2 ಕೊರಿಂಥ 5:1 - ದೇವ್ನಿ ಖ್ಹಾಚಿ ವಚನ್

¹ ಧರ್ತಿಪರ್ ಅಪ್ಣೆ ಜಿವಿರ‍್ಹಾತೆ ಆ ಡೇರೊ ಕತೊ ಆ ಶರೀರ್ ನಾಶ ಉಷೆಕರಿ ಅಪ್ಣುನ ಮಾಲುಮ್‌ಛಾ಼. ಅಪ್ಣೆ ಜಿವಿರ‍್ಹಾವಾನ ಖ್ಹಾಜೆ ದೇವ್ ಅಪ್ಣುನ ಏಕ್‌ ಘರ್‌ದಿಶೆ. ಯೋ ಅದ್ಮಿನ ಹಾತೇಖ್ಹು ಕರ‍್ಯುಹುಯು ಘರ್‌ಕಾಹೆ. ಯೋ ಪರ್‌ಲೋಕ್‌ಮ ದೇವ್‍ಥಿ ಬಣಾಯುಹುಯು ಹರ್‌ಹಮೇಶ ರ‍್ಹವಾನು ಘರ್ ಹುಯಿರುಸ್.

2 ಕೊರಿಂಥ 5:1 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:48

ಪ್ರವಾದಿ ಬೋಲಾತೆತಿಮ್ ಪರಮಂಡಲ್‌ನೊ ದೇವ್ ಅದ್ಮಿನ ಭಾಂದಾತೆ ಘರ್‌ಮ ರ‍್ಹವವಾಳೊ ಕಾಹೆ.

1 ಕೊರಿಂಥ 3:9

ಶನಕತೊ ಹಮೆ ದೇವ್ನಖ್ಹಾಜೆ ಜೋ಼ಡ್ಮಕಾಮ್‍ ಕರಾವಾಳ. ತುಮೆ ದೇವ್ನು ಖೇತರ್‌ ಹುಯಿರ‍್ಹಾಸ್. ದೇವ್ನು ಪ್ರಾರ್ಥನೇನಿ ಮಂದಿರ್‌ ಹುಯಿರ‍್ಹಾಸ್.

2 ಕೊರಿಂಥ 4:7

ಮಾಟಿನ ಮಟ್ಕಾನಿ ತರ ಛಿಯೇತೆ ಅಪ್ಣಾಮ ಆ ನಿಧಿ ಮ್ಹೆಲಿರಾಖ್ಯುತೆ ಇನಖ್ಹಾಜೆ ಅಥ್ರಾನಿ ಮಹಾನ್ ಶಕತ್ ದೇವ್‍ನೀಸ್ ಪಣ್ಕಿ ಅಪ್ಣಾಮಾಥು ಆಯುಕೊಂತೆ ಖ್ಹಾಚಿಸ್.

2 ಕೊರಿಂಥ 5:4

ಆ ಧರ್ತಿನ ಡೇರಾಮ ರ‍್ಹಾವಾಲಗು ಅಪ್ಣುನ ವಜ಼ನ್ನೊ ಭೋಜೊ ಪಾಡಿಲೀನ್ ಥರ್‌ಪಡೇಸ್; ಆ ಶರೀರ್ ಉಘಾಡು ಹುಯಿರ‍್ಹೇವ್ಣುಕರಿ ಕಾಹೆ; ಇನ ಬದಲ್ ಅಪ್ಣೆ ಪರ್‌ಲೋಕ್‌ನು ಘರ್‌ನ ಫೇರಿಲ್ಯಾವಾನ ಆಖ್ಹ್‌ಕರಿಯೇಸ್. ಮರಿಜಾ಼ವಾನು ನೂಛೈ಼ಜಿನ್ ಹರ್‌ಹಮೇಶ ಜಿವ್ತು ರ‍್ಹವಾನಾಸ್ ಆಖ್ಹ್ ಕರಿಯೇಸ್.

ಕೊಲೊಸ್ಸೆ 2:11

ದೇವ್ನೆ ಇನಾಮ ತುಮುನ ಅದ್ಮಿನ ಹಾತೇಥಿ ಕರಾನ ಕೊಹುವಾನಿತೆ ಖ್ಹತ್ನಾನ ಕರಿರಾಖ್ಯೊಸ್. ಕ್ರಿಸ್ತನು ಖ್ಹತ್ನ ಶರೀರ್‌ನು ಪಾಪ್ನ ಸ್ವಭಾವ್‌ನ ಕಾಡಿನಾಖಸ್‌.

2 ತಿಮೊ 1:12

ಅನಖ್ಹಾಜೆಸ್ ಮೇ ಆ ಖ್ಹಾರು ಖ್ಹಮಾಳುಕರುಸ್ತೆ. ತೋಬಿ ಮೇ ಖ್ಹರ್‌ಮಾವ್‍ಕೊಯ್ನಿ. ಶನಕತೊ ಮೇ ಕಿನಾಪರ್ ಭರೋಖ್ಹೊ ಕರಿರಾಖ್ಯೋಸ್‌ಕಿ ಯೊ ಮನ ಮಾಲುಮ್‌ ಕರಿರಾಖ್ಯೋಸ್. ಅಜು಼ ಮನ ಅಛ್ಛಿನಿತರ ಮಾಲುಮ್‍ಕಿ ಯೋ ಮಾರ ಹಾತ್ಮ ಶಾತ್ ದೀರಾಖ್ಯೋಸ್ತೆ ಇನ, ಪ್ರಭು ಆವಾನು ಯೊ ದನ್ ಆವಾತೋಡಿ ಬಚಾ಼ಡನ ಶಕತ್‌ವಾಳೊ ಹುಯಿರ‍್ಹೋಸ್.

ಇಬ್ರಿ 11:10

ಶನಕತೊ ಇನೆ ಹಮೇಶ ಹದಿಪಾಯ ರ‍್ಹವಾನು ನಂಗರ‍್ನ ಕತೊ ದೇವ್ನೆ ಖ್ಹೂಜ಼್‌ಕರೀನ್ ತಯಾರ್ ಕರಿರಾಖ್ಯೊಸ್ತೆ ನಂಗರ‍್ನ ಅಬ್ರಹಾಮ್ ಮ್ಹೋರೆ ದೇಖುಕರ್ತೊಥೊ.

ಇಬ್ರಿ 9:11

ಕತೋಬಿ ಕ್ರಿಸ್ತ ಯೇಸು ತದೇಸ್‌ ಮಹಾಯಾಜಕ್ ಹುಯಿನ್ ಐರ‍್ಹೋಸ್. ಯೋ ದ್ಯವಾನು ಅಛ಼್ಛು ಫಲ್ ಖ್ಹಾರು ತದ್‌ನು ತದೇಸ್‌ ಅಪ್ಣುನ ಛ಼. ಯೊ ಸೇವೆ ಕರುಕರಸ್ತೆ ಡೇರಾನ ಘರ್‌ಮ ಅಗ್ಗಳ್‌ಥಿಬಿ ಜಾ಼ಖ್ಹತ್ ಮಹಾನ್ ಅಜು಼ ಭರ್‌ಪೂರ್‌ ಹುಯಿರ‍್ಹುಸ್. ಆ ಅದ್ಮಿನ ಹಾತೇಥಿ ಭಾಂದಿಹುಯು ಕಾಹೆ. ಆ ಲೋಕ್‌ನು ಉಬ್‍ಜಾ಼ವ್ಣಿನ ಕಾಹೆ.

ಇಬ್ರಿ 9:24

ಶನಕತೊ ಕ್ರಿಸ್ತ ಖ್ಹಾಚ ಮಂದಿರ್‌ ಘೋಣಿನಿತರಾನು ಹಾತೇಖ್ಹು ಭಾಂದ್ಯುಹುಯಿ ಪವಿತ್ರ ಝ಼ಗೋಮ ರ‍್ಹಿಯೊಕೊಂತೆ ಅಪ್ಣಭಣಿಥು ದೇವ್ನಖ್ಹಾಮ್ಣೆ ಹಮ್ಕೆ ದೆಖೈಲ್ಯವಾನಖ್ಹಾಜೆ ಸೊರ್ಗಾಮ ಪ್ರವೇಶ್‌ ಕರ‍್ಯೊ.

1 ಪೇತ್ರ 1:4

ಇಮ್ಮಸ್ ಅಪ್ಣುನ ಮಟಿಜಾ಼ಯಿಕೊಂತೆ ಧನ್‌ದೌಲತ್‌ನ ದ್ಯವಾನಖ್ಹಾಜೆ ಪರಲೋಕ್‌ಮ ಅಪ್ಣಖ್ಹಾಜೆ ಮ್ಹೇಲೈರ‍್ಹೂಸ್. ಯೋ ಕಂದ್‍ ಧರಾಕೊಯ್ನಿ ಅಜು಼ ನಾಶ್ ಹುಯಿಜಾ಼ಯ್‌ ಕೊಯ್ನಿ.

2 ಪೇತ್ರ 3:11

ಆಖ್ಹಾರು ಅಮ್ ಬರ್ಬಾತ್ ಹುಯಿಜಾ಼ಶೆಕತೊ ಇನಾಮ ತುಮೆ ಕೆಥ್ರಾನವಾಳ ಹುಯಿರ‍್ಹಿನ್ ಜಿವ್ಣುಕರ‍್ನು? ತುಮೆ ಪರಿಶುದ್ ಹುಯಿನ್‍ಬಿ ಅಜು಼ ದೇವ್ನ ಅದ್ಮಿಖ್ಹಾರು ಹುಯಿನ್ ಜಿವ್ಣುಕರ‍್ನು.

1 ಯೋಹಾನ 3:14

ಅಪ್ಣೆ ಅಪ್ಣ ಭೈಯೇ ಭೇನೆವೊನ ಪ್ಯಾರ್ ಕರಾಥಿ ಮರಣ್‍ಥಿ ನಿಕ್ಳಿನ್ ಕದೇಬಿ ರ‍್ಹವಾನ ಜಾನ್‌ಮ ಛಿಯೆ ಕರಿ ಅಪ್ಣುನ ಮಾಲುಮ್ ಛಾ಼. ಕೋಣ್ ಇವ್ಣ ಭೈಯೇ ಭೇನೇನ ಪ್ಯಾರ್ ಕರಾಕೊಯ್ನಿಕಿ ಇವ್ಣೆ ಮರಣ್‍ಮಾಸ್‍ ಛಾ಼.

1 ಯೋಹಾನ 3:19

ಅಮ್‍ ಅಪ್ಣೆ ಖ್ಹಾಚಿಮ ಮಳಿರ‍್ಹವಾಳ ಕರಿ ಅನೇಥಿಸ್‍ ಅಪ್ಣುನ ಮಾಲುಮ್ ಹುವಾಸ್, ತದೆ ಅಪ್ಣು ದಿಲ್‌ ದೇವ್ನ ಖ್ಹಾಮ್ಣೆ ಛುಟಾದಿಲ್‍ನೊ ಹುಯಿರ‍್ಹೇಸ್‍.

1 ಯೋಹಾನ 3:2

ಪ್ಯಾರ್‌ನ ದೋಸ್ತಿವೊ ಅಪ್ಣೆ ಹಮ್ಕೆ ದೇವ್ನ ಲಡ್ಕಾ. ಅಜು಼ ಆಗಾಡಿ ಅಪ್ಣೆ ಶಾತ್‌ ಲಿಶುಕರಿ ಕೆಥ್ರಾನವಾಳ ಹುಯಿರ‍್ಹಿಯೆಸ್ ಕರಿ ಬಿಜೂ಼ಬಿ ಖ್ಹಮ್‍ಜ್ಯಕೊಯ್ನಿ. ಕತೋಬಿ ಕ್ರಿಸ್ತಯೇಸು ಆವನಿ ವಖ್ಹ್‌ತೆ ಅಪ್ಣೇಬಿ ಇನಿನಿತರಾಸ್ ರಿಶು ಕರಿ ಮಾಲುಮ್ ಕರಿರಾಖ್ಯಸ್. ಶನಕತೊ ಯೋ ರ‍್ಹಿಶೇತೆ ರೂಪ್‍ಮಸ್ ದೇಕ್‌ಶು.