2 ಕೊರಿಂಥ 4:5 - ದೇವ್ನಿ ಖ್ಹಾಚಿ ವಚನ್

⁵ ಅಪ್ಣುನ ಅಪ್ಣೆಸ್ ಪ್ರಚಾರ್ ನಾಕರ‍್ನುತೆ ಅಪ್ಣುನ ಯೇಸುನ ಖ್ಹಾಜೆ ತುಮಾರ ದಾಸಕರಿ ಬೋಲಿನ್ ಕ್ರಿಸ್ತ ಯೇಸುನಾಸ್ ಪ್ರಭುಕರಿ ಬೋಲೆಸ್.

2 ಕೊರಿಂಥ 4:5 ပူးပေါင်းရင်းမြစ်များ

ಮತ್ತಾಯ 23:8

ಕತೋಬಿ ತುಮೆ ಗುರು ಕರಿ ನಕೊ ಬೋಲೈಲಿಶು; ಶನಕತೊ ಕ್ರಿಸ್ತ ಎಕ್ಕಸ್‍ಜ಼ಣೊ ತುಮೂನಛಾ಼ತೆ ಗುರು ಅಜು಼ ತುಮೆಖ್ಹಾರು ಭೈಯೇ ಭೇನೆನಿಘೋಣಿ ಹುಯಿರ‍್ಹಾಸ್.

ಮತ್ತಾಯ 3:11

ಮೇತೊ ಮನ್ ಫರಾವನ ತುಮೂನ ಪಾಣಿಥಿ ಬ್ಯಾಪ್ತಿಸ್ಮ ಕರವ್‍ಕರುಸ್. ಕತೋಬಿ ಮಾರ ಬಾದ್ಮ ಆವವಾಳೊ ಮಾರೇಥಿಬಿ ಶಕತ್‌ವಾಳೊ. ಇನಿ ಖೋಖ್ಹ್‌ಡಾನ ಢೋವಾನಾಬಿ ಮೇ ಲ್ಹಾಯೇಕ್‍ಕೊಯ್ನಿ; ಯೊ ಪವಿತ್ರಾತ್ಮಥಿಬಿ ಆಗ್‍ಥೀಬಿ ತುಮೂನ ಬ್ಯಾಪ್ತಿಸ್ಮ ಕರಾವ್‌ಶೆ.

ಯೋಹಾನ 7:18

ಕೋಣ್ ಇನುಯೋಸ್ ವಾತೆಬೋಲಿಲೇಸ್ಕಿ ಇನಿ ಶೊಂತ್ ಇಜ಼್ಜತ್‌ನ ಢೂಂಡಸ್. ಇನುಯೋಸ್ ಖ್ಹಾಚ಼ನ ಲೀಲಾವನ ಕೋಶಿಶ್ ಕರಾಸ್, ಕತೋಬಿ ಕೋಣ್‌ಇನ ಮೋಕ್‌ಲ್ಯೊತೆ ಇನಿ ಇಜ್ಜತ್‍ನ ಢೂಂಡಾವಾಳೊ ಅದ್ಮಿಸ್‌ ಖ್ಹಾಚೊ಼; ಇನಾಮ ಶನೀಶ್ ಗಲತ್‌ ಕೊ ರ‍್ಹೇಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:36

ದೇವ್ನೆ ಇಸ್ರಾಯೇಲ್‌ನ ಅದ್ಮಿನ ಜೋ಼ಡ್ಮ ಬೋಲ್ಯೊಥೊ ಯೋಸ್ ಖ್ಹಾರಜ಼ಣನ ಪ್ರಭು ಹುಯಿರ‍್ಹೋಸ್.ಯೊ ಯೇಸು ಕ್ರಿಸ್ತಾಥೀಸ್ ಸಮಾಧಾನ್ ಆವ್‍ಶೆಕರಿ ಬೋಲಾನು ಸುವಾರ್ತೆನ ದೇವ್ನೆ ಇವ್ಣುನ ಮೋಕ್‌ಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:36

ಇನಖ್ಹಾಜೆ ತುಮೆ ಶಿಲ್‌ಬೆಪರ್ ಛ಼ಡಾಯತೆ ಆ ಯೇಸುನಾಸ್ ದೇವ್ನೆ ಪ್ರಭುಕರೀಬಿ ಕ್ರಿಸ್ತಕರೀಬಿ ಹುಯಿರೊಸ್ ಕರಿ ಇಸ್ರಾಯೇಲ್‌ನ ಖುಮ್‍ವಾಳ ಅಖ್ಖಾನ ಮಾಲುಮ್ ಹುಯಿರ‍್ಹವಾದೆ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:31

ದೇವ್ ಇನಾಸ್ ಇಸ್ರಾಯೇಲ್ ಅದ್ಮಿನ ಮನ್ ಫರಾವನಾಬಿ, ಪಾಪ್ನ ಕ್ಷಮಾ ಕರಾನಖ್ಹಾಜೆಬಿ, ದೇವ್ನೆ ಇನ ಪ್ರಭು ಕರೀಬಿ ರಕ್ಷಕ್ ಕರೀಬಿ ಇನಿ ಖಾವಿ ಬಾಜು಼ಮ ಬೆಖ್ಹಾಡ್ಯೊ.

1 ಕೊರಿಂಥ 1:23

ಅಪ್ಣೆತೋಬಿ ಶಿಲ್‌ಬೇಪರ್ ಮರೈಗಯೋತೆ ಕ್ರಿಸ್ತನಿ ಬಾರೇಮ ಬೋಲಿಯೇಸ್. ಆ ಹೈರುತೆ ಯೆಹೂದ್ಯರ್‌ನ ಅಡ್ಡಿ ಹುಯಿರ‍್ಹೂಸ್. ಯೆಹೂದ್ಯರ್‌ಕಾಹೆತೆ ಅದ್ಮಿನ ಘೈಲಾನಿತರ ದೇಖಾವಸ್.

1 ಕೊರಿಂಥ 10:33

ಮೇತೊ ಮಾರಿ ಶೊಂತ್‍ ನಫ್ಫಾನಖ್ಹಾಜೆ ಢೂಂಡುಕೊಂತೆ ಖ್ಹಾರುಸ್ಜ಼ಣು ರಕ್ಷಣೆ ಲೇವ್ಣುಕರಿ ಇವ್ಣಿ ನಫ್ಫಾನಖ್ಹಾಜೆ ಅಖ್ಖಜ಼ಣಾಮ ಅಖ್ಖೀಸ್ ವಾತೇಮ ಖ್ಹರೈಲೆವುಸ್.

1 ಕೊರಿಂಥ 12:3

ಅಮ್‍ಛಾ಼ತೆ ಇನಖ್ಹಾಜೆ ಮೇ ತುಮೂನ ಖ್ಹಮ್‌ಜಾ಼ಡ್ಯುತೆ ಯೊ ಖ್ಹಮ್‍ಜೊ಼. ದೇವ್ನ ಆತ್ಮಥಿ ವಾತ್ ಬೋಲವಾಳೊ ಕೋಣ್‌ಬಿ, “ಯೇಸು ಶಾಪವಾಳೊ” ಕರಿ ಬೋಲಕೊಯ್ನಿ. ಪವಿತ್ರಾತ್ಮನಿ ಖ್ಹೂಜ಼್‌ಥೀಸ್ ಪಣ್ಕಿ ಕೋಣ್‌ಬಿ “ಯೇಸುಸ್ ಪ್ರಭು” ಕರಿ ಬೋಲಾನ ಹೋಯಿಕೊಯ್ನಿ.

1 ಕೊರಿಂಥ 15:47

ಪಹಿಲೊ ಅದ್ಮಿ ಜ಼ಮೀನ್ನು ಮಾಟಿವಾಳೊ ಹುಯಿರ‍್ಹೋಥೊ. ಬೇನೊ ಅದ್ಮಿ ಪರಲೋಕ್‌ಥೊ ಆಯೊ ಹುಯೊ.

1 ಕೊರಿಂಥ 2:2

ಶನಕತೊ ಮೇ ಶಿಲ್‌ಬೇಪರ್ ಮರಾಯೋತೆ ಯೇಸು ಕ್ರಿಸ್ತನಾಸ್ ಪಣ್ಕಿ ಬಿಜು಼ ಶನಾಬಿ ತುಮಾರಮ ಮಾಲುಮ್ ಕರಾವವಾಳೊ ಕೊ ಹುಯಿರ‍್ಹಿಶ್‌ನಿ ಕರಿ ತೀರ್ಮಾನ್ ಕರಿರಾಖ್ಯೊಸ್.

1 ಕೊರಿಂಥ 4:15

ತುಮೂನ ಕ್ರಿಸ್ತಮ ಬೋಧನೆ ಕರಾವಾಳು ದಖ್ಹ್‌ ಹಜಾ಼ರ್‌ ಜ಼ಣು ರ‍್ಹಯುತೋಬಿ ಬಾಕರಿ ಬೋಲೈಲ್ಯಾವಾಳೊ ಎಕ್ಕಸ್ ಜ಼ಣೊ. ಕ್ರಿಸ್ತ ಯೇಸುಮ ಸುವಾರ್ತೆಥಿ ತುಮುನ ಲೀಲಿದೋತೆ ಬಾ ಮೇಸ್ ಹುಯಿರ‍್ಹೋಸ್.

1 ಕೊರಿಂಥ 8:6

ಅಪ್ಣುನತೋಬಿ ಎಕ್ಕಸ್ ದೇವ್ ಛಾ಼. ಯೋ ಬಾಕರಿ ಬೋಲೈಲ್ಯಾವಾಳೊ; ಅಖ್ಖೂಸ್ ಉಬ್‍ಜ್ಯೊತೆ ಇನೇಥಿ ಹಮೆ ಇನಖ್ಹಾಜೆ ಜಿವೇಸ್ ಅಜು಼ ಏಕ್‍ನೊ ಏಕ್ಕಸ್‍ಜ಼ಣೊ ಪ್ರಭು ಛಾ಼. ಯೋಸ್ ಯೇಸು ಕ್ರಿಸ್ತ ಇನೇಥಿಸ್ ಹರೇಕ್ ತಯಾರ್‌ಹುಯು. ಇನೇಥಿಸ್ ಹಮೇಬಿ ಇನೇಥಿಸ್ ಛಿಯ್ಯೆ಼.

2 ಕೊರಿಂಥ 1:19

ಶನಕತೊ ಸಿಲ್ವಾನಾಬಿ, ತಿಮೊಥೆಬಿ ಬಿಜು಼ ಮೇ ತುಮುನ ಬೋಧನೆ ಕರ‍್ಯೊತೆ ದೇವ್‌ನೊ ಛಿಯ್ಯೊಹುಯಿರ‍್ಹೊತೊ ಯೇಸುಕ್ರಿಸ್ತ ಓಹೊ ಕರಿಬಿ ಕೊಯ್ನಿಕರಿಬಿ ಬೇ ತರ ಕೋಥೂನಿ. ಕ್ರಿಸ್ತಮ ಕದೇಬಿ ರ‍್ಹೇಸ್ತೆ “ಓಹೊ” ಕರೀಸ್.

2 ಕೊರಿಂಥ 1:24

ತುಮಾರಿ ವಿಶ್ವಾಸ್‌ನ ಕಬ್‌ಜಾ಼ಮ ರಾಖಾನ ಹಮೆ ಕೋಶಿಶ್ ಕರುಕರೇಸ್ ಕರಿ ಮೇ ಬೋಲುಕರುಕೊಯ್ನಿ. ತುಮೆ ವಿಶ್ವಾಸ್‌ಮ ಘಟ್‍ಛಾ಼ ಕತೋಬಿ ಹಮೆ ತುಮಾರಿ ಖ್ಹುಶಿನಖ್ಹಾಜೆ ತುಮಾರಿ ಜೋ಼ಡ್ಮಕಾಮ್‍ ಕರಾವಾಳ ಹುಯಿರ‍್ಹಾಸ್.

ಗಲಾತ್ಯ 5:13

ಭೈಯೇ ಭೇನೆವೊ, ತುಮೆ ಛುಟ್ಕಾರ್‌ಥಿ ರ‍್ಹೇವ್ಣುಸ್‌ಕರಿ ದೇವ್ನೆ ತುಮುನ ಬುಲಾಯೊ. ಕತೋಬಿ ತುಮುನ ಛಾ಼ತೆ ಛುಟ್ಕಾರ್‌ನ ಶರೀರ್‌ನ ಇಛ್ಛಾನಿ ಪರಕ್ಮ ಉಪಯೋಗ್‌ ನಾಕರ‍್ನುತೆ, ಪ್ಯಾರ್‌ಥಿ ಏಕ್‌ಥಿ ಏಕ್‌ ಸೇವೆಕರೊ.

ಫಿಲಿಪ್ಪಿ 1:15

ಥೋಡುಜ಼ಣು ಪೇಟ್ನೊ ಬಳಾಪೊಕರಿನ್ ದಿಲ್ಮ ಕಚ಼್ಚರ್ ರಾಖವಾಳ ಹುಯಿರ‍್ಹೇಸ್. ಕತೋಬಿ ಅಲಕ್ ಥೋಡುಜ಼ಣು ಅಛ್ಛಿ ಉದ್ದೇಶ್‌ಥಿ ಕ್ರಿಸ್ತನಿ ಸುವಾರ್ತೆನ ಬೋಲಿವತಾಳಸ್.

ಫಿಲಿಪ್ಪಿ 2:11

ಬಾ ಹುಯಿರ‍್ಹೋತೆ ದೇವ್ನಿ ಮಹಿಮೆನ ಖ್ಹಾಜೆ ಯೇಸು ಕ್ರಿಸ್ತನ ಪ್ರಭುಕರಿ ಹರೇಕ್ ಅದ್ಮಿ ಕಬೂಲ್‍ ಕರ್ಶೆ.

2 ತಿಮೊ 2:10

ಅನಖ್ಹಾಜೆಸ್ ದೇವ್ನೆ ಚೂ಼ಣಿರಾಖ್ಯೊತೆ ಅದ್ಮಿನಾಬಿ ಮಾರ ಜೋ಼ಡೆ ಇವ್ಣಖ್ಹಾಜೇಸ್ ಮೇ ಖ್ಹಾರುಸ್ ಖ್ಹಮಾಳಿಲೆವ್‌ಕರೂಸ್. ಕ್ರಿಸ್ತ ಯೇಸುಮ ಛಾ಼ತೆ ರಕ್ಷಣೆನ, ಇನಿ ಹಮೇಶಾನಿ ಮಹಿಮೆನ ಜೋ಼ಡೆ ಲೀಲೆಣು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:11

ಇವ್ಣ ಫಾಯಿದಾನಖ್ಹಾಜೆ ಬೋಲ್ನುನಾತೆ ವಚನ್ನ ಬೋಲಿದೀನ್‌, ಹಿಡಿ ಕುಟುಂಬ್‌ನಾಸ್ ನಾಶ್ ಕರುಕರಸ್. ಅನಖ್ಹಾಜೆಸ್ ಇವ್ಣು ಮ್ಹೋಡು ಮೂಚಿರ‍್ಹೇಣು.

2 ಪೇತ್ರ 2:3

ಇವ್ಣೆ ಪೈಶಾನಿ ಲಾಲ್‍ಛಿವಾಳು ಹುಯಿರ‍್ಹಿನ್, ಬಣೈಹುಯ್ ಖೇಣಿನ ಬೋಲ್ತುಹುಯಿನ್‌, ತುಮಾರೇಥಿ ನಫ್ಫೊ ಕರಿಲ್ಯಾವಾಳು ಹುಯಿರ‍್ಹಿಶೆ.ಇನಖ್ಹಾಜೆ ಘಣಾದನ್‍ಥು ಇವ್ಣುನ ಛಾ಼ತೆ ನಿಶತ್ನು ತೀರ್ಪ್ ಇವ್ಣುನ ಟಿವೈರ‍್ಹುಸ್. ಇವ್ಣುನ ಆವನಿ ನಾಶನ ಇವ್ಣೇಥಿ ಛು಼ಕಿಜಾ಼ಶೇಸ್ ಕೊಯ್ನಿ.