2 ಕೊರಿಂಥ 2:13 - ದೇವ್ನಿ ಖ್ಹಾಚಿ ವಚನ್

¹³ ಕತೋಬಿ ಮಾರೊ ಭೈ ಹುಯಿರೋತೆ ತೀತನ ಮೇ ಹಿಜ್ಜಾ಼ ದೇಖ್ಯೊಕೊಂತೆ ಮಾರ ದಿಲ್ನ ಸಮಾಧಾನ್ ಕೋಥೂನಿ. ಇನಖ್ಹಾಜೆ ಮೇ ಇವ್ಣುನ ಧನ್ಯವಾದ್‌ ಬೋಲಿನ್ ಹಿಜ಼್ಜಾಥೊ ಮೆಕೆದೋನಿಯನ ನಿಕ್‍ಳ್ಯೊ.

2 ಕೊರಿಂಥ 2:13 ပူးပေါင်းရင်းမြစ်များ

ಮಾರ್ಕ 6:46

ಅದ್ಮಿನ ಮೋಕ್ಲಿದ್ಯವಾನ ಬಾದ್‌ಮ, ಯೇಸು ಪ್ರಾರ್ಥನೆ ಕರಾನಖ್ಹಾಜೆ ಪಹಡ್‌ಪರ್ ಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:6

ಬಾದ್ಮ ಹಮೆ ಏಕ್‌ಥಿ ಏಕ್‌ ಖ್ಹರ್ತಿನಿ ಖ್ಹಲಾಮ್ ಕರೀನ್ ಜ಼ಹಾಜ಼್ ಚ಼ಢೀನ್ ಇವ್ಣೆ ಪಾಛು಼ಫರಿ ಇವ್ಣ ಘರೆಗಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:26

ಶನಕತೊ ಮೆಕೆದೋನ್ಯ ಅಜು಼ ಅಖಾಯ ತಬರ್‌ಖಾವಾಳು ವಿಶ್ವಾಸಿ ಯೆರೂಸಲೇಮ್ಮ ದೇವ್ನ ಅದ್ಮಿವೋನ ಮಳಿನ್ ರ‍್ಹವಾಳ ಗರೀಬ್ ವಿಶ್ವಾಸಿನ ಮದತ್ ಕರಾನಖ್ಹಾಜೆ ಖ್ಹಯಾಲ್ ಕರಿರಾಖ್ಯಸ್.

2 ಕೊರಿಂಥ 12:18

ತುಮಾರಕನ ಜಾ಼ವ್ಣುಕರಿ ಮೇ ತೀತನ ಗಿಂಗೈನ್ ಇನಿ ಜೋ಼ಡ್ಮ ಹಮಾರ ಭೈನ ಮೋಕ್‌ಲ್ಯೊತೆ ಎತ್ರೇಸ್: ಇನೆ ತುಮುನ ಶಾತ್‍ತೋಬಿ ಠಗಾಯೋಕಿ ಶು? ಕೊಯ್ನಿನಿ, ಹಮೇ ಬೇಜ಼ಣ ಎಕ್ಕಸ್ ಆತ್ಮಥಿ ಭರೈನ್ ಎಕ್ಕಸ್ ಪರಕ್ಮ ಚಾ಼ಲಿಲಿದಥಾನಿ.

2 ಕೊರಿಂಥ 7:13

ಇನಖ್ಹಾಜೇಸ್ ಹಮೂನ ಭಾಲಿಮಳೀತೆ, ತುಮೆಅಖ್ಖು ತೀತನ ಮನ್ನ ಜಾ಼ಖ್ಹತ್ ಶಂತೋಖ್ಹ್‌ ಕರ‍್ಯಾತೆದೇಖಿನ್ ಹಮೂನ ಬಿಜೂ಼ಬಿ ಖ್ಹುಶಿಹುಯು,

2 ಕೊರಿಂಥ 7:14

ತೀತನ ಖ್ಹಾಮ್ಣೆ ಮೇ ತುಮುನ ಖ್ಹರಾಯೊ. ಯೋ ಖ್ಹಾಚಕರಿ ತುಮೆ ವತಾಳ್ಯ. ಹಮೆ ತುಮುನ ಬೋಲ್ಯಾತೆ ಹರೇಕ್ ಖ್ಹಾಚ ಹುಯಿರ‍್ಹುಥು. ಹಮೆ ತೀತನ ಖ್ಹಾಮ್ಣೆ ತುಮಾರಿ ಬಾರೇಮ ಬೋಲ್ಯಾತೆ ಖ್ಹರಾವ್ಣಿನಿವಾತೆ ಖ್ಹಾರಿ ಖ್ಹಾಚ ಕರಿ ದೆಖಾಯು.

2 ಕೊರಿಂಥ 8:16

ತುಮಾರಪರ್ ಹಮೂನ ಛಾ಼ತೆ ಅಛ್ಛಿಸೋಚ್‌ನ ತೀತನ ದಿಲ್‌ಮಾಬಿ ದೀರಾಖ್ಯೋತೆ ಇನಖ್ಹಾಜೆ ದೇವ್ನ ಧನ್ಯವಾದ್ ಕರುಸ್.

2 ಕೊರಿಂಥ 8:23

ಮೇ ತೀತನಿಬಾರೇಮ ಬೋಲಾನು ಶಾತ್‍ಕತೊ, ಯೋ ಮಾರಿ ಜೋ಼ಡ್ಮಕಾಮ್‍ ಕರಾವಾಳೊ ಹುಯಿರ‍್ಹೊಸ್, ತುಮುನ ಮದತ್ ಕರಾನ ಯೋ ಮಾರಿ ಜೋ಼ಡ್ಮಕಾಮ್‍ ಕರುಕರಸ್. ಅಲಕ್ ಭೈಯೇವ್ನಿ ಬಾರೇಮ ಮೇ ಶಾತ್‍ಬೋಲುಸ್‍ಕತೊ, ಇವ್ಣೆ ಸಬೆಮಾಥು ಮೋಕ್ಲಾಯಹುಯ ಹುಯಿರ‍್ಹಾಸ್. ಬಿಜು಼ ಕ್ರಿಸ್ತನ ಮಹಿಮೆ ಕರಾವಾಳ ಹುಯಿರ‍್ಹಾಸ್.

2 ಕೊರಿಂಥ 8:6

ಇನಾಖ್ಹಾಜೆ, ವಿಶೇಷ್‍ನು ಆ ದಯಾನಕಾಮ್‍ನ ಪೂರ ಕರಾನ ತುಮುನ ಮದತ್ ಕರ‍್ನು ಕರಿ ಹಮೆ ತೀತನ ಬೋಲಿಲಿದ. ಆ ಕಾಮ್ನ ಶುರು ಕರ‍್ಯೊತೆ ತೀತನೇಸ್.

ಗಲಾತ್ಯ 2:1

ಚೌ಼ಧ ವರಖ್ಹ್‌ನ ವಾರ್ ಮೆ ಬಾರ್ನಬನಿ ಜೋ಼ಡ್ಮ ತೀತನಬಿ ಬುಲೈಲಿನ್, ಬಿಜೇಕ್ ಹಲ್ಲ ಯೆರೂಸಲೇಮ್ನ ಗಯೊ.

ಗಲಾತ್ಯ 2:3

ಮಾರ ಜೋ಼ಡ್ಮಥೋತೆ ತೀತ ಗ್ರೀಕ್‌ನೊ ಹುಯಿರೊತೋಬಿ ಇನ ಖ್ಹತ್ನಕರಾವ್ಣುಕರಿ ಕೋಣ್‌ಬಿ ಜು಼ಲಮ್‌ ಕೊಕರ‍್ಯುನಿ.

2 ತಿಮೊ 4:10

ದೇಮಾನೆ ಆ ಜಗತ್ನ ಪ್ಯಾರ್ ಕರ‍್ಯೊ. ಅಜು಼ ಮನ ಮ್ಹೆಂದಿನ್ ಥೆಸಲೋನಿಕನ ಚ಼ಲೆಗಯೊ. ಕ್ರೆಸ್ಕ ಗಲಾತ್ಯನ ಅಜು಼ ತೀತನೆ ದಲ್ಮಾತ್ಯನ ಚ಼ಲೇಗಯ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:4

ವಿಶ್ವಾಸ್‌ಮ ಮಾರ ಖ್ಹಾಚ ಛಿಯ್ಯಾನಿಮತ್ ಛಾ಼ತೆ ತೀತನ ಮೇ ಆ ಲೀಖುಕರುಸ್ತೆ. ಅಪ್ಣೊ ಬಾ ಹುಯಿರ‍್ಹೋತೆ ದೇವ್‍ಥಿ ಅಜು಼ ಅಪ್ಣೊ ರಕ್ಷಕ್ ಹುಯಿರ‍್ಹೋತೆ ಕ್ರಿಸ್ತ ಯೇಸುಥಿ ತುನ ವಾರ್‌ಖ್ಹೊ ಅಜು಼ ಶಾಂತಿ ಮಳಾದೆ.