2 ಕೊರಿಂಥ 2:4 - ದೇವ್ನಿ ಖ್ಹಾಚಿ ವಚನ್

⁴ ಮೇ ಅಗಾಡಿ ಏಕ್‍ವಖ್ಹತ್‍ ತುಮುನ ಲೀಖಾನಿ ವಖ್ಹ್‌ತೆ, ಮಾರೊ ದಿಲ್‌ ಘಣು ಕಲಾವ್ಣಿ ಹುಯಿರ‍್ಹುಥು, ಬಿಜು಼ ದುಖ್‍ಥಿಥು. ಮೇ ಆಂಝು಼ನಾಕ್‍ತೊ ಹುಯಿನ್ ತುಮುನ ಲೀಖ್ಯೋತೆ, ತುಮುನ ದುಖ್ ಕರಾವ್ಣು ಕರಿ ಕಾಹೆ, ತುಮುನ ಕೆತ್ರೆ ಪ್ಯಾರ್‌ಕರೂಸ್ ಕರಿ ತುಮೆ ಮಾಲುಮ್ ಕರೀಲೆವ್ಣು ಕರಿ ಎತ್ರೇಸ್.

2 ಕೊರಿಂಥ 2:4 ပူးပေါင်းရင်းမြစ်များ

2 ಕೊರಿಂಥ 11:2

ಶನಕತೊ ದೇವ್‌ಮ ಛಾ಼ತೆ ಬಳಾಪಥೀಸ್ ಮೇ ತುಮಾರಿ ಬಾರೇಮ ವೆಚ಼್‌ಣೆಕರೂಸ್. ತುಮುನ ಕ್ರಿಸ್ತ ಕರಿ ಬೋಲೈರ‍್ಹೋತೆ ಎಕ್ಕಸ್ ಪರ್ಖ್ಹಾನ ಶುದ್ಧಕವಾರಿ ಬಣೈನ್ ತುಮುನ ಇನ ಹಾತ್ಮ ದೇವ್ಣುಕರಿ ತೀರ್ಮಾನ್ ಕರಿರಾಖ್ಯೊಸ್ನಿ.

2 ಕೊರಿಂಥ 12:15

ಇನಖ್ಹಾಜೆ ಮಾರಾಕನ ರ‍್ಹೇಸ್ತೆ ಅಖ್ಖು ತುಮುನ ದ್ಯವಾನು ಖುಷಿಕರುಸ್. ಮನಾಸ್ ತುಮುನ ದಿನಾಖುಸ್. ಮೇ ತುಮುನ ಘಣು ಪ್ಯಾರ್ ಕರ‍್ಯೋತೊ, ತುಮೆ ಮನ ಕಮ್ ಪ್ಯಾರ್ ಕರ್ಶುಕಿಶು?

2 ಕೊರಿಂಥ 2:9

ಖ್ಹಾರೀಸ್‍ ವಾತ್ನಿ ಬಾರೇಮ ತುಮೆ ಮುಡ್‌ಕ್ಯು ಝು಼ಕಾವವಾಳ ಹುಯಿರ‍್ಹಾಸ್ಕಿ ಕೊಯ್ನಿ. ಕಾಯಿತೋಬಿ ತುಮುನ ತರೀಪ್ಷ ಕರಿನ್ ಮಾಲುಮ್ ಕರಿಲ್ಯಾವಾನ ಮೇ ತುಮುನ ಆ ಚಿಟ್ಟಿನ ಲಿಖ್ಯೋತೆ.

2 ಕೊರಿಂಥ 7:12

ಮೇ ಯೋ ಚಿಟ್ಟಿ ಲೀಖ್ಯೋತೆ ಗಲತ್‌ ಕರಿರಾಖವಾಳನಖ್ಹಾಜೆ ಕಾಹೆ, ಆ ಗಲತ್‌ಥಿ ದುಖ್‍ಮ ಪಡವಾಳನ ಖ್ಹಾಜೇಬಿ ಕಾಹೆ. ಕತೋಬಿ ಹಮಾರಿ ಬಾರೇಮ ತುಮುನ ಛಾ಼ತೆ ಮೋಟಿ ವೇಚ಼್‌ಣೆನ ತುಮೆ ದೇವ್ನ ಖ್ಹಾಮ್‌ಣೆದೇಖಾನಿತರ ಹೋಣುಕರಿ ಯೋ ಚಿಟ್ಟಿನ ಲೀಖ್ಯೋತೆ.

ಫಿಲಿಪ್ಪಿ 3:18

ಶನಕತೊ ಕೈಯೆಕ್ಕಿ ಜ಼ಣು ಕ್ರಿಸ್ತನಿ ಶಿಲ್‌ಬೇನ ವಿರೋದಿ ಹುಯಿನ್ ಚಾ಼ಲಸ್. ಇವ್ಣಿ ಬಾರೇಮ ತುಮುನ ಕೆತ್ರಿಕ್ಕಿಹಲ್ಲ ಬೋಲ್ಯೊ, ಹಮ್ಕೇಬಿ ರೊಯಿನ್ ಬೋಲುಕರುಸ್.