6 ಹಮೆ ದೇವ್ನ ಸೇವೆ ಕರಾವಾಳಕರಿ ಹಮಾರಿ ಶುದ್ಧಮನ್ಥೀಬಿ, ಗ್ಯಾನ್ಥಿಬಿ, ಖ್ಹಮಾಳಿನ್ಚಾ಼ಲಥೀಬಿ, ಗೋರ್ಥೀಬಿ, ಬಿಜು಼ ಪರಿಶುದ್ ಜೀವಿತ್ಥಿಬಿ ವತಾಳಿಲಿದ. ಹಮೆ ಅನ ಪವಿತ್ರಾತ್ಮಥಿಬಿ, ಖ್ಹಾಚಿ ಪ್ಯಾರ್ಥೀಬಿ,
ತುಮಾರಿ ಪ್ಯಾರ್ ಪಾಕ್ ದಿಲ್ಥಿ ರ್ಹವಾದೆ. ಖರಾಬ್ಕಾಮ್ನ ವಹೇರ್ಕರೀನ್, ಅಛ್ಛಾ಼ನ ಧರಿರಾಖೊ.
ಅಜು಼ ಖ್ಹಣೇದ್ನ ಕಾಮ್ಥೀಬಿ, ಅದ್ಭುತ್ಕಾಮ್ನಿ ತಾಖತ್ತಿ ಅಜು಼ ದೇವ್ನುಆತ್ಮನ ಕಾಮ್ಥೀಬಿ ಕರಿರಾಖ್ಯೊಸ್. ಇನಖ್ಹಾಜೆ ಯೆರೂಸಲೇಮ್ಥೊ ಧರೀನ್ ಇಲ್ಲುರಿಕ ತಬರ್ಖಾಲಗು ಜಾ಼ವಾನಿ ವಖ್ಹ್ತೆ ಮೇ ಕ್ರಿಸ್ತನಿ ಸುವಾರ್ತೆನ ಅಖ್ಖಿ ಪೂರಫೈಲಾಯೊ.
ಕಿಮ್ಕತೊ,ಪವಿತ್ರಾತ್ಮ ಏಕ್ಜ಼ಣಾನ ಗ್ಯಾನ್ಥಿ ಭರೈರ್ಹಾವನಿ ಸಂದೇಶ್ಬಿ ಬಿಜೇಕ್ ಜ಼ಣಾನ ಅಕ್ಕಲ್ಥಿ ಭರೈರ್ಹಾವನಿ ಸಂದೇಶ್ಬಿ ದೇಸ್.
ಪ್ಯಾರ್ ಘಣು ಖ್ಹಮಾಳಿಲ್ಯವಾಳು, ಪ್ಯಾರ್ ಗೋರ್ಕರಾವಾಳುಬಿ, ಪ್ಯಾರ್ ಪೇಟ್ನೊ ಬಳಾಪೊ ಕೊಕರಾನಿ, ಪ್ಯಾರ್ ಖ್ಹರೈಲೇಯಿಕೊಯ್ನಿ.ಅಜು಼ ಯೊ ಹಂಕಾರ್ ಕರಾಕೊಯ್ನಿ.
ಪವಿತ್ರ ದಪ್ತರ್ಮ ಬೋಲಾನಿತರ, “ಪ್ರಭುನ ದಿಲ್ನ ಕೋಣ್ ಮಾಲುಮ್ ಕರಿರಾಖ್ಯುಸ್? ಇನ ಖ್ಹೂಜ಼್ ಬೋಲಿ ದಿಶೆ ಕೋಣ್?” ಅಪ್ಣೆತೋಬಿ ಕ್ರಿಸ್ತಯೇಸುನೊ ದಿಲ್ನ ಲೀರಾಖವಾಳ ಹುಯಿರ್ಹಾಸ್.
ಮಾರು ಉಪದೇಶ್ ಅಜು಼ ವಾತೆಮ ಅದ್ಮಿನಿಖ್ಹಯಾಲ್ನ ರ್ಹವಾನುಬಿ ಅಜು಼ ಅಛ್ಛಿ ವಾತೇಥಿ ಮಳಿರ್ಹುಥು ಕೊಯ್ನಿ. ಕತೋಬಿ ದೇವ್ನುಆತ್ಮ ದಿಲ್ಫರಾವನಿ ಸಾಕ್ಷಿಹುಯಿರ್ಹುಸ್ತೆ ಶಕಥ್ಥಿ ಮಳಿಹುಯು ಹುಯಿರ್ಹುಥು.
ತುಮಾರಕನ ಕೊರಿಂಥಮ ಆಯೊಕೊಯ್ನಿ. ಇನಖ್ಹಾಜೆ ಮೇ ದಿಲ್ ಭರೈನ್ ಬೋಲುಕರುಸ್, ಅನ ದೇವಸ್ ಸಾಕ್ಷಿ ಹುಯಿರ್ಹೊಸ್.
ಮೆ ಬೋಲ್ನುಕತೊ ತುಮುನ ಪ್ಯಾರ್ಕರುಕೊಯ್ನಿ? ಶನಖ್ಹಾಜೆಕತೊ ಯೋ ದೇವ್ನಾಸ್ ಮಾಲುಮ್ ಛಾ಼.
ಶನಕತೊ ಹಮೆ ಬೋಲು ಕರ್ತಥಾತೆ ಬಿಜೇಕ್ಜ಼ಣೊ ಯೇಸು ತುಮಾರಕನ ಆಯಿನ್ ತುಮುನ ಬೋಧನೆ ಕರಾನಿ ವಖ್ಹ್ತೆಬಿ. ತುಮೆ ಲೀರಾಖ್ಯಕೊಂತೆ ಬಿಜೇಕ್ ಆತ್ಮಾನ ಲಿಲ್ಯಾವನಿ ವಖ್ಹ್ತೆಬಿ ಸ್ವೀಕಾರ್ ಕರಕೊಂತೆ ಬಿಜೇಕ್ ಸುವಾರ್ತೆನ ಸ್ವಿಕಾರ್ಕರಿಲ್ಯಾವನಿ ವಖ್ಹ್ತೆ ತುಮೆ ಅಛ್ಛಿನಿತರ ಖ್ಹಮಾಳಿಲೆವೊಸ್.
ಮೇ ವಾತ್ಮ ಚಾ಼ತುರ್ನಾರ್ಹಯೊ ತೋಬಿ ಗ್ಯಾನ್ಮ ಕಮ್ ಕಾಹೆ. ಅನ ಮೇ ಹರೇಕ್ ಹಾಲತ್ಮಾಬಿ ಛೋ಼ಡಿವತಾಳಿ ರಾಖುಸ್.
ಇನಖ್ಹಾಜೆ ಮಾರಾಕನ ರ್ಹೇಸ್ತೆ ಅಖ್ಖು ತುಮುನ ದ್ಯವಾನು ಖುಷಿಕರುಸ್. ಮನಾಸ್ ತುಮುನ ದಿನಾಖುಸ್. ಮೇ ತುಮುನ ಘಣು ಪ್ಯಾರ್ ಕರ್ಯೋತೊ, ತುಮೆ ಮನ ಕಮ್ ಪ್ಯಾರ್ ಕರ್ಶುಕಿಶು?
ಅನಾಖ್ಹಾಜೇಸ್ ಮೇ ತುಮಾರಕನಕೊಂತೆ ವಖ್ಹತ್ ಆ ವಾತೆಖ್ಹಾರಿ ಲೀಖುಕರುಸ್. ತುಮುನ ರಡ್ಕೈನಾಖಾನ ಕಾಹೆ. ಭಾಂದಾನಖ್ಹಾಜೆ ಪ್ರಭು ಮನ ದೀರಾಖ್ಯೋತೆ ಅದಿಕಾರ್ಥಿ ತುಮೆ ಕಠಣ್ನ ವತಾಳನ ವಖ್ಹತ್ನ ರ್ಹೇವ್ಣುಕರಿ ಆಖ್ಹ್ಕರುಸ್.
ತುಮೆ ಕಿನ ಮಾಪ್ ಕರೋಸ್ಕಿ ಮೇಬಿ ಇವ್ಣುನ ಕ್ಷಮಾಪಣ್ ಕರುಸ್. ತುಮಾರ ಖ್ಹಾಜೆಸ್ ಇನ ಕ್ರಿಸ್ತನ ಖ್ಹಾಮ್ಣೆ ಕ್ಷಮಾಪಣ್ ಕರುಸ್.
ಮೇ ಅಗಾಡಿ ಏಕ್ವಖ್ಹತ್ ತುಮುನ ಲೀಖಾನಿ ವಖ್ಹ್ತೆ, ಮಾರೊ ದಿಲ್ ಘಣು ಕಲಾವ್ಣಿ ಹುಯಿರ್ಹುಥು, ಬಿಜು಼ ದುಖ್ಥಿಥು. ಮೇ ಆಂಝು಼ನಾಕ್ತೊ ಹುಯಿನ್ ತುಮುನ ಲೀಖ್ಯೋತೆ, ತುಮುನ ದುಖ್ ಕರಾವ್ಣು ಕರಿ ಕಾಹೆ, ತುಮುನ ಕೆತ್ರೆ ಪ್ಯಾರ್ಕರೂಸ್ ಕರಿ ತುಮೆ ಮಾಲುಮ್ ಕರೀಲೆವ್ಣು ಕರಿ ಎತ್ರೇಸ್.
ತುಮೆ ಹಮಾರಿ ಸೇವೆನ ಫಲ್ಥಿ, ಕ್ರಿಸ್ತನೆ ಹಮಾರ ಹಾತೇಥಿ ಲೀಖೈನ್ ದಿದೊತೆ ಚಿಟ್ಟಿಕರಿ ಮಾಲುಮ್ಕರಾಯ ಆ ಚಿಟ್ಟಿ ಲೀಖೈರ್ಹೂತೆ ಇಂಕ್ಥಿ ಕಾಹೆ,ಜಿವ್ತೊಜಾನ್ನೊ ದೇವ್ನ ಆತ್ಮಥಿ ಅನ ಬಂಡಾನ ಪಲ್ಗಾಪರ್ ಕಾಹೆ, ಅದ್ಮಿನ ದಿಲ್ನ ಪಲ್ಗಾಪರ್ ಲೀಖೈರಾಖ್ಯೊಸ್.
“ಉಜಾ಼ಳು ಅಂಧಾರನ ಮಹಿಥು ಉಜಾ಼ಖ್ಹ್ ಮ್ಹೇಲಾದೆ” ಕರಿ ದೇವ್ನೆ ಏಕ್ ವಖ್ಹತ್ ಬೋಲಿರಾಖ್ಯೊಸ್. ಯೋ ದೇವಸ್ ಹಮಾರಿ ದಿಲ್ನ ಇನ ಉಜಾ಼ಳೇಥಿ ಉಜಾ಼ಖ್ಹ್ ಕರಿರಾಖ್ಯೋಸ್. ಕ್ರಿಸ್ತನ ಮ್ಹೋಡಪರ್ ಛಾ಼ತೆ ದೇವ್ನಿ ಮಹಿಮೆನ ಹಮೂನ ಖ್ಹಮ್ಜಾ಼ಡಾಥಿ ಇನೆ ಹಮೂನ ಉಜಾ಼ಳು ದೀರಾಖ್ಯೊಸ್.
ತುಮಾರ ದಿಲ್ಮ ಹಮೂನ ಝ಼ಗೊದೆವೋ; ಹಮೆ ತುಮಾರಮ ಕಿನಾಬಿ ಅನ್ಯಾಯ್ ಕರ್ಯಾಕೊಯ್ನಿ, ಕಿನಾಬಿ ಕೇಡ್ ಕರ್ಯಾಕೊಯ್ನಿ, ಕಿನಾಬಿ ಠಗಾಯಕೊಯ್ನಿ.
ಏಕ್ ಬಾರೇಮ ಖಲಿ ತುಮಾರೇಥಿ ಮಾಲುಮ್ ಕರ್ನುಕರಿ ಛು಼. ತುಮೆ ಪವಿತ್ರಾತ್ಮನ ಲಿದಾತೆ ಧರ್ಮಶಾಸ್ತ್ರನ ಪಾಡಿನ್ ಚಾ಼ಲಾಥಿಕಿ ನತರ್ ವಿಶ್ವಾಸ್ನಿ ಸುವಾರ್ತೆನ ಖ್ಹಮ್ಜಾ಼ಥಿಕಿ ಶು?
ಅಮ್ರ್ಹಯುತೊ ದೇವ್ನೆ ಇನ ಆತ್ಮಾನ ತುಮುನ ಜಾ಼ಖ್ಹಥ್ಥಿ ದೀನ್ ತುಮಾರಮ ಮಹಾನ್ಕಾಮ್ ಚ಼ಲಾವ್ತೊ ಆಯೋತೆ; ತುಮೆ ಧರ್ಮಶಾಸ್ತ್ರನ ಪಾಡಿನ್ ಚಾ಼ಲಾಥಿಕಿ ನತರ್ ಸುವಾರ್ತೆನ ಖ್ಹಮ್ಜಿನ್ ವಿಶ್ವಾಸ್ ಕರಾಥಿ?
ಕತೋಬಿ ದೇವ್ನ ಆತ್ಮಾಥಿ ಉಬ್ಜಾ಼ನು ಫಲ್ ಶಾತ್ಕತೊ, ಪ್ಯಾರ್, ಶಂತೋಖ್ಹ್, ಸಮಾಧಾನ್, ಖ್ಹಮಾಳಿ ರ್ಹವಾನು, ದಯಾ, ಬಿಜೇಕ್ನ ಮದತ್ಕರಾನು, ವಿಶ್ವಾಸ್, ಆಸ್ಹುಯಿರ್ಹುಸ್.
ಅಜು಼ ಮೆ ಲೀಖಿರಾಖ್ಯೊಸ್ತೆ ಇನ ತುಮೆ ಬರಾಬರ್ಥಿ ಫಡೀನ್ ದೇಖ್ಯಾತೊ ಮಾರಮ ಕ್ರಿಸ್ತನಿ ಬಾರೇನು ಮಾಯ್ನನ ತುಮೇಬಿ ಮಾಲುಮ್ ಕರ್ಲಿಶು.
ತುಮೆ ದೇವ್ಮ ಬುಲಾಯತೆ ಇನಖ್ಹಾಜೆ ಹೇಟು ಹುಯಿರ್ಹವಾನು, ಶೇದೇವ್ಥಿ ರ್ಹವಾನು, ಖ್ಹಮಾಳಿರ್ಹವಾಳ ಹುಯಿನ್ ಪ್ಯಾರ್ಥಿ ಏಕ್ಥಿ ಏಕ್ ಖ್ಹಮಾಳಿರ್ಹವೊ.
ಇನ ಬದಲ್ ಏಕ್ಥಿಏಕ್ ದಯಕರವಾಳಬಿ, ಗೋರ್ ಕರವಾಳಬಿ ಹುಯಿರ್ಹೆವೊ. ದೇವ್ನೆ ತುಮುನ ಕ್ರಿಸ್ತಮ ಮಾಪ್ ಕರ್ಯೊತೆ ಇಮ್ಮಸ್ ತುಮೇಬಿ ಏಕ್ಥಿಏಕ್ ಮಾಪ್ ಕರೊ.
ಯೆಹೂದ್ಯರ್ಕಾಹೆತೆ ಅದ್ಮೆವ್ಮ ಆ ಮಾಯ್ನನು ಮಹಿಮೆನಿ ಶಕತ್ ಕೆತ್ರೆಕರಿ ದೇವ್ನೆ ಇನ ಅದ್ಮಿವ್ನ ಭಡ್ಕಾವನ ಖ್ಹೂಜ಼್ ಕರ್ಯೊ. ಆ ಮಾಯ್ನೊ ಶಾತ್ಕತೊ ಮಹಿಮೆನು ಭರೋಖ್ಹಾನ ಆಧಾರ್ ಹುಯಿರೊಸ್ತೆ ಕ್ರಿಸ್ತಸ್ ತುಮಾರಮ ಛಾ಼.
ಕ್ರಿಸ್ತಸ್ ಕೀಲಿ ಹುಯಿರ್ಹೊಸ್ ಗ್ಯಾನ್, ಅಕ್ಕಲ್ ಅಜು಼ ಖ್ಹಾರು ಧನ್ದೌಲತ್ ಇನಾಮಸ್ ಲಪ್ಯುಸ್.
ಇನಖ್ಹಾಜೆ ದೇವ್ಥಿ ಚೂ಼ಣೈಗಯು ಹುಯುಬಿ, ಪರಿಶುದ್ಧರ್ಬಿ ಪ್ಯಾರ್ನ ಹುಯಿರ್ಹಾತೆ ತುಮೆ ಗೋರ್, ದಯಾ, ಹೇಟು ಹುವಾನು, ಶೇದೇವ್ಥಿ, ಖ್ಹಮಾಳಾನು ಕರಿ ಆಖ್ಹಾರು ಅಛ್ಛಿಗುಣ್ನ ಭರ್ಹಿಲೆವೊ.
ನಂಬವಾಳ ಹುಯಿರ್ಹಾತೆ ತುಮಾರ ಜೋ಼ಡೆ ಹಮಾರಿ ಚಾ಼ಲ್ಚ಼ಲಣ್ಮ ಖ್ಹಾಚಿಥಿಬಿ ಪರಿಶುದ್ಧಬಿ, ನೀತಿವಾಳಬಿ ಅಜು಼ ನಿರ್ದೋಷಿ ಥಾ, ಕರಿ ಬೋಲಾನ ತುಮೇಬಿ ಸಾಕ್ಷಿ ಅಜು಼ ದೇವ್ಬಿ ಸಾಕ್ಷಿ ಹುಯಿರ್ಹಾಸ್.
ತೂ ಜಾ಼ನ್ಜ಼ಮಾನ್ ಹುಯಿರೋಸ್ ಇನಖ್ಹಾಜೆ ತುನ ಕೀಳ್ಥಿ ನಕೊ ದೇಖಾದೆ. ಕತೋಬಿ ವಿಶ್ವಾಸಿಖ್ಹಾರನ ವಾತೆಚೀತೇಮ, ಚಾ಼ಲ್ ಚ಼ಲಣ್ಮ, ಪ್ಯಾರ್ ಅಜು಼ ವಿಶ್ವಾಸ್ನ ಪರಿಶುದ್ ಜೀವನ್ಥಿ ಮತಲಬ್ ಹುಯಿರ್ಹೆ.
ಬುಢಿಯಾ ಬಾಯ್ಕಾವ್ನ ಆಯಾನಿಮತ್ ಅಜು಼ ಜಾ಼ನ್ಜ಼ಮಾನ್ ತಯೇಡಾವ್ನ ಪಾಕ್ಮನ್ಥಿ ನ್ಹಾನಿ ಭೇನ್ ಮೋಟಿಭೇನೆವ್ನಿ ಮತ್ ದೇಕ್ಣು, ಇವ್ಣ ಜೋ಼ಡೆ ಪಾಕ್ಮನ್ಥಿ ಚಾ಼ಲಿಲೇವ್ಣು.
ಕತೋಬಿ ತೂ, ಮಾರಿ ಜೀವನ್ನಿ ತರೀಕ,ಮಾರಿ ಜೀವನ್ನಿ ಉದ್ದೇಶ್,ಮಾರು ವಿಶ್ವಾಸ್ ಅಜು಼ ಮೆ ಖ್ಹಮಾಳಿಲ್ಯವಾನು,ಮಾರಿ ಪ್ಯಾರ್, ಮಾರಿ ಭಾಲಿ ಆ ಅಖ್ಖು ತುನೆ ಚ಼ಲೈರಾಖ್ಯೊಸ್.
ದೇವ್ನಿ ಸುವಾರ್ತೆ ಅದ್ಮಿವೋನ ಅಛ್ಛಿ ವಖ್ಹತ್ಮ ಖಬರ್ ವಖ್ಹತ್ಮ ಬೋಲಿದೆ. ಅದ್ಮಿಖ್ಹಾರು ಕರ್ನುತೆ ಇನ ಇವ್ಣುನ ಬೋಲಿದೆ. ಇವ್ಣೆ ಗಲತ್ ಕರಾನಿ ವಖ್ಹ್ತೆ ಯೋ ಇನ ಒತಾಳ್, ಇವ್ಣುನ ಗುರ್ಕಾವ್, ಹುಮ್ಮಖ್ಹ್ರ್ಹಿನ್ ಘಣು ಖ್ಹಮಾಳಿರ್ಹೀನ್ ಅಜು಼ ಹೊಷಾರ್ಥಿ ಕರ್.
ತುಮಾರ ಭೋದನ್ ಕಾಮ್ ಖ್ಹಾರಾಮ, ತೂ ಕಿಮ್ ರ್ಹೇಸ್ಕಿ ತಿಮ್ ಬಿಜೇಕ್ ಜ಼ಣಾನ ಬರಾಬರ್ಥಿ ವತಾಳಿಲೆ. ತೂ ಶಿಕಾನ ಹಗಾಮ್ಮ ಇಮಾನ್ದಾರ್ ಅಜು಼ ಗ್ರಿಸ್ತಿಥಿ ರ್ಹೇ.
ಕತೋಬಿ ದೇವ್ಥಿ ಆವಾನಿ ಗ್ಯಾನ್ ಪಹಿಲೆ ಪರಿಶುದ್ ಹುಯಿರ್ಹವಾಳು ಇನಪಾರ್ ಸಮಾಧಾನ್ವಾಳು, ಶೇದೇವ್ ಹುಯಿರ್ಹವಾಳು, ವಿಧೇಯ ರ್ಹವಾಳುಬಿ, ಗೋರ್ಥೀಬಿ ಅಜು಼ ಅಛ್ಛಿ಼ಫಲ್ಥೀಬಿ ಭರೈರ್ಹವಾಳು, ಶುದ್ಧಮನ್ಥಿ ಬೋಲವಾಳು, ಖ್ಹಾಚು಼ ಬೋಲವಾಳುಕರಿ ಖುಷಿಥಿ ಮಾನಿಲ್ಯಾವನು ಹುಯಿರ್ಹುಸ್.
ಪರ್ಲೋಕ್ಥು ಮೋಕ್ಲೈರ್ಹುತೆ ಪರಿಶುದ್ದಆತ್ಮಥಿ ತುಮುನ ಸುವಾರ್ತೆನ ಬೋಲವಾಳು ಹಮ್ಕೆ ತುಮುನ ಖ್ಹಮ್ಜಾ಼ಡನಿತರ ಅಜು಼ ದೂತರ್ ಡೋಳಲಗಾಡಿನ್ ದೇಕ್ಣು ಕರಿ ಅಖ್ಹ್ಕರ್ಯುತೆತಿಮ್ ಅಖ್ಖಕಾಮ್ಮ ಇವ್ಣಖ್ಹಾಜೆ ಕಾಹೆ ಅಪ್ಣ ಖ್ಹಾಜೆಸ್ ಸೇವೆ ಕರಿರಾಖ್ಯುಸ್ಕರಿ ಇವ್ಣುನ ದೆಖಾಯು.
ತುಮೆ ಖ್ಹಾಚ ಉಪದೇಶ್ನ ವಿಧೇಯ ಹುಯಿರ್ಹಿನ್ ತುಮಾರ ಆತ್ಮಾನ ಪಾಕ್ ಕರಿಲಿದಾತೆ ಇನಾಖ್ಹಾಜೆ ಪಾಕ್ಮನ್ಥಿ ಭೈಯೆಭೇನೆನಿ ಪ್ಯಾರ್ವಾಳ ಹುಯಿರ್ಹೇವ್ಣು. ಅಮ್ರ್ಹವಾಪರ್, ಏಕ್ಥಿಏಕ್ ಪಾಕ್ದಿಲ್ಥೀಬಿ, ಛು಼ಟ ದಿಲ್ಥಿ ಪ್ಯಾರ್ಕರೊ.
ಮಾರ ಲಾಡ್ನ ಲಡ್ಕಾವೊ, ತುಮೆಖಾಲಿ ವಾತೆಥೀಬಿ ರ್ಹವೊ, ಅಛ್ಛಿವಾತ್ ಬೋಲಾಥೀಬಿ ಪ್ಯಾರ್ಕರವಾಳ ನಾಹುಯಿರೇವ್ಣುತೆ ಕರ್ನಿಥಿಬಿ ಅಜು಼ ಖ್ಹಾಚಿ ಮೊಹೊಬಥ್ಥಿ ಪ್ಯಾರ್ ಕರಾವಾಳ ಹುಯಿರ್ಹೇಣು.