15 ತುಮೆ ದಿಲ್ಮ ಡರಿನ್ ಕಾಪವಾಳ ಹುಯಿನ್ ಇನಿ ಜೋ಼ಡ್ಮ ಮಳಿಗಾತೆ ಇನಾಮ ತುಮಾರಿ ವಿಧೇಯತೆ ದೆಖಾಯು, ಯೊ ಇನ ಖ್ಹಯಾಲ್ ಕರಿಲ್ಯಾವಾನಿ ವಖ್ಹ್ತೆ ತುಮಾರಪರ್ ತೀತನಿ ಪ್ಯಾರ್ ಜಾ಼ಖ್ಹತ್ ಹುಯಿರ್ಹೀಸ್.
ಏಕ್ ತಯೇಡ ಜ಼ಣಾನಿ ವಖ್ಹತ್ಮ, ಇನಿ ಅಜಾ಼ನಿ ವಖ್ಹತ್ ಐಗೈ ಕರಿ ದುಖ್ ಕರಾಸ್, ಕತೋಬಿ ಲಡ್ಕು ಪೈದಾ ಕರಾನ ಬಾದ್ಮ, ಜಗತ್ಮ ಏಕ್ ಲಡ್ಕು ಪೈದಾ ಹುಯಿನ್ ಆಯುತೊ, ಯೋ ಖ್ಹುಶಿಥಿ ಅಜಾ಼ನ ಭೈಕಿಜಾ಼ಸ್.
ಖ್ಹಾರ್ಕೊಟ್ನೊ ಅಧಿಕಾರಿನೆ ಚಿಮ್ನಿನ ಮಂಗಾವ್ತೊಹುಯಿನ್ ಒಗ್ಗಿಸ್ಮ ಮಹಿ ಜೈ಼ನ್ ಡರ್ಥಿ ಕಾಪ್ತೊಹುಯಿನ್ ಪೌಲ ಅಜು಼ ಸೀಲನ ಗೋಡಾಪರ್ ಆಡ್ಪಡ್ಯೊ.
ಆ ನಾಹುಯಿನ್ ಮೇ ತುಮಾರಕನ ಆಯೋತೆ ತದೆ, ಲಾಚ಼ರ್ಥೊ; ಅಜು಼ ಡರ್ಥಿ ಕಾಪವಾಳೊ ಹುಯಿರೋಥೊ.
ಖ್ಹಾರೀಸ್ ವಾತ್ನಿ ಬಾರೇಮ ತುಮೆ ಮುಡ್ಕ್ಯು ಝು಼ಕಾವವಾಳ ಹುಯಿರ್ಹಾಸ್ಕಿ ಕೊಯ್ನಿ. ಕಾಯಿತೋಬಿ ತುಮುನ ತರೀಪ್ಷ ಕರಿನ್ ಮಾಲುಮ್ ಕರಿಲ್ಯಾವಾನ ಮೇ ತುಮುನ ಆ ಚಿಟ್ಟಿನ ಲಿಖ್ಯೋತೆ.
ತುಮಾರಪರ್ ಹಮೂನ ಛಾತೆಪ್ಯಾರ್ ಭೀರಿಗೈಕೊಯ್ನಿ. ಕತೋಬಿ ಹಮಾರಪರ್ ತುಮೂನಛಾ಼ತೆ ಪ್ಯಾರ್ ಭೀರಿಗೈ.
ಆಳ್ಖ್ಹಾರ, ಆ ಜಗತ್ನ ಯಜಮಾನ್ ಹುಯಿರ್ಹವವಾಳನ ಕ್ರಿಸ್ತನಿ ದಾಬುಕ್ಮ ಕಿಮ್ ರ್ಹೇಸ್ಕಿ ಇಮ್ಮಸ್ ದಿಲ್ಮ ಡರ್ಥಿ ಕಾಪವಾಳಹುಯಿರ್ಹೀನ್ ಛು಼ಟ ದಿಲ್ವಾಳಹುಯಿನ್ ದಾಬುಕ್ಮ ರ್ಹವೊ.
ಕ್ರಿಸ್ತ ಯೇಸುನ ಛಾ಼ತೆ ಗೋರ್ಥೀಸ್ ತುಮಾರ ಹರೇಕ್ನ ಖ್ಹಾಜೆ ಕೆತ್ರೇಕ್ಕಿ ತರ್ಖ್ಹುಕರುಸ್. ಅನ ದೇವಸ್ ಸಾಕ್ಷಿ.
ಅಮ್ ರ್ಹವಾಪರ್ ಮಾರ ಪ್ಯಾರ್ನ ದೋಸ್ತಿವೊ, ತುಮೆ ಮಾರಿ ವಾತೇನ ಕೆದೇಬಿ ಪಾಡಿಚಾ಼ಲ್ಯತೆ ತಿಮ್ ಹಮ್ಕೇಬಿ ಪಾಡಿಚಾ಼ಲೊ. ಮೆ ತುಮಾರಮ ರ್ಹವಾನಿವಖ್ಹ್ತೆಸ್ ಖಲಿಕಾಹೆತೆ, ಮೇ ನಾ ರ್ಹವಾಮಾಬಿ ಘಣು ಜಾ಼ಖ್ಹತ್ ದಿಲ್ಮ ಡರ್ಥಿ ಕಾಪವಾಳ ಹುಯಿನ್ ತುಮಾರಿ, ತುಮಾರಿ ರಕ್ಷಣೆನ ಲೀಲೆವೊ.
ಇನಖ್ಹಾಜೆ ದೇವ್ಥಿ ಚೂ಼ಣೈಗಯು ಹುಯುಬಿ, ಪರಿಶುದ್ಧರ್ಬಿ ಪ್ಯಾರ್ನ ಹುಯಿರ್ಹಾತೆ ತುಮೆ ಗೋರ್, ದಯಾ, ಹೇಟು ಹುವಾನು, ಶೇದೇವ್ಥಿ, ಖ್ಹಮಾಳಾನು ಕರಿ ಆಖ್ಹಾರು ಅಛ್ಛಿಗುಣ್ನ ಭರ್ಹಿಲೆವೊ.
ಆ ಚಿಟ್ಟೀಮ ಹಮೆ ತುಮೂನ ಬೋಲುಕರೇತೆ ಕೋಣ್ ಇನ ಮಾನಕೊಯ್ನಿಕಿ, ಇಮ್ನಾನಿ ಖ್ಹಣೇದ್ ಕರೀನ್, ಇನ ಖ್ಹರಮ್ ಲಾಗಾನಿಘೋಣಿ ಕೋಣ್ಬಿ ಇನಿ ಖ್ಹಂಗ್ ನಕೊ ಕರೊ.
ಅಜು಼ ಆ ಲೋಕ್ನು ಧನ್ದೌಲತ್ ರ್ಹವಾಳೊ ಕೋಣ್ತೋಬಿ ವದೆಖ್ಹ್ಮರ್ಹಾವಳ ಇನ ಭೈನ ದೇಖಿನ್ ಗೋರ್ನ ಕರ್ಯತೊ ದೇವ್ನಿ ಪ್ಯಾರ್ ಇನಾಮ ರ್ಹಾವನ ಉಶೇಕಿ ಶು?