2 ಕೊರಿಂಥ 6:5 - ದೇವ್ನಿ ಖ್ಹಾಚಿ ವಚನ್

⁵ ಜೇಲ್‌ಮಾಬಿ, ಲಡೈಮಾಬಿ, ಖ್ಹತಾಪ್ಣಿನ ರಬೇಡ್‍ಮಾಬಿ, ನಿಂದರ್‌ ಖರಾಬ್ ಹುಯ್ಗಿತೋಬಿ, ಪಟ್ನಿರ‍್ಹಯೊತೋಬಿ, ಘಣಿ ಸಮಾಧಾನ್ನ ವತಾಳಿಲಿದ.

2 ಕೊರಿಂಥ 6:5 ပူးပေါင်းရင်းမြစ်များ

ಮತ್ತಾಯ 14:10

ಅಜು಼ ಆಳ್‌ನ ಮೋಕ್ಲಿನ್, ಜೇಲ್‌ಮ ಕೋಂಡಿ ಘಾಲಿರಾಖ್ಯುತೆ ಹಿಜ್ಜಾ಼ ಯೋಹಾನನು ಮುಡ್‌ಕ್ಯು ಕತ್ರಾಯೊ.

ಮತ್ತಾಯ 14:3

ಹೆರೋದನೆ ಹೆರೋದ್ಯನಖ್ಹಾಜೆ ಯೋಹಾನ್ನ ಧರೈನ್, ಭಂದೈನ್, ಜೇಲ್‌ಮ ಕೋಂಡಿ ಘಲಾಯೋಥೊ. ಆ ಹೆರೋದ್ಯ ಹೆರೋದನೊ ಮೋಟೊ ಭೈ ಫಿಲಿಪ್ಫನಿ ಬಾವಣ್‍ ಹುಯಿರ‍್ಹೀಥಿ.

ಮತ್ತಾಯ 9:15

ಯೇಸುನೆ ಇವ್ಣುನ, “ವ್ಯಹಾನ ಛ಼ತ್‍ಮ ಆಯೂತೆ ಅದ್ಮಿ ಇವ್ಣ ಜೋ಼ಡೆ ನೌಶೊ ರ‍್ಹವಾತೋಡಿ ಇವ್ಣುನ ದುಖ್ ರ‍್ಹಿಶೇಕಿ ಶು? ಕೊಯ್ನಿ! ಕತೋಬಿ ನೌಶೊ ಇವ್ಣಾಕಂಥು ಮ್ಹೆಂದಿನ್ ಜಾ಼ವಾನಿ ವಖ್ಹತ್ ಆವ್‌ಶೆ, ತದೆ ಇವ್ಣೆ ದುಖ್ ಕರ್ಶೆ ಅಜು಼ ಉಪವಾಸ್ ಕರ್ಶೆ” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:3

ಇನಖ್ಹಾಜೆ ಸಬೆವಾಳು ಉಪವಾಸ್ ರ‍್ಹೀನ್ ಪ್ರಾರ್ಥನೆ ಕರಿನ್ ಬಾರ್ನಬ ಸೌಲನ ಉಪ್ಪರ್ ಹಾತ್‍ಮ್ಹೇಲಿನ್‍ ಇವ್ಣುನ ಬೋಲಿ ಮೋಕ್‍ಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:19

ಇನಕೇಡೆಥು ಥೋಡು ಯೆಹೂದ್ಯರ್, ಅಂತಿಯೋಕ್ಯಥೂಬಿ ಅಜು಼ ಇಕೋನ್ಯಥು ಐನ್ ಪೌಲನ ವಿರೋದ್ ಅದ್ಮಿಖ್ಹಾರಾನ ಭೀರಾಖಿನ್, ಪೌಲನಪರ್ ಬಂಡೊಫೇಕಿನ್ ಯೋ ಮರಿಗಯೊಕರಿ ಲಾಝಿನ್ ಖ್ಹಯೇರ್‌ಥಿ ಭಾರ್‌ ಖೇಚಿಲಾಯಿ ನಾಖೀದಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:23

ಪೌಲ,ಬಾರ್ನಬನೆ ಹರೇಕ್ ಸಭೆನ ಇವ್ಣಿ ಹುಕುಮ್‌ಲೀನ್ ಯೋ ಸಬೆನಖ್ಹಾಜೆ ಕರಿ ಶಾಣಖ್ಹಾರಾನ ಚೂ಼ಣ್ಯ. ಇವ್ಣೆ ಉಪವಾಸ್ ರ‍್ಹೀನ್ ಪ್ರಾರ್ಥನೆ ಕರೀನ್ ಇವ್ಣೆ ವಿಶ್ವಾಸ್ ಕರಿರಾಖ್ಯಥಾತೆ ಶಾಣಾಖ್ಹಾರನ ಪ್ರಭುನ ಹಾತ್ಮ ದಿದಾ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:5

ಕತೋಬಿ ನಂಬ್ಯುಕೊಂತೆ ಯೆಹೂದ್ಯಖ್ಹಾರು ಬಳಾಪೊ ಕರ‍್ಯು. ಇವ್ಣೆ ಖ್ಹಯೇರ್‌ಮ ಥೂತೆ ಥೋಡ ಖರಾಬ್ ಅದ್ಮಿವೋನ ಪೈಶಾದೀನ್ ಬುಲೈಮಂಗೈನ್‌ ಗಮ್ಮ ಗಲಾಟ್ ಕರೈನ್, ಪೌಲಬಿನ್ ಸೀಲನ ಖ್ಹಯೇರ‍್ನ ಸಭೆನ ಖ್ಹಾಮ್ಣೆ ಲೀನ್‍ ಆವ್ಣುಕರಿ ಯಾಸೋನನ ಘರ್‌ನ ಘೇರ್ತುಹುಯಿನ್ ಆಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:31

ಇನಖ್ಹಾಜೆ ಡೋಳಾನು ಆಂಝು಼ ನಾಕ್ತೊ ಹುಯಿನ್ ಮೇ ತೀನ್ ವರಖ್ಹ್ ದನ್ ತುಮಾರಿ ಜೋ಼ಡೆರ‍್ಹೀನ್ ಮೇ ತುಮೂನ ರ‍್ಹೇಣ್‍ದನ್ ಶಿಕಾಡ್ತೊಹುಯಿನ್ ತುಮೂನ ಹೊಷಾರ್ ಕರ‍್ಯೊತೆ ಯಾದ್ಮ ರಾಖೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:10

ಆ ಹೊಜ್ಜತ್ ಘಣಿ ಹುಯಿನ್, ಅದ್ಮಿನು ಝೂ಼ಂಡ್‌ ಪೌಲನ ಖೇಚ಼ತಾಣಿ ಕರೀನ್ ಫಾಡಿ ಟುಕ್‌ಡ ಟುಕ್‌ಡಾ ಕರಿನಾಕ್ಷೆಕರಿ ಡರ್‌ಥಿ ಸೇನಾಧಿಪತಿನೆ ಶಿಪಾಯಿಖ್ಹಾರಾನ ತುಮೆ ಹೇಟ್ ಉತ್ರಿಜೈ಼ನ್ ಪೌಲನ ಜು಼ಲಮ್‌ಥಿ ಇವ್ಣಕಂಥು ಛೋ಼ಡೈನ್ ಕೋಟೆಮ ಲ್ಯಾವ್ಣುಕರಿ ಹುಕುಮ್ ದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:35

ರಾಜ್ಯಪಾಲ್ನ, “ವಿರೋದ್ ಹುಯಿರ‍್ಹುತೆ ಯೆಹೂದ್ಯರ್‌ಖ್ಹಾರು ಹಜ್ಜಾ಼ ಆವಾದಿನ್, ಮೇ ತಾರ ಅಖ್ಖಾಸ್ ಕಾಮ್ನ ವಿಚಾರ್ ಕರಿಶ್” ಕರಿ ಬೋಲಿನ್ ಪೌಲನ ಹೆರೋದಾನಿ ಮಹೇಲ್‌ಮ ರಾಖಿನ್ ಕಾವ್ಲಿ ಕರ್ನುಕರಿ ಹುಕುಮ್‌ ದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:27

ಬೇ ವರಖ್ಹ್‌ನ ವಾರ್ ಫೇಲಿಕ್ಸ್‌ನ ಬದಲ್ ಪೋರ್ಕಿಯ ಫೆಸ್ತ ಕರಿ ರಾಜ್ಯಪಾಲ್‌ಹುಯಿನ್ ಆಯೊ. ಫೇಲಿಕ್ಸನೆ ಯೆಹೂದ್ಯರ್‌ನಿ ಪ್ಯಾರ್ ಕಮಾವ್ಣು ಕರಿ ಆಖ್ಹ್‌ಕರೀನ್ ಪೌಲನ ಜೇಲ್‌ಮಾಸ್ ಮ್ಹೆಂದಿನ್ ಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:10

ಯೆರೂಸಲೇಮ್ಮ ಇಮ್ಮಸ್ ವಿಶ್ವಾಸಿನ ವಿರೋದ್‍ಕರೀನ್ ಕೈಯೆಕ್ಕಿ ಕಾಮ್ ಕರ‍್ಯೋಥೊ. ಯೋ ವಿಶ್ವಾಸಿಖ್ಹಾರಾಮ ಕೆತ್ರಾಕಿಜ಼ಣಾನ ಜೇಲ್‌ಮ ಘಾಲಾನ ಮಹಾಯಾಜಕರ‍್ನೆ ಮನ ಅದಿಕಾರ್ ದಿದೊ. ಇವ್ಣುನ ಮರಣ್ಣಿ ತೀರ್ಪ್‍ನಿ ವಖ್ಹ್‌ತೆ ಮೇ ಇನ ಮಾನಿಲಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:29

ಇನ ಪೌಲನೆ; ನ್ಹಾನಿ ಕೋಶಿಶ್‍ಥಿ ರ‍್ಹವೊ, ಮೋಟಿ ಕೋಶಿಶ್‍ಥಿ ರ‍್ಹವೊ, ಯೊ ಮನ ಮುಖ್ಯ ಕಾಹೆ. ತೂಸ್ ಖಲಿಕಾಹೆ ಆಜ಼್ ಮನ ಖ್ಹಮ್‌ಜು಼ಕರಾತೆ ಹರೇಕ್‌ಜ಼ಣು ಮಾರಿನಿತರ ಹೋಣುಕರಿ ಮೆ ದೇವ್ನ ಪ್ರಾರ್ಥನೆಕರುಸ್ ಕತೋಬಿ ಆ ಖ್ಹಂಕಳ್‌ಮ ಪಣ್ಕಿ ತುಮೆ ನಾಜ಼ಕ್‌ಡಾವ್ಣು ಕರಿಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:30

ಇನಕೇಡೆಥು ಯೋಸ್ ಭಾಡು ಲೀರಾಖ್ಯೊಥೊತೆ ಘರ್‌ಮ ಬೇ ವರಖ್ಹ್‌ಲಗು ರ‍್ಹೀನ್, ಇನಕನ ಆವಾಳಾನ ಖ್ಹಾರಸ್ನ ಸ್ವಾಗತ್ ಕರೀನ್ ಬುಲೈಲೇತೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:18

ಇವ್ಣೆ ಅಪೊಸ್ತಲರ‍್ನ ಅಖ್ಖಾನ ಮಾಲುಮ್‌ರ‍್ಹೇಸ್ತೆ ಖ್ಹಾರ್ಕೊಟ್‌ಮ ಕೊಂಡಿನ್‌ ಘಾಲಿದಿದು.

1 ಕೊರಿಂಥ 15:10

ಕತೋಬಿ ಮೇ ಕೆಥ್ರಾನವಾಳೊ ಹುಯಿರ‍್ಹೋಥೊಕಿ ಯೊ ದೇವ್‌ನೊ ವಾರ್‌ಖ್ಹೊಸ್ ಹುಯಿರುಸ್. ಮನಹುಯುತೆ ಇನೊ ವಾರ್‌ಖ್ಹೊ ಬಿಣ್‌ಫಾಯಿದೊ ಹುಯುಕೋಯ್ನಿ. ಮೇ ಇವ್ಣ ಅಖ್ಖೇಥೀಸ್ ಕೆತ್ರೇಕ್ಕಿ ಜಾ಼ಖ್ಹತ್ ವಾಖ್ಯೊಕರ‍್ಯೊ. ಕತೋಬಿ ಮ್ಹಿನತ್ ಕರ‍್ಯೊತೆ ಮೇಸ್ ಕಾಹೆ ದೇವ್ನಿ ವಾರ್‌ಖ್ಹೇಥಿಸ್ ಹುಯು.

1 ಕೊರಿಂಥ 4:11

ಹಮ್ಕೆಲಗೂಬಿ ಹಮೆ ಭುಕ್ಯಛಿಯ್ಯೆ಼; ಠೋಖ್ಹ್‌ಲಾಗ್ಯಹುಯ ಹುಯಿರ‍್ಹಾಸ್; ಫೆರಾನಖ್ಹಾಜೆ ಹೋಣುತೆ ಎತ್ರು ಲುಂಗ್ಡು ಕೊಯ್ನಿ; ಕದೆಕದೆ ಮಾರ್ ಖಾವವಾಳ; ಹಮುನ ಘರ್‌ಬಿಕೊಯ್ನಿ.

1 ಕೊರಿಂಥ 7:5

ಪ್ರಾರ್ಥನೇನಿ ವಖ್ಹತ್‌ನಖ್ಹಾಜೆ ತುಮೆ ಏಕ್‌ಥಿಏಕ್ ಒಪ್ಪಂದಾನ್‍ಥಿ ಥೋಡಿ ವಖ್ಹತ್ ಮ್ಹೇಲಿನ್ ರ‍್ಹಯೇಜಾ಼ಯ್ ಪಣ್ಕಿ ಅಮ್ನಿತರ ನಾ ಕರ‍್ನು. ಶೈತಾನ್ ತುಮಾರಿ ಕಮ್‌ಜೋ಼ರಿನ ದೇಖಿನ್ ತುಮೂನ ಖರಾಬ್‌ಖ್ಹಯಾಲ್‌ಮ ನಾ ಖೇಚಾ಼ನಿತರ ಪಾಛು಼ ಎಕ್ಟು ಹುಯಿಜಾ಼ವೊ.

2 ಕೊರಿಂಥ 11:27

ಮೇ ಖ್ಹತೀನ್ ರಾಬ್ಯೊ. ಕೆತ್ರಿಕ್ಕಿ ವಖ್ಹತ್ ನಿಂದರ್‌ಕೋಲಿದೋನಿ. ಭುಕ್ ಠೋಖ್ಹ್‌ ಶಾತ್‌ಕರಿ ಮಾಲುಮ್ ಕರಿಲಿದೊ. ಖಾಣುಕೊಂತೆ ಕೆತ್ರಿಕ್ಕಿ ವಖ್ಹತ್ ಪಟ್ನಿ ಪಡ್ಯೊರ‍್ಹಯೊ. ಬರೋಬರ್‌ನು ಲುಂಗ್ಡುಕೊಂತೆ ಠಣ್‍ಮ ಕಾಪ್ತೊ ರ‍್ಹಿಯೊ.

ಎಫೆಸ 3:1

ಅಮ್‍ರ‍್ಹವಾಪರ್ ಪೌಲ ಹುಯಿರ‍್ಹೋತೆ ಮೆ ಯೆಹೂದ್ಯರ್‌ಕಾಹೆತೆ ತುಮಾರ ಖ್ಹಾಜೇಥಿ ಕ್ರಿಸ್ತ ಯೇಸುನಖ್ಹಾಜೆ ಖ್ಹಾರ್ಕೊಟ್‌ಮ ರ‍್ಹವಾಳೊ ಹುಯಿರ‍್ಹೋಸ್.

ಫಿಲಿಪ್ಪಿ 1:13

ಕಿಮ್‌ಕತೊ ಮೆ ಜೇಲ್‌ಮ ರ‍್ಹವಾನು ಕ್ರಿಸ್ತನ ಖ್ಹಾಜೆಸ್ ಕರಿ ಮಹೇಲ್‌ನ ಕಾವ್ಲಿ ಕರಾವಾಳ ಖ್ಹಾರನಾಬಿ ಬಿಜು಼ಖ್ಹಾರನಾಬಿ ಮಾಲುಮ್‌ಪಡ್ಯು.

1 ಥೆಸ 2:9

ಭೈ ಭೇನೊ ಹಮೆ ತುಮಾರಾಮ ಕಿನಾಪರ್‌ಬಿ ಭಾರೊ ನಾ ನಾಕ್ಣು ಕರಿ ರಾತ್-ದನ್ ಕಾಮ್ ಕರೀನ್, ಜಿವ್ಣು ಚ಼ಲಾವ್ತಹುಯಿನ್, ದೇವ್ನಿ ಸುವಾರ್ತೆನ ತುಮೂನ ಬೋಲಿವತಾಳ್ಯ, ಯೋ ಹಮಾರಿ ಲತಾಡಬಿ ಮ್ಹಿನತ್ ಖ್ಹಾರು ತುಮಾರಿ ಯಾದ್ಮ ರ‍್ಹವಾದೆ.

1 ತಿಮೊ 4:10

ಅಜು಼ ಹಮೆ ಕಠಣ್‍ಥಿ ಖ್ಹಮಾಳಿನ್ ವಾಖ್ಯೊ ಪಡುಕರ‍್ಯೇಸ್. ಹಮೆ ಹಮಾರ ಭರೋಖ್ಹಾನ ಜಿವ್ತ ದೇವ್ನ ಉಪ್ಪರ್ ರಾಖಿಮ್ಹೇಲ್ಯಸ್. ಯೋ ಅಖ್ಖಾನ ಬಚಾ಼ಡವಾಳೊ ಅಜು಼ ಜಾ಼ಖ್ಹತ್ ವಿಶ್ವಾಸ್ ಕರವಾಳನ ರಕ್ಷಕ್ ಹುಯಿರೋಸ್.

2 ತಿಮೊ 1:8

ಅನಖ್ಹಾಜೆ ಅಪ್ಣೊ ಪ್ರಭುನಿ ಬಾರೇಮ ಸಾಕ್ಷಿ ಬೋಲಾನ, ಕ್ರಿಸ್ತನಖ್ಹಾಜೆ ಜೇಲ್‌ಮ ಛೂ಼ತೆ ಮಾರಿಬಾರೇಮ ಖ್ಹರ್‌ಮೈಶ್ ನಕೊ.ತುನ ಹೋಣುತೆ ಶಕತ್ನ ದೇವಸ್ ದಿಶೆ. ಇನ ಬದಲ್ ದೇವ್ನಿ ಅಛ್ಛಿ ಖಬರ್‌ನಖ್ಹಾಜೆ ಮಾರ ಜೋ಼ಡೆ ಲತಾಡ ಪಡ್.

2 ತಿಮೊ 2:9

ಶನಕತೊ ಮೇ ಅಛ್ಛಿ ಖಬರ್‌ನ ಬೋಲುಸ್ತೆ ಇನಖ್ಹಾಜೇಸ್, ಮೇ ಖ್ಹತುಕರೂಸ್ತೆ ಅಜು಼ ಮನ ಖೈದಿನಿಘೋಣಿ ಖ್ಹಂಕಳ್‌ಥೀಬಿ ಭಾಂದಿರಾಖ್ಯುಸ್. ಕತೋಬಿ ದೇವ್ನಿ ವಚನ್ ಭಂದೈರ‍್ಹಿ ಕೊಯ್ನಿ.

2 ತಿಮೊ 4:5

ಕತೋಬಿ ತೂ ಅಖ್ಖಿ ಹಾಲ್‌ಮ ತಾರು ತೂ ದಾಬುಕ್‌ಥಿ ರ‍್ಹೇ; ಖ್ಹತಾಪ್ಣಿ ಆಯುತೊ ಖ್ಹಮಾಳಿಲೇ, ಅಛ್ಛಿ ಸಮಚಾರ್‌ನ ಬೋಲವಾಳೊ ಹುಯಿರ‍್ಹೆ, ಅಜು಼ ತುನ ದೆವೈರ‍್ಹೀತೆ ಸಬೇನು ಕಾಮ್ನ ಬರಾಬರ್‌ಥಿ ಕರ್‌. ಮಾರಿ ಬಾರೇಮ ಬೋಲ್‌ನು ಕತೊ ಮಾರಿ ವೇಳ್ ಐರ‍್ಹೀಸ್ ಮೇ ಬಲಿ ಹುವಾನು ವಖ್ಹತ್ ಆವ್‌ತುರ‍್ಹು.

ಇಬ್ರಿ 11:36

ಬಿಜು಼ ಥೋಡುಜ಼ಣು ಚಿಂಘಾವ್ಣಿ, ಕೊಲ್ಡೇಖ್ಹು, ಬೇಡಿ ಘಲೈನ್ ಜೇಲ್‌ಮ ರ‍್ಹಯು.

ಇಬ್ರಿ 13:17

ತುಮಾರು ಸಬೆನ ಮೋಟಾವ್ನಿ ವಾತೆನ ಖ್ಹಮ್‌ಜೊ಼, ಇವ್ಣ ದಾಬುಕ್ಮ ರ‍್ಹವೊ. ಇವ್ಣೆ ಗಣ್ತಿ ದೇವ್ಣುತೆ ಖ್ಹಾಜೇಥಿ ತುಮಾರ ಆತ್ಮವ್‌ನ ಕಾವ್ಲಿ ಕರಾವಾಳ ಹುಯಿರ‍್ಹಾಸ್. ಇವ್ಣೆ ದುಖ್ ನಾಕರ‍್ನುತೆ ಖ್ಹುಶಿಥಿ ಅನ ಕರಾನಿಘೋಣಿ ಚಾ಼ಲಿಲೆವೊ. ಶನಕತೊ ಇವ್ಣೆ ದಿಲ್‌ ದುಖ್‌ಕರೀನ್ ಕರಾನಿ ಸೇವೇಥಿ ತುಮುನ ಫಾಯಿದೊ ಹುವಾನುಕಾಹೆ.

ಇಬ್ರಿ 13:23

ಅಪ್ಣೊ ಭೈಹುಯಿರ‍್ಹೊತೆ ತಿಮೊಥೆನಾಬಿ ಜೇಲ್‌ಮಾಥು ಛುಟ್ಕಾರ್ ಹುಯುಕರಿ ತುಮುನ ಮಾಲುಮ್ ರ‍್ಹವಾದೆ. ಯೋ ಒಗ್ಗಿಮ ಆಯೋತೊ ಮೇ ಇನಜೋ಼ಡೆ ಐನ್ ತುಮುನ ದೇಖಿಶ್‌.

ಪ್ರಕಾಶಿತ್ 2:10

ತುನ ಹುವಾನು ಖ್ಹತಾಪ್ಣಿನಖ್ಹಾಜೆ ನಕೊ ಡರಿಶ್. ಹಂದೇಕ್ ತುಮುನ ತರೀಪ್ಷಕರಾನ ಶೈತಾನ್ನ ತುಮಾರಮ ಥೋಡಾನ ಜೇಲ್‌ಮ ಘಾಲ್ನು ಕರಿ ಛಾ಼ ಅಜು಼ ದಖ್ಹ್‌ ದನ್‌ಲಗು ತುಮುನ ಖ್ಹತಾಪ್ಣಿರಿಷೆ. ತು ಮರಾಲಗು ವಿಶ್ವಾಸ್‌ನ ಯೋಗ್ಯಹುಯಿರೆ, ಮೇ ತುನ ಜಾನ್ನು ಕಿರೀಟ್‍ನ ದೆವಾಳೊ ಛೂ಼.