2 ಕೊರಿಂಥ 3:3 - ದೇವ್ನಿ ಖ್ಹಾಚಿ ವಚನ್

³ ತುಮೆ ಹಮಾರಿ ಸೇವೆನ ಫಲ್‌ಥಿ, ಕ್ರಿಸ್ತನೆ ಹಮಾರ ಹಾತೇಥಿ ಲೀಖೈನ್ ದಿದೊತೆ ಚಿಟ್ಟಿಕರಿ ಮಾಲುಮ್‌ಕರಾಯ ಆ ಚಿಟ್ಟಿ ಲೀಖೈರ‍್ಹೂತೆ ಇಂಕ್‍ಥಿ ಕಾಹೆ,ಜಿವ್ತೊಜಾನ್ನೊ ದೇವ್ನ ಆತ್ಮಥಿ ಅನ ಬಂಡಾನ ಪಲ್ಗಾಪರ್‌ ಕಾಹೆ, ಅದ್ಮಿನ ದಿಲ್ನ ಪಲ್ಗಾಪರ್‌ ಲೀಖೈರಾಖ್ಯೊಸ್.

2 ಕೊರಿಂಥ 3:3 ပူးပေါင်းရင်းမြစ်များ

ಮತ್ತಾಯ 16:16

ತದೆ ಸೀಮೋನ ಪೇತ್ರನೆ, “ತೂ ಆವ್ಣುತೆ ಕ್ರಿಸ್ತ, ಜಿವ್ತೊ ದೇವ್‌ನೊ ಛಿಯ್ಯೊ” ಕರಿ ಜ಼ವಾಬ್ ದಿದೊ.

1 ಕೊರಿಂಥ 3:5

ಇಮ್‍ಕತೊ ಅಪೊಲ್ಲೋಸ ಕೋಣ್? ಪೌಲ ಕೋಣ್? ಇವ್ಣಿ ಸೇವಾಥಿ ತುಮೆ ಕ್ರಿಸ್ತಾನ ವಿಶ್ವಾಸ್ ಕರಾನಿ ಘೋಣಿಹುಯು. ಪ್ರಭು ಹರೇಕ್‌ಥಿ ಜ಼ಣಾನ ದೆವೈರ‍್ಹೂತೆ ಇನ ಅಪ್ಣೆ ಸೇವೆ ಕರಾವಾಳ ಹುಯಿರ‍್ಹಾಸ್.

2 ಕೊರಿಂಥ 3:6

ದೇವ್ ನವಿ ಒಪ್ಪಂದಾನನ ಸೇವೆಕರಾವಾಳ ಹುಯಿರಾವಾನಿ ತಾಖತ್ನ ದೇವ್ನೆಸ್ ಹಮೂನ ದಿದೊ. ಆ ನವಿ ಒಪ್ಪಂದಾನ ಲೀಖಾವನಿ ರೂಪ್‍ಮಛಾ಼ತೆ ಧರ್ಮಶಾಸ್ತ್ರ ಕಾಹೆ. ಆ ಹುಯಿರ‍್ಹುತೆ ಪವಿತ್ರಾತ್ಮ ಹುಯಿರುಸ್. ಲಿಖಾವಟ್‌ನ ರೂಪ್‍ಮಛಾ಼ತೆ ಧರ್ಮಶಾಸ್ತ್ರ ಮರಣ್ಣ ಲ್ಯಾವ್‌ಶೆ, ಕತೋಬಿ ಪವಿತ್ರಾತ್ಮ ಜಾನ್‌ ದ್ಯಾವಾಳೊ ಹುಯಿರೋಸ್.

2 ಕೊರಿಂಥ 3:7

ಮರಣ್‍ದ್ಯವಾನು ನಿಯಮ್‌ನು ಸೇವೆ ಬಂಡಾನು ಪಲ್ಗಾನ ಉಪ್ಪರ್ ಲೀಖ್ಯಮ ಲೀಖೈರ‍್ಹೂಥು. ಯೋ ದೇವ್‌ನು ಮಹಿಮೆನ ಜೋ಼ಡ್ಮ ಆಯುಥು. ಮೋಶೇನು ಮ್ಹೋಡು ಉಜಾ಼ಖ್ಹ್‌ಥಿ ಚ಼ಮ್‍ಕುಕರ‍್ತೂಥುತೆ ಇನಾಖ್ಹಾಜೆ ಇಸ್ರಾಯೇಲ್‌ವಾಳು ಇನ ಮ್ಹೋಡಾನ ದೇಖಾನ ಹುಯುಕೋಯ್ನಿ. ಇನಪಾರ್ ಯೋ ಮಹಿಮೆ ಕಮ್ ಹುಯಿಗು.

2 ಕೊರಿಂಥ 6:16

ದೇವ್ನ ಮಂದಿರ್‌ನಾಬಿ ಮೂರತ್‌ನಾಬಿ ಏಕ್‍ಕರಾನ ಉಶೇಕಿ ಶು? ಅಪ್ಣೆ ದೇವಸ್ ಬೋಲಿರಾಖ್ಯುತೆ ತಿಮ್ ಜಿವ್ತಜಾನ್ನೊ ಮಂದಿರ್‌ ಹುಯಿರಾಸ್ನಿ. ಮಾರ ಅದ್ಮಿವೋಮ ಮೇಸ್ ಘರ್ ಕರೀಶ್, ಇವ್ಣಾಮ ಮೇಸ್ ಜಿವ್ಣು ಕರ್ತೊಹುಯಿನ್ ಇವ್ಣಿಜೋ಼ಡೆ ಫರ್ತೊರ‍್ಹಿಶ್, ಮೇಸ್ ಇವ್ಣೊ ದೇವ್ ಹುಯಿರ‍್ಹಿಶ್. ಇವ್ಣೆ ಮನ ಪ್ರಜೆಹುಯಿರ‍್ಹಿಶೆ ಕರಿ ಬೋಲ್ಯೊ.

1 ಥೆಸ 1:9

ತದೆ ಹಮೆ ತುಮಾರಕನ ಆಯಾತೆ ತದೆ ತುಮೆ ಹಮೂನ ಖಿವಿ ತರಿಕಾಥಿ ಬುಲೈಲಿದಾಕರಿ ಆ ಅದ್ಮಿಖ್ಹಾರು ಬೋಲುಕರಸ್. ಅಜು಼ ತುಮೆ ಮೂರತ್ನ ಪೂಜಾ಼ಥು ದೇವ್‌ಭಣಿ ಕಿಮ್‌ಫರ‍್ಯ ಅಜು಼ ಜಿವ್‌ತಜಾನ್ನ ದೇವ್ನ ಕಿಮ್ ಸೇವೆ ಕರ‍್ಯಾ, ಕರಿ ಬೋಲಸ್.

ಇಬ್ರಿ 10:16

“ಯೋ ದನ್ ಅವಾದಿನ್ ಮೇ ಇವ್ಣಜೋ಼ಡ್ಮ ಕರಿಲ್ಯಾವನು ಒಪ್ಪಂದ ಅಮ್‍ರ‍್ಹಿಶೆ, ಮಾರಿ ನಿಯಮ್ನ ಇವ್ಣ ದಿಲ್ಮ ಮ್ಹೇಲಿಶ್ ಇವ್ಣ ದಿಮಾಕ್ಮ ಯೋ ಅಖ್ಖು ಲೀಖಿಶ್”. ಕರಿ ಪ್ರಭು ಬೋಲಸ್.

ಇಬ್ರಿ 8:10

ಯೋ ಅಖ್ಖದನ್ನ ವಾರ್ ಮೇ ಇಸ್ರಾಯೇಲ್ ಖೂಮ್‌ವಾಳನಿ ಜೋ಼ಡ್ಮ ಕರಿಲೀಶ್‍ತೆ ಒಪ್ಪಂದ ಅಮ್‍ರ‍್ಹಿಶೆ, ಮೇ ಮಾರ ಹುಕುಮ್‌ನ ಇವ್ಣ ದಿಮಾಕ್ಮ ಮ್ಹೇಲಿಶ್. ಮೆ ಇವ್ಣ ದಿಲ್ಮ ಇನ ಲೀಖಿಶ್. ಮೇ ಇವ್ಣುನ ದೇವ್‌ ಹುಯಿರ‍್ಹೀಶ್. ಇವ್ಣೆ ಮಾರು ಅದ್ಮಿ ಹುಯಿರ‍್ಹಿಶೆ.

ಇಬ್ರಿ 9:14

ಅಜು಼ ಆ ಖ್ಹಾಚು಼ಕರಿ ಬೋಲಾನು ರ‍್ಹಯೂತೊ ಹಮೇಶಾನ ಆತ್ಮಥಿ ಇನುಯೋಸ್ ದೇವ್ನ ಕಳಂಕ್‌ಕೊಂತೆ ಬಲಿಹುಯಿನ್ ಸಮರ್ಪಣ್‌ ಕರಿಲಿದೊತೆ ಕ್ರಿಸ್ತನು ಲ್ಹೋಯಿ ಕೆತ್ರೇಕ್ಕಿ ಅಪ್ಣುನ ಜಾನ್‍ಕೊಂತೆ ಕಾಮ್‍ಥಿ ಛೋ಼ಡೈನ್, ಅಪ್ಣೆ ಜಿವ್ತೊಜಾನ್ನೊ ದೇವ್ನ ಆರಾದನೆ ಕರ್‌ಯೇತೆ ತಿಮ್ ಅಪ್ಣೆ ಮನ್ನಿಸಾಕ್ಷಿನ ಪಾಕ್‌ ಕರ‍್ಯಕೊಯ್ನಿಕಿಶು?

ಪ್ರಕಾಶಿತ್ 2:1

ಎಫೆಸಮ ಛಾ಼ತೆ ಸಬೆನ ದೂತಾನ ಅಮ್‍ಲೀಕ್, ಖ್ಹಾತ್ ತಾರವ್ನ ಇನ ಖಾವಹಾತ್ಮ ಧರಿಲೀನ್ ಖ್ಹಾತ್ ಖ್ಹೊನ್ನಾನು ದಿವಳ್ಗಿನ ಖಂಬಾನ ಇಚ಼್‌ಮ ಚಾ಼ಲುಕರಾವಾಳೊ ಶಾತ್ ಬೋಲುಕರಾಸ್‌ ಕತೊ,

ಪ್ರಕಾಶಿತ್ 2:12

ಪೆರ್ಗಮಾನು ಸಬೆನ ದೂತನ ಅಮ್‍ಲೀಕ್; ಬೇ ಮ್ಹೋಡಾನು ಚಾ಼ಲ್ತಿ ತಲ್ವಾರ್‌ನ ಧರಿರಾಖವಾಳೊ ಶಾತ್‌ ಬೋಲಾಸ್‍ಕತೊ,

ಪ್ರಕಾಶಿತ್ 2:18

ಥುವತೈರಾಮ ಛಾ಼ತೆ ಸಬೇನು ದೂತಾನ ಅಮ್‍ಲೀಕ್, ಆಗ್‍ನಿ ಝ಼ಲ್‌ಪಟ್‌ನಿತರನ ಡೋಳಾ, ಝ಼ಮ್ಕಾಸ್‌ತೆ ತಾಂಬಾನಿತರನೊ ಪಂಜ಼ ರ‍್ಹವಾಳೊ ದೇವ್‌ನೊ ಛಿಯ್ಯೊ ಶಾತ್‌ ಬೋಲಾಸ್‍ಕತೊ,

ಪ್ರಕಾಶಿತ್ 2:8

ಸ್ಮುರ್ನಮ ಛಾ಼ತೆ ಸಬೆನ ದೂತಾನ ಅಮ್‍ಲೀಕ್, ಶುರುವಾತ್‍ಬಿ ಖ್ಹರ್ತಿಬಿ ಹುಯಿರ‍್ಹಾವಳೊ, ಮರಿಜೈನ್ ಪಾಛೊ಼ ಜಿವ್ತೊ ಉಠೀನ್ ಆಯೊಹುಯೊ ಬೋಲಾಸ್ ಶಾತ್‌ಕತೊ

ಪ್ರಕಾಶಿತ್ 3:1

ಸಾರ್ದಿಸ್‌ಮ ಛಾ಼ತೆ ಸಬೆನ ದೂತನ ಅಮ್‍ಲೀಕ್: ದೇವ್ನು ಖ್ಹಾತ್ ಆತ್ಮಾನ ಅಜು಼ ಖ್ಹಾತ್ ಶುಕ್ಕರ್‌ನ ಲೀರಾಖವಾಳು ಯೋ ಬೋಲಸ್ ಶಾತ್‌ಕತೊ, ತಾರು ಕಾಮ್‌ಖ್ಹಾರು ಮನ ಮಾಲುಮ್ ಛಾ಼. ಜಿವ್ತೊಕರಿ ನಾಮ್ ತುನ ರ‍್ಹಯುತೋಬಿ, ತೂ ಮರ‍್ಯೊಹುಯೊ ಹುಯಿರೊಸ್.

ಪ್ರಕಾಶಿತ್ 3:14

ಲವೊದಿಕೀಯಮ ಛಾ಼ತೆ ಸಬೆನ ದೂತನ ಲೀಕ್, ವಿಶ್ವಾಸ್ ಯೋಗ್ಯಬಿ, ಖ್ಹಾಚಿ ಸಾಕ್ಷಿಬಿ, ದೇವ್ನಿ ಬಣಾವಟ್ನ ರಾಜ಼ ಹುಯಿರೋತೆ ‘ಆಮೆನ್’ ಕರಿ ರ‍್ಹವಾಳೊ ಶಾತ್‌ ಬೋಲಸ್‍ಕತೊ,

ಪ್ರಕಾಶಿತ್ 3:22

ದೇವ್ನುಆತ್ಮನೆ ಸಬೆಖ್ಹಾರಾನ ಬೋಲಾತೆ ಇನ ಕಾನ್‌ ರ‍್ಹವಾಳು ಖ್ಹಮ್‌ಜಾ಼ದೆ.

ಪ್ರಕಾಶಿತ್ 3:7

ಫಿಲಿಡೇಲ್ಫಿಯಾಮ ಛಾ಼ತೆ ಸಬೆನ ದೂತನ ಅಮ್‍ಲೀಕ್: ಪರಿಶುದ್ಧಬಿ, ಖ್ಹಾಚೊ಼ಹುಯಿರ‍್ಯವಾಳೊಬಿ, ದಾವೀದನು ಬೀಗಾನು ಕೀಲಿ ಲೀರಾಖವಾಳೋಬಿ, ಕಿನೇಥೀಬಿ ನಾ ಮೂಚ಼ನಹೋಣುತೆ ಇಮ್‌ ಕಾಡವಾಳೊ, ಖೆವಾಥೀಬಿ ಉಖ್ಡಾನ ನಾ ಹೋಣುತೆ ಇಮ್‌ ಮೂಚಾ಼ವಾಳೊ ಹುಯಿರೋತೆ ಶಾತ್‌ ಬೋಲಾಸ್‍ಕತೊ,