2 ಕೊರಿಂಥ 9:11 - ದೇವ್ನಿ ಖ್ಹಾಚಿ ವಚನ್

¹¹ ಅಮ್‍ ತುಮೆ ಅಖ್ಖಕಾಮ್ಮಬಿ ಶೌಕಾರಿ ರ‍್ಹೀನ್ ದಿಲ್‍ಛೋ಼ಡಿ ದ್ಯಾವಾನ ಶಕತ್‌ವಾಳ ಹುಯಿರ‍್ಹಿಶು. ತುಮಾರಿ ದಾನಅಖ್ಖು ಹಮಾರ ಹಾತೇಥಿ ಬಿಜೇಕ್‍ಜ಼ಣಾನ ಮಳ್ಯುತೊ ಯೊ ದೇವ್ನ ಧನ್ಯವಾದ್ನಿ ಸ್ತುತಿಹುವಸ್.

2 ಕೊರಿಂಥ 9:11 ပူးပေါင်းရင်းမြစ်များ

ಮತ್ತಾಯ 20:15

ಮಾರ ಶೊಂತ್ ಪೈಶಾನ ಮಾರು ಮನ್ಆವಾತೆ ಇಮ್‌ ಕರಾನ ಮನ ಹಕ್‍ಕೊಯ್ನಿಕಿ ಶು? ಮೇ ಇವ್ಣುನ ಅಛ಼್ಛು ಕರ‍್ಯೊತೆ ಇನಖ್ಹಾಜೆ ತೂ ಬಳಾಪೊ ಕರಾಸ್ಕಿ ಶು?’ ಕರಿ ಬೋಲ್ಯೊ.

ಮತ್ತಾಯ 25:17

ಇಮ್ಮಸ್ ಬೇ ಹಜಾ಼ರ್ ಖ್ಹೊನ್ನಾನು ಬಿಲ್ಲು ಮಳ್ಯುಹುಯೊ ಬಿಜು಼ ಬೇ ಹಜಾ಼ರ್ ಖ್ಹೊನ್ನಾನು ಬಿಲ್ಲು ಕಮಾಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:8

ಯೊ ಹುಮ್ಮಖ್ಹ್‌ ದೆವಾಳೊ ಉಷೇತೆ, ಹುಮ್ಮಖ್ಹ್‌ ದ್ಯವಾದೆ. ಧರಮ್ ದ್ಯವಾನು ವರ ಉಷೇತೊ ಯೋ ಛು಼ಟಾದಿಲ್‍ಥಿ ದ್ಯವಾದೆ. ಅದಿಕಾರಿ ಉಶೇತೊ, ಯೋ ನಿಯ್ಯಥ್ಥಿ ಚಾ಼ಲದೆ, ಗೋರ್‌ ವತಾಳವಾಳೊ, ಇನ ಖುಷಿಥಿಬಿ ಕರಾದೆ.

1 ಕೊರಿಂಥ 1:5

ಶನಕತೊ ಯೇಸುಮ ಖ್ಹಾರೀಸ್‍ಥರಾನಿ ಅಖ್ಖಿ ಆಶೀರ್ವಾದ್‌ನ ಲೀರಾಖ್ಯಾತೆ ತುಮೆ ವಾತ್‍ಮಾಬಿ ಅಕ್ಕಲ್‌ಮಾಬಿ ಘಣ ಚಾ಼ತುರ್‌ವಾಳ ಹುಯಿರಾಸ್.

2 ಕೊರಿಂಥ 1:11

ಆ ನಾಹುಯಿನ್ ತುಮೆ ತುಮಾರಿ ಪ್ರಾರ್ಥನೆಥಿ ಹಮೂನ ಮದತ್ ಕರುಕರಸ್. ತದೆ ತುಮಾರಿ ಪ್ರಾರ್ಥನೆಥಿ ದೇವ್ ಹಮೂನ ಆಶೀರ್ವಾದ್‌ ಕರಿರಾಖ್ಯೋತೆ ದೇಖಿನ್ ಕೈಏಕ್ ಜ಼ಣು ಹಮಾರ ಭಣೀಥು ದೇವ್ನ ಧನ್ಯವಾದ್‍ನಿ ಸ್ತುತಿ ಕರ್ಶೆ.

2 ಕೊರಿಂಥ 4:15

ಆ ಖ್ಹಾರು ತುಮಾರು ನಫ್ಪಾನ ಖ್ಹಾಜೆಸ್. ಅಮ್ ದೇವ್ನಿ ವಾರ್‌ಖ್ಹೊ ಜಾ಼ಖ್ಹತ್, ಜಾ಼ಖ್ಹತ್ ಅದ್ಮಿನ ದೆವಾವ್‌ಶೆ ಇನಾಖ್ಹಾಜೆಥಿ, ಘಣು ಘಣು ಅದ್ಮಿ ದೇವ್ನಿ ಮಹಿಮೆನಖ್ಹಾಜೆ ಧನ್ಯವಾದ್‍ನಿ ಸ್ತುತಿ ಕರ್ಶೆ.

2 ಕೊರಿಂಥ 8:16

ತುಮಾರಪರ್ ಹಮೂನ ಛಾ಼ತೆ ಅಛ್ಛಿಸೋಚ್‌ನ ತೀತನ ದಿಲ್‌ಮಾಬಿ ದೀರಾಖ್ಯೋತೆ ಇನಖ್ಹಾಜೆ ದೇವ್ನ ಧನ್ಯವಾದ್ ಕರುಸ್.

2 ಕೊರಿಂಥ 8:19

ಆ ನಾಹುಯಿನ್ ಪ್ರಭುನಿ ಮಹಿಮೆನಖ್ಹಾಜೆ ಅಜು಼ ಅಪ್ಣ ಅಛ್ಛು಼ ದಿಲ್ನ ವತಳಾನಖ್ಹಾಜೆ ಮದತ್‍ನ ರಪ್ಯಾನ ಲೀಜಾ಼ವನಿ ವಖ್ಹತ್‌ಮ ಹಮಾರಿ ಜೋ಼ಡ್ಮರ‍್ಹಾವಾನ ಆ ಭೈನ ಸಬೇಥು ಚೂ಼ಣಿರಾಖ್ಯುಸ್. ದೇವ್ನಿ ಮಹಿಮೆನ ಖ್ಹಾಜೇಬಿ ಬಿಜು಼ ಮದತ್ ಕರಾನ ಖ್ಹಾಚಾಮಸ್ ಆಖ್ಹ್‌ಕರಿಯೇಸ್ ಕರಿ ವತಾಳಿಲ್ಯಾವನಬಿ ಆ ಸೇವೆನುಕಾಮ್ನ ಕರುಕರಿಯೇಸ್.

2 ಕೊರಿಂಥ 9:12

ಆ ತುಮಾರಿ ಚಾ಼ಕ್ರಿ ಖಲಿ ದೇವ್ನ ಅದ್ಮಿಖ್ಹಾರಾನಿ ಖ್ಹತಾಪ್ಣಿ ಕಾಡ್‍ಶೆಕೊಂತೆ, ಕೈಏಕ್ ಜ಼ಣಾಮ ದೇವ್ನ ಧನ್ಯವಾದ್‍ನಿ ಖ್ಹಲಾಮ್ ಕರಾನೊ ದಿಲ್‌ ಆವ್‌ಶೆ.