2 ಕೊರಿಂಥ 7:10 - ದೇವ್ನಿ ಖ್ಹಾಚಿ ವಚನ್

¹⁰ ದೇವ್ನಿ ಖ್ಹೂಜ಼್‌ನಿತರ ಹುಯಿರುತೆ ದುಖ್ ದಿಲ್‌ನಾಬಿ, ಜೀವಿತ್‍ನಾಬಿ ಬದ್ಲಾವಸ್ ಆ ಬದ್‍ಲಾವ್ಣಿ ರಕ್ಷಣೆ ಭಣಿ ಚ಼ಲಾವಸ್. ಆ ಮನ್ ಫರಿಜಾ಼ವಾನಿ ಬಾರೇಮ ಅಪ್ಣೆ ಡರ‍್ವಾನು ಶಾತ್ಬಿ ಕೊಯ್ನಿ. ಕತೋಬಿ ಲೋಕ್‍ಥಿ ಆವಾತೆ ದುಖ್ ಮರಣ್ಣ ಬುಲಾವಸ್‌.

2 ಕೊರಿಂಥ 7:10 ပူးပေါင်းရင်းမြစ်များ

ಮತ್ತಾಯ 26:75

ತದೆ ಪೇತ್ರನೆ, ಮುರ್‌ಗೊ ಬಾಂಗ್‌ದ್ಯವಾನ ಅಗಾಡಿ, ತೀನ್‍ಹಲ್ಲ ಮಾರಿ ಬಾರೇಮ, ಯೋ ಮನ ಮಾಲುಮ್ ಕೊಯ್ನಿ! ಕರಿ ತೂ ಬೋಲಿಶ್” ಕರಿ ಯೇಸುನೆ ಇನ ಬೋಲ್ಯೊಥೋತೆ ವಾತೆನ ಯಾದ್‌ಕರಿನ್, ಭಾರ್ ಜೈ಼ನ್, ಖ್ಹಡ್‌ಕ್ಯಾಭರೀನ್ ರೋಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 15:10

ಅಮ್ಮಸ್, ದೇವ್ ಭಣಿ ಫರಾಸ್ತೆ ಏಕ್‌ ಪಾಪಿನಿ ಬಾರೇಮ, ದೇವ್‌ನು ದೂತರ್ ಖ್ಹಾರು ಖ್ಹುಶಿಕರಸ್” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:13

ಕತೋಬಿ, ಯೋ ಶುಂಕ ವಶೂಲ್ ಕರಾವಾಳೊ ದೂರ್ ಭೀರಿನ್, ಆಬ್‍ಭಣಿ ಡೋಳಪಾಡಿ ದೇಖಾನಾಬಿ ಮನ್‌ಕೊಂತೆ, ಛಾ಼ತಿ ಕೂಟ್‌ತೊ ಹುಯಿನ್, ‘ದೇವ್, ಪಾಪಿ ಹುಯಿರ‍್ಹೋತೆ ಮಾರಪರ್ ಗೋರ್‌ ಕರ್‌’ ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:18

ಆ ವಾತೆನ ಇವ್ಣೆ ಖ್ಹಮ್‌ಜಿನ್‌ ಝಿಟ್ಕಾರ್‌ ಕರಾನು ಮ್ಹೆಂದಿನ್; ಇಮ್‍ಕತೊ ದೇವ್ ಯೆಹೂದ್ಯರ್‌ಕಾಹೆತೆ ಇವ್ಣುನಾಬಿ ಜಾನ್‍ದೇವ್ಣುಕರಿ ಇವ್ಣ ದಿಲ್ನ ಇನಾಭಣಿ ಫರಾಯೊ ಕರಿ ದೇವ್ನ ಖ್ಹರಾಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:19

ಅನಖ್ಹಾಜೇಥಿ ತುಮಾರ ಪಾಪ್ನಖ್ಹಾಜೆ ತುಮೆ ಪ್ರಾಯಶ್ಚಿತ್ ಕರಿಲೀನ್ ದೇವ್‌ಭಣಿ ಫರಿಜಾ಼ವೊ. ತದೆ ಯೋ ತುಮಾರಿ ಪಾಪ್ನ ಕ್ಷಮಾಪಣ್ ಕರಿಲಿಶೆ.

2 ಕೊರಿಂಥ 12:21

ಮೇ ತುಮಾರಕನ ಪಾಛೊ಼ ಫರಿ ಆವಾದಿನ್ ಮಾರು ದೇವ್ ಮನ ತುಮಾರ ಖ್ಹಾಮ್ಣೆ ಮನ ಝು಼ಕೈನಾಕ್‌ಶೆ ಕರಿ ಸೋಚುಸ್. ಅಗಾಡಿ ತುಮಾರಾಮ ಮೈಲು ಕಾಮ್, ಪಾಪೇಲುಕಾಮ್, ಪೋಕ್ರಿ ಕಾಮ್‍ಅಖ್ಖು ಚ಼ಲೈನ್ ಪಶ್ಚಾತ್ತಾಪ್‌ ಕರ‍್ಯುಕೊಂತೆ ಕೈಏಕ್ ಜ಼ಣಾನಿ ಬಾರೇಮ ಮೇ ದುಖ್ ಕರಾನು ಪಡ್‌ಶೆ ಕರಿ ಮನ ಡರ್‌ ಛಾ಼.

2 ಕೊರಿಂಥ 7:9

ತುಮುನ ದುಖ್ ಕರಾಯೋತೆ ಇನಾಖ್ಹಾಜೆ, ಮೇ ಖುಷಿ ಕರ‍್ಯೊಕೊಯ್ನಿ, ತುಮೆ ದುಖ್ ಕರೀನ್ ದಿಲ್ನ ಫರಿಜ಼ವಾನ ಕರಿರಾಖ್ಯತೆ ಇನಾಖ್ಹಾಜೆ ಖ್ಹುಶಿಕರೂಸ್. ದೇವ್ನಿ ‘ಖ್ಹೂಜ಼್‌ನಿ’ ಘೋಣಿ ತುಮೆ ದುಖಿಹುಯ ಇನಾಖ್ಹಾಜೆ ಹಮಾರೇಥಿ ತುಮುನ ಕೆವ್ಹಿ ಪರಕ್‍ಮಾಬಿ ನಷ್ಟ್ ಹುಯುಕೋಯ್ನಿ.

ಇಬ್ರಿ 12:17

ಯೊ ಹುವಾದಿನ್ ಇನಿ ಬಾನಿ ಆಶೀರ್ವಾದ್‌ ಲೇವ್ಣುಕರಿ ಡೋಳಾನು ಆಂಝು಼ ನಾಕ್ತೊಹುಯಿನ್ ಬಿಂತಿಕರ‍್ಯೊತೊಬಿ, ಇನೆ ಕರ‍್ಯೊತೆ ಇನ ಬದ್ಲಾವನ ಇನ ಕೊಹುಯುನಿ.