2 ಕೊರಿಂಥ 6:7 - ದೇವ್ನಿ ಖ್ಹಾಚಿ ವಚನ್

⁷ ಖ್ಹಾಚಿ ವಚನ್, ದೇವ್‍ಥಿ ನಿಕ್ಳಾತೆ ಶಕತ್ ಆ ಅಖ್ಖಾನ ಲೀಲಿನ್‌, ಖಾವಿಡಾವಿ ಬಾಜು಼ಮ ನೀತಿಕರಿ ಕಫ್ಫನ್ನ ಲೀರಾಖ್ಯಸ್.

2 ಕೊರಿಂಥ 6:7 ပူးပေါင်းရင်းမြစ်များ

ಮಾರ್ಕ 16:20

ಹೈಕಡ್ ಇನು ಶಿಷ್ಯರ್‌ ಚ಼ಲ್ಯೂಜೈ಼ನ್ ಖ್ಹಾರಿ ಬಾಜು಼ ದೇವ್ನಿ ಅಛ್ಛಿ ಖಬರ್‌ನ ಬೋಲ್ಯು. ಅಜು಼ ಪ್ರಭುನೆ ಇವ್ಣ ಜೋ಼ಡೆಸ್ ರ‍್ಹೀನ್ ಖ್ಹಣೇದ್‍ನು ಅದ್ಭುತ್ ಕಾಮ್‌ಖ್ಹಾರು ಕರಿನ್, ಇವ್ಣೆ ಬೋಲಾತೆ ಖ್ಹಾರು ಖ್ಹಾಚಿಸ್‌ಕರಿ ವತಾಳಿದೇತೊ ರ‍್ಹೇತೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:21

ಪ್ರಭುನೊ ಹಾತ್ ಇವ್ಣಪರ್ ಥು,ಅಜು಼ ಅದ್ಮಿಖ್ಹಾರು ಕೈಏಕ್ ಜ಼ಣು ಪ್ರಭುಮ ಭರೋಖ್ಹೊ ಕರ‍್ಯು.

1 ಕೊರಿಂಥ 1:24

ಕತೋಬಿ ದೇವ್‍ಥಿ ಬುಲೈಲಿದಹುಯ ಅದ್ಮಿ ಯೆಹೂದ್ಯರ್ ಹುಯಿರ‍್ಹತೋಬಿ ಯೆಹೂದ್ಯರ್‌ಕಾಹೇತೆ ಹುಯಿರ‍್ಹುತೋಬಿ ಇವ್ಣುನ ಕ್ರಿಸ್ತಾಸ್ ದೇವ್ನಿ ಶಕತ್‍ ಹುಯಿರ‍್ಹೋಸ್. ಅಜು಼ ದೇವ್ನಿ ಅಕ್ಕಲ್ ಹುಯಿರೊಸ್.

2 ಕೊರಿಂಥ 13:4

ಕ್ರಿಸ್ತ ಕಮ್‍ಜೋ಼ರಿಮ ಶಿಲ್‌ಬೇಪರ್ ಟಂಗೈಘೊ ಖ್ಹಾಚಿಸ್. ಕತೋಬಿ ಯೋ ದೇವ್ನಿ ತಾಖಥೀಸ್ ಬಚಾ಼ವಾಳೊ ಹುಯಿರ‍್ಹೊಸ್. ಹಮೇಬಿ ಇನೀನಿತರಸ್ ಕಮ್‌ಜೋ಼ರಿವಾಳ ಹುಯಿರ‍್ಹಾಸ್. ಕತೋಬಿ ಇನಿಜೋ಼ಡ್ಮ ದೇವ್ನಿ ಶಕಥ್ಥಿ ಜಿವವಾಳ ಹುಯಿನ್ ತುಮಾರಿ ಶಕಥ್ಥಿ ಜಿವಿಯೇಸ್.

2 ಕೊರಿಂಥ 2:17

ಕೈಏಕ್ ಜ಼ಣು ದೇವ್ನಿವಚನ್ನ ಮಿಲಾವಟ್ ಕರಿ ಬೇಪಾರ್ ಕರಾಸ್. ಹಮೆತೋಬಿ ಇಮ್‌ಕಾಹೆ ದೇವ್‌ಮ ರ‍್ಹೀನ್, ದೇವ್ನಖ್ಹಾಮ್ಣೆ ಕ್ರಿಸ್ತಯೇಸುನಿ ಗಳ್‌ಜೋ಼ಡ್ಮ ಬರೋಬರ್ ಖೀವೂಕಿ ತೀನಸ್ ಹಮೆ ಬೋಧನೆ ಕರೇಸ್.

2 ಕೊರಿಂಥ 4:2

ಗಪ್ಲತ್‍ನು ಬಿಜು಼ ಖ್ಹರಮ್‌ ಕಡೈಲ್ಯಾವಾನ ಖ್ಹಾರ ಮಾರಗ್‍ಥಿ ಹಮೆ ದೂರ್ ಹುಯಿರಾಸ್‍. ಬಿಜು಼ ಹಮೆ ಮಶ್ಲತ್ ಭಂದೈಯೇ಼ ಕೊಯ್ನಿ. ದೇವ್ನಿ ವಚನ್‍ಮ ಮಿಲಾವಟ್ ಕರಿಯೆಕೊಯ್ನಿ. ಹಮೆ ಖ್ಹಾಚ಼ನ ಛೋ಼ಡಿನ್ ಬೋಲ್ಯೆಸ್‍. ಹಮೆ ನೀತಿವಾಳಕರಿ ಹರೇಕ್ ಅದ್ಮಿನಿ ದಿಲ್ನಿಸಾಕ್ಷಿ ದೇವ್ನ ಖ್ಹಾಮ್ಣೆ ಮಾನಿಲ್ಯವಾನಿ ಪರಕ್ಮ ಚಾ಼ಲೆಯೇಸ್.

2 ಕೊರಿಂಥ 7:14

ತೀತನ ಖ್ಹಾಮ್ಣೆ ಮೇ ತುಮುನ ಖ್ಹರಾಯೊ. ಯೋ ಖ್ಹಾಚಕರಿ ತುಮೆ ವತಾಳ್ಯ. ಹಮೆ ತುಮುನ ಬೋಲ್ಯಾತೆ ಹರೇಕ್ ಖ್ಹಾಚ ಹುಯಿರ‍್ಹುಥು. ಹಮೆ ತೀತನ ಖ್ಹಾಮ್ಣೆ ತುಮಾರಿ ಬಾರೇಮ ಬೋಲ್ಯಾತೆ ಖ್ಹರಾವ್ಣಿನಿವಾತೆ ಖ್ಹಾರಿ ಖ್ಹಾಚ ಕರಿ ದೆಖಾಯು.

ಎಫೆಸ 1:13

ಸುವಾರ್ತೆನಿ ಖ್ಹಾಚಿ ಸಂದೇಶ್ನ ಖ್ಹಮ್‍ಜಾ಼ನಿ ವಖ್ಹ್‌ತೆ, ತುಮೇಬಿ ಜಿನು ದೇವ್ನ ಅದ್ಮಿ ಹುಯಿರ‍್ಹಾಥ. ಸುವಾರ್ತೆ ತುಮುನ ಛುಟ್ಕಾರ್ ದಿದು. ತುಮೆ ಕ್ರಿಸ್ತಮ ವಿಶ್ವಾಸ್ ಕರಿರಾಖ್ಯಾಸ್ ಅಜು಼ ದೇವ್ ಯೋ ವಾಗ್ದಾನ್ ಕರ‍್ಯೊತೆ ಪವಿತ್ರಾತ್ಮನ ತುಮುನ ದ್ಯಾವಥಿ ಇನೊ ಮುದ್ರೊನಾಖಿನ್ ಖ್ಹಣೇದ್ ಕರಿರಾಖ್ಯೋಸ್.

ಎಫೆಸ 3:20

ಅಪ್ಣಾಮ ಕಾಮ್ ಕರಾಸ್ತೆ ಇನು ಶಕತ್ನಿ ಪರಕ್ಮ ಅಪ್ಣೆ ಮಾಂಗಥಿಬಿ ಸೋಚಾಥಿಬಿ ಕೆತ್ರೆಸ್ಕಿ ಜಾ಼ಖ್ಹತ್ ಕರಾನ ಶಕತ್‌ವಾಳೊ ಹುಯಿರ‍್ಹೊಸ್ತೆ ದೇವ್ನ,

ಎಫೆಸ 4:21

ಶನಕತೊ ಖ್ಹಾಚಮಾಬಿ ಇನಾಮಸ್ ಖ್ಹಮ್‌ಜಿರಾಖ್ಯಾಸ್‌ ಅಜು಼ ಇನ ಪೀಠೆ ಜಾ಼ವಳ ತುಮುನ ಯೇಸುಮ ಛಾ಼ತೆ ಖ್ಹಾಚ಼ನಿಘೋಣಿಸ್ ಶಿಕಾಡಿರಾಖ್ಯಸ್.

ಕೊಲೊಸ್ಸೆ 1:5

ಪರ್‌ಲೋಕ್‌ಮ ತುಮಾರಖ್ಹಾಜೆ ಭರೋಖ್ಹಾನಿ ಬಾರೇಮ ಸುವಾರ್ತೆ ಖ್ಹಾಚಿ ವಚನ್‍ಥಿ ತುಮೆ ಪಹಿಲೇಸ್ ಖ್ಹಮ್‌ಜಿರಾಖ್ಯಾಸ್‌.

1 ಥೆಸ 5:8

ಕತೋಬಿ ಅಪ್ಣೇತೊ ದನ್ ಭಣಿವಾಳ ಹುಯಿರ‍್ಹಾಸ್. ಇನಖ್ಹಾಜೆ ಅಪ್ಣು ಅಪ್ಣೆ ದಾಬುಕ್ಮ ರ‍್ಹಿಯೆ. ಅಪ್ಣೆ ಪ್ಯಾರ್ ಅಜು಼ ವಿಶ್ವಾಸ್‌ನಿ ಕವಚ್‌ನ ಛಾ಼ತಿಪರ್ ಪೇರ‍್ಹಿಲೇವ್ಣು ಅಜು಼ ರಕ್ಷಣೆನಿ ವಿಶ್ವಾಸ್‌ಕರಿ ರ‍್ಹವಾನು ಮುಡ್‌ಕ್ಯಾನ ಕವಚ್‌ನ ಫೇರಿಲೇವೊ,

2 ತಿಮೊ 2:15

ದೇವ್ನ ಡೋಳಾಮ ಲ್ಹಾಯಕ್‌ನು ಅದ್ಮಿಹುಯಿನ್ ದೆಖೈಲ್ಯವಾನಟೇಕೆ ತಾರಿ ಅಖ್ಖಿ ಶಕಥ್ಥಿ ಕೋಶಿಶ್ ಕರ್‌, ಅನೇಥಿ ವಾತೇಮಾಬಿ ರ‍್ಹವೊ ಇವ್ಣ ಕಾಮ್ ಖ್ಹಾರಾನಾಬಿ ರ‍್ಹವೊ ಖ್ಹರಮ್‌ ಕಾಡಾನಿಘೋಣಿ ನಾರ‍್ಹೇವ್ಣು ಅಜು಼ ದೇವ್ನಿ ಖ್ಹಾಚಿ ವಚನ್ ಬರಾಬರ್‌ಥಿ ಬೋಲಿದ್ಯವಾಳೊ ಹುಯಿರ‍್ಹೆ.

2 ತಿಮೊ 4:7

ಮೇ ಮಹಾನ್ ಹರ್‌ಜಿತ್‌ ಕರಿರಾಖ್ಯೊಸ್, ಮಾರಿ ದೌಡ್ನ ನಾಶೀನ್ ಖ್ಹರ್ತಿ ಕರಿರಾಖ್ಯೊಸ್, ಅಜು಼ ಮೇ ಕ್ರಿಸ್ತನಿ ವಿಶ್ವಾಸ್ ಬಚಾ಼ಡಿರಾಖ್ಯೊಸ್.

ಇಬ್ರಿ 2:4

ಖ್ಹಣೇದ್‍ನು ಕಾಮ್‍ಥೀಬಿ, ಅದ್ಭುತ್‌ಕಾಮ್ ಖ್ಹಾರಥಿಬಿ, ಕೈಯೇಕ್ ಥರಾನು ಮಹಾನ್ ಕಾಮ್‍ಥೀಬಿ ಅಜು಼ ಇನಿ ಸೋಚ್‌ನಿತರ ಪವಿತ್ರಾತ್ಮನು ವರಾನ ವಾಟಪಾಡಿ ದ್ಯವಾಥಿ ದೇವ್ನೇಸ್ ಇನ ವತಾಳಿಲಿದೊ.

ಯಾಕೋಬ 1:18

ದೇವ್ ಇನಿ ಅಛ್ಛಿ ಖ್ಹೂಜ಼್‌ನಿ ಪರಕ್ಮ ಖ್ಹಾಚಿವಚನ್‍ಥಿ ಅಪ್ಣುನ ಜಾನ್‍ದೀರಾಖ್ಯೊತೆ ಇನಖ್ಹಾಜೆ ಅಪ್ಣೆ ಇನಿ ಖ್ಹಾರಿಸ್ ಉಬ್‌ಜಾ಼ವ್ಣಿಮ ಫಹಿಲಫಲ್‍ ಹುಯಿರ‍್ಹಾಸ್.