2 ಕೊರಿಂಥ 7:14 - ದೇವ್ನಿ ಖ್ಹಾಚಿ ವಚನ್

¹⁴ ತೀತನ ಖ್ಹಾಮ್ಣೆ ಮೇ ತುಮುನ ಖ್ಹರಾಯೊ. ಯೋ ಖ್ಹಾಚಕರಿ ತುಮೆ ವತಾಳ್ಯ. ಹಮೆ ತುಮುನ ಬೋಲ್ಯಾತೆ ಹರೇಕ್ ಖ್ಹಾಚ ಹುಯಿರ‍್ಹುಥು. ಹಮೆ ತೀತನ ಖ್ಹಾಮ್ಣೆ ತುಮಾರಿ ಬಾರೇಮ ಬೋಲ್ಯಾತೆ ಖ್ಹರಾವ್ಣಿನಿವಾತೆ ಖ್ಹಾರಿ ಖ್ಹಾಚ ಕರಿ ದೆಖಾಯು.

2 ಕೊರಿಂಥ 7:14 ပူးပေါင်းရင်းမြစ်များ

ಯೋಹಾನ 17:19

ಅವ್ಣಖ್ಹಾಜೆ ಮನಾಸ್ ಒಪ್‌ಶೈಲೇವ಼್ಸ್ ಇಮ್ಮಸ್ ಇವ್ಣೇಬಿ ಖ್ಹಾಚಥೀಸ್ ಮನ ಒಪ್‌ಶಾವದೆ.

2 ಕೊರಿಂಥ 10:8

ಹಮೂನ ಛಾ಼ತೆ ಅದಿಕಾರ್‌ನಿ ಬಾರೇಮ ಹಮೆ ಏಕ್‌ ಘಡಿ ಜಾ಼ಖ್ಹತ್ ಖ್ಹರೈಲಿದಾತೋಬಿ ಇಮ್‌ ಖ್ಹರೈಲ್ಯಾವಾಮ ಮೇ ಖ್ಹರ್‌ಮವ್‌ಕೊಯ್ನಿ. ಕತೋಬಿ ಯೋ, ತುಮುನ ರಡ್‍ಕೈನಾಕ್ಣುಕರಿ ಕಾಹೆ. ಭಾಂದ್‍ಣುಕರಿ ಪ್ರಭು ಆ ಅಧಿಕಾರ‍್ನ ಮನ ದೀರಾಖ್ಯೊಸ್.

2 ಕೊರಿಂಥ 12:6

ಏಕ್‌ ವಖ್ಹತ್ ಮೇ ಖ್ಹರೈಲ್ಯಾವಾನು ದಿಲ್‍ರ್ಹಯುತೋಬಿ ಇಮ್‌ ಖ್ಹರೈಲ್ಯಾವಾಮ ಮೇ ಬಿಣ್‍ ಅಕ್ಲಿ ಹುಯಿಶ್ ಕೊಯ್ನಿ, ಶನಕತೊ ಮೇ ಖ್ಹಾಚು಼ಸ್ ಬೋಲಿಶ್. ಕತೋಬಿ ಕೋಣ್‌ತೋಬಿ ಮಾರಾಮ ದೆಖಾವಾಥೀಬಿ ನತರ್ ಮಾರೇಥಿ ಖ್ಹಮ್‍ಜಾ಼ಥೀಬಿ ಜಾ಼ಖ್ಹತ್ ಮನ ಪರಖ್ಣುನಾ.

2 ಕೊರಿಂಥ 2:13

ಕತೋಬಿ ಮಾರೊ ಭೈ ಹುಯಿರೋತೆ ತೀತನ ಮೇ ಹಿಜ್ಜಾ಼ ದೇಖ್ಯೊಕೊಂತೆ ಮಾರ ದಿಲ್ನ ಸಮಾಧಾನ್ ಕೋಥೂನಿ. ಇನಖ್ಹಾಜೆ ಮೇ ಇವ್ಣುನ ಧನ್ಯವಾದ್‌ ಬೋಲಿನ್ ಹಿಜ಼್ಜಾಥೊ ಮೆಕೆದೋನಿಯನ ನಿಕ್‍ಳ್ಯೊ.

2 ಕೊರಿಂಥ 7:13

ಇನಖ್ಹಾಜೇಸ್ ಹಮೂನ ಭಾಲಿಮಳೀತೆ, ತುಮೆಅಖ್ಖು ತೀತನ ಮನ್ನ ಜಾ಼ಖ್ಹತ್ ಶಂತೋಖ್ಹ್‌ ಕರ‍್ಯಾತೆದೇಖಿನ್ ಹಮೂನ ಬಿಜೂ಼ಬಿ ಖ್ಹುಶಿಹುಯು,

2 ಕೊರಿಂಥ 7:4

ತುಮಾರಿ ಜೋ಼ಡ್ಮ ವಾತ್‍ಬೋಲನ ಘಣು ಧಿಲ್‍ಪತ್‍ಬಿ ತುಮಾರಿ ಬಾರೇಮ ಮನ ಘಣು ಭರೋಖ್ಹೊ ಛಾ಼; ಮೇ ಧಿಲ್‌ಪತ್‌ಥಿ ಭರೈನ್ ಅಪ್ಣುನ ಉಶೆತೆ ಖ್ಹಾರೀಸ್‍ ಖ್ಹತಾಪ್ಣಿಮ ಘಣೇಥಿ ಘಣು ಖ್ಹುಶಿಮ ಛೂ಼.

2 ಕೊರಿಂಥ 7:6

ಕತೋಬಿ ಕಮ್‍ಜೋ಼ರಿ ರ‍್ಹಾವಾಳನ ಸಮಾಧಾನ್‍ ದ್ಯವಾಳೂ ದೇವ್ ತೀತನ ಆವಾಖ್ಹರ್ಕು ಕರೀನ್ ಹಮೂನ ಸಮಾಧಾನ್‍ ಕರ‍್ಯೊ.

2 ಕೊರಿಂಥ 8:24

ಇನಖ್ಹಾಜೆ ತುಮಾರಾಮ ಖ್ಹಾಚಮಾಸ್ ಪ್ಯಾರ್‌ಛಾ಼ ಕರಿ ಆ ಅದ್ಮಿಖ್ಹಾರಾನ ವತಾಳೊ. ಹಮೆ ತುಮಾರಿ ಬಾರೇಮ ಶನ ಖ್ಹರೈಯೇಸ್‍ಕರಿ ಬೋಲಾನು ಅವ್ಣುನ ವತಾಳಿದೆವೊ. ತದೆ ಖ್ಹಾರಿ ಸಬೆವಾಳು ಇನ ದೆಖಾಖ್ಹರ್ಕು ಉಶೆ.

ಫಿಲಿಪ್ಪಿ 1:26

ಅಮ್ ಮೆ ಫಾಛೊ಼ಫರಿ ಆವಾಥಿ ತುಮೆ ಕ್ರಿಸ್ತ ಯೇಸುನ ಗಳ್‌ಜೋ಼ಡ್ಮ ಖುಷಿ ಕರಾನ ಮಾರೇಥಿ ಘಣಿ ಹುಮ್ಮಖ್ಹ್‌ ರ‍್ಹಿಶೆ.

2 ಥೆಸ 1:4

ಶನಕತೊ ತುಮೆ ಖ್ಹಮಾಳಮಾಬಿ ಖ್ಹತಾಪ್ಣಿಮಾಬಿ ತುಮಾರಮ ದೆಖಾಯುತೆ ವಿಶ್ವಾಸ್ನಖ್ಹಾಜೆಥಿ ದೇವ್ನಿ ಅದ್ಮಿನಿ ಸಬೇಮ ಕಮ್‌ಠೋಕಿ ವಾತೆ ಬೋಲಿಯೇಸ್.