ್ ನಿಕ್ಳಾತೋಡಿ ಯೋ ಉಜಾ಼ಳು ಝ಼ಮ್‌ಕವಾಳು ಹುಯಿರ‍್ಹುಸ್‍.

2 ಪೇತ್ರ 1:19 ပူးပေါင်းရင်းမြစ်များ

ಮತ್ತಾಯ 4:16

ಅಮ್ ಅಂಧಾರಾಮ ಜಿವ್‍ಕರ್ತುಥೂತೆ ಆ ತಬರ್‌ಖಾನು ಅದ್ಮಿಖ್ಹಾರು ಮೋಟು ಉಜಾ಼ಖ್ಹ್‌ ದೆಖಾಯು. ಮರಣ್ಣಿ ಛಾ಼ಳೊ ಢಪೈರ‍್ಹುಥುತೆ ತಬರ್‌ಖಾಮ ಜಿವ್‍ಕರ್ತುಥೂತೆ ಇವ್ಣಾಪರ್ ಉಜಾ಼ಳು ಘೈಗೈಗು.”

ಯೋಹಾನ 5:35

ಯೋಹಾನ ಬಳುಕರಸ್ತೆ ದೀವನಿಮತ್‌ ಥೊ,ಅಜು಼ ಯೊ ಉಜಾ಼ಳು ದಿದೊ. ಕತೋಬಿ ತುಮೆ ಇನ ಉಜಾ಼ಳಾಮ ಥೋಡ ದನ್ ಖ್ಹುಶಿ ಕರ‍್ಯಾ.

ಯೋಹಾನ 5:39

ತುಮೆ ಕೆತ್ರುಕ್ಕಿ ಧರ್ಮಶಾಸ್ತ್ರನ ಪಢೋಸ್‌, ಯೋ ತುಮೂನ ಹಮೇಶಾನಿ ಜಿ಼ಂದ್‌ಗಿ ದಿಶೆ ಕರಿ ತುಮೆ ಸೋಚೋ಼ಸ್, ಕತೋಬಿ ಯೋ ಖ್ಹಾರು ದಪ್ತರ್ ಮಾರಿ ಬಾರೇಮಸ್ ಸಾಕ್ಷಿ ದ್ಯವಾನು ಹುಯಿರುಸ್.

ಯೋಹಾನ 8:12

ಅನ ಬಾದ್‌ಮ ಯೇಸು ಪಾಛೊ಼ ಅದ್ಮಿಖ್ಹಾರನ ವಾತೆ ಬೋಲ್ತೊಹುಯಿನ್, “ಮೇಸ್ ಜಗತ್ನ ಉಜಾ಼ಳು ಹುಯಿರ‍್ಹೋಸ್, ಮಾರಪೀಠೆ ಆವಾಳು ಅಂಧಾರಮ ಚಾ಼ಲ್‌ಶೆಸ್‌ ಕೊಯ್ನಿ ಅಜು಼ ಯೊ ಜಾನ್ನು ಉಜಾ಼ಳು ಲೀರ‍್ಹಾವಳೊ ಹುಯಿರೊಸ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:29

ಯೋ ಅಖ್ಖು ಖಿವುಕತೊ; ಮೂರತ್ನ ಝಾ಼ಳ್ ಉತಾರಹುಯನಾಬಿ, ಲ್ಹೋಯಿನಾಬಿ, ನ್ಹೇಟಿ ಭೀಚಿನ್ ಮಾರ‍್ಯಹುಯ ಜಿನಾವರ್‌ನಬಿ ನಾಖಾವ್ಣು. ಅಜು಼ ವ್ಯಬಿಚಾರ‍್ನು ಪಾಪ್ನಕಾಮ್‌ಥಿ ತುಮುನ ಬಚಾ಼ಡಿಲೆವೊ. ಆ ಅಖ್ಖು ನಾಕರ‍್ನುತೆ ತಿಮ್‌ ಹೊಷಾರ್‌ಥಿ ರ‍್ಹಯಾತೊ ತುಮೆ ಅಛ್ಛು಼ ಕರ್ಶು. ತುಮುನ ಅಛ್ಛು಼ ಹುವಾದೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:11

ಆ ಯೆಹೂದ್ಯವಾಳು ಥೆಸಲೋನಿಕನ ಯೆಹೂದ್ಯರ್‌ಥಿಬಿ ಪೌಲ ಸೀಲನೆ ಬೋಲ್ಯಾತೆ ಅಛ್ಛಿ ಸಂದೇಶ್ನ ಖುಲ್ಲ ದಿಲ್‌ಥಿ ಘಣು ಶಂತೋಖ್ಹ್‌ ಥಿ ಖ್ಹಮ್‌ಜ್ಯು. ಅಜು಼ ಯೋ ವಾತೆ ಖ್ಹಾಚು಼ಸ್‍ಕರಿ ಬೋಲಾನು ಮಾಲುಮ್ ಕರಿಲ್ಯವಾನಖ್ಹಾಜೆ ಪವಿತ್ರ ಪುಸ್ತಕನ ಹರೇಕ್ನೆ ಬರೋಬರ್ ಫಢ್ಯುತೆ ಇನಖ್ಹಾಜೆ ಥೆಸಲೋನಿಕ ವಾಳೇಥಿಬಿ ಅಛ್ಛಿಗುಣ್‌ವಾಳು ಹುಯಿರ‍್ಹುಥು

ಇಬ್ರಿ 2:2

ಶನಕತೊ ದೇವ್‌ದೂತರ್‌ಥಿ ಅಪ್ಣ ಗುರುಗುರಬ್‍ಲ್ಯನ ದೆವೈರ‍್ಹೂಸ್ತೆ ಸಂದೇಶ್ ಖ್ಹಾಚು಼ಥು, ಇನಾಬಿ ಭಡಿನ್ ಕರಾನು ಹರೇಕ್ ಗಲ್ತಿ ಅಜು಼ ಕೋಣ್ ವಿಧೇಯ ಕೊಹುಯುನಿಕಿ ನತರ್ ವಿಧೇಯ ಹುಯಿನ್ ಬರಬರ‍್ನಿ ನಿಶತ್ ಲಿದು.

ಯಾಕೋಬ 2:8

ಕತೋಬಿ ಧರ್ಮಶಾಸ್ತ್ರಮ ಛಾ಼ತೆ, “ತಾರ ಭೀಡೆವಾಳನ ತಾರಿನಿತರಸ್‍ ಪ್ಯಾರ್ ಕರ‍್ನು!” ಕರಿ ಬೋಲಾನು ರಾಜ಼ನಿ ಹುಕುಮ್‌ನ ಚ಼ಲಾವವಾಳ ಹುಯಿರ‍್ಹಾತೊ ತುಮೆ ಅಛ಼್ಛು ಕರಾವಾಳ ಹುಯಿರ‍್ಹಿಶು.

1 ಪೇತ್ರ 1:10

ದೇವ್ನೆ ತುಮುನ ವತಾಳ್ಯೊತೆ ವಾರ್‌ಖ್ಹಾನಿ ಬಾರೇಮ ಪಹಿಲೇಸ್ ಖ್ಹಮ್‌ಜಾ಼ಡ್ಯೂತೆ ಪ್ರವಾದಿಖ್ಹಾರು ಆ ರಕ್ಷಣೆನಿ ಬಾರೇಮ ಬರೋಬರ್‌ಥಿ ಪುಛೈ಼ನ್ ಪರ್ಖಿನ್ ದೇಖ್ಯು.

1 ಯೋಹಾನ 5:10

ದೇವ್ನ ಛಿಯ್ಯಾಮ ವಿಶ್ವಾಸ್ ಕರಾವಾಳೊ ಆ ಸಾಕ್ಷಿನ ಇನಾಮ ಲೀರಾಖಸ್. ದೇವ್ನ ನಂಬಕೊಂತೆ ಯೋ ಇನ ಝು಼ಟೊಕರಿ ಬಣೈರಾಖ್ಯೊಸ್. ಕಿಮ್‌ಕತೊ ದೇವ್ ಇನ ಛಿಯ್ಯಾನಿ ಬಾರೇಮ ದಿದೋತೆ ಸಾಕ್ಷಿಮ ಇನೆ ವಿಶ್ವಾಸ್ ಕರ‍್ಯೊಕೊಯ್ನಿ.

3 ಯೋಹಾ 1:6

ಇವ್ಣೆ ಸಬೆನ ಖ್ಹಾಮ್ಣೆ ತುನೆ ದೆಖಾಡ್ಯೊತೆ ಪ್ಯಾರ್‌ನಿ ಬಾರೇಮ ಸಾಕ್ಷಿ ಬೋಲ್ಯು. ಇವ್ಣೆ ಇವ್ಣಿ ಚಾ಼ಲ್‌ನ ಬಿಜೂ಼ಬಿ ಆಗಾಡಿ ಚ಼ಲಾವ್‌ತು ಜಾ಼ವಖ್ಹರ್ಕು ದೇವ್ನ ಪಸಂದ್ ಹುವಾನಿ ವಾಟ್‌ಪರ್ ಇವ್ಣೆ ಚಾ಼ಲಖ್ಹರ್ಕು ತು ಇವ್ಣುನ ಮದತ್ ಕರ‍್ನು.

ಪ್ರಕಾಶಿತ್ 2:28

ಮೆ ಇನ ಉಜಾ಼ಳು ದೆಖಾಡನ ಶುಕ್ಕರ‍್ನ ದಿಶ್.

ಪ್ರಕಾಶಿತ್ 22:16

“ಯೇಸು ಕರಿ ಮೇಸ್ ಮಾರು ಖ್ಹಾರ ಸಬೇವ್ನಿ ಬಾರೇಮ ತುಮುನ ಸಾಕ್ಷಿ ಬೋಲಾನಖ್ಹಾಜೆ ಮಾರ ದೂತನ ಮೋಕ್ಲಿರಾಖ್ಯೊಸ್. ಮೇ ದಾವೀದನು ಖೂಮ್‌ ಕರಿ ಬೋಲಾನು ಬಡ್ಡೇಥು ನಿಕ್‌ಳ್ಯುತೆ ಚಿಗುರ್‌ಬಿ, ಇನಿ ಸಂತಾನ್‌ಬಿ ಉಜಾ಼ಖ್ಹ್‌ಥಿ ನಿಕ್ಳಾನೊ ಶುಕ್ಕರ್‌ಬಿ ಹುಯಿರೊಸ್.