2 ಕೊರಿಂಥ 13:11 - ದೇವ್ನಿ ಖ್ಹಾಚಿ ವಚನ್

¹¹ ಖ್ಹರ್ತಿನಿ ವಾತೆ ಶಾತ್‍ಕತೊ ಭೈಯೇ ಭೇನೆವೊ ಖ್ಹುಶಿಕರೊ, ತುಮುನ ಬರೋಬರ್ ಕರಿಲೆವೊ; ಭಾಲಿವಾಳ ಹುಯಿ‍ರ‍್ಹೆವೊ, ಎಕ್ಕಸ್ ದಿಲ್‌ವಾಳ ಹುಯಿರ‍್ಹೇವೊ, ಸಮಾಧಾನ್‌ಥಿ ರ‍್ಹವೊ; ಪ್ಯಾರ್‌ನಾಬಿ ಶಾಂತಿಬಿ ದ್ಯವಾಳೊ ದೇವ್ ತುಮಾರಿ ಜೋ಼ಡ್ಮ ರ‍್ಹಿಶೆ.

2 ಕೊರಿಂಥ 13:11 ပူးပေါင်းရင်းမြစ်များ

ಮತ್ತಾಯ 1:23

ಯೋ ವಾತೆ ಶಾತ್‌ಕತೊ, “ಹಂದೇಖೊ, ಏಕ್‌ ಕವಾರಿ ಬೇಜೂನಿ ಹುಯಿನ್, ಏಕ್‌ ಛಿಯ್ಯಾನ ಜ಼ಣ್‌ಶೆ. ಅಜು಼ ಇನ, ‘ಇಮ್ಮಾನುವೇಲ್’ ಕರಿ ನಾಮ್ ಮ್ಹೇಲ್‌ಶೆ!” ಇಮ್ಮಾನುವೇಲ್ ಕತೊ, “ದೇವ್ ಅಪ್ಣ ಜೋ಼ಡೆ ಛಾ಼” ಕರಿ.

ಮತ್ತಾಯ 5:48

ಇನಖ್ಹಾಜೇಸ್, ಪರಲೋಕ್‍ಮ ಛಾ಼ತೆ ತುಮಾರೊ ಬಾ ಖೆವಿಸ್ ಗಲ್ತಿಕೊಂತೆ ಛಾ಼ತೆ ಇಮ್‌, ತುಮೇಬಿ ಗಲ್ತಿಕೊಂತೆ ಇಮ್‌ ರ‍್ಹವೊ.

ಮಾರ್ಕ 10:49

ತದೆ ಯೇಸುನೆ ಭೀರಿನ್, “ಇನ ಬುಲಾವೊ” ಕರಿ ಬೋಲ್ಯೊ. ಅಮ್ ಬೋಲ್ತಾನ ಇವ್ಣೆ ಯೋ ಕಾಣಾನ ಬುಲೈನ್, “ಭಾಲಿಥಿರ‍್ಹೇ, ಉಟ್, ಯೇಸು ತುನ ಬುಲಾವ್‌ಕರಾಸ್‌” ಕರಿ ಬೋಲ್ಯು.

ಮಾರ್ಕ 9:50

ಮೀಟ್‌ ಏಕ್‌ ಅಛ್ಛು಼ ರಾಛು಼ಸ್; ಕತೋಬಿ ಮೀಟಸ್‌ ಫಿಕ್ಕು ಹುಯಿಗುತೊ, ಇನ ತುಮೆ ಕಿಮ್ ಮೀಟ್‌ಣು ಲಜ಼ತ್‌ ದ್ಯವಾನ ಉಶೆ? ತುಮಾರಮ ಮೀಟ್‍ನಿಘೋಣಿ ಏಕ್‌ಥಿ-ಏಕ್‌ ಮಾನಿರ‍್ಹವಾಳಹುಯಿನ್ ಸಮಾಧಾನ್‌ಥಿ ರ‍್ಹವೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:61

ಬಿಜ್ಜೇಕ್‌ ಜ಼ಣಾನೆ, “ಪ್ರಭು, ಮೇ ತಾರ ಪೀಠೆ ಆವುಸ್, ಕತೋಬಿ ಮಾರ ಘರ್‌ವಾಳಕನ ಪಹಿಲೆ, ‘ಜೈ಼ನ್ ಆವುಸ್’ ಕರಿ ಬೋಲಿನ್ ಆವುಸ್” ಕರಿ ಬೋಲ್ಯೊ.

ಯೋಹಾನ 17:23

ಮೇ ಇವ್ಣಾಮ ರ‍್ಹೀಶ್ ಅಜು಼ ತೂ ಮಾರಾಮ ರ‍್ಹೀಶ್ ಅನೇಥಿ ಇವ್ಣೆ ಅಮ್ಮಸ್ ಭರ್‌ಪೂರ್‌ಥಿ ಏಕ್‌ ಹುಯಿರ‍್ಹಿಶೆ, ತದೆ ತುನೇಸ್ ಮನ ಮೋಕ್ಯಲ್ಯೋತೆ ಕರಿ ಅಜು಼ ತುನೆ ಮನ ಪ್ಯಾರ್ ಕರ‍್ಯೊತೆ ಇಮ್ಮಸ್, ಅವ್ಣುನಾಬಿ ಪ್ಯಾರ್ ಕರಿರಾಖ್ಯೋಸ್ ಕರಿ ಆ ಜಗತ್ನ ತದೆ ಮಾಲುಮ್‌ ಪಡ್‌ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:29

ಯೋ ಅಖ್ಖು ಖಿವುಕತೊ; ಮೂರತ್ನ ಝಾ಼ಳ್ ಉತಾರಹುಯನಾಬಿ, ಲ್ಹೋಯಿನಾಬಿ, ನ್ಹೇಟಿ ಭೀಚಿನ್ ಮಾರ‍್ಯಹುಯ ಜಿನಾವರ್‌ನಬಿ ನಾಖಾವ್ಣು. ಅಜು಼ ವ್ಯಬಿಚಾರ‍್ನು ಪಾಪ್ನಕಾಮ್‌ಥಿ ತುಮುನ ಬಚಾ಼ಡಿಲೆವೊ. ಆ ಅಖ್ಖು ನಾಕರ‍್ನುತೆ ತಿಮ್‌ ಹೊಷಾರ್‌ಥಿ ರ‍್ಹಯಾತೊ ತುಮೆ ಅಛ್ಛು಼ ಕರ್ಶು. ತುಮುನ ಅಛ್ಛು಼ ಹುವಾದೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:21

ಅನಬದಲ್ ಇನೆ ಇವ್ಣುನ “ದೇವ್ನಿ ಮರ್ಜಿ ರ‍್ಹಿಯಿತೊ ಮೆ ತುಮಾರಕನ ಪಾಛೊ಼ ಐಶ್‌”. ಕರಿ ಬೋಲ್ತೊಹುಯಿನ್ ಎಫೆಸಥು ಜ಼ಹಾಜ಼್‍ನಿ ಚಾ಼ಲ್ ಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:30

ಕತೋಬಿ ಯೆಹೂದ್ಯರ್‌ಮ ಥೋಡುಜ಼ಣು ಪೌಲನ ಮಾರಿನಾಖನ ಮಶ್ಲತ್‌ ಕರುಕರಸ್‍ಕರಿ ಮನ ಮಾಲುಮ್ ಪಡ್ಯು. ಇನಖ್ಹಾಜೆ ಮೇ ಇನ ತುರಂತ್ ತರಾಕನ ಮೋಕ್ಲುಕರುಸ್. ಆಸ್ ಕಾಹೆತೆ, ಪೌಲನಪರ್ ಅಪರಾದ್ ನಾಖವಳಾನಾಬಿ ತಾರಸ್‍ಖ್ಹಾಮ್ಣೆ ಯೋ ಅಪರಾದ್ನಿ ವಾತೆ ಬೋಲಾನ ಹುಕುಮ್ ದೀರಾಖ್ಯೊಸ್”.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:16

ಏಕ್‌ಥಿಏಕ್ ಎಕ್ಕಸ್ ದಿಲ್‌ವಾಳ ಹುಯಿರ‍್ಹೇವೊ. ತುಮೆ ದಿಲ್ಮ ಹಂಕಾರಿ ನಾ ರ‍್ಹೇವ್ಣುತೆ, ಅಖ್ಖಾನಿ ಜೋ಼ಡ್ಮ ಮಳಿನ್ ರ‍್ಹವೊ. ತುಮೇಸ್ ಅಕ್ಲಿಕರಿ ನಕೊಲ್ಹಾವೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:18

ತುಮೂನ ಹುವಾಯೆತ್ರೆ ಖ್ಹಾರಾಸ್‍ನಿ ಜೋ಼ಡ್ಮ ಸಮಾಧಾನ್‌ಥಿ ರ‍್ಹವೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:19

ಇನಖ್ಹಾಜೆ ಖೆವು ಅಪ್ಣುನ ಸಮಾಧಾನ್ನಾಬಿ ಏಕ್‌ಥಿಏಕ್ ಭಾಲ್ ದೆವಾಮ ಭಡಾವಮಾಬಿ ಅಗಾಡಿ ಚ಼ಲಾವಸ್ಕಿ ಇನಾಸ್ ಕರಿಯೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:13

ಭರೋಖ್ಹಾನ ದ್ಯವಾಳೊ ದೇವ್ ಪವಿತ್ರಾತ್ಮನಿ ಶಕಥ್ಥಿ ಘಣು ಭರೋಖ್ಹಾಥಿ ನಂಬಾವಾಳನ ಖ್ಹುಶಿ ಅಜು಼ ಸಮಾಧಾನ್‌ಥಿ ಭರಾದೆ, ಅನಖ್ಹಾಜೇಥಿ ಶಕಥ್ಥಿ ಆಖ್ಹ್‌ಮ ಭಡ್ತಾ ಜಾ಼ವ್ಣುತೆ ತಿಮ್ ತುಮೂನ ವಿಶ್ವಾಸ್‍ಥಿ ಮಳಾತೆ ಹರೇಕ್ ಖುಷಿ ಸಮಾಧಾನ್ ದ್ಯವಾದೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:33

ಸಮಾಧಾನ್ನೊ ದೇವ್ ತುಮಾರ ಖ್ಹಾರಾನಿ ಜೋ಼ಡ್ಮ ರ‍್ಹವಾದೆ. ಆಮೆನ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:20

ಅಜು಼ ಸಮಾಧಾನ್ನೊ ದೇವ್ ವಗ್ಗಿಸ್ ಶೈತಾನ್ನ ತುಮಾರ ಗೋಡ ಹೇಟ್‍ನಾಖಿನ್ ಚ಼ಗ್‌ದಿನಾಕ್‍ಶೆ. ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸುನಿ ವಾರ್‌ಖ್ಹೊ ತುಮಾರ ಜೋ಼ಡ್ಮ ರ‍್ಹವಾದೆ.

1 ಕೊರಿಂಥ 1:10

ಬೇನೆ, ಭೈಯೇವೊ, ಅಪ್ಣೊ ಪ್ರಭು ಯೇಸುಕ್ರಿಸ್ತನ ನಾಮ್‍ಥಿ ಮೇ ತುಮೂನ ಬಿಂತಿ ಕರುಸ್ತೆ ಶಾತ್‍ಕತೊ, ಅಬ್ಬಾಜ಼ಬ್ಬಿ ನಾ ಬೋಲ್ನುತೆ, ಅಷಿಲ್ ಕಮ್‍ಶಿಲ್ ಕರಿ ಬೇಭಾಗ್‌ ನಾ ರ‍್ಹೇವ್ಣು. ಎಕ್ಕಸ್ ದಿಲ್‌ಥಿ ಎಕ್ಕಸ್ ಖ್ಹಯಾಲ್‌ಥೀಬಿ ಎಕ್ಟುರ‍್ಹೀನ್ ಜಿವ್ಣು ಕರೊ,

2 ಕೊರಿಂಥ 1:4

ಅಪ್ಣುನ ಖ್ಹತಾಪ್ಣಿ ಹುವಾನಿ ವಖ್ಹತ್‌ಮ ಯೋ ಅಪ್ಣುನ ಸಮಾಧಾನ್‍ ಕರಸ್; ಖ್ಹತಾಪ್ಣಿಮ ರ‍್ಹೇಯ್ತೆ ಬಿಜ಼ ಅದ್ಮಿನ ಸಮಾಧಾನ್ ಕರಾನ ಅನೇಥಿ ಅಪ್ಣೆ ಜಿನುಬಿ ಶಕತ್‌ವಾಳ ಹುಯೆಸ್. ದೇವ್ ಅಪ್ಣುನ ಸಮಾಧಾನ್‍ ಕರಾತೆ ತಿಮ್ಮಸ್ ಅಪ್ಣೆ ಜಿನುಬಿ ಇವ್ಣುನ ಸಮಾಧಾನ್ ಕರಾವಾಳ ಹುಯಿರ‍್ಹಿಯೇಸ್.

2 ಕೊರಿಂಥ 13:14

ಅಪ್ಣೊ ಪ್ರಭು ಹುಯಿರೋತೆ ಯೇಸುಕ್ರಿಸ್ತನಿ ಕೃಪೆಬಿ ದೇವ್ನಿ ಪ್ಯಾರ್‌ಬಿ, ಪವಿತ್ರಾತ್ಮನಿ ಲಾಡ್‌ಬಿ ತುಮಾರ ಖ್ಹಾರಾಸ್‍ನಿ ಜೋ಼ಡ್ಮ ರ‍್ಹವಾದೆ.

2 ಕೊರಿಂಥ 13:9

ಹಮೆ ಕಮ್‍ಜೋ಼ರಿ ರ‍್ಹಯಾತೋಬಿ ತುಮೆ ತಾಖತ್‌ವಾಳ ಹುಯಿರ‍್ಹಾತೊ ಹಮೆ ಖ್ಹುಶಿಕರ್‌ಶು. ಆ ನಾಹುಯಿನ್ ತುಮೆ ಪೂರಪರಕ್‍ಥಿ ಬರೋಬರ್ ರ‍್ಹೇವ್ಣುಕರಿ ಪ್ರಾರ್ಥನೆ ಕರಿಯೇಸ್.

ಎಫೆಸ 4:12

ಯೋ ಕ್ರಿಸ್ತನ ಶರೀರ್‌ಮ ಎಕ್ಟುಹುವಾನಖ್ಹಾಜೆ ಅಖ್ಖಾ ದೇವ್ನ ಅದ್ಮಿವ್‌ನ ಕ್ರಿಸ್ತನ ಸೇವೆನ ಕಾಮ್ನಖ್ಹಾಜೆ ತಯಾರ್ ಕರಾನ ಟೇಕೆ ಯೋ ಅಮ್ ಕರ‍್ಯೊ.

ಎಫೆಸ 4:3

ಸಮಾಧಾನ್ನಿ ಬಂಧನ್ಮ ಭಂದೈರ‍್ಹವಾಳ ಹುಯಿನ್ ಪವಿತ್ರಾತ್ಮಥಿ ಹುವಾಸ್ತೆ ಒಗ್ಗಟ್‌ನ ಬಚಾ಼ಡಾನಖ್ಹಾಜೆ ಮನ್‌ಲಗಾಡೊ.

ಎಫೆಸ 6:23

ಬಾ ದೇವ್‌ಥಿಬಿ ಪ್ರಭು ಯೇಸು ಕ್ರಿಸ್ತಥಿಬಿ ಶಾಂತಿಬಿ, ವಿಶ್ವಾಸ್‍ಥಿ ರ‍್ಹವಾನಿ ಪ್ಯಾರ್ ಅಖ್ಖಾಸ್ ವಿಶ್ವಾಸಿ ಭೈಯೇ ಭೇನೆನ ಮಾಲುಮ್ ಹುವಾದೆ.

ಫಿಲಿಪ್ಪಿ 1:27

ಕಿಮ್‌ಬಿ ಕ್ರಿಸ್ತನಿ ಸುವಾರ್ತೆನ ಲ್ಹಾಯೇಕ್‌ಹುಯಿನ್ ಚಾ಼ಲಿಲೆವೊ. ತದೆ ಮೆ ಐನ್ ತುಮುನ ದೇಖ್ಯೊತೋಬಿ ಚಾ಼ಲಸ್, ದೂರ್ ರ‍್ಹೀನ್ ತುಮಾರಿ ಖಬರ್‌ನ ಖ್ಹಮ್‌ಜೊ ಚಾ಼ಲಸ್, ತುಮೆ ತುಮಾರ ವಿರೋದಿನ ಖಿವಿ ವಿಚಾರ್‌ಮಾಬಿ ನಾಡರ‍್ನುತೆ ಏಕ್‌ ದಿಲ್‌ಥಿ ಘಟ್‍ಥಿ ಭೀರಿನ್ ಸುವಾರ್ತೆಮ ರಾಖ್ಯತೆ ವಿಶ್ವಾಸ್ನಖ್ಹಾಜೆ ಏಕ್‌ ಮನ್‌ಥಿ ಲಡವಾಳ ಹುಯಿರ‍್ಹಾಸ್‍ಕರಿ ಮೆ ಲ್ಹಾವ್ಸ್.

ಫಿಲಿಪ್ಪಿ 3:16

ರ‍್ಹೀನ್‌ಬಿ, ಅಪ್ಣೆ ಖಿವಿ ರೀತಿಮ ಚಾ಼ಲಿನ್ ಅತ್ರೆಲಗು ಐರ‍್ಹಾಸ್ಕಿ ಇಮ್ಮಸ್ ಚಾ಼ಲಿಯೇ.

ಫಿಲಿಪ್ಪಿ 4:2

ಪ್ರಭುಮ ಏಕ್‌ ದಿಲ್‌ವಾಳ ಹುಯಿರ‍್ಹೇವೊಕರಿ ಯುವೊದ್ಯನಾಬಿ ಸಂತುಕೆನ ಗಿಂಗೈಲೆವುಸ್.

ಫಿಲಿಪ್ಪಿ 4:4

ಕೆದೇಬಿ ಪ್ರಭುಮ ಖುಷಿಕರೊ, ಖುಷಿಲೀಲೆವೊಕರಿ ಪಾಛೊ಼ ಬೋಲುಸ್.

ಫಿಲಿಪ್ಪಿ 4:9

ತುಮೆ ಖಿವು ಮಾರೇಥಿ ಶಿಕಿ ಲೀರಾಖ್ಯಾಸ್ಕಿ, ಅಜು಼ ಖಿವು ಮಾರಾಮ ಖ್ಹಮ್‌ಜಿ ದೇಖಿರಾಖ್ಯಸ್ಕಿ ಇನಾಸ್ ಕರ್ತಆವೊ. ಅಮ್ ಕರ‍್ಯಾತೊ ಸಮಾಧಾನ್ನೊ ದೇವ್ ತುಮಾರ ಜೋ಼ಡೆರ‍್ಹಿಷೆ.

1 ಥೆಸ 3:10

ತಮುನ ಡೋಳೊಖ್ಹು ದೇಖಿನ್ ತುಮಾರಿ ವಿಶ್ವಾಸ್‌ನ ಜ಼ರೂರತ್‌ನ ಪೂರಕರ‍್ನುಕರಿ ಹಮೆ ರಾತ್-ದನ್ ಇನಾಮಸ್ ದೇವ್ನ ಪ್ರಾರ್ಥನೆ ಕರುಕರೆಸ್.

1 ಥೆಸ 4:1

ಖ್ಹರ್ತಿನಿ ವಾತ್ ಶಾತ್‌ಕತೊ, ಹಮಾರ ಭೈಯೇ ಭೇನೆವೊ ಯೇಸು ಪ್ರಭುನ ಅದಿಕಾರ್‌ಥಿ ತುಮೂನ ಶಾತ್ ಹುಕುಮ್ ದಿದಾಥ ಕರಿ ತುಮೂನ ಮಾಲುಮ್ ಛಾ಼. ತುಮೂನ ಬಿಜು಼ ಥೋಡಿ ವಾತೆ ಬೋಲಾನು ಛಾ಼.

1 ಥೆಸ 4:18

ಇನಖ್ಹಾಜೆ ಆ ಖ್ಹಾರಿ ವಾತೆಥಿ ಏಕ್‌ನ ಏಕ್‌ ಭಾಲಿ ದೆವೊ.

1 ಥೆಸ 5:13

ಇವ್ಣುನ ಪರ್ಖಿನ್ ಇವ್ಣ ಕಾಮ್ನಖ್ಹಾಜೆ ಘಣು ಮರ್ಯಾದಿ ಅಜು಼ ಪ್ಯಾರ್ ವತಾಳ್ಣು ಕರಿ ತುಮೂನ ಗಿಂಗೈಲಿಯೇಸ್. ತುಮಾರ ತುಮಾರಸ್‍ಮ ಸಮಾಧಾನ್‌ಥಿ ರ‍್ಹವೊ.

1 ಥೆಸ 5:16

ಹಮೇಶ ಖ್ಹುಶೀಥಿ ರ‍್ಹವೊ,

1 ಥೆಸ 5:23

ಶಾಂತಿ ದೆವಾಳೊ ದೇವಸ್ ತುಮೂನ ಪೂರಿ ತರಿಕಾಥಿ ಪವಿತ್ರ ಕರಾದೆ. ತುಮಾರು ಆತ್ಮ, ಜಾನ್‌ ಅಜು಼ ಶರೀರ್ ಖ್ಹಾರು ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತ ದೆಖಾವಾನಿ ವಖ್ಹತ್‌ಲಗು ಪೂರ ದೋಷ್‌ಕೊಂತೆ ರಾಖಿಮ್ಹೇಲೊ.

2 ಥೆಸ 2:16

ಅಪ್ಣುನ ಪ್ಯಾರ್ ಕರೀನ್, ಕೆದೇಬಿ ರ‍್ಹವಾನು ಹುಮ್ಮಖ್ಹ್‌ನಬಿ, ಅಛ಼್ಛು ಭರೋಖ್ಹಾನಬಿ ಇನಿ ವಾರ್‌ಖ್ಹೇಥಿ ದಿದೋತೆ ಅಪ್ಣೊ ಬಾ ಹುಯಿರ‍್ಹೋತೆ ದೇವ್‌ಬಿ ಅಪ್ಣೊ ಪ್ರಭು ಯೇಸು ಕ್ರಿಸ್ತ ಯೋಸ್ ತುಮಾರ ದಿಲ್‌ಮನ್ನ ಧಿಲ್‌ಪತ್‌ ದ್ಯವಾದೆ.

2 ಥೆಸ 3:1

ಹಮಾರ ಭೈಯೆ ಭೇನೆವೊ, ಹಮಾರಖ್ಹಾಜೆ ಪ್ರಾರ್ಥನೆ ಕರೊ, ಪ್ರಭುನಿ ವಚನ್ ತುಮಾರಾಮ ಫೈಲೀತೆ ಇಮ್ಮಸ್, ಬಿಜಿಖ್ಹಾರಿ ಬಾಜು಼ಮಾಬಿ ವಗ್ಗಿಸ್ ಫೈಲೈನ್ ಮಹಿಮೆ ಹುವಾದೆ.

2 ಥೆಸ 3:16

ಶಾಂತಿವಾಳೊ ಪ್ರಭು ಖ್ಹುದ್ ತುಮೂನ ಖ್ಹಾರಿಸ್ ವಖ್ಹತ್‌ಮ ಅಜು಼ ಖ್ಹಾರಿಸ್ ತರ‍್ಹಾಮ ಶಾಂತಿ ದ್ಯವಾದೆ. ಪ್ರಭು ತುಮಾರ ಖ್ಹಾರಸ್ನ ಜೋ಼ಡೆ ರ‍್ಹವಾದೆ.

2 ತಿಮೊ 2:22

ಜ಼ವಾನೀನಿ ಖರಾಬ್ ಲಾಲಚ್‌ಥಿ ದೂರ್ ರ‍್ಹೇ. ನೀತಿಥಿ, ವಿಶ್ವಾಸ್‍ಥಿ, ಪ್ಯಾರ್ ಅಜು಼ ಸಮಾಧಾನ್‌ಥಿ ಜಿವಾನಖ್ಹಾಜೆ, ಪಾಕ್‌ ಮನ್‌ಥಿ ಪ್ರಭುನ ಪುಕಾರವಾಳಾನ ಜೋ಼ಡೆ ರ‍್ಹಾವನ ಕೋಶಿಶ್ ಕರ್‌.

ಇಬ್ರಿ 12:14

ಅಖ್ಖಾನಿ ಜೋ಼ಡ್ಮ ಸಮಾಧಾನ್‌ಥೀಬಿ ಜಿವ್ಣುಕರಾನ ಅಜು಼ ಸಮಾಧಾನ್‌ಥಿ ರ‍್ಹವಾನ ಕೋಶಿಶ್ ಕರೊ. ಪರಿಶುದ್ಧಕೊಂತೆ ಕೋಣ್‌ಬಿ ಪ್ರಭುನ ದೇಖಾನ ಕೊಹೊಯ್ನಿ.

ಇಬ್ರಿ 13:20

ಸಮಾಧಾನ್ನೊ ದೇವ್, ಅಪ್ಣೊ ಪ್ರಭು ಯೇಸುನ ಹಮೇಶಾನ ಒಪ್ಪಂದಾನ ಲ್ಹೋಯಿಥಿ ಮರ‍್ಯಹುಯಮಾಥು ಉಠಾಡ್ಯೊ, ಯೊ ಮೇಂಢಾನ ಮಂಧಾನ ಚ಼ಲಾವವಾಳೊ ಮಹಾ ಪಾಳಂಧಾರ್‌ ಹುಯಿರ‍್ಹೊಸ್.

ಯಾಕೋಬ 1:4

ಯೋ ಖ್ಹಮಾಳಾನು ತುಮಾರಮ ಭರ್‌ಪೂರ್‌ ಹುವಾದೆ. ತದೆತುಮೆ ಮೈಲಾ ಕಾಹೆತೇಬಿ, ಖ್ಹಾರಿ ಅಛ್ಛಿಗುಣ್‍ಮ ಪೂರಾಬಿ, ಅಜು಼ ಶನಾಮಬಿ ಕಮ್ ನಾರ‍್ಹವಾಳು ಹುಯಿರ‍್ಹಿಶು.

1 ಪೇತ್ರ 3:11

ಇವ್ಣೆ ಯೊ ಖರಾಬ್‌ನ ಮ್ಹೇಲಿನ್ ಅಛ್ಛಾ಼ನ ಕರಾದೆ ಸಮಾಧಾನ್ನ ಢೂಂಡಿನ್ ಇನಾಖ್ಹಾಜೆ ಕೋಶಿಶ್ ಕರಾದೆ.

1 ಪೇತ್ರ 3:8

ಇನಖ್ಹಾಜೆ ತುಮೆಖ್ಹಾರು ಏಕ್‌ ದಿಲ್‌ವಾಳ ಹುಯಿರ‍್ಹಿನ್ ಆರ್‌ಗೋರ್‌ ಕರಾವಾಳ ಹುಯಿನ್ ಜಿವೊ; ಏಕ್‌ಥಿ ಏಕ್‌ ಮಾಲುಮ್ ಕರಿಲ್ಯಾವಾನ ಕೊಶೀಷ್ ಕರೊ. ಏಕ್‌ಥಿ ಏಕ್‌ ಭೈಯೆ ಭೇನೆನಿತರ ಪ್ಯಾರ್‌ಕರೊ. ಅಜು಼ ಗೋರ್‌ ಕರವಾಳು ಶೇದೇವ್‍ಬಿ ಹುಯಿರ‍್ಹೇವೊ.

1 ಪೇತ್ರ 5:10

ಕ್ರಿಸ್ತ ಯೇಸುಮ ತುಮುನ ಹಮೇಶಾನಿ ಮಹಿಮೆನ ಬುಲಾಯೋತೆ ಭರ್‌ಪೂರ್‌ ವಾರ್‌ಖ್ಹಾನೊ ದೇವಸ್, ತುಮೆ ಥೋಡುವಖ್ಹತ್ ಖ್ಹತಾನ ಬಾದ್ಮ ತುಮುನ ಅಛ್ಛಿರ‍್ಹಾಮ ಲೀಅಯಿನ್ ತಳ್‌ಗಠೈನ್‌ ತಾಖತ್‍ದಿಷೆ.

ಪ್ರಕಾಶಿತ್ 22:21

ಪ್ರಭು ಹುಯಿರ‍್ಹೋತೆ ಯೇಸುನಿ ವಾರ್‌ಖ್ಹೊ ಅಖ್ಖಾಸ್ನಿ ಜೋ಼ಡ್ಮ ರ‍್ಹವಾದೆ. ಆಮೆನ್!