2 ಕೊರಿಂಥ 3:12 - ದೇವ್ನಿ ಖ್ಹಾಚಿ ವಚನ್

¹² ಶನಕತೊ ಹಮೂನ ಆ ಭರೋಖ್ಹೊ ಛಾ಼ತೆ ಇನಾಖ್ಹಾಜೆ ಘಣು ಹಿಮ್ಮಥಿಛಿಯೆ.

2 ಕೊರಿಂಥ 3:12 ပူးပေါင်းရင်းမြစ်များ

ಯೋಹಾನ 10:24

ತದೆ ಯೆಹೂದ್ಯವಾಳು ಇನ ಅಶ್‌ಪಿಶ್ ಐನ್, ಭರಾಯು ಅಜು಼, “ಬಿಜು಼ ಕೆತ್ರ ದನ್ ಹಮಾರೆಥಿ ಖ್ಹಾಚ಼ನ ಮುಶ್ಕಿಲ್‌ಮ ರಾಖಿರಾಖಸ್? ತೂ ಕ್ರಿಸ್ತ ಉಶೇತೊ, ಹಮೂನ ನೇರ್‌ವಳಿಥಿ ಬೋಲ್” ಕರಿ ಬೋಲ್ಯು.

ಯೋಹಾನ 16:25

ಮೇ ಆ ಖ್ಹಾರು ಮತ್ಲಬ್‌ಥಿ ತುಮೂನ ಬೋಲಿರಾಖ್ಯೊಸ್. ಕತೋಬಿ ಬಿಜು಼ ಖ್ಹಾಮ್ಣೆ ಮತ್ಲಬ್‌ನಿ ಖೇಣಿಥಿ ಕಾಹೆತೆ ಬಾನಿ ಬಾರೇಮ ನೇರ್‌ವಳಿಥಿ ತುಮಾರ ಜೋ಼ಡೆ ವಾತೆ ಬೋಲಾನಿ ವಖ್ಹತ್ ಆವ್‌ಶೆ.

ಯೋಹಾನ 16:29

ತದೆ ಶಿಷ್ಯರ್‌ನೆ ಇನ, “ಹಮ್ಕೆ ತೂ ಮತಲಬ್‌ಥಿ ಕೋ ಬೋಲುಕರಾನೀತೆ ನೇರ್‌ವಳಿಥಿ ಬೋಲುಕರಾಸ್‌.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:3

ಅಮ್‍ರ‍್ಹಾವಮ ಇವ್ಣೆ ಘಣಾದನ್ ರ‍್ಹೀನ್ ಪ್ರಭುನಿ ಬಾರೇಮ ಹಿಮ್ಮಥ್ಥಿ ವಾತೆಬೋಲ್ಯು. ಪ್ರಭು ಇವ್ಣಹಾತೆ ಖ್ಹಣೇದ್‍ನು ಕಾಮ್ ಬಿಜು಼ ಅದ್ಭುತ್‌ಕಾಮ್‍ಅಖ್ಖು ಕರೀನ್ ಇನಿ ವಾರ್‌ಖ್ಹಾನಿ ವಚನ್ನ ವತಾಳಿಲಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:13

ಪೇತ್ರ ಬಿಜು಼ ಯೋಹಾನ, ಭಾಲ್‌ಥಿ ವಾತೆ ಬೋಲಾನು ಯೋ ಅದ್ಮಿಖ್ಹಾರು ದೇಖಿನ್ ಇವ್ಣೆ ಶನೀಬಿ ಪಢಂತ್ ಕೊ ಶಿಕಿರಾಖ್ಯಾನಿ ತೋಬಿ ಡರ‍್ಯಕೊಂತೆ ಆ ಕಿಮ್ ಬೋಲಸ್ ಕರಿ ಘಣು ಆಶ್ಚರ್ಯ ಕರ‍್ಯು. ಪೇತ್ರಬಿ ಯೋಹಾನ ಯೇಸುನಿ ಜೋ಼ಡ್ಮಥೋತೆ ಕರಿ ಖ್ಹಣೇದ್ ಧರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:27

ಕತೋಬಿ ಬಾರ್ನಬನೆ ಇನ ಮದತ್ ಕರಾನ ಅಪೊಸ್ತಲರ್‌ಕನ ಬುಲೈಲಿನ್ ಆಯೊ. ಸೌಲನೆ ದಮಸ್ಕನ ಮಾರಗ್‍ಮ ಪ್ರಭುನ ದೆಖ್ಯೊತೆ ಪ್ರಭು ಸೌಲಥಿ ವಾತೆ ಬೋಲ್ಯೊತೆ ಅಖ್ಖೂಸ್ ಖ್ಹಮ್‌ಜಾ಼ಡ್ಯೊ. ಕಾಹೆತೆ ದಮಸ್ಕಮ ಡರ್‌ಕೊಂತೆ ಪ್ರಭು ಯೇಸುನ ನಾಮ್‍ಲೀನ್ ಬೋಧನೆ ಕರ‍್ಯೊತೆಯಿನ ಇವ್ಣುನ ಬೋಲಿ ಖ್ಹಮ್‌ಜಾ಼ಡ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:29

ಗ್ರೀಕ್ ವಾತೆ ಬೋಲ್‍ತುಥೂತೆ ಯೆಹೂದ್ಯರ್‌ನ, ಜೋ಼ಡ್ಮ ಸೌಲ ಕದೇಬಿ ವಾದ ಕರ್ತೊಥೊ. ಇನಖ್ಹಾಜೆ ಇನ ಮಾರಿನಾಕ್ಣುಕರಿ ಕೋಶಿಶ್ ಕರ‍್ಯು.

1 ಕೊರಿಂಥ 14:19

ಕತೋಬಿ ಅಖ್ಖಿ ಸಬೆಮ ಮಾಲುಮ್ ಪಢಕೊಯಿನ್ತೆ ಅಲಕ್ ಬೋಲಿಮ ದಖ್ಹ್‌ ಹಜಾ಼ರ್‌ ವಾತೆ ಬೋಲಥೀಬಿ ಬಿಜೇಕ್ ಜ಼ಣಾನ ವಾಟ್‌ ಒತಾಳನು ಪಾಚ಼್‌ವಾತೆ ಬೋಲಾನು ಅಛ್ಛು಼.

2 ಕೊರಿಂಥ 10:1

ಪೌಲ ಅಪ್ಣಕನ ರ‍್ಹಾವಾನಿ ವಖ್ಹತ್‌ಮ ಶೇದೆವ್‌ನಿತರ ಚಾ಼ಲಿಲ್ಯವಾಳೊಬಿ, ತುಮಾರೇಥಿ ದೂರ್‌ರ‍್ಹಾವಾನಿ ವಖ್ಹತ್‌ಮ ಕಠಣ್‌ಥಿಬಿ ಚಾ಼ಲಿಲ್ಯವಾಳೊ ಹುಯಿರ್‍ಹೊಸ್ ಕರಿ ಬೋಲೈಲ್ಯಾವಳೊ ಯೋ ಪೌಲ ಕರಿ ಮೇ ಕ್ರಿಸ್ತನಿ ಶಾಂತಿನದಿಲ್‍ನಾಬಿ ಗೋರ್‌ನಾಬಿ ಯಾದ್‍ಕರ‍್ಲಿನ್,

2 ಕೊರಿಂಥ 3:11

ನೂಛೈ಼ಗಿತೆ ಯೋ ಸೇವೆ, ಮಹಿಮೆನಿ ಜೋ಼ಡ್ಮ ಐರ‍್ಹುಉಶೇತೊ, ಕದೆಕದೇಬಿ ಭಡ್ತಿ ಜಾ಼ವಾನಿ ಆ ಸೇವೆ ಬಿಜೂ಼ಬಿ ಘಣು ಮಹಿಮೆನ ಲೀರಾಖ್ಯುಸ್.

2 ಕೊರಿಂಥ 4:13

“ಮೇ ವಿಶ್ವಾಸ್ ಕರ‍್ಯೊತೆ ಇನಖ್ಹಾಜೇಸ್ ವಾತ್‍ಬೋಲ್ಯೊತೆ.” ಕರಿ ಪವಿತ್ರದಪ್ತರ್‌ಮ ಲಿಖೈರ‍್ಹುಸ್. ವಿಶ್ವಾಸ್‍ನು ಯೋಸ್ ಆತ್ಮ ಅಪ್ಣಾಮ ಛಾ಼ತೆ ಇನಖ್ಹಾಜೆ ಅಪ್ಣೆ ನಂಬವಾಳಹುಯಿನ್ ವಾತೆ ಬೋಲಿಯೇಸ್.

2 ಕೊರಿಂಥ 7:4

ತುಮಾರಿ ಜೋ಼ಡ್ಮ ವಾತ್‍ಬೋಲನ ಘಣು ಧಿಲ್‍ಪತ್‍ಬಿ ತುಮಾರಿ ಬಾರೇಮ ಮನ ಘಣು ಭರೋಖ್ಹೊ ಛಾ಼; ಮೇ ಧಿಲ್‌ಪತ್‌ಥಿ ಭರೈನ್ ಅಪ್ಣುನ ಉಶೆತೆ ಖ್ಹಾರೀಸ್‍ ಖ್ಹತಾಪ್ಣಿಮ ಘಣೇಥಿ ಘಣು ಖ್ಹುಶಿಮ ಛೂ಼.

ಫಿಲಿಪ್ಪಿ 1:14

ಆ ನಾಹುಯಿನ್ ಭೈಯೇ ಭೇನೇಮ ಜಾ಼ಖ್ಹತ್ ಅದ್ಮಿ ಮಾರಿ ಭಂದಣ್‌ಥೀಸ್ ಪ್ರಭುಮ ಭರೋಖ್ಹಾಥಿ ದೇವ್ನಿ ವಚನ್ನ ಡರ್‌ಕೊಂತೆ ಬೋಲಾನ ಅಜೂ಼ಬಿ ಘಣು ಭಾಲಿ ಲೀರಾಖ್ಯುಸ್.

ಫಿಲಿಪ್ಪಿ 1:20

ಕಿಮ್‌ಕತೊ ಮೆ ಖಿವಿ ವಿಚಾರ್‌ಮಾಬಿ ಖ್ಹರ್ಮಾಯೊಕೊಂತೆ ಕೆದೇಬಿ ರ‍್ಹವಾನಿತರಸ್ ಹಮ್ಕೇಬಿ ಜಿನು ಘಣು ಭಾಲಿಥಿ ಛೂ಼ತೆ ಇನಖ್ಹಾಜೆ ಜಿವ್ತೊ ರ‍್ಹಿಯೊತೋಬಿ ಬರೋಬರಸ್ ನತರ್ ಮರ‍್ಯೊತೋಬಿ ಬರೋಬರಸ್ ಮಾರಿ ಶರೀರ್‌ಥಿ ಕ್ರಿಸ್ತನ ಮಹಿಮೆ ಹುವಾದೆಕರಿ ಮಾರಿ ಮೋಟಿ ಹರಖ್ಹ್ ಹುಯಿರ‍್ಹೀಸ್, ಇಮ್ಮಸ್ ಉಷೆಕರಿ ಭರೋಖ್ಹೊ ಛಾ಼.

ಕೊಲೊಸ್ಸೆ 4:4

ಅಮ್ ಆ ಖ್ಹಾಚ಼ನ ಮೇ ಅದ್ಮೆವ್‍ನ ಬರೋಬರ್‌ಥಿ ಬೋಲಿ ವತಳಾನಿತರ ಹುವಾದೆ.

1 ಥೆಸ 2:2

ಹಮೆ ತುಮಾರಕನ ಥೆಸಲೋನಿಕಮ ಆವಾನ ಅಗಾಡಿಸ್, ಫಿಲಿಪ್ಪಿ ಖ್ಹಯೇರ್‌ಮ ಹಮೂನ ಕೆತ್ರೆ ಖ್ಹತಾಯು ಅಜು಼ ಖ್ಹರಮ್‌ ಕಾಡ್ಯು ಕರಿ ತುಮೂನ ಮಾಲುಮ್ ಛಾ಼. ಹಿಜ್ಜಾ಼ ಎತ್ರೆ ವಿರೋದ್ ಕರ‍್ಯುತೋಬಿ ತುಮೂನ ಸುವಾರ್ತೆನ ಬೋಲಾನಟೇಕೆ ಅಪ್ಣೊ ದೇವ್ನೆ ಹಮೂನ ಭಾಲಿದಿದೊ.

1 ತಿಮೊ 3:13

ಸಬೇಮ ಅಛ್ಛಿನಿತರ ಸೇವೆ ಕರಾವಾಳು ಸೇವಕರ್‌ನ ಘಣು ಮರ‍್ಯಾದಿ ಮಳಾಸ್, ಅನೇಥಿ ಇವ್ಣೆ ಕ್ರಿಸ್ತ ಯೇಸುಪರ್ ರಾಖಿಮ್ಹೆಲಾನು ವಿಶ್ವಾಸ್‌ನ ಘಣು ಭಾಲಿಥಿ ಬೋಲವಾಳು ಹುಯಿರ‍್ಹೇಸ್.

ಫಿಲೆಮೋನ 1:8

ಇನಖ್ಹಾಜೆ ತೂ ಕರ್ನುತೆ ಏಕ್‍ ಕಾಮ್ ಛಾ಼ ಇನ ತೂ ಬರಬರ್‌ಥಿ ಕರ್ನುಕರಿ ಹುಕುಮ್‌ ದ್ಯವಾನಖ್ಹಾಜೆ ಮನ ಕ್ರಿಸ್ತಮ ಪೂರ ಅಧಿಕಾರ್‌ ಛಾ಼.