2 ಕೊರಿಂಥ 3:2 - ದೇವ್ನಿ ಖ್ಹಾಚಿ ವಚನ್

² ಶೊಂತ್ ತುಮೇಸ್ ಹಮೂನ ಯೋಗ್ಯತೆನಿ ಚಿಟ್ಟಿ ಹುಯಿರ‍್ಹಾಸ್. ಯೋ ಚಿಟ್ಟಿಖ್ಹಾರಿ ಹಮಾರ ದಿಲ್ಮ ಲಿಖೈರ‍್ಹುಸ್. ಯೋ ಚಿಟ್ಟಿ ಖ್ಹಾರಸ್ನ ಮಾಲುಮ್, ಖ್ಹಾರುಸ್ ಪಢಾಸ್.

2 ಕೊರಿಂಥ 3:2 ပူးပေါင်းရင်းမြစ်များ

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:8

ಖ್ಹಾರೇಥಿ ಪಹಿಲೆ ತುಮಾರಿ ವಿಶ್ವಾಸ್‌ನಿ ಬಾರೇಮ ಜಗತ್ನ ಅಖ್ಖಿಬಾಜು಼ ಪೂಚ್‍ತಾಚ಼್ ಹೂಕರಸ್. ಇನಖ್ಹಾಜೆ ಮೇ ತುಮಾರಭಣೀಥು ಯೇಸುಕ್ರಿಸ್ತನ ನಾಮ್‌ಥಿ ದೇವ್ನ ಧನ್ಯವಾದ್ ಕರುಸ್.

1 ಕೊರಿಂಥ 3:10

ದೇವ್ನೆ ಮನದಿದೋತೆ ವಾರ್‌ಖ್ಹಾನಿ ಪರಕ್ಮ ಘರ್ ಭಾಂದಾವಾಳ ಚಾ಼ತುರ‍್ನಿ ಘೋಣಿ ಯೋ ಘರ್‌ನ ಮೆ ಹದಿಪಾಯ ನಾಖ್ಯೊ. ಬಿಜು಼ಜ಼ಣು ಇನಾಪರ್ ಭಾಂದಸ್. ಕತೋಬಿ ಹರೇಕ್‍ಜ಼ಣು ಯೋ ಕಿಮ್ ಭಾಂದು ಕರೂಸ್‌ಕರಿ ಹೊಶಾರ್ಥಿರ‍್ಹೀನ್ ಭಾಂದ್‌ಣು.

2 ಕೊರಿಂಥ 11:11

ಮೆ ಬೋಲ್ನುಕತೊ ತುಮುನ ಪ್ಯಾರ್‌ಕರುಕೊಯ್ನಿ? ಶನಖ್ಹಾಜೆಕತೊ ಯೋ ದೇವ್ನಾಸ್ ಮಾಲುಮ್ ಛಾ಼.

2 ಕೊರಿಂಥ 12:15

ಇನಖ್ಹಾಜೆ ಮಾರಾಕನ ರ‍್ಹೇಸ್ತೆ ಅಖ್ಖು ತುಮುನ ದ್ಯವಾನು ಖುಷಿಕರುಸ್. ಮನಾಸ್ ತುಮುನ ದಿನಾಖುಸ್. ಮೇ ತುಮುನ ಘಣು ಪ್ಯಾರ್ ಕರ‍್ಯೋತೊ, ತುಮೆ ಮನ ಕಮ್ ಪ್ಯಾರ್ ಕರ್ಶುಕಿಶು?

2 ಕೊರಿಂಥ 3:1

ಹಮೆ ಹಮಾರಿ ಬಾರೇಮ ಬಿಜು಼ಪಾಛ಼ ಖ್ಹರೈಲ್ಯಾವಾನ ಶುರು ಕರ‍್ಯಾಕಿಶು? ಕೊಯ್ನಿ, ಥೋಡ ಜ಼ಣನ ಹೋಣುತೆ ತಿಮ್ ತುಮಾರಕನ ಆವಾನ ಮನ ಯೋಗ್ಯತೆನು ಚಿಟ್ಟಿ ಮಾಂಗಿಲೆವ್ಣು ಕಿಶು? ಕೊಯ್ನಿ, ಬಿಜಿ ಆಡಿ ಜಾ಼ವಾನಿ ವಖ್ಹತ್‌ಮ ತುಮಾರೇಥಿ ಯೋಗ್ಯತೆನಿ ಚಿಟ್ಟಿ ಮಾಂಗಿಲೆವ್ಣುಕಿಶು?

2 ಕೊರಿಂಥ 7:3

ತುಮಾರಪರ್ ಗಲ್ತಿನಾಕ್‍ನು ಕರಿ ಮೇ ಅನ ಬೋಲುಕರು ಕೊಯ್ನಿ ಶನಕತೊ ತುಮಾರಿ ಜೋ಼ಡ್ಮ ಮರಾನಬಿ ಜಿವಾನಬಿ ತುಮೆ ಮಾರ ದಿಲ್ಮಛಾ಼ ಕರಿ ಮೇ ಪಹಿಲೇಸ್ ಬೋಲ್ಯೊಥೋನಿ.

ಫಿಲಿಪ್ಪಿ 1:7

ತುಮಾರಿ ಬಾರೇಮ ಮನ ಅಮ್ ಬೋಲಾವಸ್ತೆ ಖ್ಹಾಚು಼ಸ್. ಶನಕತೊ ಮೆ ಬಂದಿ ಹುಯಿರ‍್ಹವಾನಿ ವಖ್ಹ್‌ತೆಬಿ, ಸುವಾರ್ತೆನಿ ಬಾರೇನು ಆಡ್‌ಫೇಡ್‌ಮಾಬಿ ತುಮೆಖ್ಹಾರು ಮಾರಜೋ಼ಡೆ ದೇವ್ನಿ ವಾರ್‌ಖ್ಹಾಮ ಭಾಗ್‌ವಾಳ ಹುಯಿರ‍್ಹಾಸ್ ಕರಿ ತುಮುನ ಮಾರ ದಿಲ್ಮ ರಾಖಿಮ್ಹೇಲ್ಯೋಸ್.

1 ಥೆಸ 1:8

ಪ್ರಭುನಿ ವಚನ್ ತುಮಾರೇಥೀಸ್ ಮೆಕೆದೋನ್ಯ ಅಜು಼ ಅಖಾಯಮಾಬಿ ಫೈಲಿಗಯು. ಅತ್ರೇಸ್ ಕಾಹೆತೆ ತುಮೆ ದೇವ್‌ಪರ್‌ ರಾಖಿಮ್ಹೇಲ್ಯಾತೆ ವಿಶ್ವಾಸ್‌ ಖ್ಹಾರಿಸ್ ಬಾಜೂ಼ಮಬಿ ಫೈಲಿಗಯು. ಅನೇಥಿ ತುಮಾರಿ ವಿಶ್ವಾಸ್‌ನಿ ಬಾರೇಮ ಬಿಜು಼ ಶಾತ್ಬಿ ಬೋಲಾನಿ ಜ಼ರೂರತ್ ಕೊಯ್ನಿ.