2 ಕೊರಿಂಥ 8:8 - ದೇವ್ನಿ ಖ್ಹಾಚಿ ವಚನ್

⁸ ತುಮೆ ದೇವ್ಣುಕರಿ ಮೇ ಹುಕುಮ್‌ ಕರೂಕರು ಕೊಯ್ನಿ. ಕತೋಬಿ ತುಮಾರಿ ಪ್ಯಾರ್ ಕೆತ್ರಿ ಖ್ಹಾಚ಼ಪ್ಯಾರ್‌ಕರಿ ದಿಲ್‌ಛೋ಼ಡಿನ್ ತರೀಪ್‌ಶ ಕರಿಲೇವ್ಣುಕರಿ ಬೋಲುಸ್.

2 ಕೊರಿಂಥ 8:8 ပူးပေါင်းရင်းမြစ်များ

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:9

ತುಮಾರಿ ಪ್ಯಾರ್ ಪಾಕ್‌ ದಿಲ್‌ಥಿ ರ‍್ಹವಾದೆ. ಖರಾಬ್‍ಕಾಮ್ನ ವಹೇರ್‌ಕರೀನ್, ಅಛ್ಛಾ಼ನ ಧರಿರಾಖೊ.

1 ಕೊರಿಂಥ 7:12

ಬಿಜು಼ಖ್ಹಾರು ಅದ್ಮಿಖ್ಹಾರಾನ ಬಾರೇಮ ಮೇ ಬೋಲಾನು ಶಾತ್‍ಕತೊ ಆ ಖ್ಹಾರಿ ವಾತೇನ ಬೋಲುಕರುತೆ ಮೇಸ್ ಪಣ್ಕಿ ಪ್ರಭುಕಾಹೆ. ಕ್ರಿಸ್ತಮ ಭೈನ ಏಕ್‍ಜ಼ಣಿ ಕ್ರಿಸ್ತ ವಿಶ್ವಾಸ್‍ಕೊಂತೆ ಬಾವಣ್‍ ರ‍್ಹಯುತೊ ಅಜು಼ ಯೋ ಇನಿ ಜೋ಼ಡ್ಮ ಸಂಸಾರ್ ಕರೀನ್ ಜಿವ್ಣುಕರಾನ ಮಾನಿಲಿದಿತೊ ಯೋ ಪರ್ಖ್ಹೊ ಇನ ನಾ ಮ್ಹೇಲ್ನು.

1 ಕೊರಿಂಥ 7:25

ವ್ಯಹಾಕೊಂತೆ ಕವಾರವ್ನಿ ಬಾರೇಮ ಪ್ರಭುಥಿ ಖಿವಿ ಹುಕುಮ್ ಮನ ಕೋ ಮಳ್ಯುನಿ. ಕತೋಬಿ ವಿಶ್ವಾಸ್‌ನ ಯೋಗ್ಯ ಹುಯಿರ‍್ಹವಾನಖ್ಹಾಜೆ ಪ್ರಭುಥಿ ಮನದೆವೈರ‍್ಹೀತೆ ದಯಾನ ಲೀನ್ ಮಾರಿ ಸೋಚ್ಮ ಬೋಲುಸ್.

1 ಕೊರಿಂಥ 7:6

ಮೇ ಅಮ್ ಕರೇಜಾ಼ಯ್‍ಕರಿ ಬೋಲುಕರುತೆ ಹುಕುಮ್ ಕಾಹೆ. ಮಾರಿ ಖಲಿ ಖ್ಹೂಜ಼್ ಹುಯಿರ‍್ಹೀಸ್.

2 ಕೊರಿಂಥ 6:6

ಹಮೆ ದೇವ್ನ ಸೇವೆ ಕರಾವಾಳಕರಿ ಹಮಾರಿ‍‍ ಶುದ್ಧಮನ್‌ಥೀಬಿ, ಗ್ಯಾನ್‍ಥಿಬಿ, ಖ್ಹಮಾಳಿನ್‌ಚಾ಼ಲಥೀಬಿ, ಗೋರ್‌ಥೀಬಿ, ಬಿಜು಼ ಪರಿಶುದ್ ಜೀವಿತ್‍ಥಿಬಿ ವತಾಳಿಲಿದ. ಹಮೆ ಅನ ಪವಿತ್ರಾತ್ಮಥಿಬಿ, ಖ್ಹಾಚಿ ಪ್ಯಾರ್‌ಥೀಬಿ,

2 ಕೊರಿಂಥ 8:10

ಆ ಕಾಮ್ನಿ ಬಾರೇಮ ಮಾರಿ ಖ್ಹೂಜ಼್‌ನ ತುಮುನ ಖ್ಹಮ್‌ಜಾ಼ಡುಸ್, ಆ ಕಾಮ್ನ ಏಕ್‌ ವರಖ್ಹ್‌ನ ಪಾಛ಼ಳ್ ಚ಼ಲಾವನಖ್ಹಾಜೆ ಶುರು ಕರಾಥಿಸ್ ಇನ ಚ಼ಲಾವ್ಣು ಕರಿ ಕರಮಾಬಿ ತುಮೆ ಖ್ಹಾಮೆ ಹುಯಿರ‍್ಹಾತೆ ಇನಖ್ಹಾಜೆ ಯೋ ತುಮುನ ಅಛ್ಛು಼ಹುಯಿರ‍್ಹುಸ್‍.

2 ಕೊರಿಂಥ 8:24

ಇನಖ್ಹಾಜೆ ತುಮಾರಾಮ ಖ್ಹಾಚಮಾಸ್ ಪ್ಯಾರ್‌ಛಾ಼ ಕರಿ ಆ ಅದ್ಮಿಖ್ಹಾರಾನ ವತಾಳೊ. ಹಮೆ ತುಮಾರಿ ಬಾರೇಮ ಶನ ಖ್ಹರೈಯೇಸ್‍ಕರಿ ಬೋಲಾನು ಅವ್ಣುನ ವತಾಳಿದೆವೊ. ತದೆ ಖ್ಹಾರಿ ಸಬೆವಾಳು ಇನ ದೆಖಾಖ್ಹರ್ಕು ಉಶೆ.

2 ಕೊರಿಂಥ 9:2

ಅಖಾಯಮ ಛಾ಼ತೆ ತುಮೆ ಗಯೋತೆ ಏಕ್‌ ವರಖ್ಹ್‌ಥು ಮೋಟ ದಿಲ್‌ಥಿ ದಾನ್ ಕರಾನ ತಯಾರ್ ಹುಯಿರ‍್ಹಾಸ್ ಕರಿ ಬೋಲನಿ ವಾತ್ನ ಮೇ ಮೆಕೆದೋನ್ಯನ ಭೈಯೇ ಭೇನೆವೊನ ಖ್ಹಾಮ್ಣೆ ಬೋಲಿನ್ ತುಮುನ ಖ್ಹರೈರಾಖ್ಯೋಸ್. ಇವ್ಣಮ ಕೆತ್ರೂಕಿಜ಼ಣು ಅನ ಖ್ಹಮ್‌ಜಿನ್‌ ದಾನ್ ದ್ಯಾವಾನ ದಿಲ್‍ಕರ‍್ಯು.

2 ಕೊರಿಂಥ 9:7

ಹರೇಕ್ ಜ಼ಣೋಬಿ ಇವ್ಣ ದಿಲ್ಮ ನಿರ್ಧಾರ್‌ಕರಾತೆ ಪರಕ್ಮ ದ್ಯವಾದೆ. ಕೋಣ್‌ಬಿ ದುಖ್‌ಥಿ ರ‍್ಹವೊ, ಜು಼ಲಮ್‌ಥಿ ರ‍್ಹವೊ ನಾದೇವ್ಣು ಎಥ್ರಾನವಾಳನ ದೇವ್ ಪ್ಯಾರ್‌ಕರಸ್.

ಎಫೆಸ 4:15

ಕತೋಬಿ ಪ್ಯಾರ್‌ಮ ಖ್ಹಾಚು಼ಬೋಲ್ತಹುಯಿನ್ ಹರೇಕ್ ವಾತೆವ್‌ಮಾಬಿ ಮುಡ್‌ಕ್ಯು ಹುಯಿರ‍್ಹೋಸ್ತೆ ಕ್ರಿಸ್ತಮ ಭಡವಾಳ ಹುಯಿರ‍್ಹಿಯೆ.

ಎಫೆಸ 6:24

ಅಪ್ಣೊ ಪ್ರಭು ಯೇಸು ಕ್ರಿಸ್ತನ ಹಮೇಶಾಬಿ ಪ್ಯಾರ್ ಕರಾವಾಳ ಅಖ್ಖಾಸ್‌ಪರ್ ದೇವ್ನಿ ವಾರ್‌ಖ್ಹೊ ರ‍್ಹವಾದೆ.

ಇಬ್ರಿ 10:24

ಅಪ್ಣೆ ಏಕ್‌ಥಿ ಏಕ್‌ ಪ್ಯಾರ್‌ವತಾಳನ ಖ್ಹಾಜೇಬಿ ಅಛ್ಛು಼ಕಾಮ್ ಕರಾನ ಖ್ಹಾಜೇಬಿ ಹುಮ್ಮಖ್ಹ್‌ ದೇವ್ಣುಕರಿ ಮಾಲುಮ್ ಕರಿಲಿಯೆ.

1 ಪೇತ್ರ 1:22

ತುಮೆ ಖ್ಹಾಚ ಉಪದೇಶ್‍ನ ವಿಧೇಯ ಹುಯಿರ‍್ಹಿನ್ ತುಮಾರ ಆತ್ಮಾನ ಪಾಕ್‍ ಕರಿಲಿದಾತೆ ಇನಾಖ್ಹಾಜೆ ಪಾಕ್‌ಮನ್‌ಥಿ ಭೈಯೆಭೇನೆನಿ ಪ್ಯಾರ್‌ವಾಳ ಹುಯಿರ‍್ಹೇವ್ಣು. ಅಮ್‍ರ‍್ಹವಾಪರ್, ಏಕ್‌ಥಿಏಕ್ ಪಾಕ್‍ದಿಲ್‍ಥೀಬಿ, ಛು಼ಟ ದಿಲ್‌ಥಿ ಪ್ಯಾರ್‌ಕರೊ.