2 ಕೊರಿಂಥ 4:14 - ದೇವ್ನಿ ಖ್ಹಾಚಿ ವಚನ್

¹⁴ ಪ್ರಭು ಹುಯಿರೋತೆ ಯೇಸುನ ಮರ‍್ಯಾಹುಯಾಮಾಥು ಉಠಾಡ್ಯೋತೆ ದೇವ್ ಹಮುನಾಬಿ ಕ್ರಿಸ್ತನಿ ಜೋ಼ಡ್ಮ ಉಠಾಡ್‍ಶೆ ಕರಿ ಬೋಲಾನು ಹಮೂನ ಮಾಲುಮ್‌ಛಾ಼. ದೇವ್ ಹಮೂನ ತುಮಾರಿ ಜೋ಼ಡ್ಮ ಇನಖ್ಹಾಮ್ಣೆ ಭೀರಾಕ್‌ಶೆ.

2 ಕೊರಿಂಥ 4:14 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:36

ಇನಖ್ಹಾಜೇಸ್, ಖ್ಹಾರಿಸ್ ವಖ್ಹತ್‌ಮ ತೈಯಾರ್ ರ‍್ಹವೊ, ಚಾ಼ಲ್‌ಶೇತೆ ಆ ಖ್ಹಾರಾಮ ಬಚಿನ್, ಅದ್ಮಿನೊ ಛಿಯ್ಯಾನ ಖ್ಹಾಮ್ಣೆ ಭೀರ‍್ಯಾವನ ತುಮೆ ಶಕತ್‌ವಾಳ ಹುವಾನಟೇಕೆ, ಖ್ಹಾರಿಸ್ ವಖ್ಹತ್‌ಮ ದೇವ್ನ ಪ್ರಾರ್ಥನೆ ಕರ್ತಾಹುಯಿನ್ ಜ಼ತನ್‌ಥಿ ರ‍್ಹವೊ” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:24

ಯೇಸುನ ದೇವ್ನೆ ಮರಣ್ಣಿ ಖ್ಹತಾಪ್ಣಿಥಿ ಛೋ಼ಡೈನ್ ಉಠಾಡ್ಯೊ. ಶನಕತೊ ಮರಣ್ ಇನ ಧರಿಲ್ಯವಾನ ಕೊ ಹುಯುನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:32

ಇನಖ್ಹಾಜೆ ದೇವ್ನೆ ಮರ‍್ಯಹುಯಾಮ ಜಿವ್ತೊಕರಿನ್ ಮ್ಹೇಲ್ಯೊತೆ ಯೇಸುನಾಸ್, ಇನ ಹಮೆಅಖ್ಖು ಸಾಕ್ಷಿ ಹುಯಿರಾಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:11

ಯೇಸುನ ಮರ‍್ಯಹುಯಮಾಥು ಜಿವಾಡವಾಳನು ಆತ್ಮ ತುಮಾರಮ ಜಿವ್‍ಕರ‍್ಯುತೊ, ಕ್ರಿಸ್ತಯೇಸುನ ಮರಣ್‍ಥಿ ಉಠಾಡ್ಯೊಹುಯೊ ದೇವ್ನು ಆತ್ಮ ತುಮಾರಮ ರ‍್ಹಿಯುತೊ ನಾಶಹುವಾಳು ಶರೀರ್‌ನಾಬಿ ತುಮಾರಮ ಜಿವವಾಳ ಆತ್ಮಥೀಸ್ ಜಾನ್ನ ದಿಶೆ.

1 ಕೊರಿಂಥ 6:14

ದೇವ್ನೆ ಪ್ರಭುನ ಇನ ಶಕಥ್ಥಿ ಮರ‍್ಯಮಾಥು ಜಿವ್ತೊಉಠ್ಯಾಡ್ಯೊ. ಇಮ್ಮಸ್ ಅಪ್ಣುನಾಬಿ ಇನು ತಾಖತ್ತಿ ಉಠಾಡ್‍ಶೆ.

2 ಕೊರಿಂಥ 11:2

ಶನಕತೊ ದೇವ್‌ಮ ಛಾ಼ತೆ ಬಳಾಪಥೀಸ್ ಮೇ ತುಮಾರಿ ಬಾರೇಮ ವೆಚ಼್‌ಣೆಕರೂಸ್. ತುಮುನ ಕ್ರಿಸ್ತ ಕರಿ ಬೋಲೈರ‍್ಹೋತೆ ಎಕ್ಕಸ್ ಪರ್ಖ್ಹಾನ ಶುದ್ಧಕವಾರಿ ಬಣೈನ್ ತುಮುನ ಇನ ಹಾತ್ಮ ದೇವ್ಣುಕರಿ ತೀರ್ಮಾನ್ ಕರಿರಾಖ್ಯೊಸ್ನಿ.

ಎಫೆಸ 5:27

ಇನಖ್ಹಾಜೆ ಕಳಂಕ್‌ನಿ ದಾಗ್ ನಾ ರ‍್ಹೇವ್ಣುತೆ ಪರಿಶುದ್ಧಬಿ, ದೋಷ್‌ಕೊಂತೇಬಿ, ಮಹಿಮೆಥಿ ರ‍್ಹವಾನಿ ಸಬೆಕರೀನ್ ಇನಖ್ಹಾಮ್ಣೆ ಭೀರಖಡ್ನುಕರಿ ಭೋದನೆನ ಜೋ಼ಡೆಸ್ ಪಾಣಿಥಿ ನೊಹಾಡಿನ್ ಶುದ್ದಕರ‍್ಯೊ.

ಕೊಲೊಸ್ಸೆ 1:22

ಕತೋಬಿ ಇನ ಶರೀರ್‌ನು ಮರಣ್‍ಥಿ ಹಮ್ಕೆ ಯೋ ತುಮುನ ರಾಜಿ ಕರಿರಾಖ್ಯೋಸ್. ದೇವ್ ಇನಖ್ಹಾಮ್ಣೆ ತುಮುನ ಪರಿಶುದ್ಧಬಿ, ದೋಷ್‌ಕೊಂತೇಬಿ, ಅಪರಾದ್‌ಕೊಂತೆ, ಭೀರಾಕ್ಣುಕರಿ ಅಮ್ ಕರಿರಾಖ್ಯೊಸ್.

ಕೊಲೊಸ್ಸೆ 1:28

ಕ್ರಿಸ್ತ ಯೇಸುಮ ಹರೇಕ್‌ಜ಼ಣಾನಬಿ ಝೇತಾವ್‌ತಹುಯಿನ್ ಖ್ಹಾರೀಸ್‍ ಅಕ್ಕಲ್‌ಮ ಹರೇಕ್‌ಜ಼ಣಾನಬಿ ಬೋಧನೆ ಕರ್ತೊಹುಯಿನ್ ಪೂರ ಗ್ಯಾನ್ ದೀನ್ ದೇವ್ನ ಖ್ಹಾಮ್ಣೆ ಚಾ಼ತುರ್ ಕರೀನ್ ಭೀರಾಖನಖ್ಹಾಜೆ ಕೋಶಿಶ್ ಕರುಕರೆಸ್.

1 ಥೆಸ 4:14

ಯೇಸು ಮರೀನ್ ಜಿವ್ತೊ ಹುಯೊ ಕರಿ ಅಪ್ಣೆ ಮಾನೇಸ್, ಇಮ್ಮಸ್ ಯೇಸುಪರ್ ವಿಶ್ವಾಸ್ ಕರೀನ್ ಮರಿಗಯೂತೆ ಇವ್ಣುನ ದೇವ್ ಯೇಸುನ ಜೋ಼ಡೆ ಉಠಾಡ್‍ಶೆ ಕರಿ ವಿಶ್ವಾಸ್ ಕರ‍್ನು.

ಯಾಕೋಬ 5:15

ವಿಶ್ವಾಸ್‍ಥಿ ಕರಾತೆ ಪ್ರಾರ್ಥನೆ ರೋಗ್‌ವಾಳನ ಗುಣ್‌ಕರಸ್‌. ಅಜು಼ ಪ್ರಭು ಇನ ಉಠಾಡಸ್, ಯೋ ಪಾಪ್ ಕರಿರಾಖವಾಳೊ ಉಷೇತೊ, ದೇವ್ ಯೋ ಪಾಪ್ ಅಖ್ಖಾನ ಕ್ಷಮಾಕರ್‌ಶೆ.

ಯೂದನೆ ಲೀಖ್ಯೋತೆ ಚಿಟ್ಟಿ 1:24

ದೇವ್ ತಾಖತ್‌ವಾಳೊ ಹುಯಿರ‍್ಹೋಸ್. ತುಮೆ ಠೋಕರ್ ನಾ ಖಾವ್ಣುತೆತಿಮ್ ಮದತ್ ಕರಾವಾಳೊ ಹುಯಿರ‍್ಹೊಸ್. ಯೋ ತುಮಾರಮ ಶನೂ ಕಳಂಕ್‌ಕೊಂತೆ ತಿಮ್‍ಕರೀನ್ ಇನು ಮಹಿಮೆ ಝ಼ಗೋಕನ ಲ್ಯಾವಾನಾಬಿ ತುಮುನ ಮಹಾಖ್ಹುಷಿನ ದ್ಯವಾನಾಬಿ ಶಕತ್‌ವಾಳೊ ಹುಯಿರ‍್ಹೊಸ್.