2 ಕೊರಿಂಥ 2:10 - ದೇವ್ನಿ ಖ್ಹಾಚಿ ವಚನ್

¹⁰ ತುಮೆ ಕಿನ ಮಾಪ್ ಕರೋಸ್ಕಿ ಮೇಬಿ ಇವ್ಣುನ ಕ್ಷಮಾಪಣ್ ಕರುಸ್. ತುಮಾರ ಖ್ಹಾಜೆಸ್ ಇನ ಕ್ರಿಸ್ತನ ಖ್ಹಾಮ್ಣೆ ಕ್ಷಮಾಪಣ್ ಕರುಸ್.

2 ಕೊರಿಂಥ 2:10 ပူးပေါင်းရင်းမြစ်များ

ಮತ್ತಾಯ 18:18

ಮೇ ತುಮೂನ ಖ್ಹಾಚಮಾಬಿ ಬೋಲುಸ್: ತುಮೆ ಆ ಧರ್ತಿಪರ್ ಶಶ್ಶಾತ್ ಭಾಂದಾಸ್ಕಿ, ಯೋ ಖ್ಹಾರು ಸೊರ್ಗಾಮಾಬಿ ಭಂದೈರ‍್ಹೀಶೆ, ಅಜು಼ ತುಮೆ ದರ್ತಿಪರ್ ಶಶ್ಶಾತ್ ಛೋ಼ಡಾಸ್ಕಿ ಯೋ ಖ್ಹಾರು ಸೊರ್ಗಾಮಾಬಿ ಛೋ಼ಡಾವ್‌ಶೆ.

ಯೋಹಾನ 20:23

ತುಮೆ ಕಿನು ಪಾಪ್ನ ಮಾಪ್‌ ಕರೋಸ್ಕಿ, ಇವ್ಣು ಪಾಪ್ ಮಾಪ್‌ ಉಶೆ; ಅಜು಼ ತುಮೆ ಕಿನು ಪಾಪ್ನ ಮಾಪ್‌ ಕೋ ಕರೋನಿಕಿ, ಇವ್ಣು ಪಾಪ್ ಮಾಪ್‌ ಕೋ ಉಶೇನಿ” ಕರಿ ಬೋಲ್ಯೊ.

1 ಕೊರಿಂಥ 5:4

ತುಮೆ ಎಕ್ಟುಹುಯಿನ್ ಅವಾನಿತರ ಮೇಬಿ ತುಮಾರಿ ಜೋ಼ಡೆ ಮಾರ ಆತ್ಮೀಕ್ ರೂಪ್‌ಮ ಅಪ್ಣೊ ಪ್ರಭು ಯೇಸುನ ನಾಮ್‍ಥಿ ಹಮಾರ ಜೋ಼ಡೆ ರ‍್ಹವಾನಿಘೊಣಿನಿ ತಾಖತ್ತಿ ತುಮಾರಿ ಜೋ಼ಡ್ಮ ಎಕ್ಟು ಹುಯಿರ‍್ಹೊಸ್.

2 ಕೊರಿಂಥ 4:6

“ಉಜಾ಼ಳು ಅಂಧಾರನ ಮಹಿಥು ಉಜಾ಼ಖ್ಹ್‌ ಮ್ಹೇಲಾದೆ” ಕರಿ ದೇವ್ನೆ ಏಕ್‌ ವಖ್ಹತ್ ಬೋಲಿರಾಖ್ಯೊಸ್. ಯೋ ದೇವಸ್ ಹಮಾರಿ ದಿಲ್ನ ಇನ ಉಜಾ಼ಳೇಥಿ ಉಜಾ಼ಖ್ಹ್‌ ಕರಿರಾಖ್ಯೋಸ್. ಕ್ರಿಸ್ತನ ಮ್ಹೋಡಪರ್ ಛಾ಼ತೆ ದೇವ್ನಿ ಮಹಿಮೆನ ಹಮೂನ ಖ್ಹಮ್‍ಜಾ಼ಡಾಥಿ ಇನೆ ಹಮೂನ ಉಜಾ಼ಳು ದೀರಾಖ್ಯೊಸ್.

2 ಕೊರಿಂಥ 5:20

ದೇವಸ್ ಹಮಾರೇಥಿ ತುಮೂನಾಬಿ ಗಿಂಗೈಲ್ಯವಾನಿಮತ್ ಹಮೆ ಹಮ್ಕೆ ಕ್ರಿಸ್ತ ಭಣೀಥು ವಾತೆ ಬೋಲವಾಳ ಹುಯಿರ‍್ಹಾಸ್ ದೇವ್ನಿಜೋ಼ಡೆ ಹಮೆ ರ‍್ಹೇವ್ಣುಕರಿ ಕ್ರಿಸ್ತನ ಬದಲ್ ಹಮೆ ತುಮೂನ ಗಿಂಗೈಲಿಯೇಸ್.

2 ಕೊರಿಂಥ 6:6

ಹಮೆ ದೇವ್ನ ಸೇವೆ ಕರಾವಾಳಕರಿ ಹಮಾರಿ‍‍ ಶುದ್ಧಮನ್‌ಥೀಬಿ, ಗ್ಯಾನ್‍ಥಿಬಿ, ಖ್ಹಮಾಳಿನ್‌ಚಾ಼ಲಥೀಬಿ, ಗೋರ್‌ಥೀಬಿ, ಬಿಜು಼ ಪರಿಶುದ್ ಜೀವಿತ್‍ಥಿಬಿ ವತಾಳಿಲಿದ. ಹಮೆ ಅನ ಪವಿತ್ರಾತ್ಮಥಿಬಿ, ಖ್ಹಾಚಿ ಪ್ಯಾರ್‌ಥೀಬಿ,

ಎಫೆಸ 4:32

ಇನ ಬದಲ್ ಏಕ್‌ಥಿಏಕ್ ದಯಕರವಾಳಬಿ, ಗೋರ್‌ ಕರವಾಳಬಿ ಹುಯಿ‍ರ‍್ಹೆವೊ. ದೇವ್ನೆ ತುಮುನ ಕ್ರಿಸ್ತಮ ಮಾಪ್ ಕರ‍್ಯೊತೆ ಇಮ್ಮಸ್ ತುಮೇಬಿ ಏಕ್‌ಥಿಏಕ್ ಮಾಪ್ ಕರೊ.