2 ಕೊರಿಂಥ 3:8 - ದೇವ್ನಿ ಖ್ಹಾಚಿ ವಚನ್

⁸ ಅನಾಖ್ಹಾಜೆ ಪವಿತ್ರಾತ್ಮ ಸಂಬಂದನಿ ಸೇವೆ ಬಿಜೂ಼ಬಿ ಘಣು ಮಹಿಮೆನ ಲೀರಾಖ್ಯುಸ್.

2 ಕೊರಿಂಥ 3:8 ပူးပေါင်းရင်းမြစ်များ

ಯೋಹಾನ 1:17

ಧರ್ಮಶಾಸ್ತ್ರ ಮೋಶೆಥಿ ದೇವೈರ‍್ಹುಸ್ ಕತೋಬಿ ವಾರ್‌ಖ್ಹೊಬಿ ಖ್ಹಾಚ಼ಬಿ ಕ್ರಿಸ್ತಥಿ ಆಯುತೆ.

ಯೋಹಾನ 7:39

ಕತೋಬಿ ಯೇಸುನೆ ಇನ ನಂಬಾವಾಳು ಲೀಲಿಶೇತೆ ಪವಿತ್ರಾತ್ಮ ವರಾನಿ ಬಾರೇಮ ಬೋಲ್ಯೊ. ಯೇಸು ಬೀಜೂಬಿ ಮಹಿಮೆನ ಲೀರಾಖ್ಯೊಥೊ ಕೊಯ್ನಿ ಶನಕತೊ ಪವಿತ್ರಾತ್ಮ ವರ ಅಜೂ಼ಬಿ ದೆವೈರ‍್ಹುಥು ಕೊಯ್ನಿ.

1 ಕೊರಿಂಥ 3:16

ತುಮೆ ದೇವ್ನು ಮಂದಿರ್‌ ಹುಯಿರ‍್ಹಾಸ್ ಕರಿ ದೇವ್ನಿ ಆತ್ಮ ತುಮಾರಮ ಜಿವ್ಣುಕರಸ್‍ಕರಿ ತುಮೂನ ಮಾಲುಮ್ ಕೊಯ್ನಿಕಿಶು?

2 ಕೊರಿಂಥ 11:4

ಶನಕತೊ ಹಮೆ ಬೋಲು ಕರ್ತಥಾತೆ ಬಿಜೇಕ್‍ಜ಼ಣೊ ಯೇಸು ತುಮಾರಕನ ಆಯಿನ್ ತುಮುನ ಬೋಧನೆ ಕರಾನಿ ವಖ್ಹ್‌ತೆಬಿ. ತುಮೆ ಲೀರಾಖ್ಯಕೊಂತೆ ಬಿಜೇಕ್ ಆತ್ಮಾನ ಲಿಲ್ಯಾವನಿ ವಖ್ಹ್‌ತೆಬಿ ಸ್ವೀಕಾರ್ ಕರಕೊಂತೆ ಬಿಜೇಕ್ ಸುವಾರ್ತೆನ ಸ್ವಿಕಾರ್‌ಕರಿಲ್ಯಾವನಿ ವಖ್ಹ್‌ತೆ ತುಮೆ ಅಛ್ಛಿನಿತರ ಖ್ಹಮಾಳಿಲೆವೊಸ್.

2 ಕೊರಿಂಥ 3:17

ಯೋ ಪ್ರಭುಸ್ ದೇವ್ನುಆತ್ಮ, ಪ್ರಭುನು ಆತ್ಮ ರ‍್ಹೇಸ್ತೆ ಹಿಜ್ಜಾ಼ ಛುಟ್ಕಾರ್ ರ‍್ಹೇಸ್.

2 ಕೊರಿಂಥ 3:6

ದೇವ್ ನವಿ ಒಪ್ಪಂದಾನನ ಸೇವೆಕರಾವಾಳ ಹುಯಿರಾವಾನಿ ತಾಖತ್ನ ದೇವ್ನೆಸ್ ಹಮೂನ ದಿದೊ. ಆ ನವಿ ಒಪ್ಪಂದಾನ ಲೀಖಾವನಿ ರೂಪ್‍ಮಛಾ಼ತೆ ಧರ್ಮಶಾಸ್ತ್ರ ಕಾಹೆ. ಆ ಹುಯಿರ‍್ಹುತೆ ಪವಿತ್ರಾತ್ಮ ಹುಯಿರುಸ್. ಲಿಖಾವಟ್‌ನ ರೂಪ್‍ಮಛಾ಼ತೆ ಧರ್ಮಶಾಸ್ತ್ರ ಮರಣ್ಣ ಲ್ಯಾವ್‌ಶೆ, ಕತೋಬಿ ಪವಿತ್ರಾತ್ಮ ಜಾನ್‌ ದ್ಯಾವಾಳೊ ಹುಯಿರೋಸ್.

2 ಕೊರಿಂಥ 3:7

ಮರಣ್‍ದ್ಯವಾನು ನಿಯಮ್‌ನು ಸೇವೆ ಬಂಡಾನು ಪಲ್ಗಾನ ಉಪ್ಪರ್ ಲೀಖ್ಯಮ ಲೀಖೈರ‍್ಹೂಥು. ಯೋ ದೇವ್‌ನು ಮಹಿಮೆನ ಜೋ಼ಡ್ಮ ಆಯುಥು. ಮೋಶೇನು ಮ್ಹೋಡು ಉಜಾ಼ಖ್ಹ್‌ಥಿ ಚ಼ಮ್‍ಕುಕರ‍್ತೂಥುತೆ ಇನಾಖ್ಹಾಜೆ ಇಸ್ರಾಯೇಲ್‌ವಾಳು ಇನ ಮ್ಹೋಡಾನ ದೇಖಾನ ಹುಯುಕೋಯ್ನಿ. ಇನಪಾರ್ ಯೋ ಮಹಿಮೆ ಕಮ್ ಹುಯಿಗು.

2 ಕೊರಿಂಥ 3:9

ಅನಿ ಅರ್ಥ ಶಾತ್‍ಕತೊ; ಯೋ ಸೇವೆ ಅದ್ಮಿನ ಅಪರಾದಿಕರಿ ತೀರ್ಪ್‍ದಿದು, ಕತೋಬಿ ಯೋ ಮಹಿಮೆನ ಲೀರಾಖ್ಯುಥು. ಅನಖ್ಹಾಜೆ, ನೀತಿನ ಕಫ್ಫನ್ ಹುಯಿರ‍್ಹುತೆ ಸೇವೆ ಬಿಜೂ಼ಬಿ ಘಣು ಮಹಿಮೆನ ಉಬ್‍ಜಾ಼ವಾನು ಕೆತ್ರೇಕ್ಕಿ ಖ್ಹಾಚಹುಯಿರೂಸ್.

ಗಲಾತ್ಯ 3:14

ಅನೇಥಿ ಅಬ್ರಹಾಮ್‌ನ ಹುಯೂತೆ ಆಶೀರ್ವಾದ್‌ ಯೇಸುಥಿ ಯೆಹೂದ್ಯರ್‌ಕಾಹೆತೆ ಅದ್ಮಿವ್‌ನ ಮಳಾನಿಘೊಣಿ ಹೋಣುಕರಿ ಅಮ್ ವಿಶ್ವಾಸ್‌ನಿ ಬಾರೇಥಿ ದೇವ್‍ಥಿ ವಾಗ್ದಾನ್ ಹುಯೂತೆ ಪವಿತ್ರಾತ್ಮ ಅಪ್ಣುನ ಮಳಾನಿತರ ಹುಯು.

ಗಲಾತ್ಯ 5:5

ಹಮೆತೋಬಿ ದೇವ್ನ ಆತ್ಮಾಥಿ ವಿಶ್ವಾಸ್‍ಥಿ ನೀತಿವಾಳಹುಯೇಸ್ ಕರಿ ಟಿವೈರ‍್ಹವಾನು ಚಾ಼ಲ್‌ಶೆಕರಿ ದಿಲ್‌ ಲಗಾಡಿನ್ ಮ್ಹೋರೆ ದೇಖವಾಳ ಹುಯಿರ‍್ಹಾಸ್.

ಎಫೆಸ 2:18

ಇನಾಖ್ಹಾಜೆ ಕ್ರಿಸ್ತಥಿ ಯೆಹೂದ್ಯರ್ ಅಜು಼ ಯೆಹೂದ್ಯರ್‌ಕಾಹೆತೆ ಅದ್ಮಿ ಹಮೆಬಿ ತುಮೆ ಎಕ್ಕಸ್ ಆತ್ಮಥಿ ಬಾಕನ ಆವಾನ ವಾಟ್‍ಹುಯು.

2 ಥೆಸ 2:13

ಪ್ರಭು ಪ್ಯಾರ್ ಕರಾಸ್ತೆ ಭೈಯೆ ಭೇನೆವೊ, ಹಮೆ ತುಮಾರಿ ಬಾರೇಮ ಹಮೇಶ ದೇವ್ನ ಧನ್ಯವಾದ್ ಕರಾವಳ ಹುಯಿರ‍್ಹಾಸ್. ಶನಕತೊ ತುಮೆ ಪವಿತ್ರಾತ್ಮಾಥಿ ಪಾಕ್‌ ಹುಯಿನ್, ಖ್ಹಾಚಿಪರ್ ವಿಶ್ವಾಸ್‌ರಾಖಿನ್ ರಕ್ಷಣೆನ ಲೀಲ್ಯಾವದೆಕರಿ ದೇವ್ನೆ ತುಮೂನ ಶುರುವಾತ್‌ಮಾಸ್ ಚೂ಼ಣಿರಾಖ್ಯೊಸ್.

1 ಪೇತ್ರ 1:2

ಪವಿತ್ರಾತ್ಮಥಿ ಅಭಿಷೇಕ್ ಕರೈಲಿದಹುಯಿನ್ ವಿಧೇಯ ಹುವಾನಖ್ಹಾಜೆ, ಯೇಸು ಕ್ರಿಸ್ತನ ಲ್ಹೋಯಿಥಿ ಛಿಡ್‍ಕೈನ್, ಬಾ ಹುಯಿರ‍್ಹೋತೆ ದೇವ್ನಿ ಭವಿಶ್ಯನಿ ಗ್ಯಾನ್‌ಥಿ ಚೂ಼ಣೈಗಯಹುಯಾನ ಲೀಖಾನು ಶಾತ್‍ಕತೊ ತುಮುನ ವಾರ್‌ಖ್ಹೊಬಿ ಶಾಂತಿಬಿ ಘಣು ಮಳಾದೆ.