2 ಕೊರಿಂಥ 8:21 - ದೇವ್ನಿ ಖ್ಹಾಚಿ ವಚನ್

²¹ ಶನಕತೊ ಪ್ರಭುನಿ ನಜ಼ರ‍್ಮ ಖಲಿಖಾಯೆತೆ ಅದ್ಮಿನ ಖ್ಹಾರನಿ ನಜ಼ರ್‌ಮಾಬಿ ಮರ್ಯಾದೆ ರ‍್ಹವಾನು ಖಿವು ಬರೋಬರ್ ಕರಿ ಸ್ವಿಕಾರ್‌ಕರ‍ಸ್‍ಕಿ ಅಜು಼ ಅದ್ಮಿನಿ ಬಾರೇಮಾಬಿ ದೇವ್ನಿ ಬಾರೇಮಾಬಿ ಕೆಹು ಬರೋಬರ್ ಕರಿ ಖ್ಹಯಾಲ್ ಕರಸ್ಕಿ ಯೋಸ್ ಖ್ಹಾರಾನ ಹಮೆ ಕೋಶಿಶ್ ಕರುಕರಿಯೇಸ್.

2 ಕೊರಿಂಥ 8:21 ပူးပေါင်းရင်းမြစ်များ

ಮತ್ತಾಯ 23:5

ಇವ್ಣೆ ಅದ್ಮಿನ ಖ್ಹಾರು ದೆಖಾವಾದೆ ಕರಿ ಇವ್ಣು ಕಾಮ್ನ ಕರಾಸ್. ವಚನ್ ಲೀಖೈರ‍್ಹೂತೆ ಪಟ್ಟಿಯೇನ ತಾಳ್ವಪರ್ ಅಜು಼ ಡಂಟ್‌ಪರ್ ಭಾಂದಿರಾಖಾಸ್ತೆ ದೇಖೊ. ಇವ್ಣೆ ಪೇರ‍್ಹಾಸ್ತೆ ಝ಼ಗ್ಗಾವ್‍ನ ಗೊಂಡಾನ ಲಾಂಬು ಕರಿಲೇಸ್!

ಮತ್ತಾಯ 5:16

ಅಮ್ಮಸ್ ತುಮಾರು ಉಜಾ಼ಳು ಅದ್ಮಿನ ಖ್ಹಾಮ್ಣೆ ಉಜಾ಼ಖ್ಹ್‌ ಹುವಾದೆ, ಅನೇಥಿ ತುಮೆ ಕರಾತೆ ಅಛ್ಛು಼ಕಾಮ್ನ ಇವ್ಣೆ ದೇಖಿನ್‌, ಸೊರ್ಗಾಮ ಛಾ಼ತೆ ತುಮಾರ ಬಾನ ಖ್ಹರಾವ್‌ಶೆ.

ಮತ್ತಾಯ 6:1

ಅದ್ಮಿ ದೇಖಾದೆ ಕರಿ ತುಮೆ ಇವ್ಣ ಖ್ಹಾಮೆ ತುಮಾರು ಅಛ್ಛು಼ಕಾಮ್ನ ನಾ ಕರ‍್ನು. ಇಮ್‌ ಕರ‍್ಯಾತೊ, ಸೊರ್ಗಾಮ ಛಾ಼ತೆ ತುಮಾರ ಬಾಕನ ತುಮೂನ ಶಾತ್ಬಿ ಇನಾಮ್ ಕೋ ಮಳ್‌ಶೇನಿ.

ಮತ್ತಾಯ 6:4

ಅಜು಼ ದಿಲ್ಮ ಚಾ಼ಲಾತೆ ಇನ ದೇಖವಾಳೊ ತಾರೊ ಬಾ, ತುನ ಇನಾಮ್ ದಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:17

ಏಕ್‌ ಹಲ್ಲ ಕೋಣ್ ತೋಬಿ ತುಮಾರ ಜೋ಼ಡೆ ಖರಾಬ್ ಚಾ಼ಲ್‌ಥಿ ಚಾ಼ಲಿಲಿದುತೊ ಬದಲ್ ಖರಾಬ್ ನಕೊಕರೊ. ಖ್ಹಾರಾನಿ ನಜ಼ರ್‌ಮಾಬಿ ಮರ್ಯಾದಿಥಿ ಶಾತ್‌ ಛಾ಼ಕಿ ಇನಾಸ್ ಕರೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:18

ಶನಕತೊ ಅಮ್ನಿ ಪರಕ್ಮ ಕ್ರಿಸ್ತನ ಸೇವೆಕರವಾಳೊ ದೇವ್‍ಥಿ ಪಸಂದ್‌ ಕರೈಲ್ಯವಾಳೋಬಿ, ಅದ್ಮೆವ್‍ನ ಅಛ್ಛು಼ ಕರವಾಳೊಬಿ ಹುಯಿರ‍್ಹವಾದೆ.

2 ಕೊರಿಂಥ 2:17

ಕೈಏಕ್ ಜ಼ಣು ದೇವ್ನಿವಚನ್ನ ಮಿಲಾವಟ್ ಕರಿ ಬೇಪಾರ್ ಕರಾಸ್. ಹಮೆತೋಬಿ ಇಮ್‌ಕಾಹೆ ದೇವ್‌ಮ ರ‍್ಹೀನ್, ದೇವ್ನಖ್ಹಾಮ್ಣೆ ಕ್ರಿಸ್ತಯೇಸುನಿ ಗಳ್‌ಜೋ಼ಡ್ಮ ಬರೋಬರ್ ಖೀವೂಕಿ ತೀನಸ್ ಹಮೆ ಬೋಧನೆ ಕರೇಸ್.

2 ಕೊರಿಂಥ 8:20

ಆ ಘಣು ಮದತ್‍ನ ರಪ್ಯಾನ ಹಮೆ ದೇಖಿಲ್ಯಾವಾನಿ ಬಾರೇಮ ಕೋಣ್‌ಬಿ ಹಮಾರಪರ್ ಗಲತ್‌ ನಾನಾಕ್ಣು, ಕರಿ ಹೊಷಾರ್‌ಥಿ ಛಿಯೆ.

2 ಕೊರಿಂಥ 8:22

ಅನಾಹುಯಿನ್ ಮದತ್ ಕರಾನ ಕದೇಬಿ ತಯಾರ್ ಹುಯಿರ‍್ಹವಾಳ ಅಪ್ಣ ಭೈನ ಇವ್ಣಿಜೋ಼ಡ್ಮ ಮೋಕ್ಲುಕರಿಯೇಸ್, ಯೋ ಕೈಯೇಕ್ ತರಾಮ ಇನುಯೋಸ್ ವತಾಳಿರಾಖ್ಯೊಸ್. ಹಮ್ಕೆ ಇನ ತುಮಾರಪರ್ ಘಣು ಭರೋಖ್ಹೊ ಛಾ಼ತೆ ಇನಾಖ್ಹಾಜೆ ಬಿಜೂ಼ಬಿ ಮದತ್ ಕರಾನ ಆಖ್ಹ್‌ಕರಸ್.

ಫಿಲಿಪ್ಪಿ 4:8

ಕಡೇಶಿಮ ಮಾರ ಭೇನೆ ಭೈಯೇವೊ, ಖಿವು ಖ್ಹಾಚು಼ಕಿ, ನ್ಯಾವ್‌ನೂಕಿ, ಗಣ್ತಿನುಕಿ, ಪಾಕ್‌ನೂಕಿ, ಲಾಡ್ನೂಬಿ, ಖ್ಹಾಜ಼್‌ನುಬಿ ಹುಯಿರ‍್ಹುಸ್ಕಿ, ಖಿವು ಅಛ್ಛಿ ಚಾ಼ಲ್‌ಚ಼ಲಣ್‌ಬಿ, ಕೀರತ್ನ ಲ್ಹಾಯೇಕ್ಕಿ, ಯೊ ಅಖ್ಖಾನಿ ಬಾರೇಮ ಸೋಚಾವಳ ಹುಯಿ‍ರ‍್ಹೆವೊ.

1 ಥೆಸ 5:22

ಖ್ಹಾರಿಸ್ ತರ‍್ಹಾನು ಖರಾಬ್‌ಥಿ ದೂರ್ ರ‍್ಹವೊ.

1 ತಿಮೊ 3:7

ಎತ್ರೇಸ್ ಕಾಹೆತೆ, ಯೋ ಭಾರ್‌ಲ್ಯ ಅದ್ಮಿಥಿ ಆಛ್ಛೊ಼ ಕರಿ ಬೊಲೈಲ್ಯವಾಳೊ ಹುಯಿರ‍್ಹೇಣು, ಇಮ್‌ ನಾ ರ‍್ಹಯೋತೊ ಅದ್ಮಿಖ್ಹಾರು ಇನಾಪರ್ ಗಲತ್‌ ಲಗಾಡಿ ದಿಶೆ ಅಜು಼ ಯೋ ಶೈತಾನ್ನ ಚ಼ಪ್ಪಣ್‌ಮ ಖ್ಹಪ್‌ಡಿಜಾ಼ಶೆ.

1 ತಿಮೊ 5:14

ಇನಖ್ಹಾಜೇಸ್ ಮೇ ಬೋಲುಸ್ಕಿ, ಜಾ಼ನ್ಜ಼ಮಾನ್ ಮುಂಡಚ್ಚಿಯೆ ವ್ಯಹಾ ಕರಿಲೀನ್, ಲಡ್ಕಾ ಜ಼ಣಾದೆ ಅಜು಼ ಇವ್ಣ ಘರ್‌ನ ದೇಕ್-ಭಾಲ್ ಕರಾದೆ, ಅನೇಥಿ ಅಪ್ಣ ದುಶ್‌ಮನ್ನ ಅಪ್ಣಪರ್ ಗಲತ್‌ ಬೋಲಾನ ವಾಟ್‌ ಕೋ ರ‍್ಹಿಶೇನಿ.

1 ಪೇತ್ರ 2:12

ತುಮಾರಿ ಚಾ಼ಲ್‍ಚ಼ಲಣ್‍ ಅಲ್ಹಾವ್‌ ಅದ್ಮಿವ್‌ನ ಇಚ಼್‌ಮ ಯೋಗ್ಯಹುಯಿರ‍್ಹವಾದೆ, ತದೆ ಇವ್ಣೆ ಖೆವಿಸ್ ವಾತ್ನಿ ಬಾರೇಮ ತುಮುನ ಖರಾಬ್‍ಕರಿ ಚಾ಼ವ್‌ಣ್ಯ ಕರಾಸ್ಕಿ ಯೋಸ್ ತುಮಾರಿ ವಾತೆಮ ತುಮಾರಿ ಅಛ್ಛಿ ಚಾ಼ಲ್‍ಚ಼ಲಣ್ಣಾ ಡೋಳೆಖ್ಹು ದೇಖಿನ್, ದೇವ್ ಆವನ ದನೂಮ ಅಪ್ಣುನ ಇವ್ಣೆ ಖ್ಹರಾವ್‌ಶೆ.